Txojlus Yug Los Ua Tibneeg​

1 Thaum chiv keeb Txojlus yeej los muaj nyob, thiab Txojlus ntawd yeej nrog Abba (יחוח)Yahweh nyob. Txojlus ntawd yog Abba (יחוח)Yahweh. 2 Txojlus ntawd yeej ib txwm nrog Abba (יחוח)Yahweh nyob thaum chiv keeb los lawm.

3 Abba (יחוח)Yahweh kom Txojlus ntawd tsim txhua yam. Yeej tsis muaj ib yam abtsi uas yuav tsis yog Txojlus ntawd tsim tshwm los li.

4 Txojlus ntawd yog lub hauvpaus txojsia, thiab txojsia ntawd yog qhov kaj rau tibneeg pom kev. 5 Txojkev kaj ci tuaj rau hauv qhov tsaus ntuj, mas qhov tsaus ntuj kov tsis yeej txojkev kaj. 6 Muaj ib tug yawg uas Abba (יחוח)Yahweh txib tuaj hu ua Yahchanan. 7 Yahchanan tuaj ua timkhawv rau txojkev kaj kom txhua tus uas tau hnov txojlus ntawd thiaj li los ntseeg. 8 Yahchanan tsis yog txojkev kaj ntawd, tiamsis nws tuaj ua timkhawv txog txojkev kaj xwb. 9 Txojkev kaj tseeb uas ua rau tibneeg txhua tus pom kev tabtom los rau hauv lub ntiajteb.

10 Nws nyob lub ntiajteb, thiab lub ntiajteb yog Abba (יחוח)Yahweh siv nws tsim tiamsis lub ntiajteb tsis lees paub nws. 11 Nws los rau hauv nws teb nws chaw los nws haiv neeg tsis lees yuav nws. 12 Tiamsis txhua tus uas lees yuav nws, yog cov uas ntseeg nws lub npe, nws kuj pub lawv muaj feem ua Abba (יחוח)Yahweh cov menyuam. 13 Tsis yog yug ntawm nqaij ntawm ntshav raws li tibneeg ib txwm yug lossis yug raws li tibneeg lub siab xav tiamsis yug ntawm Abba (יחוח)Yahweh los. 14 Txojlus ntawd tshwm los ua tibneeg thiab nyob hauv peb nruab nrab. Peb pom nws lub hwjchim, yog lub hwjchim ci ntsa iab uas phim Leej Txiv tib leeg Tub, nws muaj txojkev hlub, txojkev tseeb nplua mias.

15 Yahchanan ua timkhawv txog nws thiab qw hais tias, tus no yog tus uas kuv hais txog hais tias, tus uas los ua kuv qab loj dua kuv, rau qhov nws yeej nyob ua kuv ntej lawm.

16 Peb tau txais txojkev hlub ntxiv rau txojkev hlub uas nws muaj nplua mias ntawd.

17 Peb tau txoj kevcai ntawm Mauxes los, tiamsis txojkev hlub thiab txojkev tseeb yog los ntawm (יהושע)Yahshua Messiah los.

18 Yeej tsis tau muaj leejtwg pom dua Abba (יחוח)Yahweh li. Tsuas yog tib tug tub uas yog Abba (יחוח)Yahweh thiab nyob ntawm Leej Txiv lub xubntiag thiaj qhia Abba (יחוח)Yahweh tshwm los xwb.

​

Yahchanan Tej Lus Timkhawv

(Mth. 3:1-12; Ych. Mk. 1:1-8; Lk. . 3:1-18)

19 No yog Yahchanan tej lus timkhawv, yog thaum cov Yahdaim txib cov pov thawj thiab cov Levis hauv lub nroog Yeluxalees mus nug nws hais tias, koj yog leejtwg? 20 Yahchanan kuj yeem lees, nws qhia tseeb rau lawv hais tias, kuv tsis yog tus Messiah. 21 Lawv thiaj nug nws hais tias, yog li ntawd koj yog leejtwg? Koj yog Eliyas lov? Nws hais tias, kuv tsis yog. Lawv nug hais tias, koj yog tus xibhwb cev Abba (יחוח)Yahweh lus uas yuav los ntawd lov? Nws teb hais tias, kuv tsis yog.

22 Lawv txawm hais rau nws hais tias, ces koj yog leejtwg? Thov teb qhia rau cov uas txib peb tuaj. Koj yuav teb li cas txog koj tus kheej? 23 Yahchanan hais tias, kuv yog lub suab qw hauv tebchaws moj sab qhua hais tias, cia li ua Abba (יחוח)Yahweh txojkev kom ncaj, raws li xibhwb Isayah uas cev Abba (יחוח)Yahweh lus hais tseg lawd. 24 Cov uas yog cov Falixais txib tuaj ntawd,

25 txawm nug hais tias, yog koj tsis yog tus Messiah, tsis yog Eliyas, thiab tsis yog tus xibhwb cev Abba (יחוח)Yahweh lus ntawd, ua cas koj ho muab tibneeg ua kevcai raus dej? 26 Yahchanan teb lawv hais tias, kuv coj ua kevcai raus dej, tiamsis muaj ib tug sawv ntsug hauv nej nruab nrab uas nej tsis paub. 27 Tus ntawd los ua kuv qab, kuv twb tsis tsim nyog daws nws txoj hlua khau kiag li.

