Kev Thov Abba (יחוח)Yahweh

(Mattithyah 6:9-13,7:7-11)

1 Muaj ib hnub (יהושע)Yahshua tabtom thov Abba (יחוח)Yahweh hauv ib qho chaw. Thaum nws thov tag lawm, nws cov thwjtim ib tug hais rau nws hais tias, Tus Tswv, thov koj qhia peb kom peb paub thov Abba (יחוח)Yahweh ib yam li Yahchanan qhia nws cov thwjtim. 2 (יהושע)Yahshua txawm hais rau lawv hais tias, thaum nej thov yuav tsum hais tias, Leej Txiv, thov sawv-daws hwm koj lub npe kom dawb huv. Thov cia koj lub tebchaws los. 3 Thov pub tej zaub mov uas peb niaj hnub noj rau peb txhua hnub. 4 Thov koj daws peb lub txim rau qhov peb zam txhua tus uas ua txhaum rau peb. Thov tsis txhob coj peb mus raug kev sim siab. 5 (יהושע)Yahshua kuj hais rau lawv hais tias, nej cov leejtwg muaj ib tug kwvluag mas thaum ib tag hmo nej mus hais rau nws hais tias, kwvluag, thov txais peb lub ncuav, 6 vim kuv ib tug phoojywg nyuam qhuav tuaj txog mas kuv tsis muaj abtsi rau nws noj, 7 mas tus uas nyob hauv tsev teb hais tias, tsis txhob txob kuv, twb kaw qhov rooj lawm thiab kuv cov menyuam nrog kuv pw tag lawm. Kuv sawv tsis tau mus muab rau koj. 8 Kuv hais rau nej hais tias, txawm yog nws tsis sawv mus muab rau tus ntawd vim yog kwvluag, los vim tus ntawd pheej txob nws heev nws yeej yuav sawv mus muab raws li tus ntawd cheem tsum. 9 Kuv hais rau nej hais tias, cia li thov mas yuav muab rau nej, cia li nrhiav nej thiaj ntsib, cia li khob mas yuav qheb rau nej. 10 Rau qhov txhua tus uas thov kuj yuav tau, tus uas nrhiav kuj ntsib, thiab tus uas khob kuj qheb rau nws.

11 Nej cov uas yog txiv muaj leejtwg, es nws tus tub thov ntses noj nws yuav muab ib tug nab rau nws? 12 Lossis yog nws thov ib lub qe es yuav muab ib tug raub ris teb rau nws lov? 13 Yog li no nej cov uas yog tibneeg phem los nej twb paub muab tej yam uas zoo rau nej tej menyuam, nej Leej Txiv uas nyob saum ntuj yimhuab yuav muab Tus Ntsuj Plig uas dawb huv rau cov uas thov nws.

​

(יהושע)Yahshua Thiab Dab Npe-eexenpus

(Mattithyah 12:22-30; Yahchanan Mark 3:20-27)

14 Thaum (יהושע)Yahshua ntiab tus dab uas ua rau ib tug txivneej ruam hais tsis tau lus tawm hauv nws lub cev mus. Thaum tus dab tawm mus lawm, ces tus txivneej ntawd txawm hais tau lus lawm. Cov tibneeg coob coob uas nyob ntawd kuj phimhwj. 15 Tiamsis muaj qee leej hais tias, (יהושע)Yahshua siv tus thawj dab Npeeexenpus li hwjchim ntiab dab tawm.

16 Dua lwm tus kuj sim (יהושע)Yahshua thov kom nws ua txujci tseem ceeb tshwm saum ntuj los. 17 (יהושע)Yahshua paub tej uas lawv xav, nws thiaj hais rau lawv hais tias, lub tebchaws uas tawg faib ua ob peb pab lawm, thiab cov ntawd sib ntau sib tua ces lub tebchaws ntawd yeej yuav puam tsuaj mus li. Thiab tsev neeg uas tsis sib haum, ces tsev neeg ntawd yeej yuav tawg tas mus li. 18 Yog cov tibneeg uas Xatas kav, lawv sib ntaus sib tua, ces lawv yuav puam tsuaj sai. Rau qhov nej hais tias, kuv siv Npeeexenpus li hwjchim ntiab dab tawm. 19 Yog kuv siv dab Npeeexenpus ntiab dab tawm, es nej cov tibneeg nev, lawv siv leejtwg ntiab dab tawm? Yog li ntawd ces lawv yuav ua cov uas txiav txim rau nej.

