Tus Poj Ntsuam Thiab Tus Tu Plaub​

1 (יהושע)Yahshua hais ib zaj paj lug rau lawv mloog qhia kom lawv thov Abba (יחוח)Yahweh tsis tseg li thiab tsis txhob qaug zog. 2 Nws hais tias, hauv ib lub moos muaj ib tug yawg tu plaub uas tsis ntshai Abba (יחוח)Yahweh thiab tsis hwm leej twg hlo li. 3 Nyob hauv lub moos ntawd muaj ib tug poj ntsuam, mas nws pheej niaj hnub tuaj hais rau tus tu plaub ntawd hais tias, thov hwj kuv txojcai rau tus uas nkaug kuv. 4 Thaum chiv thawj tus tu plaub ntawd tsis yeem pab hais tus poj ntsuam ntawd rooj plaub. Tiamsis tom qab nws muab ua tib zoo xav, nws thiaj xav hais tias, txawm yog kuv tsis ntshai Abba (יחוח)Yahweh thiab tsis hwm leej twg hlo li los, 5 tus poj ntsuam no pheej tuaj txob kuv, ntshe kuv yuav tsum hwj nws txojcai kom tiav es nws thiaj li tsis niaj hnub tuaj txob kuv ua rau kuv ntxhov siab. 6 (יהושע)Yahshua hais tias, cia li mloog tus tu plaub tsis ncaj ntawd tej lus. 7 Abba (יחוח)Yahweh yeej yuav tsis hwj cov uas nws xaiv cia lawd txoj cai lov, yog cov uas thov hu nws nruab hnub hmo ntuj na?  8 Kuv hais rau nej hais tias, Abba (יחוח)Yahweh yuav hwj lawv txojcai sai sai. Tiam-sis thaum Neeg Leej Tub los, nws tseem yuav ntsib kev ntseeg hauv lub ntiajteb lov?

​

Tus Falixais Thiab Tus Sau Se

9 (יהושע)Yahshua hais zaj paj lug no rau cov tibneeg uas saib tsis taus lwm tus thiab pheej khav hais tias lawv yog tibneeg ncaj ncees. 10 (יהושע)Yahshua hais tias, muaj ob tug mus thov Abba (יחוח)Yahweh rau hauv lub tuam tsev, ib tug yog Falixais, ib tug yog tibneeg sau se. 11 Tus Falixais sawv ntsug thov hauv lub siab hais tias, Abba (יחוח)Yahweh kuv ua koj tsaug. Kuv li kuv tsis zoo li lwm tus, tsis hais cov uas ntxo luag, cov ua tsis ncaj, cov uas deev luag pojniam, thiab tsis thooj li tus sau se no. 12 Ib lub chib so kuv yoo mov ob zaug, kuv muab txhua yam uas kuv tau ib feem kaum rau koj.

13 Tiamsis tus sau se sawv ntsug deb tsawv, tsis kam tsa muag saib saum ntuj, nws ntaus nws hauv siab hais tias, Abba (יחוח)Yahweh, thov khuvleej kuv uas yog tibneeg muaj txim lauj! 14 Kuv hais rau nej hais tias, thaum mus tsev tus sau se no yog tus uas suav tau hais tias ncaj ncees, tsis yog tus Falixais ntawd. Rau qhov txhua tus uas tsab ua loj yuav raug muab txo kom qes, tiamsis tus uas txo hwjchim yuav raug muab tsa ua loj.

​

(יהושע)Yahshua Foom Koob Hmoov Rau Cov Menyuam Yaus

(Mattithyah 19:13-15; Yahchanan Mark 10:13-16)

15 Muaj tibneeg puag cov menyuam mos tuaj cuag (יהושע)Yahshua, xav kom (יהושע)Yahshua kov cov menyuam ntawd. Thaum cov thwjtim pom, kuj txwv lawv. 16 Tiamsis (יהושע)Yahshua hu cov menyuam los hais tias, cia cov menyuam yaus los cuag kuv, tsis txhob tav lawv, rau qhov Abba (יחוח)Yahweh lub tebchaws yog cov uas zoo li cov menyuam yaus no tug. 17 Kuv hais tseeb rau nej hais tias, leejtwg tsis lees yuav Abba (יחוח)Yahweh lub tebchaws ib yam li ib tug menyuam yaus, tus ntawd yuav nkag tsis tau rau hauv lub tebchaws ntawd.

​

Tus Nplua Nuj

(Mattithyah  19:16-30; Yahchanan Mark 10:17-31)

18 Cov tibneeg Yahdah ib tug thawj coj nug (יהושע)Yahshua hais tias, Xibhwb uas zoo kawg, kuv yuav tsum ua li cas kuv thiaj tau txojsia ib txhis tsis kawg? 19 (יהושע)Yahshua hais rau nws hais tias, ua cas koj hu kuv hais tias tus zoo kawg? Tsis muaj leejtwg zoo tsuas yog Abba (יחוח)Yahweh tib leeg xwb. 20 Koj paub tej kevcai uas hais tias, tsis txhob deev luag poj luag txiv, tsis txhob tua tibneeg, tsis txhob ua tub sab, tsis txhob ua cuav timkhawv, koj yuav tsum hwm koj niam koj txiv.  

