(יהושע)Yahshua Nyob Ntawm Philaj Xubntiag

(Mattithyah27:1-2,11-14; Luke 23:1-5; Yahchanan 18:28-38)

Thaum sawv ntxov cov pov thawj hlob thiab cov kev txwj laug thiab cov xibhwb thiab tag nrho cov thawj sawvdaws sablaj ua ke. Lawv txawm muab (יהושע)Yahshua khi coj mus cob rau Philaj.

2 Philaj nug (יהושע)Yahshua tias, koj yog cov Yahdaim tus vajntxwv lov? (יהושע)Yahshua hais tias, yog li koj hais.

3 Cov pov thawj hlob kuj nkaug (יהושע)Yahshua ntau yam. 4 Philaj txawm rov nug nws tias, koj tsis teb ib los li lov? Saib lawv nkaug koj npaum li cas.

5 Tiamsis (יהושע)Yahshua tsis teb dua li lawm, Philaj kuj xav tsis thoob li.

​

(יהושע)Yahshua Raug Teem Txim Tuag

(Mattithyah27:15-26; Luke 23:13-25; Yahchanan 18:39-19:16)

6 Txhua zaus uas ua kevcai Hla Dhau Philaj txeev tso ib tug raug txim dim raws li cov pejxeem thov. 7 Muaj ib tug npe hu ua Npalanpas raug kaw hauv tsev lojfaj nrog cov uas fav xeeb tua tibneeg rau thaum txeeb tebchaws. 8 Cov pejxeem txawm tuaj ua ke pib thov Philaj ua rau lawv raws li nws txeev ua.

9 Philaj thiaj teb lawv tias, nej xav kom kuv tso cov Yahdaim tus vajntxwv dim lov?

10 Vim Philaj pom tias cov pov thawj hlob khib thiaj muab (יהושע)Yahshua cob rau nws.

11 Tiamsis cov pov thawj hlob tshum cov pejxeem kom thov Philaj tso Npalanpas.

12 Philaj rov hais rau lawv tias, Yog li ntawd kuv yuav ua li cas rau tus uas nej hu tias cov Yahdaim tus vajntxwv?

3 Lawv rov qw hais tias, muab teem rau saum ntoo ntsia tes.

14 Philaj thiaj hais rau lawv tias, Ua cas muab teem? Nws tau ua txhaum abtsi? Tiamsis lawv yimhuab qw hais tias, muab nws teem rau saum ntoo ntsia tes.

15 Philaj xav ua kom hum cov pejxeem lub siab thiaj tso Npalanpa rau lawv, mas muab (יהושע)Yahshua nplawm thiab muab cob rau luag coj mus teem rau saum ntoo ntsia tes.

​

Cov Tub Rog Ua Saib Tsis Taus (יהושע)Yahshua

(Mattithyah 27:27-31; Yahchanan 19:2-3)

16 Cov tub rog txawm coj (יהושע)Yahshua mus rau hauv Tus Tswv xeev lub loog (uas hu ua Plitholia,) mas hu kiag pab tub rog sawvdaws tuaj ua ke.

17 Lawv muab ib lub tsho ntev tsamxem los ua rau (יהושע)Yahshua hnav. Lawv muab pos kaus ntsaj los qhaib ua ib lub mom vajntxwv looj nws taubhau,

18 thiab lawv pib hawm nws hais tias, cov Yahdaim tus vajntxwv, thov kom koj tau zoo lauj! 19 Lawv xuas ib tug tauj deg ntaus nws taubhau thiab nto qaub ncaug rau nws thiab txhos caug ntua pe nws. 20 Thaum lawv ua saib tsis taus (יהושע)Yahshua tag lawd, lawv muab lub tsho ntev tsamxem hle thiab rov muab nws cev tsoos ua rau nws hnav, thiab coj nws mus yuav muab teem rau saum ntoo ntsia tes.

​

Teem (יהושע)Yahshua Saum ntoo ntsia tes

(Mattithyah27:32-44; Luke 23:26-43; Yahchanan 19:17-27)

21 Muaj ib tug yawg npe hu ua Simon uas yog tibneeg Khulenes, yog Alexadaws thiab Lufas txiv, nws taug kev pem yaj sab tuaj. Lawv txawm yuam Simon kwv (יהושע)Yahshua tus ntoo ntsia tes.

22 Lawv coj (יהושע)Yahshua mus txog lub chaw uas hu ua Kaukauthas uas txhais hais tias lub chaw txha taubhau. 23 Lawv txawm muab cawv txiv hmab xyaw roj tsw qab cev rau (יהושע)Yahshua haus, tiamsis (יהושע)Yahshua tsis txais.

24 Lawv muab (יהושע)Yahshua teem rau saum ntoo ntsia tes thiab muab nws cev tsoos tsho los rho ntawv faib saib leejtwg tau daim twg. 25 Thaum lawv muab (יהושע)Yahshua teem rau saum ntoo ntsia tes yog thaum tagkis cuaj teev.

