(יהושע)Yahshua Ciaj Sawv Rov Los

(Mattithyah 28:1-10; Yahchanan Mark  16:1-8; Yahchanan20:1-10)

Hnub ib thaum sawv ntxov kajntug txoog, cov pojniam coj tej tshuaj tsw qab uas lawv twb npaj tseg lawm mus tom lub qhov ntxa. 2 Lawv pom daim lag zeb twb muab dov tawm ntawm rooj ntxa lawm.

3 Lawv thiaj nkag mus rau hauv saib ua cas tsis pom (יהושע)Yahshua lub cev tuag lawm.

4 Thaum lawv tseem xav tsis thoob rau tej no, ua ciav txawm muaj ob tug yawg hnav tsoos tsho ci ntsa iab los sawv ntawm lawv ib sab. 5 Lawv ntshai heev thiab nyo hau rau hauv pemteb. Ob tug yawg ntawd txawm hais rau lawv hais tias, ua cas nej nrhiav tus tibneeg ciaj hauv cov tibneeg tuag? 6 Nws tsis nyob ntawm no, nws twb ciaj sawv rov los lawm. Cia li nco txog tej lus uas thaum tseem nyob hauv Kalilais nws hais rau nej hais tias, 7 Neeg Leej Tub yuav tsum raug muab cob rau hauv cov tibneeg muaj txim txhais tes, thiab yuav raug muab teem rau saum ntoo ntsia tes, mas peb hnub yuav ciaj sawv rov los.  8 Ces lawv thiaj nco dheev txog (יהושע)Yahshua tej lus. 9 Thaum lawv rov tom ntxa los txog, lawv thiaj los piav tej xwm txheej no huvsi rau kaum ib tug thwjtim thiab cov tibneeg uas nrog lawv nyob ntawd mloog. 10 Cov uas los piav tej xwm txheej no rau cov thwjtim mloog yog Miriam Madalas, Yauanas, Miriam uas yog Yaaqob niam, thiab ob peb tug pojniam uas nrog lawv ua ke. 11 Tiamsis cov thwjtim pom tias tej lus ntawd tsis muaj tseeb thiaj tsis ntseeg cov pojniam. 12 Tiamsis Kepha sawv tsees khiav mus tom lub ntxa. Thaum nyo xauj rau hauv tsuas pom tej ntaub mag xwb, txawm rov los phimhwj kawg rau tej xwm txheej uas tshwm los ntawd.

​

Taug Kev Mus Lub Zos Emau

(Yahchanan Mark 16:12-13)

13 Tib hnub ntawd muaj ob tug thwjtim taug kev mus rau ib lub zos npe hu ua Emaus, nyob deb ntawm Yeluxalees kwvlam kaum ib kilumeb. 14 Ob tug sib tham txog txhua yam xwm txheej uas tshwm los no. 15 Thaum ob tug tabtom sib tham sib nug ntawd, (יהושע)Yahshua txawm los ze nrog ob tug taug kev ua ke mus. 16 Tiamsis ob tug qhov muag plooj lawm cim tsis tau (יהושע)Yahshua.

17 (יהושע)Yahshua hais rau ob tug hais tias, thaum taug kev tuaj neb sib tham txog abtsi? Ob tug txawm nres nkaus ua ntsej muag mluas mlob. 18 Tus uas npe hu ua Khelaupas txawm teb (יהושע)Yahshua hais tias, koj tib leeg yog tus qhua hauv Yeluxalees uas tsis paub tej xwm txheej uas tshwm los ob peb hnub no lov? 19(יהושע)Yahshua hais rau ob tug hais tias, xwm txheej abtsi? Ob tug teb nws hais tias, tej xwm txheej uas tshwm rau (יהושע)Yahshua uas yog tibneeg Nanales. Nws yog ib tug xibhwb cev Abba (יחוח)Yahweh lus uas muaj hwjchim ua haujlwm thiab hais tau lus tseem ceeb tab meeg Abba (יחוח)Yahweh thiab tab meeg cov tibneeg sawvdaws, 20 mas peb cov pov thawj hlob thiab cov thawj muab nws cob rau luag rau txim tuag thiab muab teem rau saum ntoo ntsia tes. 21 Peb twb vam hais tias nws yuav ua tus uas txhiv cov Ixayees dim. Dua li ntawd, hnub no yog hnub peb uas muaj tej xwm txheej ntawd tshwm los. 22 Cov pojniam uas nrog peb ua ke muaj qee leej ua rau peb phimhwj heev. Lawv sawv mus tom lub qhov ntxa, 23 mas tsis pom (יהושע)Yahshua lub cev tuag lawm. Lawv rov los piav hais tias lawv ua yog toog pom ob tug tubtxib saum ntuj hais tias tus ntawd tseem muaj txojsia nyob. 24 Peb cov qee leej txawm mus tom lub qhov ntxa mas pom raws li cov pojniam hais, tiamsis tsis pom (יהושע)Yahshua.

25 (יהושע)Yahshua txawm hais rau ob tug hais tias, Au tibneeg ruam thiab tsis kub siab ntseeg txhua yam uas cov xibhwb cev Abba

(יחוח)Yahweh lus hais cia lawd. 26 Tus Messiah yeej yuav tsum raug txom nyem li ntawd thiaj li tau nws lub hwjchim ci ntsa iab los tsis yog? 27 Ces (יהושע)Yahshua txawm txhais Abba (יחוח)Yahweh txojlus txhua nqe uas ntsig txog nws rau ob tug mloog pib kiag ntawm Mauxe mus rau cov xibhwb cev Abba (יחוח)Yahweh lus huvsi.

