(יהושע)Yahshua Thiab Xakhais

1 (יהושע)Yahshua mus rau hauv lub moos Yelikhaus thiab yuav hla dhau plaws mus. 2 Muaj ib tug yawg npe hu ua Xakhais, nws yog ib tug thawj sau se thiab nws nplua nuj. 3 Nws xav pom hais tias (יהושע)Yahshua yog leejtwg, tiamsis tibneeg coob heev nws thiaj saib tsis pom vim nws qes taub.

4 Nws thiaj khiav tom hauv ntej nce rau saum ib tsob txiv cev thiaj saib pom (יהושע)Yahshua, rau qhov (יהושע)Yahshua yuav taug txojkev ntawd tuaj.

5 Thaum (יהושע)Yahshua tuaj txog ntawd, (יהושע)Yahshua tsa muag saib pom Xakhais txawm hais rau Xakhais hais tias, Xakhais es, cia li nqes kiag los, rau qhov hnub no kuv yuav tsum mus so hauv koj tsev.

6 Xakhais txawm maj nroos nqes los tos (יהושע)Yahshua zoo siab xyiv fab hlo.

7 Thaum cov tibneeg sawvdaws pom, lawv txawm yws hais tias, nws mus so hauv tus tibneeg muaj txim tsev. 8 Xakhais sawv tsees hais rau Tus Tswv hais tias, Tus Tswv, saib maj, kuv tej qhov txhia chaw kuv yuav muab ib nrab pub rau cov tibneeg pluag, thiab yog kuv tau qaum leejtwg li los, kuv yuav thim plaub npaug rov qab. 9 (יהושע)Yahshua hais rau nws hais tias, Hnub no txojkev dim los txog lub tsev no lawm, rau qhov tus yawg no kuj yog Abraham li tub. 10 Rau qhov Neeg Leej Tub los nrhiav cov tibneeg uas ploj lawd thiab cawm kom lawv dim.

​

Kaum Lub Nyiaj Minas

(Mattithyah s 25:14-30)

11 Thaum lawv tabtom mloog (יהושע)Yahshua qhia tej no, (יהושע)Yahshua kuj hais ib zaj paj lug rau lawv mloog rau qhov (יהושע)Yahshua tabtom tuaj ze lub nroog Yeluxalees, thiab vim lawv xav hais tias Abba (יחוח)Yahweh lub tebchaws yuav cia li tshwm plaws los tamsim ntawd.

12 Vim li no (יהושע)Yahshua thiaj hais tias, muaj ib tug tibneeg muaj meej yuav mus rau lwm lub tebchaws deb mus txais meej mom kav tebchaws mam li rov los. 13 Nws thiaj hu nws kaum tus tub qhe los mas muab kaum lub nyiaj rau lawv ib leeg ib minas thiab hais rau lawv hais tias, cia li coj mus ua lag luam txog thaum kuv rov qab los. 14 Tiamsis nws cov pejxeem ntxub nws, lawv txawm txib tibneeg raws qab mus hais tias, peb tsis yuav tus no los kav peb.

15 Thaum nws tau meej mom kav tebchaws rov los lawm nws hais kom hu cov tub qhe uas nws tau muab nyiaj rau lawd los cuag nws, yuav saib lawv ua lag luam tau tshaj thawj npaum li cas. 16 Thawj tug los cuag nws hais tias, Tus Tswv, koj lub nyiaj minas ntawd tau tshaj thawj kaum minas. 17 Nws hais rau tus tub qhe ntawd hais tias, tub qhe zoo, koj ua zoo lawm. Vim koj ua ncaj rau tej yam me me, koj yuav tau hwjchim kav kaum lub moos. 18 Tus ob los hais tias, Tus Tswv, koj lub minas tau tshaj thawj tsib minas. 19 Nws hais rau tus tub qhe ntawd hais tias, koj yuav tau kav tsib lub moos. 20 Muaj dua ib tug los hais tias, Tus Tswv, koj lub nyiaj minas nyob no, kuv muab ntaub qhwv khaws cia, 21 rau qhov kuv ntshai koj, vim koj yeej yog tibneeg ua nruj ua tsiv. Koj sau tej uas koj tsis tau nqes dag zog ua thiab hlais tej qoob uas koj tsis tau tseb. 22 Tus Tswv txawm hais rau nws hais tias, niag tub qhe phem, kuv yuav muab koj tej lus txiav txim rau koj ntag. Koj yeej paub hais tias kuv yog tibneeg ua nruj ua tsiv thiab kuv sau tej uas kuv tsis tau nqes dag zog ua thiab hlais tej uas kuv tsis tau tseb lov?

23 Yog li ntawd, ua cas koj tsis muab kuv lub nyiaj mus tso rau hauv tsev cia nyiaj, es thaum kuv los kuv thiaj tau kuv cov nyiaj thiab tau cov paj? 24 Ces nws txawm hais rau cov tibneeg uas nyob ntawd hais tias, cia li muab nws lub nyiaj minas rho mus rau tus uas muaj kaum minas. 25(Lawv hais rau nws hais tias, Tus Tswv, nws twb muaj kaum minas lawm nev. 26 Kuv hais rau nej hais tias, txhua tus uas muaj lawd yuav muab tsav ntxiv rau nws, tiamsis tus uas tsis muaj, txawm yog tej uas nws muaj los yuav muab rho ntawm nws mus.

