(יהושע)Yahshua Thiab Nikhaudemaus

1 Muaj ib tug Falixais npe hu ua Nikhaudemaus, nws yog cov Yahdaim ib tug thawj. 2 Nws tuaj cuag (יהושע)Yahshua hmo ntuj hais rau (יהושע)Yahshua hais tias, Lanpis, peb paub hais tias koj yog ib tug xibhwb uas los ntawm Abba (יחוח)Yahweh los, rau qhov tsis muaj ib tug ua tau tej txujci tseem ceeb uas koj ua, tsuas yog tus uas Abba (יחוח)Yahweh nrog nraim xwb.

3 (יהושע)Yahshua teb nws hais tias, kuv hais tseeb rau koj hais tias, yog leejtwg tsis tau yug dua tshiab tus ntawd yuav tsis pom Abba (יחוח)Yahweh lub tebchaws kiag li.

4 Nikhaudemaus hais rau (יהושע)Yahshua hais tias, tibneeg laus yuav yug dua tshiab tau li cas? Yuav nkag rau hauv niam lub plab zaum ob thiab rov yug dua tau lov.

5 (יהושע)Yahshua teb hais tias, kuv hais tseeb rau koj hais tias, yog leejtwg tsis tau yug ntawm dej thiab ntawm Tus Ntsuj Plig, tus ntawd yuav nkag tsis tau rau hauv Abba  (יחוח)Yahweh lub tebchaws kiag li. 6 Yam uas yug ntawm nqaij tawv yeej yog nqaij tawv, yam uas yug ntawm Tus Ntsuj Plig kuj yog ntsuj plig. 7 Tsis txhob poob siab rau tej lus uas kuv hais rau koj hais tias, nej yuav tsum yug dua tshiab. 8 Cua yuav ntsawj mus tog twg los yeej tau. Koj hnov cua tuaj, tiamsis tsis paub hais tias tuaj qhovtwg tuaj thiab mus rau qhovtwg lawm. Txhua tus uas yug ntawm Tus Ntsuj Plig kuj zoo ib yam li ntawd. 9 Nikhaudemaus hais rau (יהושע)Yahshua hais tias, tej no yuav ua mus tau li cas? 10 (יהושע)Yahshua teb nws hais tias, koj twb yog ib tug xibhwb hauv cov Ixayees, koj tseem tsis nkag siab tej no lov? 11 Kuv hais tseeb rau koj hais tias, peb hais txog yam uas peb paub thiab ua timkhawv rau yam uas peb pom, los nej tsis lees yuav peb tej lus timkhawv.

12 Yog kuv hais txog tej uas yog ntiaj teb li rau nej, nej twb tsis ntseeg, mas yog kuv hais txog tej uas yog qaum ntuj li, nej yuav ua li cas ntseeg tau? 13 Tsis muaj leejtwg nce tau mus saum ntuj, tsuas yog tus uas nqes saum ntuj los xwb uas yog Neeg Leej Tub. 14 Mauxes tsa tus nab hauv tebchaws moj sab qhua li cas, Neeg Leej Tub yuav tsum raug muab tsa ib yam li ntawd, 15 xwv txhua tus uas ntseeg nws thiaj tau txojsia ib txhis tsis kawg. 16 Abba (יחוח)Yahweh hlub ntiajteb kawg li nws thiaj pub nws tib Leej Tub los kom txhua tus uas ntseeg Leej Tub ntawd thiaj tsis puam tsuaj tiamsis yuav tau txojsia ib txhis tsis kawg.

17 Rau qhov Abba (יחוח)Yahweh txib Leej Tub los rau hauv ntiajteb tsis yog los rau txim rau ntiajteb, tiamsis yog los cawm ntiajteb kom dim. 18 Tus uas ntseeg Leej Tub yeej tsis raug teem txim. Tiamsis tus uas tsis ntseeg Leej Tub, twb raug teem txim lawm vim nws tsis ntseeg Abba (יחוח)Yahweh tib Leej Tub lub npe.

