(יהושע)Yahshua Thiab Tus Pojniam Xamalis

1 Thaum (יהושע)Yahshua paub hais tias cov Falixais hnov moo hais tias (יהושע)Yahshua muaj thwjtim thiab coj tibneeg ua kevcai raus dej coob dua Yahcha-nan, 2 tiamsis qhov tseeb (יהושע)Yahshua tsis tau muab tibneeg ua kevcai raus dej tsuas yog nws cov thwjtim muab xwb.

3 (יהושע)Yahshua txawm tawm hauv Yahdaim rov mus rau lub xeev Kalilais.

4 (יהושע)Yahshua yuav tsum taug kev hla lub xeev Xamalis mus. 5 Nws thiaj mus txog ib lub moos hauv lub xeev Xamalis hu ua Xikhas nyob ze ntawm thaj teb uas Yaaqob pub rau nws tus tub Yahseph. 6 Yaaqob lub qhov dej kuj tseem nyob qhov ntawd thiab. Thaum (יהושע)Yahshua mus txog ntawm lub qhov dej, nws taug kev sab sab lawm, nws thiaj li so qhov ntawd thiab mus zaum ntawm lub qhov dej ib sab. Lub sijhawm ntawd kwv-lam tav su.

7 Muaj ib tug pojniam Xamalis tuaj nqa dej. (יהושע)Yahshua hais rau nws hais tias, thov muab dej rau kuv haus thiab.

8 (יהושע)Yahshua cov thwjtim tseem mus yuav mov noj hauv lub moos lawm.

9 Tus pojniam Xamalis hais rau (יהושע)Yahshua hais tias, koj yog tibneeg Yahdaim, ua cas koj thov dej haus ntawm kuv uas yog ib tug pojniam Xamalis? (Rau qhov cov Yahdaim yeej tsis nrog cov Xamalis sib koom abtsi li. )

10 (יהושע)Yahshua teb nws hais tias, yog koj paub yam uas Abba (יחוח)Yahweh pub thiab paub hais tias tus uas thov koj dej haus yog leejtwg, ces koj yuav thov tus ntawd thiab tus ntawd yuav pub cov dej uas pub txojsia rau koj. 11 Tus pojniam ntawd hais rau (יהושע)Yahshua hais tias, yawg hlob, koj twb tsis muaj thoob ntaus dej, lub qhov dej no tob heev, koj yuav muab cov dej uas pub txojsia qhovtwg los? 12 Koj loj dua peb tus yawg koob Yaaqob uas khawb lub qhov dej no rau peb thiab lov? Yaaqob thiab tag nrho nws cov tub thiab tej tsiaj txhu puavleej haus lub qhov dej no.

13 (יהושע)Yahshua hais rau nws hais tias, txhua tus uas haus cov dej no yuav rov nqhis dua. 14 Tiamsis tus uas haus cov dej uas kuv pub rau nws, yuav tsis rov nqhis dua li lawm. Cov dej uas kuv yuav pub ntawd yuav ua ib lub qhov dej txhawv hauv tus ntawd pub txojsia ib txhis tsis kawg rau nws. 15 Tus pojniam ntawd txawm hais rau (יהושע)Yahshua hais tias, yawg hlob, thov muab cov dej ntawd rau kuv haus kuv thiaj tsis rov nqhis thiab tsis tau tuaj nqa dej ntawm no ntxiv lawm. 16 (יהושע)Yahshua hais rau tus pojniam ntawd hais tias, cia li mus hu koj tus txiv nrog koj tuaj ntawm no. 17 Nws teb (יהושע)Yahshua hais tias, kuv tsis muaj txiv. (יהושע)Yahshua hais rau tus pojniam ntawd hais tias, qhov uas koj hais tias koj tsis muaj txiv, kuj yog tiag, 18 vim koj twb muaj tsib tug txiv los lawm, thiab tus uas tamsim tseem nrog koj nyob los yeej tsis yog koj tus txiv thiab. Qhov no kuj yog koj hais tseeb. 19 Tus pojniam ntawd txawm hais rau (יהושע)Yahshua hais tias, yawg hlob, kuv paub tseeb hais tias koj yog ib tug xibhwb cev Abba (יחוח)Yahweh lus.

