Cov Uas Muaj Vaj Tse Nyob Hauv Yeluxalees

(1 Vaj Keeb Kwm 9:1-17)

1 Cov thawj uas kav cov pejxeem nyob hauv Yeluxalees lawm. Cov pejxeem rho ntawv cia ib feem kaum mus nyob hauv Yeluxalees uas yog lub nroog dawb huv, tseg cuaj feem cia nyob rau hauv lwm lub moos.

2 Thiab cov pejxeem foom hmoov rau txhua tus uas yeem mus nyob hauv

Yeluxalees.

3 Ntawm no mus yog cov thawj hauv lub xeev Yahdah uas mus nyob rau hauv Yeluxalees tej npe. Tiamsis hauv Yahdah tej moos mas sawvdaws nyias nyob nyias vaj nyias tsev, yog cov Ixayees, cov pov thawj, cov Levis, cov tub teg tub taws uas ua haujlwm ntawm lub tuam tsev, thiab Xalaumoos cov tub teg tub taws li caj ces.

4 Cov Yahdah thiab cov Npeeyamees muaj qee leej kuj nyob hauv Yeluxalees. Yahdah caj ces yog li no, Athayah yog Uxiyah tus tub, Uxiyah yog Xekhaliyah tus tub, Xekhaliyah yog Amaliyah tus tub, Amaliyah yog Sefathiyah tus tub, Sefathiyah yog Maha-lalees tus tub, lawv yog Peles caj ces.

5 Thiab Ma‑axeyah uas yog Npalus tus tub, Npalus yog Khauhauxes tus tub, Khauhauxes yog Haxayah tus tub, Haxayah yog Adayah tus tub, Adayah yog Yahyolis tus tub, Yahyolis yog Xekhaliyah tus tub, Xekhaliyah yog tus tibneeg Silaus tus tub.

6 Peles caj ces uas nyob hauv Yeluxalees huvsi muaj 468 leej siab loj siab tuab.

7 Npeeyamees caj ces yog li no, Xalus yog Mesulas tus tub, Mesulas yog Yis tus tub, Yis yog Pedayah tus tub, Pedayah yog Khaulayah tus tub, Khaulayah yog Ma‑axeyah tus tub, Ma‑axeyah yog Ithi‑ees tus tub, Ithi‑ees yog Yesayah tus tub.

8 Thiab nws cov kwvtij Kanpais thiab Xaslais, huvsi muaj 928 leej.

9 Yahees uas yog Xikhis tus tub, yog tus uas saib xyuas lawv, thiab Yahdah uas yog Haxenu‑as tus tub, yog tus thawj thib ob uas saib xyuas lub nroog.  

10 Cov pov thawj yog Yedayah uas yog Yahyolis tus tub, thiab Yakhis, 

11 thiab Xelayah uas yog Hikhiyah tus tub, Hikhiyah yog Mesulas tus tub, Mesulas yog Xadaus tus tub, Xadaus yog Melayaus tus tub, Melayaus yog Ahithus uas saib xyuas (יחוח)Yahweh lub tuam tsev tus tub, 

12 thiab lawv cov kwvtij uas ua haujlwm ntawm lub tuam tsev, huvsi muaj 822 leeg. Thiab muaj Adayah uas yog Yelauhas tus tub, Yelauhas yog Pelaliyah tus tub, Pelaliyah yog Axis tus tub, Axis yog Xekhaliyah tus tub, Xekhaliyah yog Pasaws tus tub, Pasaws yog Makhiyah tus tub, 

13 thiab nws cov kwvtij, uas ua thawj hauv lawv cum, huvsi 242 leeg. Thiab muaj Amasais uas yog Axalees tus tub, Axalees yog Axais tus tub, Axais yog Mesilemaus tus tub, Mesilemaus yog Imaws tus tub, 

14 thiab lawv cov kwvtij uas yog tibneeg muaj zog siab loj siab tuab, huvsi muaj 128 leej.  Tus uas saib xyuas lawv yog Xadi‑ees uas yog Hakedaulis tus tub.

15 Cov Levis yog Semayah uas yog Hasus tus tub, Hasus yog Alikhas tus tub, Alikhas yog Hasanpiyah tus tub, Hasanpiyah yog Npunis tus tub.

