ROMANS 2:28-29
Txhua yam kev txhaum thiab tej lus uas hais tuam mom yuav zam tau rau tibneeg. Tiamsis tus uas hais lus tuam mom Tus Ntsuj Plig Dawbhuv, mas yuav tsis muaj ib hnub uas zam tau tus ntawd li, nws yuav muaj txim mus ib txhis.
YAHCHANAN 3:28-29
Qhov uas ua kevcai txiav tiag tiag tsis yog ua sab nraum daim tawv xwb. Tiamsis yog ua hauv lub siab, raws li Tus Ntsuj Plig Dawbhuv, tsis yog raws li txoj kevcai uas sau cia.
YAHCHANAN 12:30-31
1. Koj yuav tau hlub Abba Yahweh uas yog koj Txiv kawg siab kawg ntsws, kawg plab kawg plaws, thiab kawg dag kawg zog.
​
2. Koj yuav tau hlub kwvtij zej zog ib yam li koj hlub koj tus kheej.
MICAHYAH 7
Cov Ixayees Ua Tsis Ncaj
1 Kuv raug txom nyem lauj! Kuv zoo yam li thaum tus uas de tej txiv rau lub caij ntuj qhua thiab xawb de tej txiv hmab tag lawm, tsis tshuav ib tauv txiv hmab noj kiag li, thawj phaum txiv cev uas kuv ntshaw noj los tsis muaj ib lub siav li.
2 Cov uas hwm (יחוח)Yahweh ploj tag hauv lub tebchaws lawm, ib tsoom tibneeg tsis tshuav ib tug siab ncaj kiag li. Lawv sawvdaws zov kev tos tua tibneeg xwb, nyias ua hlua cuab nyias tej kwvtij.
3 Lawv txhais tes tsuas yog txawj ua phem xwb. Tus thawj thiab tus uas tu plaub thov yuav nyiaj xiab, tus uas ua hlob kuj tsa ncauj hais tej kev phem uas nws lub siab ntshaw, lawv sawvdaws ntaus tswvyim npaj ua tej no.
4 Lawv cov tus uas zoo kawg kuj zoo li tsob pos, tus uas siab ncaj kawg kuj zoo yam li lub laj kab xov pos. Hnub uas nej cov faj xwm hais rau nej, yog hnub uas txiav txim rau nej, twb los txog lawm. Nimno qhov uas lawv raug kev kub ntxhov los ze lawm.
5 Tsis txhob tso siab rau kwvtij zej zog, tsis txhob cia siab rau phoojywg, cia li tswj koj lub qhov ncauj tsis txhob qhia rau tus uas nyob hauv koj lub xubntiag.
6 Rau qhov tus tub saib tsis taus leej txiv, tus ntxhais tawm tsam leej niam, tus nyab tawm tsam niam pog, yus tus yeeb ncuab kuj yog yus tsev neeg ntag.
7 Kuv li kuv yuav saib ntsoovYah-weh,kuv yuav tos rawv (יחוח)Yahweh uas cawm kuv dim. Kuv Tus Tswv yuav mloog kuv tej lus.
​
(יחוח)Yahweh Coj Txojkev Cawm Los
8 Kuv tus yeeb ncuab es, tsis txhob zoo siab thuam luag kuv. Thaum kuv ntog los kuv yuav rov sawv tau, thaum kuv nyob hauv qhov tsaus ntuj, (יחוח)Yahweh yuav ua qhov kaj rau kuv.
9 Vim yog kuv ua txhaum rau (יחוח)Yahweh , kuv yuav thev nws txojkev chim mus txog thaum nws daws kuv tshaj plaub thiab tu plaub rau kuv. Nws yuav coj kuv tawm mus rau hauv qhov kaj thiab kuv yuav pom nws txojkev cawm dim.
10 Mas kuv tus yeeb ncuab yuav pom thiab tus uas hais rau kuv tias, koj tus (יחוח)Yahweh nyob qhovtwg? yuav raug txaj muag. Kuv lub qhov muag yuav saib thiab hnyos nws. Nimno nws yuav raug muab tsuj yam nkaus li cov av nplaum rau hauv txojkev.
11 Hnub uas tsim kho nej tej ntsa loog yuav los, mas hnub ntawd nej tej ciam teb yuav nthuav dav.
12 Hnub ntawd luag yuav tuaj cuag nej, yog tuaj txij ntawm Axilias tebchaws mus txog ntua Iziv tebchaws, thiab tuaj txij Iziv tebchaws mus txog tus dej Yufetis, thiab txij lub hiavtxwv no mus txog lub hiavtxwv tim ub, thiab txij lub roob no mus txog lub roob tim ub.
13 Lub ntiajteb yuav nyob do cuas, vim yog tim cov tibneeg uas nyob hauv, thiab tim tej uas lawv ua.
(יחוח)Yahweh Txojkev Hlub
14 Thov koj tuav rawv koj tus pas nrig yug koj haiv neeg, uas yog koj pab yaj, yog koj qub txeeg qub teg. Lawv nyob ua twm zeej twm kawv hauv hav zoov uas nyob hauv nruab nrab lub tebchaws uas zoo qoob. Thov cia lawv nrhiav noj hauv Npasas thiab Kile‑as ib yam li yav thaum ub.
15 Ib yam li thaum nej tawm hauv Iziv tebchaws los, kuv yuav ua tej txujci phimhwj tshwm los rau lawv pom.
16 Ib tsoom tebchaws yuav pom thiab lawv yuav txaj muag rau lawv tej hwjchim huvsi, lawv yuav muab tes pos qhov ncauj cia, lawv lub qhov ntsej yuav lag.
17 Lawv yuav yaim hmoov av yam li nab, ib yam li tej tsiaj uas nkag hauv av. Lawv yuav tawm hauv lawv tej chaw ruaj khov ua ib ce tshee hnyo los, lawv yuav tig los cuag (יחוח)Yahweh ua ntshai kawg, thiab lawv yuav ntshai koj.
18 Leejtwg yog tus timtswv uas zoo cuag li koj, uas daws lub txim thiab zam tej kev fav xeeb uas koj cov qub txeeg qub teg uas tseem tshuav nyob tau ua? Koj tsis cim ntsoov txojkev chim mus ib txhis rau qhov koj txaus siab ua txojkev hlub ruaj khov tshwm los.
19 Koj yuav rov khuvleej peb, thiab muab peb tej kev txhaum tsuj ntiag tseg. Koj yuav muab peb lub txim huvsi laim pov tseg rau hauv qab thu hiavtxwv.
20 Koj yuav ua txojkev ncaj uas tso siab tau tshwm rau Yakhauj thiab ua txojkev hlub ruaj khov tshwm rau Aplaham, ib yam li koj twb cog lus ruaj khov rau peb tej poj koob yawm txwv thaum ub los lawm.