Tej Lus Uas Sau Rau The-aufilaus

​

1 The-aufilaus es, twb muaj ntau leej sau tej xwm txheej uas muaj tshwm los tiav tag rau hauv peb cov lawm. 2 Lawv sau raws li cov tibneeg uas twb pom tej xwm txheej ntawd txij thaum chiv keeb los lawm thiab qhia txoj hmoo zoo tau muab cob rau peb lawm. 3 Kuv twb ua tib zoo tshawb nrhiav txhua yam no txij thaum chiv keeb los lawm, kuv thiaj pom zoo muab sau ua ib qeb zuj zus qhia rau koj.

4 Kom koj thiaj paub qhov tseeb txog zaj no uas twb txeev muaj tibneeg qhia rau koj paub lawd.

​

Qhia Txog Yuav Yug Yahchanan

5 Thaum Helauj ua vajntxwv kav Yahdah tebchaws, muaj ib tug pov thawj hu ua Zecharyah uas nyob hauv Apiyas pab. Nws tus pojniam yog Aaron caj ces npe hu ua Elizabeth. 6 Abba (יחוח)Yahweh pom hais tias ob tug yog tibneeg ncaj ncees thiab ua lub neej raws nraim Tus Tswv tej lus nkaw thiab tej kab ke huvsi, tsis muaj chaw thuam li. 7 Tiamsis ob tug tsis muaj menyuam rau qhov Elizabeth lub cev yeej ib txwm xeeb tsis taus tub, thiab ob tug laus heev lawm. 8 Muaj ib hnub Zecharyah uas yog ib tug povthawj, tabtom yuav mus ua haujlwm hauv lub tuam tsev raws li cov povthawj pheej sib hloov ua.

9 Lawv rho ntawv raws li cov povthawj txoj kevcai uas lawv ib txwm ua los mas rho tau nws lub npe, ces nws mus hlawv hmoov tshuaj tsw qab rau hauv lub tuam tsev. 10 Lub sijhawm Zecharyah tabtom hlawv hmoov tshuaj tsw qab ntawd, ib tsoom pejxeem nyob sab nraud thov (יחוח)Yahweh. 11 Thaum ntawd Zecharyah pom Abba (יחוח)Yahweh ib tug tubtxib saum ntuj txawm los tshwm rau Zecharyah pom sawv ntsug ntawm lub thaj hlawv hmoov xyab sab xis.

12 Thaum Zecharyah pom dheev, nws poob siab thiab ntshai heev. 13 Tus tubtxib saum ntuj ntawd hais rau nws hais tias, Zecharyah es, tsis txhob ntshai, vim Abba (יחוח)Yahweh twb mloog koj tej lus thov lawm. Koj tus pojniam Elizabeth yuav xeeb ib tug tub, mas koj yuav tsum tis tus tub ntawd lub npe hu ua Yahchanan.

14 Koj yuav muaj kev zoo siab xyiv fab heev, thiab yuav muaj tibneeg coob heev xyiv fab rau qhov uas yug tus tub ntawd los. 15 Rau qhov Abba (יחוח)Yahweh pom hais tias tus tub ntawd tseem ceeb, thiab nws yuav tsis haus cawv txiv hmab thiab cawv ntxwg kiag li. Nws yuav muaj Tus Ntsuj Plig Dawbhuv puv npo txij thaum nruab thiab los. 16 Nws yuav coj Ixayees caj ces coob leej tig rov los cuag lawv Tus Tswv uas yog Abba (יחוח)Yahweh.

17 Nws yuav muaj Eliyas tus uas yog xibhwb cev Abba (יחוח)Yahweh lus, Tus Ntsuj Plig thiab lub hwjchim. Nws yuav ua Abba (יחוח)Yahweh ntej los, nws yuav coj Leej Txiv lub siab tig rov mus xib rau tej menyuam thiab yuav ua kom cov uas tawv ncauj tig los mloog cov uas ncaj ncees lub tswvyim, kom thiaj ua tau ib haiv neeg uas npaj txhij rau Abba

(יחוח)Yahweh.