28 Tej xwm txheej no tshwm rau hauv lub zos Npethanis uas nyob sab dej Yaladees tim ub, yog lub chaw uas Yahch-anan tabtom muab tibneeg ua kevcai raus dej.

​

Abba (יחוח)Yahweh Tus Menyuam Yaj

29 Hnub tom qab, Yahchanan pom (יהושע)Yahshua taug kev tuaj rau ntawm nws, nws txawm hais tias, cia li saib Abba (יחוח)Yahweh tus menyuam yaj uas ris ntiajteb lub txim mus. 30 Nws yog tus uas kuv hais txog hais tias, yuav muaj ib tug los ua kuv qab uas loj dua kuv rau qhov nws yeej nyob ua kuv ntej lawm.

31 Kuv tsis paub nws tiamsis kuv los muab tibneeg ua kevcai raus dej kom thiaj qhia nws rau cov Ixayees paub.

32 Thiab Yahchanan ua timkhawv hais tias, kuv pom Tus Ntsuj Plig Dawbhuv nqes saum ntuj los zoo li tus nquab tsaws saum nws.

33 Kuv tus kheej tsis paub nws, tiamsis tus uas txib kuv los coj ua kevcai raus dej hais rau kuv hais tias, thaum pom Tus Ntsuj Plig nqes los tsaws rau saum leejtwg mas tus ntawd yog tus uas yuav coj ua kevcai raus hauv Tus Ntsuj Plig uas dawb huv. 34 Kuv twb pom lawm thiab ua timkhawv hais tias nws yog Abba (יחוח)Yahweh tus Tub.

​

(יהושע)Yahshua Thawj Pab Thwjtim

35 Hnub tom qab, Yahchanan tabtom nrog nws ob tug thwjtim nyob ua ke dua. 36 Nws saib pom (יהושע)Yahshua tabtom hla tuaj mus, ces nws txawm hais tias, saib maj, Abba  (יחוח)Yahweh tus menyuam yaj. 37 Ob tug thwjtim ntawd hnov nws hais li ntawd ces txawm raws (יהושע)Yahshua qab mus.

38 (יהושע)Yahshua tig los pom nkawv raws nws qab ces txawm nug nkawv hais tias, neb nrhiav abtsi? Nkawv hais rau nws hais tias, Lanpis, (uas txhais tias Xibhwb loj) koj so qhovtwg? 

39 (יהושע)Yahshua hais rau nkawv hais tias, los saib maj. Nkawv txawm mus mas pom qhov chaw uas (יהושע)Yahshua so thiab nrog (יהושע)Yahshua nyob ua ke hnub ntawd. Lub sijhawm ntawd hnub qaij plaub teev lawm. 40 Ob tug uas hnov Yahchanan hais es raws (יהושע)Yahshua qab mus ntawd, ib tug yog Andrew uas yog Simon Kepha tus kwv. 41 Andrew txawm mus nrhiav nws tus tijlaug Simon ua ntej thiab hais rau nws hais tias, peb twb ntsib tus Messiah lawm.

42 Andrew txawm coj Simon mus cuag (יהושע)Yahshua. (יהושע)Yahshua saib ntsoov Simon thiab hais rau nws hais tias, koj yog Yahchanan tus tub Simon, koj yuav raug hu hais tias Kepha.

​

(יהושע)Yahshua Hu Philip Thiab athana-ees

43 Hnub tom qab, (יהושע)Yahshua npaj siab yuav mus rau pem lub xeev Kalilais. Nws txawm ntsib Philip thiab hais rau nws hais tias, cia li raws kuv qab los.

44 Philip yog tib-neeg hauv lub moos Npexaidas, yog lub moos uas Andrew thiab Kepha nyob. 45 Philip mus nrhiav Nathana-ees thiab hais rau nws hais tias, peb twb ntsib tus uas Mauxes hais txog rau hauv phau kevcai thiab cov xibhwb cev Abba (יחוח)Yahweh lus hais txog, yog (יהושע)Yahshua uas yog tibneeg Naxales, yog Yahseph tus tub. 46 Nathana-ees hais rau nws hais tias, yuav muaj ib yam abtsi zoo tshwm hauv Naxales los tau lov? Philip hais rau nws hais tias, cia li los saib maj.

47 (יהושע)Yahshua pom Nathana-ees los, ces txawm hais txog Nathana-ees hais tias, saib maj, nws yog ib tug Ixayees tiag, nws tsis muaj kev dag ntxias kiag li. 48 Nathana-ees hais rau (יהושע)Yahshua hais tias, koj paub kuv li cas? (יהושע)Yahshua teb nws hais tias, kuv pom koj nyob hauv tsob qab txiv cev ua ntej uas Philip hu koj. 49 Nathana-ees teb (יהושע)Yahshua hais tias, Lanpis, koj yeej yog Abba (יחוח)Yahweh tus tub, koj yog cov Ixayees tus vajntxwv. 50(יהושע)Yahshua teb nws hais tias, vim kuv hais rau koj hais tias kuv pom koj nyob hauv tsob qab txiv cev koj thiaj li ntseeg lov? Koj yuav pom tej yam uas loj dua ntawd thiab. 51 Thiab (יהושע)Yahshua hais rau nws hais tias, kuv hais tseeb rau nej hais tias, nej yuav pom rooj ntug qheb thiab pom Abba (יחוח)Yahweh cov tubtxib saum ntuj nce nce nqes nqes saum Neeg Leej Tub.