Qhuas (יחוח)Yahweh Uas Yog Tus Cawmseej

1 Halleluyah! Kuv tus ntsuj plig es, cia li qhuas (יחוח)Yahweh.

2 Kuv yuav qhuas (יחוח)Yahweh mus kom tag kuv sim neej, kuv yuav hu nkauj qhuas kuv Tus Tswv rau thaum kuv tseem muaj txojsia nyob.

3 Tsis txhob tso siab rau cov thawj, lawv yog tibneeg xwb, tsis txawj pab.

4 Thaum lawv tsis ua pa lawm, lawv kuj rov qab mus rau hauv av, tib hnub ntawd, tej uas lawv npaj tseg lawd, kuj puam tsuaj tag.  

5 Tus uas Yakhauj Tus Tswv pab, thiab nws lub chaw vam nyob hauv (יחוח)Yahweh, uas yog nws Tus Tswv, tus ntawd tau nyob kaj siab lug.

6 (יחוח)Yahweh yog tus uas tsim ntuj tsim teb thiab dej hiavtxwv thiab txhua yam uas nyob hauv, nws yeej ua raws li nws tej lus cog tseg mus ib txhis.

7 Nws tu plaub ncaj rau cov uas raug quab yuam, nws pub zaub mov rau cov uas tshaib plab noj. (יחוח)Yahweh tso cov uas raug kaw dim.

8 (יחוח)Yahweh qhib cov uas dig muag lub qhov muag. (יחוח)Yahweh tsa cov uas poob thab sawv los. (יחוח)Yahweh hlub cov uas ncaj ncees.

9 (יחוח)Yahweh tsom kwm lwm haiv neeg uas nrog nej nyob, nws hwj cov poj ntsuam thiab cov menyuam ntsuag uas tsis muaj txiv, tiamsis nws ua rau cov tibneeg limhiam tej kev puam tsuaj mus.

10 (יחוח)Yahweh yuav ua vajntxwv mus ib txhis, Xi‑oo es, koj Tus Tswv, yuav kav txhua tiam mus li. Halleluyah! Cia li qhuas (יחוח)Yahweh.