Abba (יחוח)Yahweh Txiav Txim Ncaj Ncee

1 Vim li no, tibneeg es, tsis hais koj yog leejtwg, thaum koj rau txim rau lwm tus, koj tsis muaj lus daws koj tus kheej li. Rau qhov thaum koj txiav txim rau luag, kuj yog koj txiav txim rau koj thiab, vim koj twb yog tus uas txiav txim rau luag los koj tseem ua ib yam li luag ua thiab. 2 Peb paub tias qhov uas Abba (יחוח)Yahweh rau txim rau cov uas ua phem li ntawd kuj yog ua raws li qhov tseeb. 3 Tibneeg es, thaum koj txiav txim rau cov uas ua li ntawd, tiamsis koj tseem ua ib yam li lawv thiab, koj xav tias koj yuav dim qhov uas Abba (יחוח)Yahweh txiav txim lov?

4 Lossis koj tseem saib tsis taus nws txojkev khuvleej, thiab nws txojkev ua siab ntev, thiab nws txojkev uas thev taus uas nws muaj nplua mias lov?

Koj tsis paub tias Abba (יחוח)Yahweh txojkev hlub yuav coj kom koj ntxeev dua siab tshiab lov? 5 Tiamsis vim nej lub siab tawv tsis yeem ntxeev dua siab, nej thiaj khaws txojkev npau taws rau nej, rau hnub uas Abba (יחוח)Yahweh npau taws, yog hnub uas Abba (יחוח)Yahweh txiav txim ncaj tshwm plaws los. 6 Rau qhov nws yuav pauj rau txhua tus raws li tej uas lawv tau ua. 7 Cov uas ua siab ntev, ua zoo, thiab nrhiav lub koob meej, thiab meej mom, thiab qhov uas nyob mus ib txhis, Abba (יחוח)Yahweh yuav pub txojsia ib txhis tsis kawg rau.

8 Tiamsis cov uas xam pom nws tus kheej, tsis ua raws li txojkev tseeb, tiamsis ua raws li txojkev phem, Abba (יחוח)Yahweh yuav npau taws thiab chim rau.

9 Txojkev txom nyem thiab kev nyuaj siab yuav raug txhua tus tibneeg uas ua phem, yuav raug cov Yahdaim ua ntej li raug cov Greek.

10 Tiamsis lub koob meej, thiab meej mom, thiab qhov uas kaj siab lug, yuav raug txhua tus uas ua zoo, yuav raug cov Yahdaim ua ntej, li raug cov Greek.

11 Rau qhov Abba (יחוח)Yahweh tsis xaiv leejtwg ntsej muag li. 12 Txhua tus uas tsis muaj Abba (יחוח)Yahweh txoj kevcai es mus ua txhaum, yuav raug puam tsuaj tsis kiam txog Abba (יחוח)Yahweh txoj kevcai ntawd. Txhua tus uas muaj Abba  (יחוח)Yahweh txoj kevcai es mus ua txhaum, yuav raug txiav txim raws li txoj kevcai ntawd. 13 Rau qhov cov uas mloog txoj kevcai xwb, tsis yog cov uas ncaj ncees rau ntawm Abba(יחוח)Yahweh lub xubntiag, tiamsis cov uas xyaum raws li txoj kevcai mas Abba (יחוח)Yahweh yuav suav tias yog cov uas ncaj ncees. 14 Thaum lwm haiv neeg uas tsis muaj Abba (יחוח)Yahweh txoj kevcai, muaj lub siab ua lawv lub neej raws nraim li txoj kevcai ntawd, mas txawm yog lawv tsis muaj Abba (יחוח)Yahweh txoj kevcai los, lawv rov rhawv txoj kevcai rau lawv. 15 Lawv ua lub neej kom pom tias, txoj kevcai twb sau cia rau hauv lawv lub siab lawm, thiab lawv lub siab uas paub qhov phem qhov zoo kuj ua timkhawv, thiab lawv tej kev xav uas tej zaum yog rau txim, tej zaum yog zam txim.  16 Yuav zoo li ntawd rau hnub uas Abba (יחוח)Yahweh siv (יהושע)Yahshua Messiah txiav txim rau tibneeg tej kev zais siab, yog raws li txoj hmoo zoo uas kuv qhia.

​

Cov Yahdaim thiab txoj kevcai

17 Yog koj hu koj tus kheej tias yog Yahdaim thiab vam khom txoj kevcai, thiab khav txog qhov uas nrog Abba (יחוח)Yahweh sib raug zoo. 18 Thiab paub Abba (יחוח)Yahweh lub siab nyiam li cas, thiab pom zoo tej uas tsim txiaj vim yog tau kawm hauv Abba (יחוח)Yahweh txoj kevcai, 19 thiab yog koj tso siab tias koj yog tus coj tus tibneeg dig muag kev, thiab ua qhov kaj rau cov uas nyob hauv qhov tsaus ntuj, 20 thiab yog tus uas qhia cov tibneeg ruam, ua tus uas qhia cov menyuam yaus, thiab muaj tus qauv qhia kev paub thiab qhov tseeb hauv Abba (יחוח)Yahweh txoj kevcai 21 yog li ntawd koj uas qhia lwm tus koj yuav tsis qhia koj tus kheej lov? Thaum koj qhia tias tsis txhob ua tub sab, koj tus kheej tseem ua lov? 22 Koj qhia tias tsis txhob ua nkauj ua nraug, los koj tseem ua lov? Koj ntxub tej dab mlom los koj tseem lws tej tsev pe hawm dab lov? 23 Koj khav txog Abba (יחוח)Yahweh txoj kevcai, los koj tseem saib tsis taus Abba (יחוח)Yahweh,vim yog ua txhaum txoj kevcai lov? 

24 Muaj lus sau cia tias, lwm haiv neeg hais lus tuam mom Abba (יחוח)Yahweh lub npe, vim yog tim nej. (Isayah 52:5)

25 Yog nej xyaum raws li txoj kevcai, qhov uas ua kevcai txiav kuj muaj qabhau tiag, tiamsis yog nej tsis ua raws li txoj kevcai qhov uas nej ua kevcai txiav ntawd, kuj zoo li nej tsis tau ua kiag li. 26 Vim li no, yog tus uas tsis ua kevcai txiav, tseem xyaum raws li tej nqes hauv txoj kevcai, mas qhov uas nws tsis ua kevcai txiav ntawd, yuav suav tau tias nws twb ua kevcai txiav lawm los tsis yog? 27 Tus uas tsis ua kevcai txiav ntawm lub cev nqaij, tiamsis nws xyaum raws nraim txoj kevcai, nws yuav txiav txim rau koj uas muaj txoj kevcai sau cia thiab tau ua kevcai txiav lawm, tiamsis tseem tsis ua raws li txoj kevcai ntawd. 28 Tus tseem Yahdaim tsis yog tus uas ua sab nraud xwb, thiab qhov uas ua kevcai txiav tiag tiag tsis yog ua sab nraum daim tawv xwb. 29 Tus tseem Yahdaim tiag, yog tus uas ua sab hauv, thiab qhov uas ua kevcai txiav tiag, yog qhov uas ua hauv lub siab, raws li Tus Ntsuj Plig Dawbhuv, tsis yog raws li txoj kevcai uas sau cia. Tus uas ua li ntawd, tibneeg tsis qhuas, tiamsis Abba (יחוח)Yahweh qhuas.

​