Cov Pov Thawj Thiab Cov Levis

1 Ntawm no mus yog cov pov thawj thiab cov Levis uas nrog Se‑athi‑ees tus tub Xelunpanpees thiab Yahshua los, yog Xelayah, Yeremyah, Exaleyah, 

2 Amaliyah, Malus, Hathus, 

3 Sekhaniyah, Lehoos, Mele-maus,

4 Idaus, Kinethau‑is, Anpiyah,

5 Miyamees, Ma‑adiyah, Npikas, 

6 Semayah, Yahyolis, Yedayah, 

7 Xalus, Amauj, Hikhiyah thiab Yedayah.  Cov no ua cov pov thawj thiab lawv cov kwvtij li thawj rau ntu uas Yahshua nyob.  

8 Cov Levis mas yog Yahshua, Npinu‑is, Khami‑ees, Selenpiyah, Yahdah thiab Mathaniyah uas yog tus uas nrog nws cov kwvtij coj hu nkauj ua tsaug.  

9 Thiab lawv cov kwvtij Npanpukhiyah thiab Unis sawv sib ncaj hu nkauj sib teb.

10 Yahshua yog Yahyokhis txiv, Yahyokhis yog Eliyasis txiv, Eliyasis yog Yahyadas txiv, 

11 Yahyadas yog Yahnathas txiv, Yahnathas yog Yadu‑as txiv.

12 Ntu uas Yahyakhis ua vajntxwv mas cov pov thawj uas ua tej cum cov thawj muaj li no: Xelayah cum yog Melayah, Yeremyah cum yog Hananiyah, 

13 Exaleyah cum yog Mesulas, Amaliyah cum yog Yahkanas. 

14 Malus cum yog Yahnathas, Senpaniyah cum yog Yahxej, 

15 Halees cum yog Anas, Melayaus cum yog Heekhais, 

16 Idaus cum yog Xekhaliyah, Kinethoos cum yog Mesulas.

17 Anpiyah cum yog Xikhis, Miyamees thiab Mau‑adiyah cum yog Pitais, 

18 Npikas cum yog Samu‑as, Semayah cum yog Yahnathas.  

19 Yahyolis cum yog Mathenais, Yedayah cum yog Uxis, 

20 Xaslais cum yog Khalais, Amauj cum yog Enpaws, 

21 Hikhiyah cum yog Hasanpiyah, Yedayah cum yog Nethanees.

22 Cov Levis uas nyob thaum Eliyasis, Yahyadas, Yahchanan thiab Yadu‑as nyob, cov thawj hauv lawv txhua cum tej npe twb muab sau cia, thiab cov uas ua pov thawj mus txog thaum Dali-as ua vajntxwv kav Pawxias kuj muab sau cia lawm thiab.  

23 Levis caj ces cov uas ua thawj hauv txhua cum twb muab sau cia rau hauv phau ntawv keeb kwm mus txog thaum Yahchanan uas yog Eliyasis tus tub nyob. 24 Levis cov thawj yog Hasanpiyah, Selenpiyah thiab Khami‑ees tus tub Yahshua, thiab lawv cov kwvtij sawv tig xubntiag sib ncaj lawv hu nkauj qhuas thiab ua tsaug, ib pab hu, ib pab teb raws li (יחוח)Yahweh tus tibneeg Daviv tej kevcai.

25 Mathaniyah, Npanpukhiyah, Obadyah, Mesulas, Thamoos thiab Akhus yog cov uas zov qhov rooj sawv zov ntawm tej rooj txhab.  

26 Cov no nyob rau ntu uas Yahyakhis uas yog Yahshua tus tub thiab yog Yahxadas tus xeeb ntxwv nyob, thiab rau ntu uas Nehemyah uas ua tus tswv xeev thiab xibhwb Exaleyah uas ua pov thawj nyob.

​

Muab Lub Ntsa Loog Xyeem Rau (יחוח)Yahweh

27 Thaum ua kevcai muab lub ntsa loog Yeluxalees xyeem rau (יחוח)Yahweh mas lawv nrhiav cov Levis hauv lawv tej chaw nyob txhua qhov es yuav coj los rau hauv Yeluxalees thiaj ua tau kevcai xyeem zoo siab xyiv fab thiab hu nkauj thiab ua tsaug, npuaj nruas tooj liab thiab ntaus nkauj nog ncas loj thiab nkauj nog ncas me.

28 Cov uas hu nkauj tej caj ces sau zog hauv lawv tej chaw uas nyob ib ncig Yeluxalees thiab hauv Nethaufas tej zej zog tuaj, 

29 thiab tuaj hauv Npe Kilakas thiab hauv ib cheeb tsam Kenpas thiab Amaves tuaj, rau qhov cov uas hu nkauj ua zej zog nyob ib ncig lub nroog Yeluxalees.  

30 Cov pov thawj thiab cov Levis ua kevcai ntxuav lawv tus kheej kom dawb huv thiab ntxuav cov pejxeem thiab tej rooj loog thiab lub ntsa loog kom dawb huv.