27 Kuv cov yeeb ncuab uas tsis yuav kuv kav lawv ntawd, cia li coj lawv los rau ntawm no thiab muab tua tab meeg kuv.

​

(יהושע)Yahshua Mus Rau Hauv Yeluxalee Yam Li Vajntxwv

(Mattithyah 21:1-11; Yahchanan Mk 11:1-11; Yahchanan 12:12-19)

28 Thaum (יהושע)Yahshua hais tej lus no tag lawd, nws txawm ua lawv ntej mus rau nram Yeluxalees. 29 Thaum nws tuaj ze lub zos Npefakes thiab lub zos Npethanis ntawm lub roob uas hu ua roob Txiv Aulib, nws txib ob tug thwjtim mus,

30 hais tias, neb cia li mus rau lub zos uas nyob tom hauv ntej, mas thaum neb nkag rau hauv neb yuav pom ib tug menyuam nees luav khi cia, tsis tau muaj leejtwg caij dua li. Neb cia li daws cab los rau ntawm no. 31 Yog leejtwg nug neb hais tias, neb muab daws ua abtsi? neb cia li hais li no hais tias, Tus Tswv cheem tsum siv. 32 Ob tug uas nws txib ntawd txawm mus ntsib raws li (יהושע)Yahshua hais rau ob tug. 33 Thaum ob tug tabtom daws tus menyuam nees luav ntawd, Tus Tswv tsiaj txawm hais rau ob tug hais tias, neb daws tus menyuam nees luav ua abtsi? 34 Ob tug hais tias, Tus Tswv cheem tsum siv. 35 Ces ob tug txawm cab tus menyuam nees luav los txog (יהושע)Yahshua, thiab muab ob tug tej tsho ntev pua saum tus menyuam nees luav nrob qaum thiab kom (יהושע)Yahshua caij.

36 Thaum (יהושע)Yahshua caij mus mas tej tibneeg muab lawv tej tsho ntev pua txojkev. 37 Thaum (יהושע)Yahshua tuaj ze txojkev uas nqes ntawm lub roob Txiv Aulib lawm, cov thwjtim sawvdaws kuj pib zoo siab xyiv fab tsa suab nrov qhuas Abba (יחוח)Yahweh rau txhua yam txujci phimhwj uas lawv tau pom,

38 thiab hais tias, tus vajntxwv uas tuaj hauv Tus Tswv lub npe tau nyob kaj siab lug. Thov kom muaj kev kaj siab lug rau saum ntuj thiab muaj koob meej rau saum ntuj uas siab kawg nkaus. 39 Cov Falixais qee leej uas nrog cov tibneeg ntawd ua ke hais rau (יהושע)Yahshua hais tias, Xibhwb, cia li txwv koj cov thwjtim tsis txhob qw qw. 40 (יהושע)Yahshua teb hais tias, kuv hais rau nej hais tias, yog lawv cov no nyob twjywm lawm los tej pob zeb yeej yuav qw nrov.

41 Thaum nws tuaj ze thiab pom Yeluxalees lawm nws kuj quaj lub nroog ntawd, 42 hais tias, Hnub no kheev koj lam paub tej uas pub kev kaj siab lug rau koj. Tiamsis nimno tej ntawd raug muab zais ntawm koj lub qhov muag lawm.

43 Rau qhov lub sijhawm los yuav txog koj, mas koj cov yeeb ncuab yuav tsub av tawm tsam koj thiab vij nkaus koj kaw koj txhua fab. 44 Lawv yuav muab koj ntsawm rau hauv pem teb, tag nrho koj thiab koj cov menyuam uas nyob hauv koj, thiab yuav tsis tseg tej txhib zeb ib lub tib ib lub rau hauv koj, vim yog koj tsis paub lub sijhawm uas Abba  (יחוח)Yahweh los xyuas koj.

​

(יהושע)Yahshua Ntxuav Lub Tuam Tsev

(Mattithyah 21:12-17; Yahchanan Mark 11:15-19; Yahchanan. 2:13-22)

45 (יהושע)Yahshua txawm nkag mus rau hauv lub tuam tsev mas pib ntiab cov tibneeg ua lag ua luam, 46 thiab hais rau lawv hais tias, twb muaj lus sau cia hais tias, kuv lub tuam tsev yuav ua lub tsev thov Abba (יחוח)Yahweh, tiamsis nej muab ua qhov rau tub sab nkaum. 47 (יהושע)Yahshua niaj hnub qhuab qhia rau hauv lub tuam tsev. Ces cov pov thawj hlob thiab cov xibhwb qhia Abba (יחוח)Yahweh kevcai thiab cov uas ua thawj txawm nrhiav kev txov (יהושע)Yahshua,

48 tiamsis lawv nrhiav tsis tau ib lub ncauj kev uas yuav ua tau vim yog cov tibneeg sawvdaws dai siab qas dhuam rau (יהושע)Yahshua tej lus.