Ntuas Cov Ixayees Qhuas (יחוח)Yahweh

​

1 Halleluyah! Cia li qhuas (יחוח)Yahweh. Cia li hu txoj nkauj tshiab rau (יחוח)Yahweh. Hu nkauj qhuas (יחוח)Yahweh rau thaum nws cov tibneeg ncaj ncees tuaj txoos ua ke.

2 Cia cov Ixayees zoo siab rau tus uas tsim lawv. Cia Xi‑oo tej tub ki luag ntxhi rau lawv tus Vajntxwv.  

3 Cia lawv hu nkauj seev cev qhuas nws lub npe. Cia lawv ntaus nkauj nog ncas thiab ntaus nruas seev suab qhuas nws.

4 Rau qhov (יחוח)Yahweh zoo siab rau nws haiv neeg, nws pub cov uas txo hwjchim tau txojkev kov yeej ua mom rau lawv ntoo.

5 Cia (יחוח)Yahweh cov tibneeg ncaj ncees zoo siab hlo rau qhov uas kov yeej, thiab cia lawv hu nkauj zoo siab hlo rau hauv lawv tej txaj pw.

6 Cia lawv lub qhov ncauj qw nrov qhuas (יחוח)Yahweh, cia lawv tuav rawv rab ntaj ob sab ntse hauv lawv txhais tes.

7 Xwv thiaj ua pauj rau ib tsoom tebchaws thiab rau txim rau ib tsoom tibneeg. 8 Thiab muab saw hlau khi lawv tej vajntxwv, thiab muab rab cuab hlau cuab lawv tej thawj.  

9 Thiab rau txim rau lawv raws li (יחוח)Yahweh twb sau tseg cia lawm. Qhov no yog tej koob meej uas muab rau nws cov tibneeg ncaj ncees sawvdaws. Halleluyah! Cia li qhuas (יחוח)Yahweh.