20 Yog kuv siv Abba (יחוח)Yahweh tus ntiv tes ntiab dab tawm, mas Abba (יחוח)Yahweh lub tebchaws twb los txog nej lawm. 21 Thaum tus uas muaj zog tuav rawv cuab yeej zov nws lub tsev nws tej qhov txhia chaw kuj nyob tso siab plhuav. 22 Tiamsis yog thaum ib tug uas  muaj zog heev dua nws, tuaj ntaus yeej nws lawm, tus ntawd yuav txeeb kiag nws tej cuab yeej uas nws tso siab ntawd mus thiab muab tej uas txeeb tau ntawd faib. 23 Tus uas tsis tuaj kuv tog yeej tawm tsam kuv, thiab tus uas tsis nrog kuv qaws los ua ke, nws yeej muab ua kom tawg ua sab ua sua.

​

Dab Rov Los Nyob Lub Qub Tsev

(Mattithyah 12:43-45)

24 Thaum dab qias tawm hauv leejtwg lawm, dab mus rau hauv tej chaw qhuav nkig nkuav nrhiav chaw so. Thaum nrhiav tsis tau nws hais tias, kuv yuav rov qab mus rau kuv lub tsev uas kuv tawm tuaj. 25 Thaum nws los txog nws pom lub tsev muab cheb thiab tu du lug cia. 26 Nws txawm mus coj dua xya tus dab uas phem heev dua nws nkag mus nyob rau hauv. Mas tus tibneeg ntawd lub neej thaum kawg phem heev dua thaum chiv thawj.

​

Tus Uas Nyob Kaj Siab Lug

27 Thaum (יהושע)Yahshua tabtom hais tej lus ntawd muaj ib tug pojniam uas nyob hauv cov tibneeg ntawd hais tuaj rau (יהושע)Yahshua hais tias, tus pojniam uas yug koj thiab pub mis rau koj noj mas muaj hmoo kawg nkaus li. 28 Tiamsis (יהושע)Yahshua teb nws hais tias, tsis yog li koj hais ko. Cov tibneeg uas hnov Abba (יחוח)Yahweh tej lus thiab coj raws nraim,thiaj yog cov uas tau koob hmoov.

​

Tibneeg Xav Pom Txujci Tseem Ceeb

(Mattithyah 12:38-42)

29 Thaum cov tibneeg coob coov sib txiv qev tuaj sawv ncig (יהושע)Yahshua. (יהושע)Yahshua qhia rau lawv hais tias, tiam tibneeg no siab phem heev li. Lawv xav pom ib yam txujci tseem ceeb, tiamsis lawv yuav tsis pom dua txujci tseem ceeb ntxivi lawm. Lawv tsuas yog pom zaum txujci uas muaj rau Yahnah xwb. 30 Rau qhov Yahnah ua txujci tseem ceeb rau cov tibneeg Ninaves li cas, Neeg Leej Tub yuav ua txujci tseem ceeb rau tiam tibneeg no ib yam li ntawd. 31 Thaum txiav txim rau tiam tibneeg no tus poj vajntxwv uas kav tebchaws sab nrad yuav sawv tsees thiab yuav taw lawv qhov txhaum rau lawv, rau qhov nws tau tuaj nram qab ntuj kawg tuaj mloog Solomon tej tswvyim, tiamsis muaj ib tug loj dua Solomon nyob ntawm no. 32 Thaum txiav txim rau tiam tibneeg no cov tibneeg Ninaves yuav sawv tsees thiab yuav taw lawv qhov txhaum rau lawv, rau qhov thaum cov tibneeg Nivaves hnov Yahnah qhia lawv ntxeev dua siab tshiab lawm, tiamsis muaj ib tug loj dua Yahnah nyob ntawm no.

 

Qhov Uas Pom Kev Rau Lub Cev

(Mattithyah 5:15,6:22-23)

33 Tsis muaj leejtwg taws teeb es muab txawb rau lub chaw nraim nkoos lossis muab thoob khwb cia, yeej yuav muab txawb rau saum lub chaw txawb teeb xwv cov uas nkag los thiaj pom kev. 34 Lub qhov muag yog lub teeb rau lub cev. Yog hais tias koj lub qhov muag nyob zoo, tag nrho koj lub cev kuj kaj lug. Yog koj lub qhov muag tsis zoo, tag nrho koj lub cev yuav tsaus ntuj nti. 35 Ceev faj tib zoo tsis txhob cia qhov kaj uas nyob hauv koj rov tsaus ntuj nti. 36 Yog koj lub cev kaj huvsi tsis muaj ib qho tsaus li, mas nws yuav kaj lug huvsi ib yam li duab teeb ci kaj lug rau koj.

