(יהושע)Yahshua Nyob Ntawm Philaj Xubntiag

(Mattithyah 27:1-2,11-14; Yahchanan Mark  15:15; Yahchanan 18:28-38)

1 Lawv sawvdaws txawm sawv tsees coj (יהושע)Yahshua mus cuag Philaj.

2 Lawv pib kom (יהושע)Yahshua hais tias, Peb pom tus no tabtom ntxeev peb lub tebchaws. Nws txwv kom peb tsis txhob them se rau Xixas thiab hais tias nws yog tus Messiah, yog ib tug vajntxwv. 3 Philaj txawm nug (יהושע)Yahshua hais tias, koj yog cov Yudai tus vajntxwv lov?

(יהושע)Yahshua hais tias, yog li koj hais. 4 Philaj txawm hais rau cov pov thawj hlob thiab cov tibneeg ntawd hais tias, kuv tsis pom tus no muaj ib qho txhaum kiag li. 5 Tiamsis lawv hais tawv qhawv hais tias, tus no ntxias cov pejxeem thiab qhuab qhia thoob plaws Yahdah txij ntua Kalilais los txog ntawm no.

​

(יהושע)Yahshua Nyob Ntawm Helauj Xubntiag

6 Thaum Philaj hnov li ntawd, nws txawm nug hais tias tus ntawd yog tibneeg Kalilais lov? 7 Thaum nws paub hais tias (יהושע)Yahshua nyob hauv Helauj li kav xyuam, nws txawm xa (יהושע)Yahshua mus cuag Helauj uas tseem nyob hauv Yeluxalees rau lub sijhawm ntawd.

8 Thaum Helauj pom (יהושע)Yahshua nws kuj zoo siab heev rau qhov nws twb xav pom (יהושע)Yahshua ntev los lawm rau qhov nws twb hnov txog (יהושע)Yahshua, thiab nws vam hais tias yuav pom (יהושע)Yahshua ua ib yam txujci tseem ceeb.

9 Nws txawm nug (יהושע)Yahshua ntau yam tiamsis (יהושע)Yahshua tsis teb li.

10 Cov pov thawj hlob thiab cov xibhwb qhia Abba(יחוח)Yahweh txoj kevcai txav zog los ua tawv tawv rau Helauj hais tias, (יהושע)Yahshua ua txhaum.

11 Helauj thiab nws cov tub rog kuj ua saib tsis taus thiab thuam luag (יהושע)Yahshua. Lawv muab ib lub tsho zoo zoo nkauj kho rau (יהושע)Yahshua hnav. Helauj txawm xa (יהושע)Yahshua rov mus rau Philaj. 12 Txij hnub ntawd los ces Helauj thiab Philaj txawm sib raug zoo lawm. Yav tag los nkawv yog yeeb ncuab xwb.

​

(יהושע)Yahshua Raug Teem Txim Tuag

(Mattithyah 27:15-26; Yahchanan Mark  15:6-15; Yahchanan 18:39-19:16)

13 Philaj txawm hu cov pov thawj hlob, cov thawj, thiab cov pejxeem tuaj txoos ua ke.

14 Thiab hais rau lawv hais tias, nej coj tus no tuaj cuag kuv hais tias nws ntxias cov pejxeem kom fav xeeb. Kuv twb tshawb saib nws tab meeg nej los kuv tsis pom hais tias nws muaj kev txhaum raws li nej hais. 15 Thiab Helauj kuj tsis pom nws muaj kev txhaum rau qhov Helauj twb xa nws rov los cuag kuv. Saib maj, tus no yeej tsis muaj ib qhov txhaum uas tsim nyog muab rau txim tuag.

16 Vim li no kuv yuav muab nws nplawm thiab tso nws dim. 18 Tiamsis cov tibneeg ib txhij qw hais tias, muab tus no tua pov tseg, es tso Npalanpas rau peb.

