Tus Poj Ntsuam Tso Nyiaj

(Yahchanan Mark 12:41-44)

1 (יהושע)Yahshua tsa muag saib pom cov tibneeg nplua nuj tso nyiaj rau hauv lub phij xab tso nyiaj, 2 thiab nws pom ib tug poj ntsuam pluag pluag tso ob lub txiaj toog liab rau hauv. 3 (יהושע)Yahshua txawm hais tias, kuv hais tseeb rau nej hais tias, tus poj ntsuam txom nyem no tso nyiaj rau hauv ntau tshaj txhua tus. 4 Rau qhov lawv txhua tus yog tibneeg nplua nuj, lawv tsuas rho tej nyiaj uas seev tuaj tso rau Abba (יחוח)Yahweh xwb. Tiamsis tus pojntsuam no, lub neej txom nyem kawg li los nws tseem muab txhua yam uas yug nws txojsia tuaj tso rau hauv.

​

Lub Tuam Tsev Yuav Puam Tsuaj

(Mattithyah 24:1-2; Yahchanan Mark 13:1-2)

5 Thaum muaj qee leej qhuas lub tuam tsev hais tias, xuas tej txhib zeb zoo nkauj ua thiab xuas tej uas luag coj tuaj xyeem pub ua kom zoo nkauj. (יהושע)Yahshua txawm hais tias, 6 tej uas nej pom no, mas muaj ib hnub twg tej txhib zeb uas tib ib lub tshooj ib lub no yuav tsis tshuav ib lub uas tsis raug muab ua pob tag.

​

Tej Xwm Txheej Thaum Ntiajteb Kawg

(Mattithyah 24:3-14; Yahchanan Mark 13:3-13)

7 Lawv txawm nug (יהושע)Yahshua hais tias, Xibhwb, tej xwm txheej no yuav tshwm los thaum twg, thiab muaj yam txujci twg qhia kom paub hais tias twb ze sijhawm uas yuav tshwm los? 8 (יהושע)Yahshua hais tias, cia li ceev faj tib zoo tsam ces nej raug ntxias yuam kev. Rau qhov yuav muaj ntau leej tuav kuv lub npe los hais tias, kuv yog tus ntawd ntag, thiab hais tias, lub sijhawm los ze lawm. Tsis txhob raws lawv mus. 9 Thaum nej hnov suab ua tsov ua rog thiab kev kub ntxhov tsis txhob ntshai, rau qhov tej no yeej yuav tsum tshwm los ua ntej tiamsis hnub kawg tsis tau los txog tamsid. 10(יהושע)Yahshua txawm hais rau lawv hais tias, ib lub tebchaws yuav sawv tawm tsam rau ib lub tebchaws. Ib tug vajntxwv yuav tawm tsam rau ib tug vajntxwv.

11 Yuav muaj av qeeg ntau qhov, yuav muaj kev tshaib kev nqhis, yuav muaj mob kis rau ntau qhov, thiab yuav muaj tej xwm txheej txaus ntshai thiab tej txujci tseem ceeb los saum ntuj los. 12 Tiamsis thaum tsis tau muaj tej xwm txheej no luag yuav ntes nej thiab tsim txom nej, muab nej cob rau tej tsev sablaj thiab tej tsev lojfaj, thiab yuav coj nej mus rau ntawm tej vajntxwv thiab cov thawj kav xubntiag vim yog tim kuv lub npe. 13 Lub sijhawm ntawd yog lub sijhawm uas nej ua tau timkhawv. 14 Yog li no, nej yuav tsum nco ntsoov hais tias tsis txog yuav npaj ua ntej hais tias yuav hais li cas daws nej zaj. 15 Rau qhov kuv yuav pub tej lus thiab tswvyim rau nej hais uas nej cov yeeb ncuab yuav tiv tsis tau thiab cav tsis yeej. 6 Txawm yog niam txiv, kwvtij, tej txheeb ze thiab kwvluag los lawv yuav muab nej cob rau luag, mas luag yuav muab nej qee leej tua pov tseg. 17 Ib tsoom tibneeg yuav ntxub nej vim yog tim kuv lub npe, 18 los nej ib txog plaubhau yuav tsis puam tsuaj. 19 Nej yuav tau txojsia vim nej ua siab ntev thev.