​

(יהושע)Yahshua Cem Cov Xibhwb Thiab Cov Falixais

(Mattithyah 23:1-36; Yahchanan Mark 12:38-40)

37 Thaum (יהושע)Yahshua hais tag lawm, muaj ib tug Falixais hu (יהושע)Yahshua mus nrog nws noj mov. (יהושע)Yahshua txawm mus zaum ntawm rooj mov.

38 Thaum tus Falixais ntawd pom hais tias (יהושע)Yahshua tsis ntxuav tes ua ntej mam li noj mov, nws xav tsis thoob li.

39 (יהושע)Yahshua txawm hais rau nws hais tias, nej cov Falixais ib txwm ntxuav khob, ntxuav tais sab nraud xwb, tiamsis hauv nej lub siab muaj kev phem kev qias puv nkaus. 40 Ua li cas nej yuav ruam ua luaj li. Nej tsis paub los? Tus uas tsim sab nraud kuj yog tus uas tsim sab hauv thiab los tsis yog?  41 Nej cia li muab tej uas nyob hauv tej khob tej tais pub rau cov tibneeg pluag, txhua yam uas nej muaj lawm thiaj li yuav huv raws li kevcai.

42 Nej cov Falixais yuav raug txom nyem lauj! Nej muab pum hub, luam laws thiab txhua yam txuj lom, ib feem kaum pub rau Abba (יחוח)Yahweh, tiamsis nej tsis ua tib-neeg ncajncees lossis mloog Abba -(יחוח)Yahweh lus. Nej yuav tsum ua ob yam no thiab tsis txhob tso tej uas nej twb ua lawm tseg. 43 Nej cov Falixais yuav raug txom nyem lauj! Nej nyiam zaum tej rooj siab hauv tej tsev sablaj, thiab nyiam kom luag hwm nej tom tej tshav puam. 44 Nej yuav raug txom nyem lauj! Nej zoo li lub ntxa uas tsis muaj cim rau sab saud, tibneeg tsuj mus tsuj los lawv tsis paub hais tias faus tibneeg tuag rau hauv. 45 Muaj ib tug xibhwb qhia Abba (יחוח)Yahweh txoj kevcai txawm hais rau (יהושע)Yahshua hais tias, Xibhwb, qhov uas koj hais li ntawd kuj yog koj thuam peb thiab.

46 (יהושע)Yahshua teb hais tias, nej cov xibhwb uas paub kevcai yuav raug txom nyem lauj! Nej muab lub nra hnyav nog rau lwm tus ris tiamsis nej twb tsis xuas nej tus ntiv tes kov kiag li. 47 Nej yuav raug txom nyem lauj! Nej txhim tej ntxa uas faus cov xibhwb cev Abba (יחוח)Yahweh lus kom zoo nkauj. Cov xibhwb ntawd twb yog cov uas nej tej poj koob yawm txwv muab tua povtseg ntag.

48 Nej ua li ntawd kuj yog ua timkhawv qhia hais tias nej nyiam tej uas nej pojkoob yawm txwv ua los lawm. Nej pojkoob yawm txwv yog cov uas tua cov xibhwb cev Abba (יחוח)Yahweh lus. Nej yog cov uas txhim tej ntxa uas faus cov xibhwb ntawd. 49 Vim li no Abba (יחוח)Yahweh lub tswvyim thiaj li hais tias, kuv yuav txib cov xibhwb cev lus thiab cov tubtxib mus qhia lawv, mas qee leej yuav raug lawv muab tua thiab qee leej yuav raug tsim txom. 50 Vim li no, yuav tsob cov xibhwb cev Abba (יחוח)Yahweh lus tej ntshav uas los txij thaum tsim ntiajteb los rau tiam tibneeg no. 51 Suav txij thaum Anpees cov ntshav mus txog Zecharyah cov ntshav uas raug tua tuag ntawm lub thaj thiab lub tuam tsev kem nruab nrab. Kuv hais tseeb rau nej hais tias, yuav tsob tej ntshav ntawm tiam tibneeg no. 52 Nej cov xibhwb qhia Abba (יחוח)Yahweh txoj kevcai yuav raug txom nyem lauj! Nej muab tus yawm sij qheb txojkev paub coj mus lawm. Nej kuj tsis nkag mus rau hauv, thiab nej tav cov uas tabtom nkag mus. 53 Thaum (יהושע)Yahshua tawm qhov ntawd mus, cov xibhwb qhia Abba (יחוח)Yahweh kevcai thiab cov Falixais thuam (יהושע)Yahshua heev kawg thiab nug (יהושע)Yahshua txog ntau yam, 54 xwv lawv thiaj zoo nrhiav teeb meem thiab kev kub ntxhov rau (יהושע)Yahshua.