Qhuas (יחוח)Yahweh

​

1 Halleluyah! Cia li qhuas (יחוח)Yahweh hauv nws lub tuam tsev. Cia li qhuas (יחוח)Yahweh hauv nws lub chaw uas muaj hwj chim saum ntuj.

2 Cia li qhuas (יחוח)Yahweh, vim tej txujci tseem ceeb uas nws ua, cia li qhuas (יחוח)Yahweh, vim nws lub hwj chim uas loj kawg nkaus.

3 Cia li tshuab raj kub yaj ua suab qhuas nws, cia li ntaus nkauj nog ncas me thiab nkauj nog ncas loj qhuas nws.

4 Cia li dhia seev cev npuaj nruas qhuas nws cia li tshiav nkauj nog ncas thiab tshuab raj nplaim qhuas nws.

5 Cia li npuaj nruas tooj liab nrov ntxhe ntws, cia li npuaj nruas tooj liab nrov doog diaj qhuas nws.

6 Txhua yam uas ciaj sia cia li qhuas (יחוח)Yahweh. Halleluyah! Cia li qhuas (יחוח)Yahweh.