19 Npalanpas raug kaw hauv tsev lojfaj vim yog ntxias tibneeg fav xeeb hauv lub nroog thiab tua tibneeg. 20 Philaj kuj xav tso (יהושע)Yahshua dim thiaj rov hais dua rau lawv, 21 tiamsis lawv qw nrov hais tias, muab nws teem, muab nws teem rau saum ntoo ntsia tes. 22 Philaj hais rau lawv zaum peb hais tias, ua cas muab teem? Nws tau ua txhaum abtsi? Kuv tsis pom nws ua txhaum abtsi uas yuav tsim nyog tuag. Vim li no kuv yuav muab nws nplawm thiab tso nws mus.

23 Tiamsis lawv qw nrov nrov txhib kom muab (יהושע)Yahshua teem rau saum ntoo ntsia tes, ces lawv lub suab txawm kov yeej. 24 Philaj thiaj txiav txim raws li lawv thov.

25 Nws thiaj tso tus uas lawv thov ntawd yog tus raug kaw hauv tsev lojfaj vim yog ntxias tibneeg fav xeeb thiab tua tibneeg. Thiab nws muab (יהושע)Yahshua cob rau lawv ua raws li lawv lub siab.

​

Teem (יהושע)Yahshua Saum Ntoo Ntsia Tes

(Mattithyah 27:32-44; Yahchanan Mark  15:21-32; Yahchanan 19:17-27)

26 Thaum lawv tabtom coj (יהושע)Yahshua mus, lawv yuam Simon uas yog tibneeg Khulenes taug kev pem yaj sab tuaj. Lawv txawm muab tus ntoo ntsia tes rau nws kwv lawv (יהושע)Yahshua qab mus. 27 Muaj tibneeg coob coob nrog rau ib co pojniam uas mob siab thiab quaj raws (יהושע)Yahshua qab mus.

28 (יהושע)Yahshua tig los saib lawv thiab hais tias, Yeluxalees cov ntxhais es, tsis txhob quaj kuv, cia li quaj nej tus kheej thiab nej cov menyuam nawj. 29 Rau qhov twb yuav txog lub sijhawm uas luag yuav hais tias, cov pojniam mooj(ib txwm muaj tsis taus menyuam), lub plab uas tsis tau xeeb dua menyuam, thiab tej txiv mis uas menyuam tsis tau ntxais dua tau koob hmoov. 30 Lub sijhawm ntawd lawv yuav pib hu rau tej roob hais tias, cia li nphau los tsuam peb, thiab hu rau tej pov roob hais tias, cia li txhub kiag peb. 31 Thaum tsob ntoo nyoos, lawv twb ua li no, thaum tsob ntoo qhuav lawm, lawv tseem yuav ua li cas?

32 Lawv kuj coj ob tug tibneeg phem mus tua pov tseg nrog (יהושע)Yahshua ua ke.

33 Thaum lawv mus txog lub chaw uas hu hais tias roob Txha Taubhau, lawv txawm muab (יהושע)Yahshua teem rau saum ntoo ntsia tes rau qhov ntawd, thiab muab ob tug tibneeg phem ntawd teem nrog (יהושע)Yah-shua, sab xis ib tug sab laug ib tug.

34 (יהושע)Yahshua hais tias, Au kuv Txiv, thov daws lawv lub txim, vim lawv tsis paub hais tias lawv ua abtsi. Lawv muab (יהושע)Yahshua lub tsho los ua ntawv rho faib rau lawv. 35 Cov tibneeg kuj sawv ntawd ntsia ntsoov. Cov thawj kuj thuam luag (יהושע)Yahshua hais tias, nws cawm tau luag dim, yog hais tias nws yog tus Messiah uas (יחוח)Yahweh xaiv cia lawm tiag, kuj cia li cawm nws tus kheej kom dim los maj! 36 Cov tub rog kuj thuam luag nws, thiab los muab cov kua qaub cev rau nws haus, 37 thiab hais tias, yog koj yog cov Yahdah tus vajntxwv, cia li cawm koj tus kheej kom dim los maj! 38 Ntawm (יהושע)Yahshua lawm saud, muaj ib co lus sau hais tias, tus no yog cov tibneeg Yahdah tus vajntxwv. 39 Ib tug uas raug teem rau saum ntoo ntsia tes ntawd, pheej hais lus tuam mom (יהושע)Yahshua hais tias, koj tsis yog tus Messiah lov? Cia li cawm koj thiab cawm wb kom dim los maj!

