(יהושע)Yahshua Txib Kaum Ob Tug Thwjtim Tawm Mus Qhuab Qhia

(Mattithyah 10:5-15; Yahchanan Mark 6:7-13)

1 (יהושע)Yahshua hu kaum ob tug thwj-tim los mas pub hwjchim peevxwm rau lawv kov yeej txhua tus dab thiab kho mob zoo, 2 thiab txib lawv tawm mus tshaj tawm txog Abba (יחוח)Yahweh lub tebchaws thiab kho mob kom zoo.  

3 Thiab nws hais rau lawv hais tias, tsis txhob coj abtsi mus siv taug kev, tsis hais tus pas nrig, hnab thoob puab, mov noj, nyiaj siv lossis ob lub tsho. 4 Yog nej mus poob rau yim twg kuj nyob hauv lub tsev ntawd mus txog thaum tawm qhov ntawd mus. 5 Yog lub chaw twg tsis txais nej, mas thaum nej tawm hauv lub moos ntawd mus cia li nchos tej hmoov av ntawm nej kotaw pov tseg ua timkhawv tawm tsam lawv. 6 Lawv txawm tawm mus thoob plaws tej zej zog tshaj tawm txoj Hmoo zoo thiab kho mob zoo rau txhua qhov.

​

Helauj Ntxhov Siab

(Mattithyah 14:1-12; Yahchanan Mark 6:14-29)

7 Thaum Tus Tswv xeev Helauj hnov tej xwm txheej no huvsi nws ntxhov siab heev, vim qee leej hais tias, Yahchanan ciaj sawv hauv qhov tuag rov los lawm, 8 thiab qee leej hais tias yog Eliyah tshwm los, thiab qee leej hais tias yog ib tug xibhwb cev Abba (יחוח)Yahweh lus yav thaum ub sawv rov los. 9 Helauj hais tias, kuv twb muab Yahchanan lub taubhau txiav lawm, mas tus uas kuv tau hnov tej xwm txheej no yog leejtwg nev? Ces Helauj txawm xav ntsib (יהושע)Yahshua.

 

Pub Mov Rau Tsib Txhiab Leej Noj

(Mattithyah 14:13-21; Yahchanan Mark 6:30-44; Yahchanan. 6:1-14)

10 Thaum cov tubtxib rov los lawv piav tej uas lawv tau ua rau (יהושע)Yahshua mloog. Nws txawm coj lawv mus rau ib cag ntawm lub moos Npexaidas.

11 Thaum tej tibneeg paub lawm lawv raws (יהושע)Yahshua qab mus. (יהושע)Yahshua zoo siab txais lawv thiab hais txog Abba (יחוח)Yahweh lub tebchaws rau lawv mloog thiab cov uas cheem tsum kho mob nws kuj kho kom zoo huvsi. 12 Thaum hnub yuav poob qho, kaum ob tug thwjtim los hais rau (יהושע)Yahshua hais tias, cia li tso cov tibneeg mus kom lawv thiaj tau mus so thiab nrhiav mov noj hauv tej zej zog thiab tom tej teb ib ncig no, vim qhov uas peb nyob no ntuj nrag teb do xwb.  13 (יהושע)Yahshua hais rau lawv hais tias, nej cia li pub rau lawv noj. Lawv hais tias, Peb tsis muaj abtsi tsuas muaj tsib lub ncuav thiab ob tug ntses xwb, ntshai ho mus yuav mov los yug cov tibneeg no sawvdaws xwb.

14 Rau qhov cov txivneej kwvlam muaj tsib txhiab leej. (יהושע)Yahshua txawm hais rau cov thwjtim hais tias, kom cov tibneeg zaum ua tej pab tej pawg ib pawg kwvlam tsib caug leej. 15 Lawv kuj ua raws li ntawd thiab hais kom cov tibneeg sawvdaws zaum. 16 Thaum (יהושע)Yahshua txais tsib lub ncuav thiab ob tug ntses ntawd lawm, nws tsa muag saib rau saum ntuj thov Abba (יחוח)Yahweh foom koob hmoov mas muab ntais cev rau cov thwjtim kom lawv faib rau cov tibneeg.

