1 Yog li ntawd, cov Yahdaim tsim txiaj dua lwm Tus li cas? Qhov uas ua kevcai txiav muaj qabhau abtsi? 2 Muaj qabhau txhua yam. Qhov ib, muab Abba (יחוח)Yahweh tej lus cob rau cov Yahdaim tuav. 3 Txawm yog muaj qee leej ua tsis ncaj, los qhov uas lawv ua tsis ncaj ntawd, yuav rhuav Abba (יחוח)Yahweh txojkev ncaj lov? 4 Tsis tau li. Txawm yog tibneeg txhua tus dag, kuj thov cia Abba (יחוח)Yahweh ua tus tseeb, raws li uas sau cia hais tias, kom thiaj pom tias koj ncaj ncees hauv koj tej lus, thiab kov yeej rau thaum koj txiav txim. (Ntawv Nkauj 51:6)

5 Tiamsis yog peb tej kev phem ua rau Abba (יחוח)Yahweh txojkev ncaj ncees tshwm los, peb yuav hais li cas? Peb yuav hais tias, qhov uas Abba (יחוח)Yahweh npau taws tshwm rau peb, yog nws ua tsis ncaj lov? (Kuv hais raws li tibneeg hais xwb. ) 

6 Tsis yog li, rau qhov yog hais tias, zoo li ntawd, Abba (יחוח)Yahweh yuav txiav txim rau lub ntiajteb tau li cas? 

7 Yog Abba (יחוח)Yahweh txojkev tseeb tshwm los vim yog qhov uas kuv dag, kuj ua rau Abba (יחוח)Yahweh tau koob meej ntau heev lawm, ua li cas kuv tseem yuav raug txiav txim zoo li tus uas muaj txim? 8 Thiab ua cas peb tsis ua qhov phem xwv qhov zoo thiaj tshwm tuaj? Raws li muaj qee leej xyav peb hais tias, peb hais li ntawd. Cov tibneeg uas hais li no, raug txim kuj yog ua ncaj lawm.

Tsis Muaj Tibneeg Ncaj Ncees Kiag Li

9 Yog li ntawd, yuav hais li cas? Peb cov Yahdaim zoo dua lov? Tsis yog kiag li, vim tias kuv twb qhia tseeb tias tibneeg txhua tus, tsis hais cov Yahdaim thiab cov Greek, puav-leej nyob hauv txoj qab kev txhaum. 10 Raws li twb sau cia hais tias, tsis muaj ib tug ncaj ncees, tsis muaj ib tug kiag li.

11 Tsis muaj ib tug nkag siab, tsis muaj ib tug nrhiav Abba (יחוח)Yahweh.

12 Lawv txhua tus, yuam kev tag, thiab lawv phem tag huvsi ib yam nkaus, tsis muaj ib tug ua zoo, tsis muaj kiag li. (Ntawv Nkauj 14:1-3)

13 Lawv lub caj pas, yog lub qhov ntxa uas qheb lug, lawv siv lawv tus nplaig dag ntxias Taug nab nyob ntawm lawv daim tawv ncauj. (Ntawv Nkauj 5:10; 140:4)

14 Tej lus tsawm foom thiab tej lus lwj siab puv nkaus hauv lawv lub qhov ncauj. (Ntawv Nkauj 10:7)  15 Lawv txhais kotaw dhia mus ua rau nqaij ntuag ntshav nrog, 16 txojkev uas lawv mus muaj kev puam tsuaj thiab kev txom nyem,

17 thiab lawv tsis paub txojkev haum xeeb. (Isayah 59:7-8)

18 Lawv tsis paub ntshai Abba (יחוח)Yahweh kiag li. (Ntawv Nkauj 36:2)

19 Peb paub tias Abba (יחוח)Yahweh txoj kevcai hais li cas, kuj yog hais rau cov uas nyob hauv txoj kevcai ntawd, xwv txhua tus lub qhov ncauj thiaj tsis muaj lus teb li, thiab tag nrho lub ntiajteb, yuav raug Abba (יחוח)Yahweh txiav txim. 20 Vim qhov uas xyaum raws li txoj kevcai, Abba  (יחוח)Yahweh tsis pom muaj ib tug twg yuav raug suav tias ncaj ncees, rau qhov txoj kevcai ntawd qhia kom peb paub txog lub txim xwb.

​

Kev Ncaj Ncees Los Ntawm Txojkev Ntseeg

21 Tiamsis nimno txojkev ncaj ncees uas Abba (יחוח)Yahweh pub tshwm los, tsis yog vim coj raws li txoj kevcai, tiamsis txoj kevcai thiab cov xibhwb cev Abba (יחוח)Yahweh lus tseem ua timkhawv rau txojkev ncaj ncees ntawd. 22 Txojkev ncaj ncees uas Abba (יחוח)Yahweh pub vim yog ntseeg (יהושע)Yahshua Messiah, yog pub rau txhua tus uas ntseeg, tsis suav tias ib leeg txawv ib leeg, 23 rau qhov txhua tus puavleej muaj txim thiab poob ntawm Abba (יחוח)Yahweh lub hwjchim ci ntsa iab lawm.

24 Tiamsis Abba (יחוח)Yahweh muaj txojkev hlub thiaj pub dawb rau lawv ua tau tus ncaj ncees, vim qhov uas (יהושע)Yahshua Messiah txhiv lawv dim lub txim.

25 Abba (יחוח)Yahweh tsa (יהושע)Yahshua Messiah ua tus uas muab (יהושע)Yahshua Messiah cov ntshav ntxuav txhua tus uas ntseeg lub txim. Tej no thiaj ua kom pom txojkev ncaj ncees uas Abba (יחוח)Yahweh pub vim nws ua siab ntev tsis rau txim rau tej kev txhaum uas ua los lawd. 26 Kom thiaj ua nws txojkev ncaj ncees tshwm rau cov tibneeg tiam no thiab qhia tias nws yog tus ncaj ncees thiab suav tias tus uas ntseeg (יהושע)Yahshua Messiah yog tus ncaj ncees.

27 Yog li no peb yuav khav tau li cas? Khav tsis tau kiag li. Yuav ua raws li txoj kevcai twg? Yuav ua raws txoj kevcai xyaum zoo lov? Tsis tau li. Yuav tsum ua raws li txojkev ntseeg xwb. 28 Peb paub tias tibneeg raug suav tias ncaj ncees, yog vim nws ntseeg tsis yog qhov uas nws xyaum raws li txoj kevcai.

29 Abba (יחוח)Yahweh tsuas yog cov Yahdaim tus Abba (יחוח)Yahweh xwb lov? