Ua Tshoob Hauv Lub Zos Khanas​

1 Tau peb hnub tom qab, muaj tshoob hauv lub zos Khanas hauv lub xeev Kalilais, (יהושע)Yahshua niam kuj nyob ntawd thiab. 2 Lawv kuj caw (יהושע)Yahshua thiab nws cov thwjtim mus koom lub tshoob thiab 3 Thaum cawv txiv hmab tag lawm, (יהושע)Yahshua niam hais rau (יהושע)Yahshua hais tias, lawv tsis muaj cawv txiv hmab lawm. 4 (יהושע)Yahshua hais rau nws hais tias, tus pojniam es, koj thab hais ua abtsi? Tsis tau txog kuv sijhawm.

5 (יהושע)Yahshua niam txawm hais rau cov tub qhe hais tias, cia li ua raws li nws hais nawj. 6 Muaj rau lub hub zeb nyob ntawd rau dej siv ua kevcai ntxuav raws li cov Yahdaim tej kevcai, ib lub hub tim tau kwvlam li yim caum lossis ib puas lib. 7 (יהושע)Yahshua txawm hais rau cov tub qhe hais tias, cia li ntaus dej kom puv nkaus cov hub ntawd. Ces lawv txawm ntaus dej puv nkaus txhua lub hub.

8 (יהושע)Yahshua hais rau lawv hais tias, cia li ce mentsis nqa mus rau tus kavxwm. Ces lawv txawm ce nqa mus.

9 Thaum tus kavxwm saj cov dej uas txia ua cawv txiv hmab lawm. Nws tsis paub hais tias muab qhovtwg los, tiamsis cov tub qhe uas ntaus cov dej ntawd paub. Tus kavxwm txawm hu tus nraug vauv los, 10 thiab hais rau nws hais tias, txhua tus yeej muab cov thawj cawv txiv hmab los haus ua ntej, mas thaum haus ntau lawd mam li muab cov tw cawv txiv hmab los. Tiamsis koj muab cov thawj cawv txiv hmab khaws cia txog tav no.

 11 Thawj zaug txujci tseem ceeb no (יהושע)Yahshua ua ntawm lub zos Khanas hauv lub xeev Kalilais, thiab ua nws lub hwjchim ci ntsa iab tshwm los. (יהושע)Yahshua cov thwjtim kuj ntseeg nws.

12 Dhau ntawd (יהושע)Yahshua thiab nws niam, nws cov kwv thiab nws cov thwjtim sawvdaws mus rau hauv lub moos Khapena-us thiab so ob peb hnub qhov ntawd.

(יהושע)Yahshua Ntxuav Lub Tuam Tsev

(Mth. 21:12-13; Ych. Mk. 11:15-17; Lk. 19:45-46)

13 Thaum yuav txog cov Yahdaim ua kevcai Hla Dhau, (יהושע)Yahshua txawm mus rau nram Yeluxalees. 14 Nws pom cov uas muag nyuj, muag yaj, muag nquab, thiab pom cov uas pauv nyiaj zaum rooj pauv nyiaj ntawm lub tuam tsev.

15 Nws txawm muab hlua ua ib tug nplawm ntiab cov tibneeg ntawd sawvdaws thiab tej yaj, tej nyuj huvsi tawm ntawm lub tuam tsev mus, thiab nws xyeeb pes hlo cov uas pauv nyiaj tej nyiaj thiab muab lawv tej rooj pauv nyiaj ntxeev pov tseg. 16 Nws hais rau cov uas muag nquab hais tias, cia li coj tej no tawm mus, tsis txhob muab kuv Leej Txiv lub tuam tsev ua chaw ua lag ua luam.

17 (יהושע)Yahshua cov thwjtim nco dheev txog tej lus uas sau cia hais tias, kuv kub siab lug rau koj lub tuam tsev kawg dag kawg zog. 18 Cov Yahdaim txawm hais rau nws hais tias, koj yuav ua txujci tseem ceeb abtsi rau peb pom hais tias koj muaj cai ua tau tej no? 19 (יהושע)Yahshua teb lawv hais tias, yog muab lub tuam tsev no ua puam tsuaj tag, peb hnub xwb kuv yuav rov muab tsa tau.

20 Cov Yahdaim txawm hais tias, lub tuam tsev no lawv ua tau plaub caug rau xyoo, es peb hnub xwb koj yuav tsa tau dua tshiab lov?

21 Tiamsis lub tuam tsev uas (יהושע)Yahshua hais txog ntawd yog hais txog nws lub cev.  22 Vim li ntawd thaum (יהושע)Yahshua raug muab tsa sawv hauv qhov tuag rov los lawd, cov thwjtim thiaj nco dheev hais tias nws tau hais li ntawd. Mas lawv thiaj ntseeg Abba (יחוח)Yahweh txojlus thiab tej lus uas (יהושע)Yahshua hais ntawd.

​

(יהושע)Yahshua Paub Txhua Tus

23 Thaum (יהושע)Yahshua nyob hauv Yeluxalees rau ncua sijhawm uas ua kevcai Hla Dhau ntawd, muaj tibneeg coob los ntseeg nws vim lawv pom tej txujci tseem ceeb uas nws ua. 24 Tiamsis (יהושע)Yahshua tsis ntseeg lawv, rau qhov nws yeej paub tibneeg txhua tus, 25 thiab nws tsis cheem tsum leejtwg ua timkhawv txog tibneeg rau nws, rau qhov nws yeej paub tej uas nyob hauv tibneeg lub siab.