1 Cov uas ntaus cim rau yog Hakhaliyah tus tub Nehemyah uas yog tus tswv xeev, thiab Xedekhiyah,

2 Xelayah, Axaliyah, Yeremyah,

3 Pasaws, Amaliyah, Makhiyah,

4 Hathus, Senpaniyah, Malus,

5 Halees, Melemaus, Obadyah,

6 Daniyees, Kinethoos, Npalus,

7 Mesulas, Anpiyah, Miyamees,

8 Ma‑axiyah, Npikais, Semayah. Cov no yog cov pov thawj.

9 Thiab cov Levis yog Axaniyah tus tub Yahshua, Henadas caj ces Npinu‑is, thiab yog Khami‑ees.

10 Thiab Levis cov kwvtij yog, Senpaniyah, Haudiyah, khelithas, Pelayah, Hanas,

11 Mikhas, Lehaus, Hasanpiyah,

12 Xakaws, Selenpiyah, Senpaniyah,

13 Haudiyah, Npanis, thiab Npeninus.

14 Cov uas ua thawj hauv cov pejxeem, yog Palaus, Pahas Mau‑as, Elas, Xathus, Npanis,

15 Npunis, Axakas, Npenpais,

16 Adauniyah, Npivais, Adees,

17 Athaws, Hexekhiyah, Axus,

18 Haudiyah, Hasus, Npexais,

19 Halis, Anathaus, Npenpais,

20 Mapias, Mesulas, Hexis,

21 Mesexanpees, Xadaus, Yadu‑as,

22 Pelathiyah, Hanas, Anayah,

23 Hause‑as, Hananiyah, Hasus,

24 Halauhes, Pihas, Saunpes,

25 Lehoos, Hasanas, Ma‑axeyah,

26 Ahi‑as, Hanas, Anas,

27 Malus, Halees, Npa‑ anas.  

28 Dua li cov pejxeem uas hais tag lawd, mas cov pov thawj, cov Levis, cov uas zov tej rooj loog, cov hu nkauj, cov tub teg tub taws uas ua haujlwm ntawm lub tuam tsev thiab txhua tus uas nws muab nws tus kheej cais tawm hauv lwm haiv neeg, hauv ib tsoom tebchaws los coj (יחוח)Yahweh txoj kevcai, thiab tag nrho lawv cov pojniam thiab lawv tej tub tej ntxhais, yog sawvdaws uas txawj tau taub thiab paub qabhau,

29 kuj nrog lawv cov kwvtij thiab lawv cov uas ua hlob koom ua ke muab tej lus tsawm foom pav lawv tus kheej thiab cog lus twv tias lawv sawvdaws yuav ua lawv lub neej raws li (יחוח)Yahweh txoj kevcai uas (יחוח)Yahweh tus tub qhe Mauxes tau muab cob rau peb, thiab yuav coj thiab ua raws li (יחוח)Yahweh uas yog peb Tus Tswv tej lus cob qhia thiab nws tej kevcai thiab nws tej kab ke huvsi.

30 Mas peb yuav tsis muab peb tej ntxhais qua rau lwm haiv neeg hauv lub tebchaws no thiab tsis yuav lawv tej ntxhais los rau peb tej tub.  

31 Yog hnub Sabbath, tej tibneeg hauv lub tebchaws no coj qhov txhia chaw thiab yam qoob loo twg tuaj muag, peb tsis yuav rau hnub Sabbath lossis hnub uas dawb huv. Thiab peb yuav tsis sau qoob loo rau xyoo uas xya thiab tsis sau tej nuj nqis txhua yam.

32 Thiab peb tu cia rau peb tias, ib xyoos peb yuav them ib feem peb hauv ib sekhees los siv rau hauv (יחוח)Yahweh lub tuam tsev,

33 coj los ua nqi rau cov ncuav uas txawb xyeem, thiab ua nqi rau tej uas niaj hnub ua kevcai xyeem qoob loo thiab rau tej uas niaj hnub ua kevcai hlawv huvsi xyeem mus li, thiab rau tej hnub Sabbath, tej hnub hli xiab, thiab tej kevcai noj haus uas teem cia, thiab ua nqi rau tej uas dawb huv, thiab rau tej uas ua kevcai xyeem daws txim ntxuav cov Ixayees tej kev txhaum, thiab rau txhua yam haujlwm ntawm (יחוח)Yahweh lub tuam tsev.

34 Peb tau ua ntawv rho thiab, yog cov pov thawj, cov Levis, thiab cov pejxeem sawvdaws, yuav coj taws los rau hauv peb Tus Tswv lub tuam tsev raws li peb tej cum thiab raws li tej sijhawm uas niaj xyoo teem cia, xwv thiaj tau rauv rau saum (יחוח)Yahweh uas yog peb Tus Tswv lub thaj raws li uas sau cia rau hauv txoj kevcai.

35 Peb tu cia rau peb tias, niaj xyoo peb yuav coj thawj phaum qoob hauv peb daim teb thiab txhua yam txiv ntoo, thawj phaum tuaj rau hauv (יחוח)Yahweh lub tuam tsev.

36 Thiab peb yuav coj peb thawj tug tub hlob thiab peb thawj tug menyuam tsiaj txhu, yog nyuj, yog yaj, yog tshis, tuaj rau cov pov thawj uas ua haujlwm hauv (יחוח)Yahweh lub tuam tsev, raws li uas sau cia rau hauv txoj kevcai. 

37 Thiab peb yuav coj peb thawj phaum hmoov qeb, hmoov mog, thiab tej uas peb yuav muab pub, yog txhua yam txiv ntoo thiab cawv txiv hmab thiab roj, tuaj rau cov pov thawj muab tso rau hauv tej txhab hauv

(יחוח)Yahweh lub tuam tsev.  Thiab peb yuav muab ib feem kaum hauv peb daim teb rau cov Levis, vim cov Levis yog cov uas sau ib feem kaum ntawm peb txhua lub moos.

38 Mas tus pov thawj uas yog Aloos caj ces, yuav nrog cov Levis nyob thaum cov Levis tau txais ib feem kaum ntawd, thiab cov Levis kuj yuav muab ib feem kaum rho hauv ib feem kaum ntawd coj mus cia rau tej chav hauv (יחוח)Yahweh lub tuam tsev uas yog lub txhab.

39 Cov pejxeem Ixayees thiab Levis caj ces yuav tau coj tej qoob loo, cawv txiv hmab tshiab thiab roj uas pub, tuaj cia rau hauv tej chav tsev uas khaws tej twj siv ntawm lub chaw pe (יחוח)Yahweh, yog lub chaw uas cov pov thawj uas ua haujlwm thiab cov zov tej rooj loog thiab cov hu nkauj nyob.  Peb yuav tsis muab (יחוח)Yahweh lub tuam tsev tso tseg li.