Yahdah Fav Xeeb Rau (יהושע)Yahshua

(Mattithyah 26:1-5,14-16; Yahchanan Mark 14:1-2, 10-11; Yahchanan 11:45-53)

1 Kevcai Noj Ncuav tsis Xyaw Keeb uas hu ua kevcai Hla Dhau twb los yuav txog. 2 Cov pov thawj hlob thiab cov xibhwb qhia Abba (יחוח)Yahweh txoj kevcai nrhiav kev saib yuav muab (יהושע)Yahshua tua pov tseg li cas, vim lawv ntshai cov pejxeem. 3 Thaum ntawd Xatas tshoov Yahdah uas hu hais tias Ikhaliaus uas yog ib tug hauv kaum ob tug thwjtim lub siab. 4 Yahdah txawm mus nrog cov pov thawj hlob thiab cov nom tswv uas saib xyuas lub tuam tsev sablaj hais tias, yuav muab (יהושע)Yahshua cob rau lawv li cas. 5 Lawv zoo siab heev thiab cog lus hais tias yuav muab nyiaj rau Yahdah. 6 Nws txawm hais haum thiab nrhiav sijhawm muab (יהושע)Yahshua cob rau lawv, rau thaum tsis muaj tibneeg pom.

​

(יהושע)Yahshua Npaj Noj Kevcai Hla Dhau

(Mattithyah  26:17-25; Yahchanan Mark 14:12-21)

7 Thaum txog hnub uas ua kevcai Noj Ncuav tsis Xyaw Keeb yog hnub uas yuav tsum tua menyuam yaj ua kevcai Hla Dhau.

8 (יהושע)Yahshua txawm txib Kepha thiab Yahchanan mus hais tias, cia li mus npaj kevcai Hla Dhau rau peb noj. 9 Ob tug hais rau (יהושע)Yahshua hais tias, Yuav cia wb npaj noj rau qhovtwg? 10 Nws hais rau ob tug hais tias, thaum neb mus txog hauv lub nroog, mas yuav muaj ib tug yawg nqa ib lub hubdej tuaj ntsib neb. Nws nkag rau lub tsev twg, neb cia li raws nws qab mus rau hauv.

11 Neb hais rau Tus Tswv tsev ntawd hais tias, tus xibhwb hais rau koj hais tias, chav txais qhua uas kuv yuav nrog kuv cov thwjtim noj kevcai Hla Dhau nyob qhovtwg?  

12 Nws yuav qhia ib chav tsev uas dav nyob xab saud, muaj rooj tog txhij lawm. Cia li npaj qhov ntawd. 13 Ob tug txawm mus thiab ntsib raws li (יהושע)Yahshua hais rau ob tug, ces ob tug thiaj npaj ua kevcai Hla Dhau txhij zog.

​

(יהושע)Yahshua Rooj Mov

(Mattithyah 26:26-30; Yahchanan Mark 14:17-26;1 Corinthians 11:23-25)

14 Thaum txog sijhawm, (יהושע)Yahshua nrog nws cov tubtxib nyob pheeb ntawm rooj mov. 15 (יהושע)Yahshua hais rau lawv hais tias, kuv xav xav nrog nej noj pluas mov kevcai Hla Dhau no ua ke, ua ntej uas kuv yuav raug tsim txom.

16 Tiamsis kuv hais rau nej hais tias,txij no mus, kuv yuav tsis noj li no kom mus txog ntua thaum uas ua kevcai Hla Dhau hauv Abba (יחוח)Yahweh lub tebchaws. 17 Thiab nws muab ib lub khob los. Thaum ua Abba (יחוח)Yahweh tsaug tag lawd, nws hais tias, cia li txais lub khob no mus sib faib haus.

18 Kuv hais rau nej hais tias, txij no mus, kuv yuav tsis haus cawv txiv hmab mus txog rau thaum Abba (יחוח)Yahweh lub tebchaws los.

