Xya Caum Ob Leeg Mus Tshaj Tawm

(Mattithyah 9:37-38,10:9-15; Yahchanan Mark 6:7-12)

1 Dhau ntawd (יהושע)Yahshua tsa xya caum ob leeg thiab txib lawv tawm mus ua ib khub ib khub ua (יהושע)Yahshua ntej mus rau txhua lub moos thiab txhua lub chaw uas (יהושע)Yahshua tseem yuav mus. 2 (יהושע)Yahshua hais rau lawv hais tias, cov qoob uas zoo hlais muaj ntau heev, tiamsis cov tub zog muaj tsawg. Vim li no nej yuav tsum thov Tus Tswv teb kom txib tub zog mus hlais nws tej qoob. 3 Nej cia li mus. Saib maj, kuv txib nej tawm mus zoo yam li tus menyuam yaj uas nyob hauv nruab nrab pab hma. 4 Tsis txhob coj hnab nyiaj lossis hnab thoob puab lossis khau rau, tsis txhob nrog leejtwg hais lus ntawm tej tog kev.

5 Yog nej nkag rau hauv lub tsev twg, cia li hais ua ntej hais tias, thov kom lub tsev no nyob kaj siab lug. 6 Yog muaj tus uas txais kev kaj siab lug nyob qhov ntawd, mas nej txojkev kaj siab yuav nyob ntawm nws. Tiamsis yog tsis muaj mas nej txojkev kaj siab yuav thim rov los rau nej. 7 Cia li nyob hauv lub tsev ntawd mus li thiab noj haus tej uas lawv npaj cia, rau qhov tus tub zog tsim nyog tau nws li nqe zog. Tsis txhob tawm ntawm lub tsev no mus nyob rau lwm lub.

8 Thaum nej mus rau hauv lub moos twg thiab muaj tibneeg txais nej lawm cia li noj txhua yam uas lawv npaj rau nej.

9 Thiab kho tej tibneeg muaj mob hauv lub moos ntawd kom zoo thiab hais rau lawv hais tias, Abba (יחוח)Yahweh lub tebchaws los ze nej lawm. 10 Tiamsis thaum nej mus rau hauv lub moos twg es tsis muaj leejtwg txais tos nej, nej cia li tawm mus rau hauv tej kev hauv lub moos ntawd thiab hais tias, 11 Txawm yog tej hmoov av hauv nej lub moos uas lo peb kotaw los peb muab so rov rau nej. Tiamsis nej cia li paub hais tias Abba (יחוח)Yahweh lub tebchaws twb los ze lawm. 12 Kuv hais rau nej hais tias, txog hnub ntawd lub moos Xaudoos yuav raug txim sib dua lub moos ntawd.

​

Tej Moos Uas Tsis Ntxeev Dua Siab

(Mattithyah 11:20-24)

13 Lub moos Khaulaxis es, koj raug txom nyem lauj! Lub moos Npexaidas es, koj raug txom nyem lauj! Yog tej txujci phimhwj uas ua rau hauv neb lawd tau ua rau hauv lub nroog Thailab thiab lub nroog Xaidoos, ces lawv twb muab khaub seev tsaj los hnav thiab zaum hauv qhov tshauv ntxeev dua siab tshiab ntev los lawm. 14 Tiamsis hnub uas teem txim mas Thailab thiab Xaidoos yuav raug sib dua neb. 15 Lub moos Khapenaus es, yuav muab koj tsa siab mus nto ntuj lov? Koj yuav raug muab txo qes mus rau hauv tub tuag teb. 16 Tus uas mloog nej hais, kuj yog mloog kuv hais, tus uas tsis lees nej kuj yog tsis lees kuv, tus uas tsis lees kuv kuj tsis lees tus uas txib kuv los.

​

Xya Caum Ob Leeg Rov Los

17 Xya caum ob tug thwjtim rov los zoo siab xyiv fab hais tias, Tus Tswv, txawm yog dab los thaum peb tuav koj lub npe dab kuj nyob hauv peb qab kev tswjhwm lawm.

18 (יהושע)Yahshua hais rau lawv hais tias, kuv pom Xatas poob saum ntuj los ib yam li xob laim. 19 Saib maj, kuv pub hwjchim rau nej tsuj tau nab thiab raub ris teb thiab muaj hwjchim loj dua tus yeeb ncuab li hwjchim huvsi, tsis muaj ib yam abtsi yuav ua phem rau nej. 20 Tiamsis tsis txhob zoo siab rau qhov uas tej dab nyob hauv nej qab kev tswjhwm. Cia li zoo siab rau qhov uas nej lub npe sau cia rau hauv Lub Nroog Yeluxalees lawm.

