Leejtwg Muab Hwjchim Rau (יהושע)Yahshua

(Mattithyah 21:23-27; Yahchanan Mark 11:27-33)

1 Muaj ib hnub thaum (יהושע)Yahshua tabtom qhuab qhia cov tibneeg hauv lub Tuamtsev thiab tshaj tawm txoj hmoo zoo. Cov pov thawj hlob, cov xibhwb qhia Abba (יחוח)Yahweh txoj kevcai, thiab cov kev txwj laug txawm tuaj ntsib nws.

2 Lawv nug (יהושע)Yahshua hais tias, cia li qhia rau peb saib, koj muaj txoj cai qhov twg ua tej no? Leej twg tso cai rau koj?

3 (יהושע)Yahshua teb lawv hais tias, kuv yuav nug nej ib los thiab. Qhia kuv saib, 4 txoj kevcai raus dej uas Yahchanan coj tib tibneeg ua ntawd, yog los ntawm (יחוח)Yahweh los, los yog los ntawm tib tibneeg los?  5 Lawv txawm sablaj hais tias, yog peb hais tias, los ntawm (יחוח)Yahweh los, nws yuav hais tias, Ua cas nej tsis ntseeg Yahchanan? 6 Tiamsis yog peb hais tias, los ntawm tib tibneeg los, cov pejxeem sawvdaws yuav xua pob zeb ntaus peb rau qhov lawv yeej hwm hais tias Yahchanan yog ib tug xibhwb cev Abba (יחוח)Yahweh lus. 7 Lawv txawm teb (יהושע)Yahshua hais tias lawv tsis paub hais tias los qhovtwg los.

8 (יהושע)Yahshua thiaj hais rau lawv hais tias, ces kuv yuav tsis qhia rau nej hais tias, kuv muaj txoj cai qhov twg los ua tau tej no, no thiab.

​

Cov Uas Tu Lub Vaj

(Mattithyah 21:33-46; Yahchanan Mark 12:1-12)

9 (יהושע)Yahshua txawm pib ua lus piv txwv hais rau cov tibneeg hais tias, muaj ib tug yawg cog tau ib lub vaj txivhmab, thiab muab tso rau ib cov tibneeg tu faib txiv rau nws, ces nws txawm mus txawv tebchaws lawm thiab mus tau ntev ntev heev li lawm.

10 Thaum txog lub caij de txiv, nws txib ib tug tub qhe mus cuag cov tibneeg uas tu lub vaj ntawd, xwv lawv thiaj faib cov txiv ib txhia rau nws. Tiamsis cov tibneeg uas tu lub vaj txawm muab tus tub qhe ntawd ntaus thiab ntiab nws rov mus tes dawb tes do. 11 Mas Tus Tswv vaj rov tso dua ib tug tub qhe mus, los lawv kuj muab tus ntawd ntaus thiab ua saib tsis taus nws, thiab tso nws rov mus tes dawb tes do. 12 Nws kuj tso tus peb mus, los lawv kuj ua rau nws raug mob thiab muab nws ntiab tawm mus. 13 Tus Tswv vaj txawm hais tias, kuv yuav ua li cas? Kuv yuav tso kuv tus tub uas kuv hlub mus. Nyaj lawv yuav hwm nws.

14 Tiamsis thaum cov tibneeg uas tu lub vaj pom Tus Tswv vaj tus tub tuaj, lawv sib ntxhi zomzaws hais tias, tus no yog Tus Tswv vaj tus tub, nws yuav tuaj sau lawv tej qub txeeg qub teg. Peb cia li muab nws tua mas tej qub txeeg qub teg yuav poob rau peb. 15 Lawv txawm muab nws pov rau lub vaj sab nraum, thiab muab tua pov tseg. Yog li ntawd Tus Tswv vaj yuav ua li cas rau lawv? 16 Nws yeej yuav los muab cov uas tu lub vaj ntawd ua kom puam tsuaj thiab muab lub vaj txiv hmab rau lwm cov tu. Thaum lawv hnov li ntawd lawv txawm hais tias, tsis txhob cia muaj li no.