19 Thiab nws muab ib lub ncuav los. Thaum ua Abba (יחוח)Yahweh tsaug tag lawd, nws muab ntais cev rau lawv hais tias, nov yog kuv lub cev uas muab pub rau nej. Cia li ua li no thiaj nco ntsoov kuv.

20 Thaum noj hmo tag, (יהושע)Yahshua txawm muab lub khob los ua ib yam qub hais tias, lub khob uas raug muab nchuav rau nej no yog lo lus cog tseg tshiab hauv kuv cov ntshav. 21 Tus uas yuav fav xeeb rau kuv txhais tes kuj nrog kuv koom saum rooj no. 22 Neeg Leej Tub yuav mus raws li uas teem tseg cia lawd, tiamsis tus uas fav xeeb rau nws yeej yuav raug txom nyem kawg. 23 Ces lawv txawm sib nug saib lawv cov leejtwg yog tus yuav ua li ntawd.

​

Leejtwg Ua Tus Loj Dua

24 Cov thwjtim sib cam hais tias yuav pom hais tias lawv cov leejtwg yog tus loj dua. 25 (יהושע)Yahshua txawm hais rau lawv hais tias, lwm haiv neeg tej vajntxwv yeej kav rawv cov pejxeem. Thiab cov uas muaj hwj-chim kav, rov hu lawv tus kheej hais tias yog tibneeg siab dav pab luag. 26 Tiamsis nej cov tsis thooj li ntawd. Nej cov tus uas ua loj dua ntais cia li ua zoo li tus me dua ntais, thiab tus uas ua thawj cia li ua zoo li tus tub qhe.

27 Leejtwg loj dua, yog tus uas zaum noj lossis yog tus uas ua qhev? Yog tus uas zaum noj los tsis yog? Tiamsis kuv nrog nej nyob zoo li tus uas ua qhev. 28 Nej yog cov uas nrog nraim kuv nyob rau thaum kuv raug sim siab txom nyem.

29 Mas kuv npaj ib lub tebchaws rau nej ib yam li kuv Txiv npaj rau kuv lawm. 30 Kom nej thiaj tau noj tau haus ntawm kuv lub rooj hauv kuv lub tebchaws, thiab nej yuav tau zaum saum tej zwm txwv txiav txim rau kaum ob xeem Ixayees.

​

Kepha Yuav Tsis Lees Paub (יהושע)Yahshua

(Mattithyah 26:31-35; Yahchanan Mark 14:27-31 Yahchanan13:36-38)

31 Simon, Simon es, saib maj, Xatas twb thov nej lawm yuav muab nej tshau ib yam li tshau mog. 32 Tiamsis kuv twb thov Abba (יחוח)Yahweh pab kom koj kev ntseeg tsis txhob tu. Mas thaum koj tig rov los lawd, koj cia li txhawb koj cov kwvtij lub zog. 33 Kepha hais rau (יהושע)Yahshua hais tias, Tus Tswv, kuv yeej npaj txhij yuav nrog koj raug kaw hauv tsev lojfaj thiab nrog koj tuag ua ke.

34 (יהושע)Yahshua hais tias, kepha  es, kuv hais rau koj hais tias, hnub no thaum qaib tsis tau qua, koj yuav tsis lees paub kuv peb zaug.

​

Lub Hnab Nyiaj, Hnab Thoob Puab, Thiab Ntaj

35 (יהושע)Yahshua hais rau lawv hais tias, thaum kuv txib nej tawm mus es tsis muaj hnab nyiaj, hnab thoob puab, thiab khau, nej tu ncua abtsi? Lawv teb hais tias, tsis tu ncua abtsi. 36 (יהושע)Yahshua txawm hais rau lawv hais tias, tamsim no, leejtwg muaj hnab nyiaj kuj cia nws nqa mus, thiab hnab thoob puab los ib yam li ntawd thiab. Tus uas tsis muaj ntaj kuj cia li muab nws lub tsho ntev muag mus yuav ntaj. 37 Kuv hais rau nej hais tias ,tej lus uas muab sau cia lawd yuav tsum tiav rau hauv kuv, uas hais tias, nws raug muab suav rau hauv cov tibneeg muaj txim. Tej uas muab sau tseg hais txog kuv tabtom tiav. 38 Lawv txawm hais tias, Tus Tswv, ntawm no muaj ob rab ntaj. (יהושע)Yahshua hais rau lawv hais tias, txaus lawm!