28 Thaum lawv tuaj ze lub zos uas yuav mus ntawd, (יהושע)Yahshua txawm ua li nws yuav dhau plaws mus. 29 Tiamsis ob tug cheem cheem nws hais tias, koj cia li nrog wb so ua ke vim twb yuav tsaus ntuj thiab hnub yuav poob qho. (יהושע)Yahshua thiaj nkag mus nrog ob tug so. 30 Thaum (יהושע)Yahshua nrog ob tug zaum ntawm rooj mov, nws txawm muab ncuav los thov Abba (יחוח)Yahweh foom koob hmoov, thiab muab ntais cev rau ob tug. 31 Ces ob tug qhov muag txawm qheb kiag ob tug thiaj cim tau (יהושע)Yahshua. Ces (יהושע)Yahshua txawm ploj ntais ntawm ob tug mus lawm.

32 Ob tug txawm sib tham hais tias, wb ob leeg lub siab kub qas lug rau thaum nws nrog wb tham taug kev thiab thaum nws txhais Abba (יחוח)Yahweh txojlus rau wb mloog los tsis yog? 33 Ob tug txawm sawv tsees tamsim ntawd rov mus rau Yeluxalees, mas ntsib kaum ib tug tubtxib thiab cov uas nrog lawv ua ke tuaj txoos ua ke. 34 Lawv hais tias, (יהושע)Yahshua ciaj sawv rov los lawm tiag tiag li, nws twb los tshwm rau Simon pom.

35 Ob tug ntawd txawm piav tej uas tshwm taug kev thiab qhov uas ob tug paub (יהושע)Yahshua rau thaum muab ncuav ntais ntawd, rau lawv mloog.

​

(יהושע)Yahshua Tshwm Rau Cov Thwjtim Pom

(Mattithyah 28:16-20; Yahchanan Mark  16:14-18;

Yahchanan 20:19-23;Tubtxib 1:6-8)

36 Thaum ob tug tabtom piav txog zaj no, (יהושע)Yahshua txawm los sawv ntsug hauv lawv nruab nrab, thiab hais rau lawv hais tias, [Nej cia li nyob kaj siab lug.] 37 Lawv poob siab ntshai kawg, lawv xav hais tias pom ib tug dab.

38 (יהושע)Yahshua hais rau lawv hais tias, nej ntxhov siab ua abtsi? Vim li cas nej tsis tso siab ntseeg?  39 Cia li saib kuv txhais tes thiab kuv txhais kotaw yeej yog kuv ntag. Thiab kov kuv lub cev saib, rau qhov dab tsis muaj nqaij muaj txha yam li nej pom kuv muaj. 40 Thaum hais li ntawd tag, (יהושע)Yahshua txawm muab nws txhais tes thiab txhais kotaw rau lawv saib.

41 Thaum lawv tseem tsis tshua ntseeg vim yog zoo siab thiab tseem tabtom phimhwj, (יהושע)Yahshua txawm hais rau lawv hais tias, ntawm no nej muaj abtsi noj los tsis muaj? 42 Lawv txawm muab ib qhov ntses ci rau (יהושע)Yahshua, 43 nws txawm noj tab meeg lawv. 44 (יהושע)Yahshua hais rau lawv hais tias, no yog tej lus uas kuv hais rau nej rau thaum kuv tseem nrog nej nyob hais tias txhua lo lus uas sau cia rau hauv Mauxe phau kevcai thiab sau rau hauv cov xibhwb cev Abba (יחוח)Yahweh lus thiab hauv ntawv nkauj uas hais txog kuv puavleej yeej yuav tsum tiav. 45 Thiab (יהושע)Yahshua qheb lawv lub siab kom to taub Abba (יחוח)Yahweh txojlus, 46 thiab hais rau lawv hais tias, muaj lus sau cia hais hais tias tus Messiah yuav tsum raug kev tsim txom thiab peb hnub yuav ciaj sawv hauv qhov tuag rov los, 47 thiab yuav tsum tuav tus Messiah lub npe tshaj tawm qhov uas ntxeev dua siab tshiab thiab qhov uas daws tau lub txim rau txhua haiv neeg mloog, yuav pib ntawm Yeluxalees mus. 48 Nej yog cov uas ua timkhawv rau tej no ntag. 49 Saib maj, kuv yuav tso yam uas kuv Leej Txiv cog lus tseg lawm los rau saum nej. Tiamsis nej yuav tsum nyob hauv lub nroog tos mus txog thaum nej tau hnav lub hwjchim uas los saum ntuj los.

​

(יהושע)Yahshua Mus Saum Ntuj

(Yahchanan Mark  16:19-20; Tubtxib  1:9-11)

50 (יהושע)Yahshua txawm coj lawv tawm mus txog lub zos Npethanis, mas nws tsa ob txhais tes foom koob hmoov rau lawv. 51 Thaum nws tabtom foom koob hmoov ntawd, nws txawm ncaim lawv mus lawm, thiab nws raug coj mus saum ntuj.

52 Lawv txawm pe hawm nws thiab rov los rau hauv Yeluxalees zoo siab kawg, 53 thiab niaj hnub nyob hauv lub tuam tsev qhuas Abba (יחוח)Yahweh.