Tus Pojniam Thiab Tus Zaj

1 Muaj ib yam txujci tseem ceeb tshwm rau saum nruab ntug, yog ib tug pojniam muab lub hnub hnav thiab lub hli nyob hauv nws qab kotaw, saum nws taubhau, nws ntoo lub mom vajntxwv uas muaj kaum ob lub hnub qub. 2 Nws suab ib plab menyuam thiab quaj, vim mob plab heev yuav yug menyuam. 3 Thiab muaj dua ib yam txujci tseem ceeb tshwm rau saum nruab ntug, yog muaj ib tug zaj loj liab ploog. Nws muaj xya lub taubhau, thiab kaum tus kub, thiab saum xya lub taubhau, muaj xya lub mom kub. 4 Nws xuas nws tus kotw nplawm tej hnub qub saum nruab ntug poob tag ib feem hauv peb, thiab muab pov los rau hauv ntiajteb. Tus zaj ntawd, nyob ntawm tus pojniam uas tabtom yuav yug menyuam hauv ntej, xwv thiaj noj tau tus menyuam rau thaum yug kiag los. 5 Tus pojniam txawm yug tau ib tug tub, yog tus uas yuav xuas qws hlau kav tag nrho ib tsoom tebchaws sawvdaws tiamsis nws tus menyuam raug muab txeeb kiag coj mus rau ntawm Abba (יחוח)Yahweh thiab ntawm Abba (יחוח)Yahweh lub zwm txwv lawm.

Khiav Dim Hauv Nruab Nrab! Ua Rog Saum Ntuj

6 Ces tus pojniam txawm khiav mus rau hauv tebchaws moj sab qhua. Qhov ntawd muaj ib lub chaw uas Abba (יחוח)Yahweh npaj cia rau nws xwv luag thiaj yug tau nws ib txhiab ob puas rau caum hnub. 7 Ces txawm ua rog saum ntuj, Micahyah thiab nws cov tubtxib saum ntuj ua rog rau tus zaj ntawd, mas tus zaj thiab nws cov tubtxib saum ntuj kuj tawm tsam.

8 tiamsis tus zaj tog swb lawm, thiab tsis muaj chaw nyob saum ntuj dua li lawm.

9 Tus niag zaj yog tus nab txwj nab laug, thaum ub uas hu tias Ntxwg Nyoog thiab Xatas, yog tus uas dag ntxias tibneeg thoob ntiajteb. Nws raug muab pov los rau hauv lub ntiajteb, thiab nws cov tubtxib saum ntuj kuj raug muab pov nrog nws ua ke los thiab.

10 Thiab kuv hnov ib lub suab saum ntuj hais tias, nimno txojkev dim, thiab hwjchim, thiab Abba (יחוח)Yahweh lub tebchaws, thiab nws tus (יהושע)Yahshua Messiah lub hwjchim los txog lawm, vim tus uas iab liam peb cov kwvtij raug muab pov los lawm, yog tus uas iab liam rau ntawm Abba (יחוח)Yahweh lub xubntiag nruab hnub hmo ntuj. 11 Lawv kov yeej nws vim yog tus Menyuam Yaj cov ntshav, thiab vim yog lawv tej lus timkhawv, txawm yog yuav tuag los lawv tsis khuvxim lawv txojsia. 12 Vim li no, lub ntuj thiab txhua tus uas nyob hauv es, cia li zoo siab xyiv fab. Tiamsis lub ntiajteb thiab dej hiavtxwv es, nej yuav raug txom nyem, vim Ntxwg Nyoog twb nqes los rau hauv nej ua npau taws vog, rau qhov nws paub tias nws lub sijhawm tshuav tsis ntev lawm. 13 Thaum tus zaj pom tias nws raug muab pov nqes los rau hauv ntiajteb lawm, nws txawm raws caum tus pojniam uas yug tus tub ntawd qab.  14 Tiamsis muab ob phab kooj tis pub rau tus pojniam ntawd, ib yam li kooj tis dav loj kom nws thiaj ya khiav dim ntawm tus zaj ntawd mus rau hauv tebchaws moj sab qhua tau, mus rau lub chaw uas luag yuav yug nws ib ncua sijhawm, ob ncua thiab ib nrab ncua. 15 Tus zaj txawm tsuag dej tawm hauv nws lub qhov ncauj los zoo yam li ib tug niag dej los caum tus pojniam ntawd qab, xwv thiaj kuav tau kiag nws mus.

16 Tiamsis lub ntiajteb pab tus pojniam, ces txawm qheb kiag qhov ncauj nqos tej dej uas tawm hauv tus zaj lub qhov ncauj ntws los. 17 Tus zaj txawm chim heev rau tus pojniam ntawd, thiab mus ua rog rau tus pojniam caj ces uas tshuav nyob, yog cov uas tuav rawv Abba (יחוח)Yahweh tej lus nkaw thiab (יהושע)Yahshua, tej lus timkhawv. 18 Ces tus zaj txawm mus sawv hauv cov xuab zeb ntawm ntug hiavtxwv.