18 Zecharyah txawm hais rau tus tubtxib saum ntuj hais tias, kuv yuav paub tej no li cas? Rau qhov kuv laus lawm thiab kuv tus pojniam kuj hnub nyoog nchav lawm. 19 Tus tubtxib saum ntuj teb nws hais tias, kuv yog Kaliees uas sawv ntawm Abba (יחוח)Yahweh lub xubntiag. Abba (יחוח)Yahweh txib kuv los hais rau koj thiab qhia txoj hmoo zoo no rau koj. 20 Saib maj, vim koj tsis ntseeg kuv tej lus uas yeej yuav muaj raws li lub sijhawm. Koj yuav ruam hais tsis tau lus mus txog hnub uas tej xwm txheej no muaj tshwm los. 21 Thaum ntawd cov tibneeg uas nyob sab nraud, sawvdaws tseem tos Zecharyah. Lawv kuj xav tsis thoob hais tias ua cas nws nyob ntev ua luaj rau hauv lub tuam tsev. 22 Thaum nws tawm los, nws hais tsis tau lus rau lawv lawm. Nws ua ruam piav rau lawv thiab hais tsis tau lus mus li. Lawv thiaj xav hais tias, ntshe Abba (יחוח)Yahweh ua rau nws pom ib zaj yog toog hauv lub tuam tsev. 23 Thaum tag lub sijhawm uas nws ua haujlwm lawm, nws txawm rov mus tsev. 24 Dhau ntawd, nws tus pojniam Elizabeth txawm xeeb tub tiag. Elizabeth thiaj nyob twjywm hauv tsev, nraim cev tau tsib lub hlis tsis mus qhov twg li.

25 Elizabeth hais tias, nimno Abba (יחוח)Yahweh pab kuv li no, nws ua rau kuv tsis txaj muag thiab rho tau qhov uas tibneeg saib tsis taus kuv mus lawm.

​

Qhia Txog Yuav Yug (יהושע)Yahshua

26 Thaum Elizabeth xeeb tub tau rau lub hlis lawm, Abba (יחוח)Yahweh txib tus tubtxib Kaliees los rau hauv Kalilais tebchaws, ib lub moos uas hu ua Naxales. 27 Tus tub txiv ntawd mus cuag ib tug ntxhais dawb huv uas Yahseph uas yog Daviv caj ces twb qhaib tseg lawm. Tus ntxhais dawb huv ntawd npe hu ua Miriam. 28 Tus tubtxib ntawd los hais rau Miriam hais tias, tus uas tau txais kev hlub es, koj yuav tau zoo nyob kaj siab lug. Tus Tswv nrog nraim koj nyob, thiab nws twb foom koob hmoov ntau heev rau koj lawm.

29 Miriam kuj ntxhov siab vim tej lus ntawd, thiab tshawb saib tej lus ntawd yog li cas.

30 Tus tubtxib ntawd hais rau nws hais tias, Miriam,tsis txhob ntshai, koj yog tus uas Abba (יחוח)Yahweh hlub. 31 Saib maj, koj yuav xeeb tub thiab yuav yug tau ib tug me tub, mas koj yuav tis nws lub npe hu ua (יהושע)Yahshua. 32 Nws yuav ua tus loj thiab yuav hu hais tias Abba (יחוח)Yahweh uas loj dua ntais tus tub. Tus Tswv uas yog Abba (יחוח)Yahweh yuav pub nws yawg koob Daviv lub zwm txwv rau nws, 33 mas nws yuav ua vajntxwv kav Yaaqob caj ces mus ib txhis li, thiab nws lub tebchaws yuav tsis txawj kawg. 34 Miriam hais rau tus tubtxib ntawd hais tias, yuav ua li cas muaj tau li ntawd, rau qhov kuv tsis tau nrog txivneej pw kiag li. 35 Tus tubtxib ntawd hais rau nws hais tias, tus Ntsuj Plig uas dawb huv yuav los rau saum koj, thiab Abba (יחוח)Yahweh uas loj dua ntais lub hwjchim yuav roos koj. Vim li no tus tub uas yuav yug los ntawd thiaj yuav hu hais tias dawb huv thiab hu hais tias Abba (יחוח)Yahweh tus tub. 36 Saib maj, koj tus phauj Elizabeth uas tej tibneeg hais tias, nws yeej ib txwm xeeb tsis taus tub, txawm yog nws twb laus heev lawm los, nimno nws twb xeeb tub tau rau lub hlis lawm. 37 Rau qhov tsis muaj ib yam abtsi uas Abba (יחוח)Yahweh yuav ua tsis tau li. 38 Miriam thiaj hais tias, kuv yog Abba (יחוח)Yahweh tus ntxhais qhev. Thov kom muaj raws li koj hais. Ces tus tubtxib Kaliees txawm tawm mus lawm.