20 Peb tej poj koob yawm txwv ib txwm pe hawm Abba (יחוח)Yahweh saum lub roob no, tiamsis nej hais tias Yeluxalees thiaj yog lub chaw uas sawvdaws yuav tsum pe hawm Abba (יחוח)Yahweh xwb. 21 (יהושע)Yahshua hais rau nws hais tias, tus ntxhais’es, cia li ntseeg kuv nawj, lub sijhawm tabtom los mas nej yuav tsis pe hawm Abba (יחוח)Yahweh saum lub roob no lossis hauv Yeluxalees lawm. 22 Nej tsis paub tus uas nej pe hawm, tiamsis peb yeej paub tus uas peb pe hawm. Vim txojkev dim tshwm hauv cov Yahdaim los. 23 Tiamsis lub sijhawm tabtom los thiab nimno twb los txog lawm mas cov uas pe hawm tiag tiag yuav pe Abba (יחוח)Yahweh ntawm sab ntsuj plig thiab qhov tseeb, rau qhov Leej Txiv nrhiav cov tibneeg zoo li no pe hawm nws. 24 Abba (יחוח)Yahweh yog Ntsuj Plig, mas cov uas pe hawm nws yuav tsum pe ntawm ntsuj plig thiab qhov tseeb.

25 Tus pojniam ntawd txawm hais rau (יהושע)Yahshua hais tias, kuv paub hais tias tus Messiah yuav los. Thaum nws los lawd nws yuav qhia txhua yam rau peb.

26 (יהושע)Yahshua hais rau nws hais tias, kuv uas nrog koj hais lus no yog tus ntawd ntag. 27 Thaum ntawd (יהושע)Yahshua cov thwjtim rov los txog. Lawv kuj xav tsis thoob qhov uas (יהושע)Yahshua nrog tus pojniam ntawd hais lus, tiamsis tsis muaj leej twg kam mus nug tus poj niam ntawd saib nws xav tau abtsi? lossis, nug (יהושע)Yahshua saib ua cas nws nrog tus pojniam ntawd hais lus?

28 Tus pojniam ntawd txawm tso nws lub hub dej tseg rov mus rau hauv lub moos thiab hais rau cov tibneeg hauv lub moos hais tias, 29 Cia li tuaj saib tug yawg uas piav tau txhua yam uas kuv tau ua dhau los lawd rau kuv mloog. Tus no puas yog tus Messiah.

30 Ces lawv txawm tawm tuaj mus cuag (יהושע)Yahshua. 31 Thaum ntawd cov thwj-tim txawm hu (יהושע)Yahshua hais tias, Lanpis, los noj mov.

32 Tiamsis (יהושע)Yahshua hais rau lawv hais tias, kuv twb muaj cov mov uas nej tsis paub noj lawm. 33 Cov thwjtim txawm sib nug hais tias, leejtwg nqa mov tuaj rau nws noj lawm nev? 34 (יהושע)Yahshua hais rau lawv hais tias, kuv cov mov yog ua raws li tus uas txib kuv los lub siab nyiam thiab ua nws tes haujlwm kom tiav. 35 Nej hais tias, tshuav plaub lub hlis mam li txog caij hlais nplej los tsis yog? Kuv hais rau nej hais tias, cia li tsa muag saib, tej teb twb daj qas rhuv zoo hlais lawm. 36 Tus uas hlais kuj tau nqe zog thiab muab tej qoob sau los cia rau txojsia uas nyob mus ib txhis, tus uas tseb thiab tus uas hlais thiaj yuav zoo siab ib yam nkaus. 37 Lo lus uas hais tias, ib tug tseb muaj dua ib tug hlais, kuj muaj tseeb. 38 Kuv txib nej mus hlais tej uas nej tsis tau siv dag siv zog ua, yog lwm tus siv dag siv zog, mas nej muaj feem tau qhov uas lwm tus siv dag siv zog.