17 (יהושע)Yahshua saib ntsoov rau lawv hais tias, tej lus no uas sau cia lawd lub ntsiab yog abtsi? Lub pob zeb uas cov Kws ua tsev muab xyeeb tseg lawm twb muab los teeb ua thawj lub rau ntawm kaum tsev lawm.

18 Txhua tus uas ntog mus tsuam lub pob zeb ntawd, nws lub cev yuav tawg ua tej dwb daim, yog lub pob zeb ntawd poob los tsuam leej twg, tus ntawd lub cev yuav ntsoog tag.

19 Cov xibhwb qhia Abba (יחוח)Yahweh kevcai thiab cov pov thawj hlob txawm nrhiav kev ntes (יהושע)Yahshua lub sijhawm ntawd, rau qhov lawv paub hais tias (יהושע)Yahshua hais zaj paj lug no raug lawv, tiamsis lawv ntshai cov pejxeem.

​

Them Se Rau Xixas

(Mattithyah 22:15-22; Yahchanan Mark 12:13-17)

20 Lawv txawm soj nraim (יהושע)Yahshua thiab tso qee leej ua txuj ua li tus ncaj ncees mus xwj (יהושע)Yahshua xwv lawv thiaj nyas tau (יהושע)Yahshua tej lus thiab muab tau (יהושע)Yahshua cob rau hauv Tus Tswv xeev li hwjchim txiav txim. 21 Lawv txawm nug (יהושע)Yahshua hais tias, Xibhwb, peb paub hais tias koj hais thiab qhuab qhia raws li qhov tseeb, thiab koj tsis saib leejtwg ntsej muag, koj tsuas qhia Abba (יחוח)Yahweh txoj kev raws li muaj tseeb xwb.

22 Mas tsim nyog peb them se rau Xixas los tsis them?

23(יהושע)Yahshua twb paub lawv tej tswv-yim phem thiaj hais rau lawv hais tias,24 Cia li muab ib lub nyiaj denalias los rau kuv saib. Lub ntsej muag thiab lub npe uas txaug rau ntawm lub nyiaj no yog leejtwg? Lawv teb hais tias, yog Xixas li. 25 (יהושע)Yahshua txawm hais rau lawv hais tias, yog li no yam uas yog Xixas li, cia li muab rau Xixas. Yam uas yog Abba (יחוח)Yahweh li, cia li muab rau Abba (יחוח)Yahweh. 26 Lawv nyas tsis tau (יהושע)Yahshua tej lus tab meeg cov pejxeem, lawv xav tsis thoob rau tej lus uas (יהושע)Yahshua teb ntawd, lawv thiaj li nyob twj ywm lawm.

​

Qhov Uas Ciaj Sawv Rov Los

(Mattithyah 22:23-33; Yahchanan Mark 12:18-27)

27 Cov Xadukais muaj qee leej tuaj cuag (יהושע)Yahshua. (lawv yog cov uas tsis ntseeg hais tias tibneeg sawv tau hauv qhovtuag rov los) 28 Lawv nug (יהושע)Yahshua hais tias  Xibhwb, Mauxes twb sau cia rau peb hais tias, yog leejtwg tuag lawm, nws tus pojniam tsis tau muaj menyuam, ib tug kwvtij yuav tsum yuav tus pojniam ntawd thiaj tuav tau tus uas tuag li keeb kwm cia.

29 Thaum ub muaj xya tus kwvtij. Tus tijlaug hlob yuav pojniam tiamsi tsis tau muaj menyuam. Nws tuag lawm. 30 Ces muab tus niam tij txis rau tus kwv thib ob. Tsis tau muaj menyuam, tus kwv thib ob tuag lawm. 31 Ces tus kwv thib peb yuav tus niam tij ntawd thiab. Tag nrho lawv xya leej kwv tij puav leej yuav tib tug pojniam ntawd xwb. 32 Thaum kawg tus pojniam ntawd kuj tuag lawm thiab.