17 Lawv txhua tus noj tsau huvsi. Cov thwj-tim khaws tej uas noj tsis tag tau kaum ob tawb.

​

Kepha Hais Tias (יהושע)Yahshua Yog Tus Messiah

(Mattithyah 16:13-20 Yahchanan Mark 8:27-30)

18 Thaum (יהושע)Yahshua tabtom thov Abba (יחוח)Yahweh ib leeg, cov thwjtim kuj nrog nws nyob. (יהושע)Yahshua txawm nug lawv hais tias, luag tej hais tias kuv yog leej-twg? 19 Lawv teb hais tias, yog Yahchanan uas coj ua kevcai raus dej, tiamsis qee leej hais tias yog Eliyas, dua li lwm tus hais tias yog ib tug xibhwb cev Abba (יחוח)Yahweh lus thaum ub sawv rov los. 20 Nws hais rau lawv hais tias, nej nev, nej hais hais tias kuv yog leejtwg? Kepha teb hais tias, koj yog Abba  (יחוח)Yahweh tus Messiah.

​

(יהושע)Yahshua Hais Txog Nws Kev Tuag

(Mattithyah 16:21-28; Yahchanan Mark 8:30-9:1)

21 (יהושע)Yahshua txawm nkaw lus rau lawv txwv tsis txhob qhia zaj no rau leejtwg paub, 22 thiab hais tias, Neeg Leej Tub yuav tsum raug kev tsim txom ntau yam thiab cov kev txwj laug, thiab cov pov thawj hlob, thiab cov xibhwb qhia Abba (יחוח)Yahweh kevcai, yuav tsis lees yuav nws, thiab nws yuav raug muab tua thiab peb hnub nws yuav raug muab tsa ciaj sawv rov los.

23 Thiab (יהושע)Yahshua hais rau lawv txhua tus hais tias, yog leejtwg xav raws kuv qab mus, cia tus ntawd tswj nws tus kheej thiab niaj hnub kwv nws tus ntoo ntsia tes raws kuv qab. 24 Vim hais tias tus uas xav cawm tau nws txojsia yuav piam txojsia, tiamsis tus uas tso nws txojsia tseg vim yog saib rau kuv, mas yuav cawm tau nws txojsia. 25 Yog leejtwg tau tag nrho lub ntiajteb huvsi tiamsis muab nws tus kheej rhuav tshem puam tsuaj tag lawm, tus ntawd yuav muaj qabhau abtsi?

26 Leejtwg txaj muag rau kuv thiab kuv tej lus ces thaum Neeg Leej Tub nrog nws lub hwjchim ci ntsa iab thiab nrog Leej Txiv thiab cov tubtxib saum ntuj uas dawb huv lub hwjchim ua ke los, nws yuav txaj muag rau tus ntawd. 27 Kuv hais tseeb rau nej hais tias, cov uas sawv ntawm no muaj qee leej yuav tsis tau sim txojkev tuag ces yuav xub pom Abba (יחוח)Yahweh lub tebchaws.

​

(יהושע)Yahshua Lub Cev Hloov Kiag

(Mattithyah 17:1-8; Yahchanan Mark 9:2-8)

28 (יהושע)Yahshua hais tej lus ntawd dhau kwvlam yim hnub, nws txawm coj Kepha thiab Yahchanan thiab Yakaunpau nrog nws nce mus thov Abba (יחוח)Yahweh saum lub roob. 29 Thaum (יהושע)Yahshua tabtom thov, nws lub ntsej muag txawm hloov kiag, thiab nws cev tsoos tsho kuj dawb ci nplas.

30 Txawm muaj ob tug yawg nrog (יהושע)Yahshua sib tham, yog Mauxes thiab Eliyas 31 nrog hwjchim ci ntsa iab tshwm los thiab hais txog qhov uas (יהושע)Yahshua yuav ncaim mus uas twb yuav tiav rau hauv Yeluxalees.