 40 Tiamsis muaj dua ib tug txwv nws hais tias,koj tsis ntshai Abba (יחוח)Yahweh lov? Koj twb raug teem txim ib yam li nws thiab. 41 Wb ob leeg yeej raug txim raws li txojcai. Vim wb tau saws raws li wb tau ua los lawm. Tiamsis tus no twb tsis tau ua ib qho txhaum hlo li. 42 Ces nws txawm hais rau (יהושע)Yahshua hais tias, Xibhwb, thaum koj rov qab los ua vajntxwv hauv koj lub tebchaws, thov koj nco txog kuv thiab.

43 (יהושע)Yahshua hais rau nws hais tias, kuv hais tseeb rau koj hais tias, hnub no koj yeej yuav tau nrog kuv nyob ua kev hauv lub tebchaws uas zoo kawg nkaus.

​

(יהושע)Yahshua Tuag

(Mattithyah 27:45-56; Yahchanan Mark  15:33-41; Yahchanan19:28-30)

44 Thaum ntawd kwvlam tav su txawm tsaus ntuj ntais thoob plaws lub tebchaws mus txog hnub qaij peb teev. 45 Lub hnub kuj tsaus nti, daim ntaub uas thaiv hauv lub tuam tsev txawm ntuag rhe ua ob daig.

46 (יהושע)Yahshua txawm tsa suab qw nrov hais tias, kuv Txiv, kuv muab kuv tus ntsuj plig cob rau hauv koj txhais tes. (יהושע)Yahshua hais li ntawd tag nws txawm tu siav nrho. 47 Thaum tus thawj rog uas kav ib puas leej pom tej uas tshwm los no, nws txawm qhuas Abba (יחוח)Yahweh hais tias, tseeb tiag lauj, tus no yeej yog ib tug ncaj ncees. 48 Cov tibneeg coob uas tuaj saib tej xwm txheej no, thaum pom lawd kuj ntaus hauv siab rov qab mus tsev. 49 Txhua tus uas paub (יהושע)Yahshua thiab cov pojniam uas nrog (יהושע)Yahshua tuaj pem Kalilais tuaj, kuj sawv deb deb saib tej xwm txheej no.

​

Muab (יהושע)Yahshua Faus

(Mattithyah 27:57-61; Yahchanan Mark  15:42-47; Yahchanan 19:38-42)

50 Muaj ib tug yawg npe hu ua Yahseph uas nyob hauv cov Yahdah lub moos Alimathias tuaj. Nws yog ib tug hauv cov thawj coj lub rooj sablaj thiab yog ib tug tibneeg zoo ncaj ncees. 51 Nws tsis pom zoo rau tej uas lawv txiav tsim thiab ua li ntawd rau (יהושע)Yahshua.

Thiab nws tos rawv Abba (יחוח)Yahweh lub tebchaws. 52 Yauxej txawm mus cuag Philaj thov (יהושע)Yahshua lub cev tuag.

53 Thaum Yahseph txo (יהושע)Yahshua lub cev tuag los lawd nws muab ib daim ntaub mag qhwv, coj mus tso rau hauv lub qhov ntxa uas txaug cia rau hauv phab zeb, uas tsis tau faus tuag li. 54 Hnub ntawd yog hnub uas npaj rau hnub Sabbath uas twb yuav txog. 55 Cov pojniam uas nrog (יהושע)Yahshua tuaj pem Kalilais tuaj kuj raws qab mus pom lub qhov ntxa ntawd thiab pom hais tias lawv muab (יהושע)Yahshua lub cev tuag tso li cas. 56 Ces cov pojniam ntawd txawm rov qab mus npaj tshuaj tsw qab thiab roj tsw qab. Hnub Sabbath lawv txawm so raws li kevcai.