​

Miriam Mus Tsham Elizabeth

39 Lub sijhawm ntawd, Miriam sawv kev tsees maj nroos yuav mus rau ib lub moos, nyob nram Yahdah feem tebchaws ua roob ua hav. 40 Thaum mus txog, Miriam nkag mus rau hauv Zecharyah lub tsev thiab mus fim Elizabeth.

41 Thaum Elizabeth hnov dheev Miriam lub suab hais lus rau nws, nws tus menyuam hauv plab txawm nti cuag abtsi. Thaum ntawd Abba (יחוח)Yahweh Tus Ntsuj Plig Dawbhuv los kav tag nrho Elizabeth. 42 Elizabeth hais nrov nrov rau Miriam hais tias, koj yog tus uas tau koob hmoov ntau tshaj plaws txhua tus pojniam huv tibsi li. Koj tus menyuam hauv plab los kuj tau koob hmoov thiab. 43 Vim li cas kuv Tus Tswv niam tseem yuav tuaj saib kuv thiab no? 44 Thaum kuv hnov dheev koj lub suab hu kuv xwb ces kuv tus menyuam hauv plab txawm nti xyiv fab hlo. 45 Koj yuav zoo siab heev rau qhov koj twb ntseeg hais tias yeej yuav muaj raws li tej lus uas Abba (יחוח)Yahweh twb hais rau koj lawm.

​

Miriam Zaj Nkauj Qhuas

46 Miriam txawm hais tias, kuv ua Abba  (יחוח)Yahweh tsaug. 47 Kuv tus ntsuj plig xyiv fab rau Abba (יחוח)Yahweh uas yog kuv tus Cawmseej. 48 Rau qhov nws saib rau nws tus nkauj qhe uas nyob rau lub chaw qes. Saib maj, txij no mus txhua tiam tibneeg yuav hu kuv hais tias, tus uas tau koob hmoov. 49 Vim yog Abba (יחוח)Yahweh, tus uas muaj hwj-chim loj kawg nkaus, ua tes haujlwm loj kawg rau kuv, nws lub npe dawb huv. 50 Nws txoj-kev khuvleej muaj rau cov uas hwm thiab paub ntshai nws, ib tiam dhau ib tiam. 51 Nws txhais npab ua nws lub hwjchim tshwm los, nws ua rau cov uas lub siab khav theeb tawg ua sab ua sua mus. 52 Nws txo cov thawj nqes ntawm lawv lub zwm txwv, thiab tsa cov uas poob qes tau nyob lub chaw siab. 53 Nws pub yam uas zoo rau cov uas tshaib tau noj tsau npo, thiab nws tso cov nplua nuj mus tes dawb tes do. 54 Nws pab nws tus tub qhe Ixayees, thiab nco txog nws txojkev khuvleej, 55 raws li nws tau hais rau peb tej pojkoob yawm txwv uas yog Abraham thiab Abraham caj ces mus ib txhis. 56 Miriam nrog Elizabeth nyob kwvlam tau peb lub hlis li rov mus tsev.

​

Yug Yahchanan Uas Coj Ua Kevcai Raus Dej

57 Thaum txog caij uas Elizabeth los so, nws yug tau ib tug tub. 58 Thaum nws tej txheeb ze thiab kwvtij zej zog hnov hais tias Abba (יחוח)Yahweh ua txojkev khuvleej tshwm los rau nws ntau kawg, lawv nrog nws zoo siab xyiv fab.

