Tej Ntsa Loog Uas Yuav Kho

1 Dhau ntawd tus tuam pov thawj hlob Eliyasis nrog nws cov kwvtij uas yog pov thawj nqis tes ua lub Rooj Loog Yaj. Lawv ua kevcai tu kom dawb huv thiab muab txhib qhov rooj nruab rau. Lawv ua kevcai tu kom dawb huv mus txog lub chaw tsom faj uas hu ua Ib Puas, thiab mus txog lub chaw tsom faj Hananees.

2 Txuas ntawm lawv mus yog cov tibneeg Yelikhaus ua, thiab ntu txuas ntxiv mus yog Ilis tus tub Xakaws ua.

3 Haxena‑as caj ces ua lub Rooj Loog Ntses. Lawv ua tej npuab rooj thiab nruab txhib qhov rooj rau thiab ua tej ntsia rooj thiab tej las rooj.

4 Ntu txuas ntawm lawv mus yog Uliyah tus tub Melemaus uas yog Hakhaus tus xeeb ntxwv kho.  Ntu txuas ntawm lawv mus yog Npelekhiyah tus tub Mesulas uas yog Mesexanpees tus xeeb ntxwv kho. Ntu txuas ntawm lawv mus yog Npa‑anas tus tub Xadaus kho.

5 Ntu txuas ntawm lawv mus yog cov tibneeg Thekhau‑as kho, tiamsis lawv cov uas ua hlob tsis yeem siv lawv lub dag lub zog ua tej haujlwm uas Tus Tswv feeb rau lawv.

6 Paxe‑as tus tub Yahyadas thiab Npexaudeyah tus tub Mesulas kho lub Rooj Loog Qub. Nkawv ua tej npuab rooj thiab nruab txhib qhov rooj rau thiab ua tej ntsia rooj thiab tej las rooj.

7 Ntu txuas ntawm nkawv mus yog Melathiyah uas yog tibneeg Kinpe‑oos thiab Yadoos uas yog tibneeg Melaunaus, thiab cov tibneeg hauv lub moos Kinpe‑oos thiab hauv lub moos Mixapas kho. Cov no nyob hauv tus tswv xeev sab dej Yufetis hnub poob qab kev tswjhwm.

8 Ntu txuas ntawm lawv mus yog Hauhayah tus tub Uxi‑ees uas yog Kws ntaus kub kho. Ntu txuas ntawm nws mus yog Hananiyah uas yog Kws tov tshuaj tsw qab kho. Ob tug ntawd kho Yeluxalees mus txog ntawm ntu Ntsa Loog Tuab.

9 Ntu txuas ntawm nkawv mus yog Hawj tus tub Lefayah uas kav Yeluxalees ib nrab kho.

10 Ntu txuas ntawm lawv mus yog Halumas tus tub Yedayah kho ncaj ntawm nws lub tsev, thiab ntu txuas ntawm nws mus yog Hasaneyah tus tub Hathus kho.

11 Halees tus tub Makhiyah thiab Pahamau‑as tus tub Hasus kho dua ib ntus ntxiv thiab kho lub Chaw Tsom Faj Qhov Txos.

12 Ntu txuas ntawm lawv mus yog Halauhes tus tub Salus uas kav Yeluxalees ib nrab kho, yog nws thiab nws tej ntxhais kho.

13 Hanus thiab cov tibneeg hauv lub moos Xanau‑as kho lub Rooj Loog Hav. Lawv ua dua tshiab thiab nruab txhib qhov rooj rau thiab ua tej ntsia rooj thiab tej las rooj, thiab kho lub ntsa loog ib txhiab tshim mus txog lub Rooj Loog Quav Tsiaj.  

14 Lekhaj tus tub Makhiyah uas kav ib cheeb tsam ntawm Npes Hakhelees kho lub Rooj Loog Quav Tsiaj. Nws ua dua tshiab thiab nruab txhib qhov rooj rau thiab ua tej ntsia rooj thiab tej las rooj.

15 Khauhauxes tus tub Salus uas kav ib cheeb tsam Mixapas kho lub Rooj Loog Dej Txhawv.  Nws ua dua tshiab thiab muab vov thiab nruab txhib qhov rooj rau thiab ua tej ntsia rooj thiab tej las rooj.  Thiab nws ua lub ntsa loog ntawm Pas Dej Selas uas npuas vajntxwv lub vaj mus txog ntawm tus ntaiv uas nqis saum Daviv lub nroog los.