32 Kepha thiab cov uas nrog nws nyob ua ke tabtom ncaws dab ntub tsaug zog, mas thaum lawv tsim dheev lawv pom (יהושע)Yahshua lub hwjchim ci ntsa iab thiab pom ob tug yawg uas nrog nws sawv ua ke. 33 Thaum ob tug yawg ntawd tabtom ncaim (יהושע)Yahshua mus, Kepha hais rau (יהושע)Yahshua hais tias, Xibhwb, peb nyob ntawm no kuj zoo. Cia peb ua peb lub tsev pheeb suab, ua ib lub rau koj, ib lub rau Mauxes thiab ib lub rau Eliyas. (Kepha hais li ntawd, rau qhov nws tsis pom qab hais li cas).  34 Thaum Kepha tseem tabtom hais li ntawd, txawm muaj ib tauv huab los roos nkaus lawv, Kepha lawv ntshai kawg li.

35 Thiab muaj ib lub suab hais lus hauv tauv huab tuaj hais tias, tus no yog kuv tus Tub uas kuv xaiv cia lawm. Nej cia li mloog nws hais.

36 Thaum lub suab ntawd tu nrho lawd, tsuas yog pom (יהושע)Yahshua tib leeg nyob ntawd xwb. Lawv npog zaj no cia twjywm rau ncua sijhawm ntawd tsis piav rau leejtwg hnov txog tej uas lawv pom ntawd li.

​

(יהושע)Yahshua Kho Tus Tub Raug Dab

(Mattithyah 17:14-18; Yahchanan Mark 9:14-27)

37 Hnub tom qab thaum (יהושע)Yahshua lawv nqes pem roob los muaj tibneeg coob coob tuaj ntsib (יהושע)Yahshua.

38 Muaj ib tug yawg hauv cov tibneeg ntawd qw hais tias, Xibhwb, thov pab kuv tus tub, rau qhov kuv muaj tib tug tub no xwb. 39 Nws raug dab lawm. Thaum dab ntswj nws, nws txawm qw nrov nrov tamsim ntawd thiab huam ib tshaj ua rau nws npuas ncauj tawm plaws. Dab pheej tsim txom nws thiab dab tsis kam tawm hauv kuv tus tub lub cev mus hlo li. 40 Kuv thov koj cov thwjtim ntiab dab tawm tiamsis lawv ntiab tsis tau. 41 (יהושע)Yahshua teb hais tias, cov tibneeg tibneeg uas tsis muaj kev ntseeg tsuas muaj kev phem kev qias xwb, kuv yuav nrog nej nyob thiab ua siab ntev thev nej mus ntev li cas? (יהושע)Yahshua hais rau tus yawg ntawd hais tias, cia li coj koj tus metub los ntawm no. 42 Thaum tus metub ntawd tabtom los, dab txawm ua rau nws ntog kiag rau hauv av, nws huam ib tshaj heev heev nti mus nti los. (יהושע)Yahshua ntiab niag dab qias ntawd tawm hauv tus metub ntawd lub cev mus lawm. (יהושע)Yahshua kho tus tub ntawd zoo thiab muab nws rov rau nws txiv. 43 Txhua tus kuj phimhwj qhov uas Abba (יחוח)Yahweh lub hwjchim loj kawg nkaus.

​

(יהושע)Yahshua Rov Hais Txog Nws Kev Tuag

(Mattithyah 17:22-23; Yahchanan Mark 9:30-32)

Thaum lawv tseem phimhwj rau txhua yam uas (יהושע)Yahshua ua, (יהושע)Yahshua txawm hais rau nws cov thwjtim hais tias, 44 Cia li ua tib zoo mloog tej lus no. Neeg Leej Tub yuav raug muab cob rau hauv tibneeg txhais tes. 45 Tiamsis lawv tsis nkag siab tej lus no, thiab lub ntsiab raug muab zais ntawm lawv lawm lawv thiaj tsis nkag siab. Lawv kuj tsis kav nug (יהושע)Yahshua txog zaj no.