33 Yog li ntawd, hnub uas cov tibneeg tuag sawv rov qab los, tus pojniam ntawd yuav ua leejtwg tus pojniam? Rau qhov xya leej kwvtij ntawd puas leej yuav nws lawm.

34 (יהושע)Yahshua hais rau lawv hais tias, tiam tibneeg no thiaj li muaj kev sib yuav ua txij ua nkawm xwb. 35 Tiamsis cov tibneeg uas suav tias tsim nyog nyob rau tiam tom ntej thiab ciaj sawv hauv qhov tuag rov los yuav tsis muaj kev sib yuav ua txij ua nkawm lawm. 36 Rau qhov lawv tsis txawj tuag dua li lawm. Lawv zoo ib yam li cov tubtxib saum ntuj thiab yog Abba (יחוח)Yahweh cov menyuam, vim Abba (יחוח)Yahweh twb tsa lawv lawv sawv hauv qhov tuag rov los lawm.

37 Qhov uas tibneeg ciaj sawv hauv qhov tuag rov los ntawd, Mauxe twb qhia rau hauv zaj uas hais txog tsob ntoo kub hnyiab, yog qhov chaw uas Mauxes hu Abba (יחוח)Yahweh hais tias, Abraham, Isaac, thiab Yaaqob Leej Txiv. 38 Abba (יחוח)Yahweh tsis yog cov tibneeg tuag Tus Tswv, nws yog cov tibneeg ciaj Tus Tswv. Rau qhov txhua tus puavleej tseem muaj txojsia nyob rau ntawm Abba (יחוח)Yahweh.  39 Cov xibhwb qhia Abba (יחוח)Yahweh txoj kevcai qee leej txawm hais rau (יהושע)Yahshua hais tias, Xibhwb, koj hais tau zoo kawg li.

40 Dhau ntawd, lawv tsis kav nug (יהושע)Yahshua abtsi ntxiv li lawm.

​

Tus Messiah Yog Leejtwg Li Tub

(Mattithyah 22:41-46; Yahchanan Mark 12:35-37)

41 (יהושע)Yahshua txawm nug lawv hais tias, lawv hais tau li cas hais tias tus Messiah yog Daviv tus tub? 42 Rau qhov Daviv yeej hais hauv phau Nkauj Qhuas (יחוח)Yahweh hais tias, Abba (יחוח)Yahweh hais rau kuv Tus Tswv hais tias, cia li zaum ntawm kuv sab xis,

43 mus txog thaum kuv muab koj cov yeeb ncuab ua koj lub rooj tiag taw.

44 Yog Daviv twb hu tus Messiah hais tias Tus Tswv, nws yuav ua li cas ua tau Daviv tus tub?

​

(יהושע)Yahshua Thuam Cov Xibhwb Qhia Kevcai

(Mattithyah 23:1-36; Yahchanan Mark 12:38-40)

45 Thaum cov tibneeg sawvdaws tabtom mloog tej lus qhia, (יהושע)Yahshua hais rau nws cov thwjtim hais tias, 46 cia li ceev faj cov xibhwb qhia Abba (יחוח)Yahweh txoj kevcai uas nyiam hnav lub tsho ntev mus mus los los thiab nyiam kom luag hwm lawv tom tej tshav puam, thiab nyiam zaum tej rooj siab hauv tej tsev sablaj, thiab thaum muaj rooj noj rooj haus, lawv nyiam zaum sam tsum. 47 Lawv txeeb cov poj ntsuam tej vaj tse thiab thov Abba (יחוח)Yahweh ntev ntev rau luag pom. Lawv cov no yimhuab yuav raug txim hnyav heev dua.