59 Thaum puv yim hnub lawm, lawv tuaj muab tus menyuam ntawd ua kevcai txiav thiab yuav muab nws tis npe hu ua Zecharyah raws li Leej Txiv. 60 Tiamsis leej niam hais tias, tsis yog. Yuav tsum tis hu ua Yahchanan.

61 Lawv hais rau nws hais tias, koj cov kwvtij tsis muaj ib tug hu li ntawd.

62 Lawv txawm ua ruam piav rau tus me tub ntawd txiv uas yog Zecharyah, nug saib nws yuav hu tus menyuam npe li cas. 63 Zecharyah txawm thov ib daim txiag sau ntawv mas sau hais tias, nws lub npe hu ua Yahchanan. Lawv sawvdaws kuj xav tsis thoob li. 64 Tamsim ntawd Zecharyah lub qhov ncauj thiab tus nplaig txawm zoo kiag thiab nws hais lus qhuas Abba (יחוח)Yahweh.

65 Tej kwvtij zej zog sawvdaws kuj ntshai kawg. Zaj no nrov ncha moo lug mus thoob plaws tej zejzog uas nyob pem tej roob tej hav hauv Yahdah tebchaws huvsi. 66 Cov tibneeg txhua tus uas tau hnov txog zaj xwm txheej no, kuj muab cim cia rau hauv nruab siab thiab hais tias, tus menyuam no yuav zoo li cas rau yav tom hauv ntej? Rau qhov Abba (יחוח)Yahweh lub hwjchim nrog nraim nws.

​

Zecharyah Hais Txog Tom Hauv Ntej

67 Zecharyah uas yog tus me tub Yahchanan txiv, puv npo Tus Ntsuj Plig uas dawb huv thiab nws qhia Abba (יחוח)Yahweh tej lus rau sawvdaws hais tias,

68 Peb cia li qhuas Abba (יחוח)Yahweh uas yog cov Ixayees Tus Tswv, rau qhov nws los saib thiab txhiv nws haiv neeg, 69 thiab tsa muaj ib tug kub hauv nws tus tub qhe Daviv caj ces los pab peb dim, 70 raws li nws kom cov xibhwb dawb huv thaum ub lub qhov ncauj hais cia lawd, 71 yog cawm peb dim hauv peb cov yeeb ncuab thiab txhua tus uas ntxub peb txhais tes. 72 Nws ua nws txojkev khuvleej tshwm rau peb tej poj koob yawm txwv, thiab nco ntsoov nws tej lus cog tseg uas dawb huv, 73 yog tej lus uas nws cog twv tseg rau peb yawg koob Abraham hais tias, 74 thaum peb dim hauv peb cov yeeb ncuab txhais tes lawm, nws yuav cia peb teev tiam nws tsis ntshai leej twg kiag li. 75 Peb thiaj ua tau tibneeg dawb huv thiab ncaj ncees rau ntawm nws lub xubntiag mus tag peb sim neej.

76 Metub es, lawv yuav hu koj hais tias, tus xibhwb uas cev Abba (יחוח)Yahweh uas loj dua ntais tej lus, rau qhov koj yuav ua Abba (יחוח)Yahweh ntej mus kho kev tos nws, 77 thiab yuav qhia txojkev cawm dim rau nws haiv neeg paub, yog qhov uas zam lawv lub txim. 78 Vim peb Abba (יחוח)Yahweh lub siab khuvleej peb, tus duab tshav ntuj thiaj ci tuaj rau peb, 79 thiab yuav ci mus rau cov tibneeg uas nyob hauv txojkev tsaus ntuj uas yog txojkev tuag, kom thiaj coj tau peb txhais kotaw taug txojkev tshav ntuj nrig thiab kaj siab lug. 80 Tus metub ntawd kuj loj hlob zoo thiab nws tus ntsuj plig muaj zog tuaj, thiab nws nyob hauv tebchaws moj sab qhua mus txog hnub uas nws los tshwm rau cov Ixayees pom.