31 Ces kuv txawm coj Yahdah cov thawj nce rau saum lub ntsa loog thiab muab faib ua ob pab coob coob hais lus ua tsaug thiab mus ua ib kab sab. Ib pab taug saum ntsa loog mus rau sab xis mus txog lub Rooj Loog Quav Tsiaj. 

32 Mas cov uas raws lawv qab yog Hausayah thiab Yahdah cov thawj ib nrab, 

33 thiab Axaliyah, Exaleyah, Mesu-las, 

34 Yadah, Npeeyamees, Semayah thiab Yeremyah, 

35 thiab cov pov thawj caj ces qee leej uas coj raj xyu yog Xekhaliyah uas yog Yahnathas tus tub, Yahnathas yog Semayah tus tub, Semayah yog Mathaniyah tus tub, Mathaniyah yog Mikhayah tus tub, Mikhayah yog Xakaws tus tub, Xakaws yog Axas tus tub, 

36 thiab Xekhaliyah cov kwvtij yog Semayah, Axalees, Milalais, Kilalais, Ma‑a-is, Nethanees, Yahdah thiab Hananis, lawv coj (יחוח)Yahweh tus tibneeg Daviv tej cuab yeej phim nkauj, thiab xibhwb Exaleyah mus ua lawv ntej.

37 Ntawm lub Rooj Loog Dej Txhawv mas lawv ncaj nraim mus nce tus ntaiv uas mus rau Daviv lub nroog taug txojkev uas nce saum ntsa loog ntawm Daviv lub loog tsev sab ped, thiab mus rau ntawm lub Rooj Loog Dej uas nyob sab hnub tuaj.

38 Pab ob uas hu nkauj ua tsaug taug saum ntsa loog mus rau sab laug thiab kuv nrog cov pejxeem ib nrab ua ke raws lawv qab mus rau ntawm lub chaw tsom faj Qhov Txos sab ped mus txog ntu Ntsa Loog Tuab, 

39 thiab mus rau ntawm lub Rooj Loog Efa‑is sab ped rau ntawm lub Rooj Loog Qub thiab mus rau lub Rooj Loog Ntses, mus rau lub chaw tsom faj Hananees thiab lub chaw tsom faj uas hu ua Ib Puas mus txog lub Rooj Loog Yaj mas mus nres rau ntawm lub Rooj Loog Zov Khuav.

40 Ob pab uas ua (יחוח)Yahweh tsaug tau los sawv ua ke rau hauv (יחוח)Yahweh lub tuam tsev, kuv thiab cov thawj ib nrab uas nrog kuv ua ke.

41 Thiab cov pov thawj uas coj raj xyu yog Eliyakhis, Ma‑axeyah, Miyamees, Mikhayah, Eeyahenais, Xekhaliyah thiab Hananiyah

42 thiab Ma‑axeyah, Semayah, Ele‑axas, Uxis, Yahchanan, Makhiyah, Elas thiab Exaws kuj mus rau hauv.  Thiab cov hu nkauj kuj hu nkauj, Yexaliyah ua tus coj lawv.

43 Mas hnub ntawd lawv ua kevcai xyeem ntau kawg li thiab zoo siab xyiv fab, rau qhov (יחוח)Yahweh ua rau lawv zoo siab xyiv fab kawg nkaus. Cov pojniam thiab cov menyuam kuj zoo siab xyiv fab thiab Yeluxalees txojkev xyiv fab nrov ncha mus deb kawg li.

​

Tej Uas Faib Rau Cov Pov Thawj Thiab Cov Levis

44 Hnub ntawd lawv tsa cov uas los saib xyuas tej txhab rau tej uas coj tuaj xyeem thiab thawj phaum qoob loo thiab ib feem kaum, thiab yuav sau tej feem uas txoj kevcai tu rau cov pov thawj thiab cov Levis los cia rau hauv, yog sau hauv tej teb ntawm txhua lub moos, rau qhov cov Yahdah zoo siab rau cov pov thawj thiab cov Levis uas ua tej haujlwm ntawd.

45 Lawv ua tej haujlwm uas yog ua koom tu (יחוח)Yahweh thiab ua kevcai ntxuav kom dawb huv, thiab cov hu nkauj thiab cov uas zov tej rooj loog kuj ua koom ib yam li ntawd, raws li Daviv thiab nws tus tub Xalaumoos hais cia lawd.

46 Rau qhov lub sijhawm thaum ub uas Daviv thiab Axas nyob mas muaj ib tug thawj coj hu nkauj thiab muaj tej txoj nkauj qhuas

thiab ua tsaug rau (יחוח)Yahweh.

47 Ncua sijhawm uas Xelunpanpees thiab Nehemyah nyob, cov Ixayees niaj hnub faib cov hu nkauj thiab cov zov tej rooj loog li feem rau lawv, thiab rho cov Levis li feem rau ib cag. Cov Levis kuj rho Aloos caj ces li feem rau ib cag.