Leejtwg Yuav Tau Ua Tus Loj Dua

(Mattithyah 18:1-5; Yahchanan Mark 9:33-37)

46 Cov thwjtim muaj lus sib cav hais tias lawv cov leejtwg yog tus loj dua ntais. 47 Thaum (יהושע)Yahshua paub tej uas lawv lub siab xav nws txawm muab ib tug menyuam yaus los sawv rau ntawm nws ib sab, 48 mas hais rau lawv hais tias, Leejtwg lees yuav tus menyuam yaus no vim yog saib rau kuv lub npe, kuj yog tus ntawd lees yuav kuv. Thiab tus uas lees yuav kuv kuj yog lees yuav tus uas txib kuv los thiab. Tus uas me kawg nkaus hauv nej cov sawvdaws yog tus loj.

​

Tus Uas Tuaj (יהושע)Yahshua Tog

(Yahchanan Mark 9:38-40)

49 Yahchanan hais tias, Xibhwb, peb pom ib tug tuav koj lub npe ntiab dab tawm, mas peb txwv nws rau qhov nws tsis koom nrog peb. 50 (יהושע)Yahshua hais rau nws hais tias, tsis txhob txwv nws, rau qhov tus uas tsis tawm tsam nej yeej yog tuaj nej tog lawm.

​

Cov Xamalis Tsis Lees Txais (יהושע)Yahshua

51 Thaum ze lub sijhawm uas (יהושע)Yah-shua yuav raug coj mus saum ntuj, nws txiav txim siab ncaj nraim mus rau Yeluxalees 52 (יהושע)Yahshua txawm txib ib cov tib-neeg ua nws ntej mus. Lawv mus rau hauv cov Xamalis ib lub zos mus npaj tos (יהושע)Yahshua. 53 Tiamsis cov tibneeg ntawd tsis lees txais (יהושע)Yahshua vim yog nws txhob txwm ncaj nraim mus rau Yeluxalees.

54 Thaum Yaaqob thiab Yahchanan uas yog (יהושע)Yahshua cov thwjtim pom li ntawd nkawv txawm hais rau (יהושע)Yahshua hais tias, Tus Tswv, koj xav kom wb thov hluavtaws saum ntuj los hlawv cov tibneeg ntawd los tsis xav?

55 Tiamsis (יהושע)Yahshua tig los txwv nkawv, 56 ces (יהושע)Yahshua lawv thiaj mus dua rau lwm lub zos lawm.

​

Tus Uas Xav Ua (יהושע)Yahshua Thwjtim

(Mattithyah 8:19-22)

57 Thaum lawv tabtom taug kev mus muaj ib tug hais rau (יהושע)Yahshua hais tias, koj mus qhovtwg kuv yuav nrog koj mus qhov ntawd. 58 (יהושע)Yahshua hais rau nws hais tias, tej hma tseem muaj qhov nkaum thiab tej nas noog saum nruab ntug tseem muaj zes, tiamsis Neeg Leej Tub tsis muaj lub chaw rau ncoo. 59 Thiab (יהושע)Yahshua hais dua rau ib tug hais tias, koj cia li nrog kuv mus. Tiamsis tus ntawd hais tias, Tus Tswv, thov cia kuv mus faus kuv txiv tso.

60 (יהושע)Yahshua hais rau nws hais tias, cia cov tibneeg tuag lawv faus lawv tus tuag. Koj cia li mus tshaj tawm txog Abba -(יחוח)Yahweh lub tebchaws.  61 Muaj dua ib tug hais tias, Tus Tswv, kuv yuav nrog koj mus. Tiamsis cia kuv mus hais lus ncaim kuv tsev neeg tso. 62 (יהושע)Yahshua hais rau nws hais tias, tsis muaj leejtwg tuav tus khais lawm, tseem tig saib tom qab es yuav tsim nyog rau Abba (יחוח)Yahweh lub tebchaws.