​

Yeluxalees Yuav Puam Tsuaj

(Mattithyah  24:15-21; Yahchanan Mark 13:14-19)

20 Thaum nej pom tub rog vij nkaus lub nroog Yeluxalees, cia li paub hais tias ze lub sijhawm uas lub nroog yuav puam tsuaj tag nyob do cuas. 21 Thaum ntawd cov uas nyob hauv Yahdah tebchaws, cia li khiav mus rau pem tej roob, thiab cov uas nyob hauv lub nroog, cia li tawm khiav mus, thiab cov uas nyob tom teb tsis txhob rov los rau hauv nroog. 22 Rau qhov lub sijhawm ntawd yog hnub uas teem txim kom txhua yam uas sau cia lawd thiaj li tiav. 23 Hnub ntawd cov uas suab menyuam thiab cov uas muaj menyuam noj mis yuav txom nyem kawg li lauj! Vim hais tias yuav muaj kev txom nyem loj kawg rau lub ntiajteb, thiab txojkev npau taws yuav raug haiv neeg no. 24 Lawv yuav raug hniav ntaj hniav riam tuag tag thiab yuav raug muab ntes coj mus rau hauv txhua lub tebchaws. Thiab lwm haiv neeg yuav tsuj lub nroog Yeluxalees mus txog thaum lwm haiv neeg lub sijhawm tiav.

​

Neeg Leej Tub Yuav Los

(Mattithyah 24:29-31; Yahchanan Mark 13:24-27)

25 Yuav muaj txujci tseem ceeb tshwm rau saum lub hnub lub hli thiab tej hnub qub huvsi, thiab ib tsoom tebchaws hauv ntiajteb no yuav raug kev txom nyem thiab yuav tsis pom qab xav vim lub suab nrov uas dej hiavtxwv ntas tej niag nthwv. 26 Tej tibneeg yuav feeb pes tsias vim ntshai heev thiab tos ntsoov tej uas yuav tsim los raug lub ntiajteb. Rau qhov tej uas muaj hwjchim saum nruab ntug yuav raug muab co ua zog koog.

27 Thaum ntawd lawv yuav pom Neeg Leej Tub nrog nws lub hwjchim thiab meej mom loj nrog huab saum ntuj los.

28 Thaum tej xwm txheej no pib muaj tshwm los, cia li sawv ntsug thiab tsa taubhau, vim qhov uas txhiv nej dim los ze lawm.

​

Saib Tsob Ntoo Cev

(Yahchanan 24:32-35; Yahchanan Mark 13:28-31)

29 (יהושע)Yahshua ua paj lug hais rau lawv hais tias, cia li saib tsob ntoo cev thiab tej ntoo huvsi. 30 Thaum pib hlav nplooj, nej kuj pom thiab paub hais tias yuav txog lub caij ntujso lawm. 31 Ib yam li ntawd, thaum nej pom tej xwm txheej no tshwm los, nej kuj paub hais tias Abba (יחוח)Yahweh lub tebchaws los ze lawm. 32 Kuv hais tseeb rau nej hais tias, tiam tibneeg no yuav tsis tau dua tag mus txog thaum txhua yam no tshwm los lawm. 33 Lub ntuj thiab lub ntiajteb yuav dua mus, tiamsis kuv tej lus yuav tsis ploj kiag li.

​

Ntuas Kom Ceev Faj

34 Yuav tsum ceev faj zoo tsam ces nej lub siab qaug rau tej kev tsis tsheej haj. Kev qaug dej qaug cawv, thiab tej kev txhawj xeeb txog lub neej tiam no, ces hnub ntawd yuav los txog nej rau thaum nej tsis nco qab faj txog, 35 ib yam li mag rooj hlua. Rau qhov hnub ntawd yuav los raug txhua tus uas nyob thoob plaws hauv lub ntiajteb.

36 Nej yuav tsum zov tos txhua lub sijhawm, thiab thov Abba (יחוח)Yahweh pab kom nej muaj zog dim txhua yam xwm txheej uas yuav tshwm los no thiab sawv ntsug tau rau ntawm Neeg Leej Tub xubntiag. 37 (יהושע)Yahshua niaj hnub qhuab qhia hauv lub tuam tsev, mas tsaus ntuj nws tawm mus so saum lub roob uas hu ua roob Txiv Aulib. 38 Thaum sawv ntxov cov tibneeg sawvdaws tuaj cuag nws hauv lub tuam tsev mloog nws qhia.