(יהושע)Yahshua Ciaj Sawv Rov Los

(Mattithyah28:1-8; Luke 24:1-12; Yahchanan 20:1-10)

1 Thaum dhau hnub Sabbath lawm, Miriam Magdalene thiab Miriam uas yog Yaaqob niam thiab Xalaumes lawv mus yuav tshuaj tsw qab coj mus pleev (יהושע)Yahshua lub cev. 2 Hnub ib thaum sawv ntxov lawv txawm mus txog lub qhov ntxa rau thaum hnub tawm tuaj lawm. 3 Lawv sib tham hais tias, Leejtwg yuav pab muab daim lag zeb dov tawm ntawm lub rooj ntxa?

4 Lawv tsa muag saib daim lag zeb uas loj heev twb muab dov tawm lawm.

5 Thaum lawv nkag mus rau hauv lub ntxa lawv pom ib tug hluas hnav lub tsho ntev dawb paug zaum sab xis. Lawv kuj phimhwj heev. 6 Tus hluas ntawd hais rau lawv tias, nej tsis txhob phimhwj, nej tuaj nrhiav (יהושע)Yahshua tibneeg Nalxales uas raug muab teem rau saum ntoo ntsia tes. Nws twb ciaj sawv los lawm. Nws tsis nyob ntawm no. Cia li saib lub chaw uas lawv tso nws.

7 Nej cia li mus hais rau nws cov thwjtim thiab Kepha  tias nws yuav ua nej ntej mus rau pem Kalilais. Nej yuav pom nws qhov ntawd, raws li nws tau hais rau nej. 8 Lawv txawm tawm hauv lub qhov ntxa dhia mus, rau qhov lawv ntshai tshee hnyo thiab phimhwj heev. Lawv tsis hais rau leejtwg vim lawv ntshai.

​

(יהושע)Yahshua Tshwm Rau Ob Peb Leeg Pom

[1][9 Hnub ib thaum sawv ntxov uas (יהושע)Yahshua ciaj sawv rov los lawd, nws los tshwm rau Miriam Magdalene pom ua ntej, yog tus uas (יהושע)Yahshua ntiab xya tus dab tawm. 10 Miriam thiaj mus hais rau cov uas txeev nrog (יהושע)Yahshua nyob rau thaum lawv tabtom nyuaj siab thiab quaj ntsuag.

11 Thaum lawv hnov tias (יהושע)Yahshua muaj txojsia nyob thiab Miriam twb pom (יהושע)Yahshua lawm, los lawv tseem tsis tshua ntseeg. 12 Dhau ntawd (יהושע)Yahshua hloov dua lub cev lus tshwm rau ob tug thwjtim pom rau thaum nkawv tabtom taug kev nraum lub nroog. 13 Nkawv thiaj rov los piav rau cov thwjtim sawvdaws los lawv kuj tsis ntseeg nkawv.

14 Dhau ntawd (יהושע)Yahshua los tshwm rau kaum ib tug thwjtim rau thaum lawv tabtom noj mov. Nws yws qhov uas lawv tsis ntseeg thiab lawv ua lub siab tawv vim yog lawv tsis ntseeg cov uas twb pom (יהושע)Yahshua rau thaum nws ciaj sawv rov los lawm. 15(יהושע)Yahshua hais rau lawv tias, Cia li tawm mus thoob ntiajteb tshaj tawm txoj hmoo zoo rau ib tsoom tibneeg sawv-daws. 16 Tus uas ntseeg thiab ua kevcai raus dej yuav dim. Tus uas tsis ntseeg yuav raug teem txim. 17 Cov uas ntseeg yuav ua tau tej txujci tseem ceeb no. Lawv yuav tuav kuv lub npe ntiab dab tawm, lawv yuav hais tau lus txawv txawv, 18 lawv txhais tes yuav tuav tau nab, yog lawv haus tau tshuaj lom yam twg yuav tsis lom lawv kiag li, lawv muab tes npuab cov tibneeg muaj mob, cov tibneeg ntawd yuav zoo huvsi.

​

(יהושע)Yahshua Mus Saum Ntuj

(Luke 24:50-53;Tubtxib 1:9-11)

19 Thaum Tus Tswv (יהושע)Yahshua hais rau lawv tag lawd, nws raug coj mus saum ntuj thiab zaum ntawm Abba(יחוח)Yahweh sab tes xis. 20 Cov thwjtim txawm tawm mus tshaj tawm rau txhua qhov, Tus Tswv kuj nrog lawv ua haujlwm ua ke thiab ua txujci phimhwj tshwm los qhia tias txoj hmoo zoo muaj tseeb. ]

 

[2][9 Cov pojniam ntawd mus qhia tej uas lawv tau hnov rau Kepha  thiab cov uas nrog nws nyob ua ke paub. 10 Dhau ntawd (יהושע)Yahshua txib cov thwjtim mus tshaj tawm Abba  (יחוח)Yahweh txojlus dawb huv uas tsis txawj lwj hais txog txojkev dim mus ib txhis tsis kawg thoob plaws sab hnub tuaj rau sab hnub poob. ]

 

Note: [1] 16:9-20; Nyob rau qeeb phau thaum ub, los xaus rau nqe 8 xwb, tsis muaj nqe 9 mus txog nqe 20 txuas ntxiv rau.

[2] 16:9-10; Nyob rau qee phau lus Greek, txuas nqe 9 thiab nqe 10 no ntxiv rau nqe 8.