16 Ntu txuas ntawm nws mus yog Axanpus tus tub Nehemyah uas kav ib cheeb tsam Npexuv ib nrab kho mus txog ncaj Daviv lub qhov ntxa thiab txog pas dej uas luag khawb thiab txog lub tsev uas cov tub rog siab loj siab tuab nyob.

17 Ntu txuas ntawm nws mus cov Levis kho, yog Npanis tus tub Lehoos kho thiab ntu txuas ntawm nws mus yog Hasanpiyah uas kav ib cheeb tsam Khe‑ilas ib nrab kho nws feem.

18 Ntu txuas ntawm nws mus lawv cov kwvtij kho yog Henadas tus tub Npavais uas kav ib cheeb tsam Khe‑ilas ib nrab.

19 Ntu txuas ntawm nws mus yog Yahshua tus tub Exaws uas kav lub moos Mixapas kho dua ib ntus ncaj ntawm txojkev uas nce mus rau lub txhab cuab yeej uas nyob ntawm lub Ntsa Loog Nkhaus.

20 Ntu txuas ntawm nws mus yog Xanpais tus tub Npalus kho dua ib ntus ntxiv txij ntua lub Ntsa Loog Nkhaus mus txog tus tuam pov thawj hlob Eliyasis lub qhov rooj.

21 Ntu txuas ntawm nws mus yog Uliyah tus tub Melemaus uas yog Hakhaus tus xeeb ntxwv kho dua ib ntus txij ntua Eliyasis lub qhov rooj mus txog tom nws lub tsev kawg.

22 Ntu txuas ntawm nws mus yog cov pov thawj uas nyob nram tiaj kho.

23 Ntu txuas ntawm lawv mus yog Npeeyamees thiab Hasus kho ncaj ntawm nkawv tsev. Ntu txuas ntawm nkawv mus yog Ma‑axeyah tus tub Axaliyah uas yog Ananiyah tus xeeb ntxwv kho ncaj ntawm nws tsev.

24 Ntu txuas ntawm nws mus yog Henadas tus tub Npinu‑is kho dua ib ntus txij ntua Axaliyah tsev mus txog lub Ntsa Loog Nkhaus thiab txog ntawm lub Kaum loog.

25 Uxais tus tub Palas kho ncaj ntawm lub Ntsa Loog Nkhaus thiab lub chaw tsom faj uas txuas rau sab nraud ntawm vajntxwv lub tsev sab ped ze ntawm cov tub rog uas zov vajntxwv lub loog.  Ntu txuas ntawm nws mus yog Palaus tus tub Pedayah,

26 thiab cov uas ua haujlwm hauv (יחוח)Yahweh lub tuam tsev uas nyob ntawm Aufees kho mus txog ncaj lub Rooj Loog Dej sab hnub tuaj thiab txog lub chaw tsom faj uas txuas rau sab nraud.

27 Ntu txuas ntawm lawv mus yog cov tibneeg Thekhau‑as kho dua ib ntus ncaj ntawm lub chaw tsom faj loj uas txuas rau sab nraud mus txog lub ntsa loog ntawm Aufees.

28 Cov pov thawj kho ntawm lub Rooj Loog Nees mus rau sab ped, nyias kho ncaj ntawm nyias lub tsev.

29 Ntu txuas ntawm lawv mus yog Imaws tus tub Xadaus kho ncaj ntawm nws tsev.  Ntu txuas ntawm nws mus yog Sekhaniyah tus tub Semayah uas yog tus zov Rooj Loog Sab Hnub Tuaj kho.

30 Ntu txuas ntawm nws mus yog Selemiyah tus tub Hananiyah thiab Hanus uas yog Xalaj tus tub ho kho dua ib ntus.  Ntu txuas ntawm nws mus yog Npelekhiyah tus tub Mesulas kho ncaj ntawm nws chav tsev.

31 Ntu txuas ntawm nws mus yog Makhiyah yog dua ib tug Kws ntaus kub kho mus txog ntawm lub tsev uas cov uas ua haujlwm hauv lub tuam tsev thiab cov tub luam nyob, ncaj ntawm lub Rooj Loog Txheeb Tub Rog thiab mus txog chav tsev sab saud uas nyob ntawm kaum loog.

32 Thiab ntu nruab nrab chav tsev sab saud ntawm kaum loog mus txog lub Rooj Loog Yaj, yog cov Kws ntaus kub thiab cov tub luam kho.