Ob Tug Tsiaj Nyaum

1 Kuv pom ib tug tsiaj tawm hauv hiavtxwv los muaj kaum tus kub thiab xya lub taubhau, thiab muaj kaum lub mom kub saum cov kub ntawd, thiab muaj tej npe uas saib tsis taus Abba (יחוח)Yahweh sau rau ntawm nws cov taubhau. 2 Tus tsiaj uas kuv pom ntawd, zoo ib yam li tsov pom txwv, txhais kotaw zoo li kotaw dais, lub qhov ncauj zoo li tsov ntxhuav lub. Tus zaj txawm pub nws lub zog, thiab nws lub zwm txwv, thiab hwjchim loj kawg rau tus tsiaj ntawd. 3 Nws ib lub taubhau muaj tej qhov txhab uas mob yuav tuag, tiamsis tej qhov txhab ntawd kho tau zoo lawm. Tibneeg thoob ntiajteb phimhwj kawg, thiab raws tus tsiaj ntawd qab mus.

4 Lawv pe hawm tus zaj, vim nws pub nws lub hwjchim rau tus tsiaj ntawd, thiab lawv kuj pe hawm tus tsiaj thiab hais tias, leejtwg zoo cuag li tus tsiaj no, thiab leejtwg yuav tawm tsam tau tus tsiaj no? 5 Muab lub ncauj uas hais lus khav theeb thiab hais lus saib tsis taus Abba (יחוח)Yahweh pub rau tus tsiaj ntawd, thiab muab hwjchim rau nws ua haujlwm plaub caug ob lub hlis.

6 Nws qheb nws lub qhov ncauj hais lus tuam mom Abba (יחוח)Yahweh. Nws hais lus tuam mom Abba (יחוח)Yahweh lub npe, thiab Abba (יחוח)Yahweh lub chaw nyob, thiab cov uas nyob saum ntuj. 7 Tso cai rau nws ua rog rau cov neeg dawb huv, thiab kov yeej lawv, thiab muab hwjchim pub rau nws kav txhua xeem, txhua haiv neeg, txhua yam lus, thiab txhua lub tebchaws. 8 Txhua tus uas nyob hauv ntiajteb yuav pe hawm tus tsiaj ntawd, yog txhua tus uas tsis muaj npe sau cia rau hauv tus Menyuam Yaj uas raug muab tua txij thaum tsim ntuj tsim teb los raws li sau rau hauv phau ntawv txojsia.

9 Leejtwg muaj pobntseg kuj cia li mloog. 10 Tus uas npaj rau luag ntes mus, tus ntawd, kuj yuav raug luag ntes mus, tus uas tu cia rau hniav ntaj tua, tus ntawd yeej yuav raug hniav ntaj tua. No yog qhov uas cov neej dawb huv yuav tsum ua siab ntev thev thiab ntseeg.

​

Tus Tsiaj Nyaum Hauv Nruab Nqhuab Uas Tus Lej Yog 666

11 Thiab kuv pom dua ib tug tsiaj tawm hauv nruab nqhuab los, muaj ob tug kub zoo ib yam li ib tug menyuam yaj, thiab hais lus ib yam li ib tug zaj. 12 Nws siv thawj tug tsiaj lub hwjchim huvsi tab meeg thawj tug tsiaj ntawd, thiab ua rau lub ntiajteb thiab tej tibneeg uas nyob hauv pe hawm thawj tug tsiaj uas muaj qhov txhab twb yuav tuag uas ho kho zoo lawm. 13 Nws ua txujci tseem ceeb loj, thiab ua tau hluavtaws poob saum ntuj los rau hauv ntiajteb tab meeg tibneeg sawvdaws. 14 Vim yog tej txujci tseem ceeb uas pub rau nws ua tab meeg thawj tug tsiaj ntawd, nws thiaj dag ntxias tej tibneeg hauv ntiajteb. Nws hais kom tibneeg hauv ntiajteb tsim ib tug dab mlom rau tus tsiaj uas muaj qhov txhab, vim raug hniav ntaj tiamsis tseem ciaj sia nyob. 15 Thiab pub nws ua pa rau tus dab mlom tsiaj ntawd, kom tus dab mlom tsiaj ntawd hais tau lus thiab muab cov uas tsis yeem pe tus dab mlom tsiaj ntawd ua kom tuag. 16 Thiab nws tseem yuam txhua tus tsis hais tus hlob tus yau, tus muaj tus pluag, tus nyob ywj pheej thiab tus ua qhev, kom ntaus cim rau ntawm txhais tes xis, lossis ntawm hauv pliaj, 

17 mas yog leejtwg tsis muaj lub cim uas yog tus tsiaj ntawd lub npe, lossis tus tsiaj ntawd lub npe tus lej, mas tus ntawd yuav muag thiab yuav tsis tau abtsi kiag li. 18 Tej no yuav tsum siv tswvyim tib zoo. Tus uas nkag siab cia li xam raws li tus tsiaj ntawd cov lej, vim cov lej ntawd yog ib tug tibneeg li lej. Cov lej ntawd yog rau pua rau caum rau.