26 Tej lus uas kom (יהושע)Yahshua sau cia hais tias, cov Yahdaim tus vajntxwv.

27 Lawv kuj muab ob tug tub sab teem nrog (יהושע)Yahshua ua ke, sab xis ib tug, sab laug ib tug.

 

[1][28 Tej no muaj raws li tej lus uas sau cia rau hauv (יחוח)Yahweh phau ntawv hais tias, nws nrog tej neeg siab phem raug txim. ]

 

29 Tej tibneeg uas dua kev mus los kuj thuam (יהושע)Yahshua co hau hnyo, hais tias, Au tus uas yuav rhuav lub tuam tsev thiab peb hnub xwb ua dua tshiab es, 30 koj cia li cawm koj tus kheej kom dim thiab nqes kiag saum ntoo ntsia tes los los maj. 31 Cov pov thawj hlob thiab cov xibhwb qhia Abba (יחוח)Yahweh kevcai kuj thuam luag nws ib yam nkaus hais tias, nws cawm tau luag dim, tiamsis nws cawm tsis tau nws dim. 32 Cia tus Messiah uas yog Ixayees tus vajntxwv nqes saum ntoo ntsia tes los tamsim no peb thiaj pom thiab ntseeg. Ob tug tub sab uas raug teem nrog (יהושע)Yahshua kuj thuam nws.

​

(יהושע)Yahshua Tuag

(Mattithyah27:45-66; Luke 23:44-49; Yahchanan 19:28-30)

33 Thaum tav su ntuj txawm tsaus ntais thoob plaws lub tebchaws mus txog hnub qaij peb teev. 34 Thaum peb teev (יהושע)Yahshua qw nrov nrov hais tias, Elau‑is, Elau‑is, Lamas Xanpathanis? Txhais hais tias, kuv tus Abba    (יחוח)Yahweh, kuv tus Abba (יחוח)Yahweh ua cas koj tso kuv tseg lawm? 35 Thaum cov tibneeg uas nyob ntawd qee leej hnov ces txawm hais tias, saib maj, nws hu Eliyas.

36 Muaj ib tug dhia loo mus muab ib lub xwb kuab raus cov kua qaub chob rau tus hau pas tauj deg cev mus rau (יהושע)Yahshua haus thiab hais tias, peb tos saib Eliyas yuav los tso nws nqes los tsis tso. 37(יהושע)Yahshua qw nrov nrov ces txawm tu siav nrho. 38 Daim ntaub uas thaiv hauv lub tuam tsev txawm ntuag rhe sab saud los thoob plaws hauv taw ua ob daim. 39 Thaum tus thawj rog kav ib puas leej uas sawv ncaj ntawm (יהושע)Yahshua xubntiag pom (יהושע)Yahshua tu siav li ntawd, nws txawm hais tias, tus no yeej yog Abba (יחוח)Yahweh tus tub tiag tiag li. 40 Muaj ib pab pojniam nyob deb deb saib, lawv cov ntawd muaj Miriam Magdalene, thiab Miriam uas yog Yaaqob me thiab Yahseph niam thiab Xalaumes.

41 Cov pojniam no nrog (יהושע)Yahshua nyob thiab tu nws rau thaum nws nyob hauv Kalilais. Thiab tseem muaj lwm tus pojniam coob leej uas nrog (יהושע)Yahshua tuaj rau hauv Yeluxalees.

​

Muab (יהושע)Yahshua Faus

(Mattithyah27:57-61; Luke 23:50-56; Yahchanan 19:38-42)

42 Thaum yuav tsaus ntuj, yog hnub uas npaj ua ntej hnub Sabbath, 43 Yahseph uas yog tibneeg hauv lub moos Alimathias, nws yog ib tug hauv cov thawj lub rooj sablaj uas sawvdaws hwm, thiab nws tos rawv Abba                  (יחוח)Yahweh lub tebchaws, txawm ua lub siab tuab mus cuag Philaj thov (יהושע)Yahshua lub cev tuag. 44 Philaj kuj xav tsis thoob qhov uas (יהושע)Yahshua tuag lawd txawm hu tus thawj rog uas kav ib puas leej los nug tias (יהושע)Yahshua tuag lawm los tsis tau. 45 Thaum Philaj paub tseeb ntawm tus thawj rog ntawd lawm nws txawm muab (יהושע)Yahshua lub cev tuag cob rau Yahseph.

46 Yahseph thiaj mus yuav ib daim ntaub mag los, mas txo (יהושע)Yahshua lub cev tuag los thiab muab daim ntaub mag qhwv, coj mus tso rau hauv lub qhov ntxa uas txaug cia rau hauv phab zeb, mas dov ib daim lag zeb npog lub rooj ntxa. 47 Miriam Magdalene thiab Miriam uas yog Yahseph niam kuj pom lub chaw uas tso (יהושע)Yahshua lub cev.

 

[1] 15:28 Qee phau tsis muaj nqe 28.