​

(יהושע)Yahshua Zoo Siab

(Mattithyah 11:25-27,13:16-17)

21 Tib lub sijhawm ntawd Tus Ntsuj Plig dawb huv ua rau (יהושע)Yahshua zoo siab mas nws hais tias, Au Leej Txiv uas yog Tus Tswv ntuj Tswv teb, kuv qhuas koj uas koj muab tej no npog cia tsis qhia rau cov tibneeg muaj tswvyim thiab txawj ntse, tiamsis muab qhia rau tej menyuam yaus paub. Au Leej Txiv, koj yeej pom zoo ua li ntawd. 22 Kuv Leej Txiv twb muab txhua yam cob rau kuv. Tsis muaj leejtwg paub hais tias leej Tub yog leejtwg, tsuas yog Leej Txiv xwb thiab tsis muaj leejtwg paub hais tias Leej Txiv yog leejtwg tsuas yog leej Tub thiab tus uas leej Tub xav qhia rau thiaj paub xwb.

23 (יהושע)Yahshua txawm tig rau ntawm cov thwjtim hais twjywm rau lawv hais tias, Lub qhov muag uas pom tej uas nej pom kuj tau koob hmoov. 24 Kuv hais rau nej hais tias, cov xibhwb cev Abba (יחוח)Yahweh lus thiab tej vajntxwv ntau leej xav pom tej uas nej pom los lawv tsis pom, thiab xav hnov tej uas nej tau hnov los lawv tsis hnov.

​

Tus Xamalis Siab Zoo

25 Muaj ib tug xibhwb uas paub kevcai txawm sawv tsees sim (יהושע)Yahshua nug hais tias, Xibhwb, kuv yuav tsum ua yam twg kuv thiaj tau txojsia ib txhis tsis kawg? 

 26 (יהושע)Yahshua hais rau nws hais tias, txoj kevcai sau cia li cas? Koj nyeem hais li cas? 27 Nws teb hais tias, koj yuav tsum hlub Tus Tswv uas yog Abba (יחוח)Yahweh kawg siab kawg ntsws, kawg koj lub dag lub zog thiab kawg koj tswvyim plab plaws thiab hlub kwvtij zej zog ib yam li koj hlub koj tus kheej.

28 (יהושע)Yahshua hais rau nws hais tias, koj teb raug lawm, cia li mus ua li ntawd koj thiaj tau txojsia. 29 Tiamsis tus ntawd tsis xav poob ntsej muag nws txawm hais rau (יהושע)Yahshua hais tias, Leejtwg yog kuv li kwvtij zej zog nev? 30 (יהושע)Yahshua teb hais tias, muaj ib tug yawg taug kev ntawm Yeluxalees mus rau nram lub moos Yelikhaus, ces txawm raug tub sab lws txeeb nws ris tsho muab nws ntaus li khiav mus tseg nws cia twb yuav tuag. 31 Ces txawm muaj ib tug pov thawj taug kev tuaj. Thaum nws pom tus uas raug tub sab ntaus, nws txawm lug ib sab ntug kev mus lawm. 32 Muaj ib tug Levis ua ib yam nkaus. Thaum nws tuaj txog ntawd thiab pom nws kuj lug ib sab ntug kev mus lawm thiab.

33 Tiamsis thaum ib tug Xamalis taug kev tuaj txog ntawm tus ntawd, pom dheev mas khuvleej, 34 txawm mus ti nkaus thiab muab roj thiab cawv txiv hmab hliv pleev tej qhov txhab muab ntaub qhwv rau, thiab muab tus ntawd caij nws tus nees luav coj mus txog ib lub tsev so thiab tu tus mob ntawd. 35 Hnub tom qab nws muab ob denalias pub rau Tus Tswv tsev thiab hais tias, thov pab tu tus mob no. Tej nyiaj uas koj siv tshaj cov no lawm mas thaum kuv rov tuaj kuv yuav ntxiv rov rau koj. 36 Koj xav hais tias peb tug no, tus twg yog tus uas raug tub sab ntaus ntawd tus kwvtij? 37 Tus xibhwb ntawd hais tias, yog tus uas khuvleej tus ntawd. (יהושע)Yahshua thiaj hais rau nws hais tias, koj cia li mus ua ib yam nkaus li ntawd.

​

(יהושע)Yahshua Mus Xyuas Mathas Thiab Miriam

38 Thaum (יהושע)Yahshua lawv taug kev mus txawm mus rau hauv ib lub zos. Muaj ib tug pojniam hu ua Mathas hu (יהושע)Yahshua mus so hauv nws lub tsev. 39 Mathas muaj ib tug niam hluas hu ua Miriam. Miriam kuj zaum ntawm (יהושע)Yahshua kotaw mloog (יהושע)Yahshua tej lus qhia.

40 Mathas ntxhov siab rau nws tej haujlwm uas muaj ntau, nws txawm los hais rau (יהושע)Yahshua hais tias, Tus Tswv, koj tsis quav ntsej qhov uas kuv tus niam hluas cia kuv tib leeg ua haujlwm xwb lov?

Koj cia li hais kom nws los pab kuv thiab.

41 (יהושע)Yahshua teb nws hais tias, Mathas, Mathas es, koj txhawj thiab ntxhov siab rau ntau yam heev. 42 Tsuas muaj tib yam uas zoo xwb. Miriam twb xaiv yam uas zoo ntawd lawm. Tsis muaj leejtwg yuav txeeb tau ntawm Miriam mus.