21 Tus ntawd hais tias, tej nqe kod kuv twb coj txhua yam txij thaum yau los lawm.

22 Thaum (יהושע)Yahshua hnov li ntawd txawm hais rau nws hais tias, koj tseem tu ncua ib yam. Cia li mus muab txhua yam uas koj muaj muag es muab faib rau cov tibneeg pluag, koj thiaj li muaj nyiaj txiag haum Lub Nroog Yeluxalees, thiab cia li los raws kuv qab.

23 Thaum nws hnov tej lus no nws nyuaj siab kawg vim nws nplua nuj heev.

24 (יהושע)Yahshua tsa muag saib nws thiab hais tias, tus uas muaj nyiaj txiag ntau ceeblaj nkag tau rau hauv Abba (יחוח)Yahweh lub tebchaws. 25 Ib tug ntxhuav nkag lub qhov koob kuj yoojyim dua tus nplua nuj nkag rau hauv Abba (יחוח)Yahweh lub tebchaws. 26 Cov uas hnov li ntawd txawm hais tias, yog li ntawd, leejtwg yuav dim tau?

27 (יהושע)Yahshua hais tias, tej uas tibneeg ua tsis tau, Abba (יחוח)Yahweh yeej ua tau.

28 Kepha hais tias, peb twb tso peb tej vaj tse tseg raws koj tuaj. 29 (יהושע)Yahshua hais rau lawv hais tias, kuv hais tseeb rau nej hais tias, tus uas tso vaj tse pojniam kwvtij niam txiv menyuam tseg vim yog saib rau Abba

(יחוח)Yahweh lub tebchaws, 30 tiam no nws yuav tau ntau npaug thiab tiam tom ntej nws yuav tau txojsia ib txhis tsis kawg.

​

(יהושע)Yahshua Hais Txog Nws Kev Tuag Zaum Peb

(Mattithyah 20:17-19; Yahchanan Mark 10:32-34)

31 (יהושע)Yahshua txawm coj kaum ob tug thwjtim mus rau ib cag mas hais rau lawv hais tias, saib nawj, peb tabtom yuav mus rau nram lub nroog Yeluxalees. Txhua yam uas cov xibhwb cev Abba (יחוח)Yahweh lus hais cia txog Neeg Leej Tub, yuav tiav rau nrad. 32 Rau qhov nws yuav raug muab cob rau lwm haiv neeg, mas lawv yuav thuam luag nws thiab ua saib tsis taus nws thiab nto qaub ncaug rau nws, 33 thiab lawv yuav nplawm nws thiab muab nws tua pov tseg, mas peb hnub nws yuav ciaj sawv rov los. 34 Lawv tsis nkag siab txog tej no kiag li, tej lus no lub ntsiab raug muab zais ntawm lawv lawm, thiab lawv tsis paub hais tias (יהושע)Yahshua hais txog abtsi.

​

Tus Dig Muag Rov Pom Kev

(Mattithyah 20:29-34; Yahchanan Mark 10:46-52)

35 Thaum (יהושע)Yahshua tuaj ze lub moos Yelikhaus, muaj ib tug dig muag zaum thov khawv ntawm ntug kev.

36 Thaum nws hnov tibneeg coob taug kev tuaj mus, nws txawm nug hais tias yog abtsi. 37 Lawv hais rau nws hais tias, (יהושע)Yahshua uas yog tibneeg Nanales, taug kev tuaj mus. 38 Ces nws txawm qw hais tias, (יהושע)Yahshua uas yog Daviv tus tub es, thov khuvleej kuv lauj!

39 Cov tibneeg uas ua ntej txawm txwv nws kom nyob twjywm, los nws yimhuab qw hais tias, Daviv tus tub es, thov khuvleej kuv lauj!

40 (יהושע)Yahshua txawm nres nkaus hais kom coj nws los. Thaum nws los ze lawm (יהושע)Yahshua nug nws hais tias, 

41 Koj xav kom kuv ua abtsi rau koj? Nws teb hais tias, Tus Tswv, thov pub kuv pom kev.

42 (יהושע)Yahshua hais rau nws hais tias, cia li pom lauj! Koj txojkev ntseeg ua rau koj zoo kiag.

43 Ces tamsim ntawd tus dig muag txawm rov pom kev thiab raws (יהושע)Yahshua qab mus qhuas Abba (יחוח)Yahweh. Thaum cov tibneeg sawvdaws pom li ntawd lawv kuj qhuas Abba (יחוח)Yahweh.