39 Cov tibneeg Xamalis hauv lub moos ntawd muaj coob kuj ntseeg (יהושע)Yahshua vim yog tus pojniam ntawd tej lus timkhawv uas hais tias, nws qhia txhua yam uas kuv tau ua los lawd rau kuv mloog. 40 Yog li ntawd, thaum cov Xamalis tuaj txog lawv txawm thov (יהושע)Yahshua nrog lawv nyob, mas (יהושע)Yahshua nrog lawv nyob tau ob hnub. 41 Muaj tibneeg los ntseeg coob ntxiv vim yog tej lus uas (יהושע)Yahshua qhia. 42 Lawv txawm hais rau tus pojniam ntawd hais tias, txij no mus qhov uas peb ntseeg tsis yog vim koj tej lus uas koj hais tiamsis yog peb tus kheej tau hnov thiab paub hais tias tus no yog ntiajteb tus Cawmseej tiag tiag li.

​

Kho Nom Tswv Tus Tub

43 Dhau ob hnub lawm (יהושע)Yahshua tawm qhov ntawd los txog lub xeev Kalilais. 44 (יהושע)Yahshua twb ua timkhawv hais tias tus xibhwb cev Abba (יחוח)Yahweh lus tsis muaj koob meej rau hauv nws tebchaws. 45 Yog li ntawd thaum nws los txog lub xeev Kalilais, cov tibneeg Kalilais kuj tos txais nws vim lawv tau pom txhua yam uas nws ua rau thaum ua kevcai Hla Dhau rau hauv Yeluxa-lees, rau qhov lawv twb mus ua kevcai ntawd thiab. 46 (יהושע)Yahshua thiaj rov qab mus rau lub zos Khanas hauv Kalilais, yog lub zos uas (יהושע)Yahshua muab dej txia ua cawv txiv hmab. Hauv lub moos Khapena-us muaj ib tug nom tswv, nws tus tub mob hnyav heev

47 Thaum nws hnov xov hais tias (יהושע)Yahshua tuaj hauv Yahdaim los txog Kalilais lawm, ces nws txawm mus thov kom (יהושע)Yahshua mus kho nws tus tub rau qhov twb yuav tuag. 48 (יהושע)Yahshua txawm hais rau nws hais tias, yog nej tsis pom txujci tseem ceeb thiab txujci phimhwj nej yeej tsis ntseeg.

49 Tus nom ntawd hais rau (יהושע)Yahshua hais tias, Tus Tswv, thov cia li mus ua ntej uas kuv tus menyuam tsis tau tuag. 50(יהושע)Yahshua hais rau nws hais tias, cia li rov mus, koj tus tub yuav tsis tuag. Tus nom ntawd ntseeg tej lus uas (יהושע)Yahshua hais rau nws ces txawm rov mus.

51 Thaum nws taug kev rov mus ntawd, nws cov tub qhe tuaj ntsib nws mas hais tias nws tus metub zoo lawm. 52 Nws txawm nug txog lub sijhawm uas tus tub zoo lawd, mas lawv hais rau nws hais tias, nag hmo thaum hnub qaij ib teev tus npaws zoo kiag lawm. 53 Leej Txiv thiaj paub hais tias yog lub sijhawm uas (יהושע)Yahshua hais rau nws hais tias, koj tus tub yuav tsis tuag. Ces nws thiab nws tsev neeg txawm los ntseeg huvsi. 54 No yog txujci tseem ceeb zaum ob uas (יהושע)Yahshua ua rau thaum nws tawm hauv Yahdah los rau hauv lub xeev Kalilais.