​

(יהושע)Yahshua Thov Abba (יחוח)Yahweh Saum Lub Roob Txiv Aulib

(Mattithyah 26:36-46; Yahchanan Mark 14:32-42)

39 (יהושע)Yahshua txawm tawm mus pem lub roob Txiv Aulib ib yam li txhua zaus mus. Nws cov thwjtim kuj raws nws qab mus.

40 Thaum nws mus txog lawm, (יהושע)Yahshua hais rau lawv hais tias, nej cia li thov Abba (יחוח)Yahweh kom thiaj tsis raug kev sim siab. 41 (יהושע)Yahshua txawm ncaim lawv mus deb li laim ib pob zeb, mas nws txhos caug thov Abba (יחוח)Yahweh hais tias, 42 Au Leej Txiv, yog koj pom zoo, thov rho lub khob no ntawm kuv mus. Txawm li cas kuj xij, tsis txhob ua raws li kuv lub siab, cia ua raws li koj lub siab. 43 Muaj ib tug tubtxib saum ntuj los tshwm rau (יהושע)Yahshua thiab txhawb nws lub zog.

44 (יהושע)Yahshua nyuaj siab kawg nkaus li, nws yimhuab thov Abba (יחוח)Yahweh heev. Nws tawm hws zoo yam nkaus li ntshav nrog tej teev rau hauv av. 45 Thaum (יהושע)Yahshua thov tag, nws sawv rov los rau ntawm cov thwjtim, pom lawv tsaug zog tib cov nyuaj siab ntsuav. 46 Nws txawm hais rau lawv hais tias, nej tsaug zog ua abtsi? Cia li sawv tsees thov Abba (יחוח)Yahweh, kom nej thiaj tsis raug kev sim siab.

​

Ntes (יהושע)Yahshua

(Mattithyah 26:47-56; Yahchanan Mark  14:43-50; Yahchanan 18:3-11)

47 Thaum (יהושע)Yahshua tseem tabtom hais lus, txawm muaj ib pab tibneeg coob tuaj, thiab tus yawg uas hu ua Yahdah uas yog ib tug hauv kaum ob tug thwjtim coj lawv tuaj. Yahdah txav los ze yuav nwj (יהושע)Yahshua. 48 Tiamsis (יהושע)Yahshua hais rau nws hais tias, Yahdah es, koj yuav nwj fav xeeb rau Neeg Leej Tub lov? 49 Thaum cov uas nrog (יהושע)Yahshua pom hais tias yuav muaj teeb meem, lawv txawm hais tias, Tus Tswv, peb siv ntaj tua lov? 50 Muaj ib tug txawm tib ntag tus tuam pov thawj hlob tus tub qhe, txiav nws sab nplooj ntseg xis tu nrho. 51(יהושע)Yahshua hais tias, cia li tsum! Ces (יהושע)Yahshua txawm cev tes npuab tus ntawd sab pob ntsej thiab kho rau zoo lawm.

52 (יהושע)Yahshua txawm hais rau cov pov thawj hlob thiab cov thawj rog uas saib xyuas lub tuam tsev thiab cov kev txwj laug uas tawm tuaj ntes nws hais tias, nej coj ntaj coj qws tuaj ntes kuv ib yam li tawm mus ntes tub sab lov?

53 Thaum kuv niaj hnub nrog nej nyob hauv lub tuam tsev, nej ho tsis cev tes ntes kuv. Rau qhov lub sij hawm no thiaj li yog nej lub thiab yog lub hwjchim uas tsaus ntuj nti.