19 Qhov uas txiav txim yog li no, vim txojkev kaj twb los rau hauv lub ntiajteb lawm, tiamsis tibneeg nyiam txojkev tsaus ntuj heev dua txojkev kaj, rau qhov lawv nyiam ua phem ua qias. 20 Cov uas nyiam ua phem ua qias yeej ntxub txojkev kaj thiab tsis los nyob rau hauv txojkev kaj. Vim lawv ntshai tsam tej kev phem kev qias uas lawv ua ntawd, yuav raug muab nthuav tawm los. 21 Tiamsis tus uas xyaum raws li txojkev tseeb kuj los txog txojkev kaj xwv thiaj pom tseeb hais tias yog nyob hauv Abba (יחוח)Yahweh, nws thiaj ua tau tej haujlwm ntawd.

​

(יהושע)Yahshua Thiab Yahchanan

22 Dhau ntawd (יהושע)Yahshua thiab nws cov thwjtim mus rau hauv lub xeev Yahdaim, thiab (יהושע)Yahshua nrog lawv nyob qhov ntawd thiab coj ua kevcai raus dej. 23 Yahchanan kuj coj ua kevcai raus dej ntawm Ainoos ze lub moos Xalis. Vim qhov ntawd muaj dej ntau thiab tibneeg tseem pheej tuaj yuav kom muab lawv ua kevcai raus dej.  

24 Rau qhov Yahchanan tseem tsis tau raug kaw rau hauv tsev lojfaj.

25 Yahchanan cov thwjtim thiab ib tug Yahdaim sib cav txog qhov uas ua kevcai ntxuav. 26 Lawv mus hais rau Yahchanan hais tias, Lanpis, tus uas nrog koj nyob sab dej Yaladees tim ub, uas koj ua timkhawv txog ntawd, sim saib nws tabtom coj ua kevcai raus dej, mas txhua tus mus cuag nws. 27 Yahchanan teb hais tias, tsis muaj leejtwg yuav tau txais ib yam twg uas tsis yog pub saum ntuj los rau nws.

28 Nej cov ua tau timkhawv hais tias kuv twb hais tias kuv tsis yog tus Messiah, kuv tsuas yog tus raug txib mus ua nws ntej xwb. 29 Tus uas tau tus nkauj nyab yog tus nraug vauv. Tus phijlaj uas sawv mloog tus nraug vauv, thaum tau hnov tus nraug vauv lub suab kuj zoo siab kawg. Vim li no kuv thiaj zoo siab xyiv fab kawg nkaus ib yam li ntawd. 30 Nws yeej yuav loj zuj zus tuaj, tiamsis kuv yuav yau zuj zus mus.

Tus Uas Los Saum Ntuj Los

31 Tus uas los saum ntuj los yeej loj dua ib puas tsav yam. Tus uas nyob hauv ntiajteb yeej yog ntiajteb tug, thiab hais txog tej uas yog ntiajteb li. Tus uas los saum ntuj los yeej loj dua ib puas tsav yam. 32 Nws ua timkhawv txog tej uas nws tau pom thiab hnov tiamsis tsis muaj leejtwg lees yuav nws tej lus timkhawv. 33 Tus uas lees yuav nws tej lus timkhawv kuj lees hais tias Abba (יחוח)Yahweh yog qhov tseeb.

34 Tus uas Abba (יחוח)Yahweh txib los, nws hais Abba (יחוח)Yahweh tej lus, rau qhov Abba (יחוח)Yahweh pub nws Tus Ntsuj Plig puv npo rau tus ntawd. 35 Leej Txiv hlub Leej Tub thiab muab txhua yam cob rau hauv nws txhais tes. 36 Tus uas ntseeg nws Leej Tub, tus ntawd yuav tau txojsia ntev dhawv mus ib txhis tsis kawg. Tiamsis tus uas tsis mloog Leej Tub tej lus, tus ntawd yuav tsis tau txojsia thiab Abba (יחוח)Yahweh yuav rau txim rau nws.