LUKE 17

Kev Txhaum, Kev Ntseeg Thiab Ua Haujlwm

(Mattithyah 18:6-7,17:20; Yahchanan Mark  9:42)

1 (יהושע)Yahshua hais rau nws cov thwjtim hais tias, yeej yuav tsum muaj tej yam ua kom ua txhaum, tiamsis tus uas ua rau lwm tus ua txhaum yuav raug txom nyem lauj! 2 Mas muab ib txhib zeb loj los khi rau tus ntawd caj dab es muab pov rau hauv hiavtxwv kuj zoo dua li cia nws ua rau cov menyuam yaus no ib tug dawm. 3 Nej cia li ceev faj zoo. Yog koj li kwvtij ua txhaum cia li ntuas nws, yog nws ntxeev dua siab tshiab cia li zam txim rau nws. 4 Yog ib hnub nws ua txhaum rau koj xya zaus thiab tuaj cuag koj xya zaus thiab hais rau koj hais tias, kuv ntxeev dua siab lawm, koj yuav tsum zam txim rau nws. 5 Cov tubtxib hais rau (יהושע)Yahshua hais tias, thov koj tsav kev ntseeg rau peb ntau zuj zus.

6 (יהושע)Yahshua hais tias, yog nej muaj kev ntseeg luaj li ib lub noob me me, nej yuav hais tau rau tsob txiv cev no hais tias, cia li rho kiag cag mus cog rau hauv hiavtxwv, nws kuj yuav mloog nej lus. 7 Yog nej muaj ib tug tub qhe mus laij teb lossis yug yaj, mas thaum nws los tom teb los, nej leejtwg yuav hais rau nws hais tias, Los zaum noj mov lauj? 8 Nws yuav tsis hais rau tus tub qhe li no lov hais tias, cia li npaj rau kuv noj thiab sia siv khov kho tu kuv mus txog thaum kuv noj haus tag, dhau ntawd koj mam li noj thiab haus. 9 Nws yuav ua tus tub qhe tsaug vim tus tub qhe ua raws li nws hais lov? 10 Ib yam li ntawd, thaum nej ua txhua yam raws li uas hais rau nej lawd, nej cia li hais tias, Peb yog cov tub qhe uas tsis tsim txiaj. Peb tsuas ua raws li tes haujlwm uas peb yuav tsum ua xwb.

​

Kho Kaum Tus Mob Lig Mob Ruas

11 Thaum (יהושע)Yahshua mus nram Yelu-xalees nws taug txojkev ntawm Kalilais thiab Xamalis ciam teb. 12 Thaum nws tabtom mus rau hauv ib lub zos muaj kaum tus mob lig mob ruas tuaj ntsib nws. Lawv sawv ntsug deb deb,

13 thiab hu nrov hais tias, Xibhwb (יהושע)Yahshua, thov khuvleej peb.

14 Thaum (יהושע)Yahshua pom dheev lawv nws txawm hais rau lawv hais tias, cia li mus qhia nej lub cev rau cov pov thawj saib. Thaum lawv tabtom mus lawv txawm zoo tag huv lawm. 15 Lawv cov ntawd muaj ib tug, thaum nws pom hais tias nws zoo lawm ces nws txawm rov los qhuas Abba Yahweh nrov nrov,

16 thiab khwb nkaus rau ntawm (יהושע)Yahshua kotaw ua (יהושע)Yah-shua tsaug. Tus ntawd yog tibneeg Xamalis.

17 (יהושע)Yahshua txawm hais tias, muaj kaum leej zoo mob los tsis yog? Cuaj leeg ntawd dua twg lawm? 18 Tsis pom lwm tus rov los qhuas Abba (יחוח)Yahweh li, tsuas yog tus uas yog lwm haiv neeg no los xwb lov?

19 (יהושע)Yahshua txawm hais rau tus ntawd hais tias, cia li sawv tsees mus lauj. Koj txojkev ntseeg ua rau koj zoo lawm.

​

Abba (יחוח)Yahweh Lub Tebchaws Yuav Los

(Mattithyah 24:23-28,37-41)

20 Cov Falixais muaj qee leej nug (יהושע)Yahshua hais tias, thaum twg Abba  (יחוח)Yahweh mam li los kav tib tibneeg lub siab? (יהושע)Yahshua teb lawv hais tias, thaum Abba (יחוח)Yahweh los, nws yuav tsis ua ib yam abtsi tshwm los qhia kom tib tibneeg paub thiab pom hlo li. 21 Tsis muaj leej twg yuav pom nws es yuav hais tias, nyob ntawm no, lossis nyob tod, rau qhov Abba (יחוח)Yahweh twb yeej los kav nej lub siab lawm.

22 (יהושע)Yahshua hais rau cov thwjtim hais tias, yuav muaj ib lub sijhawm uas nej xav pom hnub uas Neeg Leej Tub rov los, tiamsis nej yuav tsis pom. 23 Nej yuav hnov luag hais rau nej hais tias, mus saib maj, nyob tod, lossis saib maj, nyob ntawm no. Nej tsis txhob mus, tsis txhob raws luag qab mus li.

24 Kuv qhia rau nej hais tias, thaum xob laim ib sab ntuj ci mus rau ib sab li cas, hnub uas Neeg Leej Tub los, yuav zoo ib yam li ntawd.

25 Tiamsis ua ntej ntawd, nws yuav tsum raug kev tsim txom ntau yam thiab cov tibneeg tiam no yuav tsis lees yuav nws. 26 Tiam uas Nau-as nyob zoo li cas, mas hnub uas Neeg Leej Tub los yuav zoo ib yam li ntawd. 27 Lawv noj haus ua tshoob qua tub qua ntxhais mus txog hnub uas Nauas nkag rau hauv lub nkoj thiab dej los nyab kiag lawv puam tsuaj tag huvsi. 28 Tiam uas Lauj nyob kuj zoo ib yam nkaus li ntawd thiab. Lawv noj haus, ua lag ua luam, cog qoob loo, ua vaj ua tsev. 29 Tiamsis hnub uas Lauj tawm kiag hauv lub moos Xaudoos mus lawm. Cia li muaj nplaimtaws thiab leej faj poob saum ntuj los kub tej tibneeg hauv lub moos ntawd tuag tag huvsi. 30 Hnub uas Neeg Leej Tub tshwm plaws los kuj yuav zoo ib yam li ntawd.

31 Hnub ntawd tus uas nyob saum txheej tsev las tshav, nws tej qhov txhia chaw tseem nyob hauv tsev, los tsis txhob nqes los muab. Thiab tus uas nyob tom teb tsis txhob tig rov los ib yam nkaus. 32 Cia li nco txog Lauj tus pojniam zaj.

33 Tus uas xav tau nws txojsia, yuav piam txojsia, tiamsis tus uas tso nws txojsia, tseg, mas yuav cawm tau nws txojsia. 34 Kuv qhia rau nej hais tias, hmo ntaw, txawm yog muaj ob leeg pw ib txag, los yuav coj ib tug mus, yuav tseg ib tug cia. 35 Muaj ob tug pojniam zom zeb ua ke, los yuav coj ib tug mus, yuav tseg ib tug cia.

 [36 Ob tug txivneej uas ua haujlwm tom teb, luag yuav coj ib tug mus yuav tseg ib tug cia.]

37 Lawv txawm nug (יהושע)Yahshua hais tias, Tus Tswv, yuav muaj li no rau qhovtwg? (יהושע)Yahshua teb lawv hais tias, tsiaj tuag qhovtwg, dav noj twm yuav sau nthwv los rau qhov ntawd.