Txhua Yam Qhuas (יחוח)Yahweh

​

1 Halleluyah! Cia li qhuas (יחוח)Yahweh, Tus Tswv uas nyob saum ntuj. Cia li qhuas nws saum tej chaw siab.

2 Nws cov tubtxib saum ntuj sawvdaws, cia li qhuas nws, nws cov tub rog sawvdaws, cia li qhuas nws lauj!

3 Lub hnub lub hli, cia li qhuas nws, tej hnub qub uas ci, nej txhua lub cia li qhuas nws.

4 Lub ntuj uas siab kawg nkaus, thiab cov dej uas nyob saum ntuj, nej cia li qhuas nws.

5 Cia tej ntawd qhuas (יחוח)Yahweh lub npe, vim yog nws hais xwb, tej ntawd cia li muaj tshwm los.

6 Nws muab lawv txawb cia mus ib txhis tsis kawg, nws rhawv kevcai rau lawv tsis kheev lawv hla dhau.

7 Cia li qhuas (יחוח)Yahweh hauv lub ntiajteb, tsis hais tej tsiaj uas loj kawg hauv hiavtxwv thiab tej dej nruab tiv txwv.

8 Xob laim thiab lawg, daus thiab huab, thiab cua daj cua dub uas ua raws li nws hais.  

9 Tej roob thiab tej pov roob huvsi, tej txiv ntoo thiab tej ntoo ciab huvsi.

10 Tej tsiaj qus thiab tej tsiaj nyeg huvsi, tej tsiaj uas nkag hauv av thiab tej nas noog uas ya saum nruab ntug.

11 Tej vajntxwv hauv lub ntiajteb thiab ib tsoom tibneeg sawvdaws, cov uas ua thawj thiab cov uas kav hauv lub ntiajteb sawvdaws.

12 Cov tub hluas ntxhais hluas, cov laus thiab cov menyuam yaus.

13 Cia lawv sawvdaws qhuas (יחוח)Yahweh lub npe, rau qhov nws tib leeg lub npe nyob siab dua luag tej, nws lub hwjchim ci ntsa iab nyob siab dua lub ntiajteb thiab lub ntuj.

14 Nws tsa kom muaj ib tug kub rau nws haiv neeg, yog tus uas nws cov tibneeg dawb huv sawvdaws qhuas, yog tus uas cov Ixayees uas nyob ze nws qhuas. Halleluyah! Cia li qhuas (יחוח)Yahweh.