(יחוח)Yahweh  Ua Plaub Rau Cov Ixayees

1 Cia li tig ntsej mloog tej uas Yahweh hais. Cia li sawv tsees piav koj tshaj plaub rau tej roob, thiab cia tej pov roob mloog koj lub suab.

2 Tej roob es, cia li mloog tej uas (יחוח)Yahweh  tshum, thiab tej taw tiag lub ntiajteb uas nyob mus ib txhis, tig ntsej mloog, rau qhov (יחוח)Yahweh  muaj plaub rau nws haiv neeg, thiab nws yuav ua plaub rau cov Ixayees.

3 Kuv haiv neeg es, kuv tau ua li cas rau nej? Kuv tau ua rau nej tsaug leeg qhov twg? Cia li teb kuv.

4 Kuv coj nej tawm hauv Iziv tebchaws los, thiab txhiv nej tawm hauv lub tsev ua qhev los. Kuv txib Mauxes thiab Aloos thiab Mili‑as coj nej kev mus.

5 Kuv haiv neeg es, cia li nco txog tias, Mau‑as tus vajntxwv Npalaj xav tswvyim phem li cas thiab Npe‑aus tus tub Npala‑as teb nws li cas, thiab ntawm Sithis mus txog Kilakas muaj abtsi tshwm tuaj, kom nej thiaj paub tej uas

(יחוח)Yahweh  ua cawm nej.

​

Tej Uas Haum (יחוח)Yahweh  Lub Siab

6 Kuv yuav coj abtsi tuaj cuag (יחוח)Yahweh  thiab pe (יחוח)Yahweh  uas nyob lub chaw siab? Tsim nyog kuv coj menyuam nyuj hnub nyoog muaj ib xyoos tuaj ua kevcai hlawv xyeem rau nws lov?

7 (יחוח)Yahweh  yuav txaus siab rau qas txhiab tus txiv yaj thiab qas vam lub hav uas muaj roj ntws lov? Tsim nyog kuv yuav muab kuv tus tub hlob xyeem ntxuav kuv tej kev fav xeeb lov, yog xyeem tus menyuam uas kuv yug ntxuav kuv Tus Ntsuj Plig Dawbhuv lub txim lov?

8 Tibneeg es, nws twb qhia qhov uas zoo rau nej paub lawm. Tej uas (יחוח)Yahweh  xav kom nej ua tsuas yog ua ncaj thiab nyiam txojkev hlub luag, thiab ua lub neej txo lub siab nrog nraim nej Tus Tswv xwb.

9 Qhov uas hwm thiab paub koj lub npe kuj yog muaj tswvyim tiag. (יחוח)Yahweh  lub suab tshaj tawm rau lub nroog hais tias, lub xeem thiab ib tsoom tibneeg hauv lub nroog, cia li mloog.

10 Kuv yuav tsis nco qab tej nyiaj txiag uas ua phem es tau los uas muaj nyob hauv cov tibneeg phem lub tsev, thiab lub efas ntxo uas raug foom tsis zoo tau lov?

11 Kuv yuav zam tus uas muaj rab teev tsis haum txiaj thiab muaj cov thauj teev ntxo hauv nws lub hnab lov?

12 Nej cov uas nplua nuj yeej yog ua limhiam ntais ntuj, nej cov tibneeg zej zog hais lus dag. Lawv tus nplaig hauv lawv lub qhov ncauj dag ntxias.

13 Vim li no kuv thiaj pib nplawm nej, ua rau nej liamsim tag vim yog nej lub txim.

14 Nej yuav noj tiamsis tsis tsau, nej lub plab tseem tshaib. Nej yuav khaws cia tiamsis khaws tsis tau ruaj. Tej uas nej khaws tau ruaj kuv yuav muab pub rau hniav ntaj.

15 Nej yuav tseb los yuav tsis tau hlais, nej yuav tsuam txiv aulib los yuav tsis tau roj los pleev nej lub cev, nej yuav tsuam txiv hmab los tsis tau cawv txiv hmab haus.

16 Nej tuav rawv vajntxwv Oolis tej kab ke, thiab ua raws li Ahaj caj ces ua txhua yam huvsi, thiab nej ua raws li ob tug taw qhia lawm. Kuv thiaj yuav ua rau nej liamsim tag, thiab ua rau nej cov tibneeg raug luag thuam luag, thiab nej yuav raug kuv haiv neeg saib tsis taus.