​

Kepha Tsis Lees (יהושע)Yahshua

(Mattithyah 26:57-58,69-75; Yahchanan Mark 14:53-54,66-72; Yahchanan 18:12-18,25-27)

54 Lawv txawm ntes (יהושע)Yahshua coj mus rau hauv tus tuam pov thawj hlob lub tsev. Kepha raws (יהושע)Yahshua qab deb deb mus. 55 Thaum lawv rauv taws nte nraum vajloog thiab zaum ncig lub cubtawg. Kepha kuj nrog lawv zaum ua ke ntawd thiab.

56 Muaj ib tug nkauj qhe pom Kepha zaum ntawm qhovcub. Nws txawm saib ntsoov tuaj rau Kepha thiab hais tias, tus no yog ib tug nrog (יהושע)Yahshua ua ke thiab sav.

57 Tiamsis Kepha tsis lees, nws hais tias, tus muam es, kuv yeej tsis paub tus ntawd li os.

58 Dhau ntawd ib pliag muaj ib tug txivneej pom Kepha , nws hais rau Kepha hais tias, koj yog lawv pab ntawd ib tug thiab los sav. Tiamsis Kepha teb hais tias, txiv ntxawm es, kuv tsis yog. 59 Dhau ntawd kwvlam ib teev, muaj dua ib tug hais tawv tawv hais tias, tus no yeej yog ib tug uas nrog (יהושע)Yahshua ua ke tiag tiag li, vim nws twb yog tibneeg Kalilais. 60 Kepha hais tias, txiv ntxawm es, kuv yeej tsis paub koj hais txog ab. Thaum Kepha tseem tabtom hais li ntawd qaib txawm qua tamsid. 61 (יהושע)Yahshua txawm tig los saib Kepha , mas Kepha nco dheev txog tej lus uas (יהושע)Yahshua tau hais rau nws hais tias, hmo no thaum qaib tsis tau qua, koj yuav tsis lees paub kuv peb zaug. 62 Kepha txawm tawm mus rau sab nraud thiab quaj nyuaj siab heev.

​

Ua Saib Tsis Taus (יהושע)Yahshua

(Mattithyah 26:67-68; Yahchanan Mark  14:65)

63 Cov uas ntes (יהושע)Yahshua kuj thuam luag thiab ntaus (יהושע)Yahshua.

64 Lawv muab ntaub qhwv (יהושע)Yahshua qhov muag nug nws hais tias, cia li cev Abba  (יחוח)Yahweh lus. Saib leejtwg ntaus koj?

65 Thiab lawv tseem hais ntau yam tuam mom (יהושע)Yahshua.

​

(יהושע)Yahshua Nyob Ntawm Cov Thawj Xubntiag

(Mattithyah 26:59-66; YahchananMk. 14:55-64; Yahchanan18:19-24)

66 Thaum kaj ntug cov kev txwj laug hauv cov pejxeem, cov pov thawj hlob, thiab cov xibhwb qhia Abba (יחוח)Yahweh txoj kevcai tuaj txoos ua ke. Lawv coj (יהושע)Yahshua mus rau hauv lawv lub chaw sablaj thiab hais tias, 67 Yog koj yog tus Messiah kuj cia li hais rau peb. Tiamsis (יהושע)Yahshua hais rau lawv hais tias, txawm yog kuv hais rau nej los nej yuav tsis ntseeg. 68 Thiab yog kuv nug los nej yuav tsis teb. 69 Tiamsis txij no mus Neeg Leej Tub yuav zaum ntawm Abba (יחוח)Yahweh uas muaj hwjchim loj kawg nkaus sab xis. 70 Lawv txhua tus txawm hais tias, yog li ntawd, koj yog Abba (יחוח)Yahweh tus tub lov? (יהושע)Yahshua hais rau lawv hais tias, nej hais tias kuv yog. 71 Lawv txawm hais tias, peb tseem yuav nrhiav timkhawv ntxiv li cas? Peb twb hnov nws kiag ntawm nws lub qhov ncauj los lawm.