16 Thiab muaj Sanpethais thiab Yahxanpas uas yog cov Levis tus thawj uas saib xyuas tej haujlwm ib ncig nraum (יחוח)Yahweh lub tuam tsev, 

17 thiab muaj Mathaniyah uas yog Mikhayah tus tub, Mikhayah yog Xadis tus tub, Xadis yog Axas tus tub, Axas yog tus uas coj hu nkauj thov ua (יחוח)Yahweh tsaug. Thiab yog Npanpukhiyah uas yog tus thawj thib ob hauv nws cov kwvtij. Thiab yog Apadas uas yog Samu‑as tus tub, Samu‑as yog Kalas tus tub, Kalas yog Yeduthus tus tub.

18 Cov Levis hauv lub nroog dawb huv sawvdaws muaj 284 leeg.

19 Cov uas zov tej rooj loog yog Akhus, Thamoos thiab nkawv cov kwvtij uas zov ntawm tej rooj loog huvsi muaj 172 leeg.

20 Cov Ixayees thiab cov pov thawj thiab cov Levis uas tsis hais rau hauv no sawvdaws nyob hauv Yahdah txhua lub moos, lawv txhua tus nyias nyob hauv nyias qub txeeg qub teg.

21 Tiamsis cov tub teg tub taws uas ua haujlwm ntawm lub tuam tsev, nyob saum lub roob Aufees mas Xihas thiab Kipas kav lawv.  

22 Tus uas saib cov Levis hauv Yeluxalees yog Uxis uas yog Npanis tus tub, Npanis yog Hasanpiyah tus tub, Hasanpiyah yog Mathaniyah tus tub, Mathaniyah yog Mikhayah tus tub, Micayah yog Axas caj ces uas yog cov hu nkauj rau thaum ua kevcai hauv (יחוח)Yahweh lub tuam tsev.

23 Rau qhov vajntxwv rhawv ib txoj kevcai tseg cia hais tias, kom tej caj ces tibneeg yuav tau niaj hnub sib hloov hu nkauj hauv lub tuam tsev.

24 Thiab Mesexanpees tus tub Pethahiyah uas yog Yahdah tus tub Xelag caj ces, ua vajntxwv tus tub sawv cev saib txhua yam haujlwm uas ntsig txog cov pejxeem.

​

Cov Uas Nyob Sab Nraum Yeluxalees

25 Tej zej zog thiab tej teb uas nyob ib ncig, mas cov pejxeem Yahdah qee leej nyob hauv Khiliyah Anpas thiab tej zej zog uas nyob ib ncig lub moos ntawd, thiab hauv Dinpoos thiab tej zej zog uas nyob ib ncig, thiab hauv Yekhaxe‑ees thiab tej zej zog uas nyob ib ncig, 

26 thiab hauv Yahshua thiab hauv Maula-das thiab hauv Npepeles, 

27 hauv Haxasuas, hauv Npe‑awsenpas, thiab tej zej zog uas nyob ib ncig lub moos ntawd, 

28 hauv Xilaj, hauv Mekhaunas thiab tej zej zog uas nyob ib ncig lub moos ntawd, 

29 hauv Eelimoos, hauv Xaulas, hauv Yamus, 

30 hauv Xanau‑as, hauv Adulas thiab tej zej zog uas nyob ib ncig tej moos ntawd, thiab hauv Lakhis thiab tej teb ntawm lub moos ntawd, thiab hauv Axekhas thiab tej zej zog uas nyob ib ncig lub moos ntawd. Lawv txawm ua zos nyob txij Npe‑awsenpas mus txog lub hav Hinoos.

31 Cov pejxeem Npeeyamees kuj nyob ntu txuas ntawm Kenpas mus, yog hauv Mimaj, Aiyas, Npe‑ees thiab tej zej zog uas nyob ib ncig lub moos ntawd, 

32 ntawm Anathaus, Naus, Ananiyah,

33 Haxaus, Lamas, Kitha‑is,

34 Hadis, Xenpau‑is, Nenpalas, 

35 Laj thiab Aunaus, yog cov Kws txawj txhua yam lub hav.  

36 Thiab cov Levis qee pab uas nyob hauv Yahdah kuj mus nrog cov Npeeyamees nyob.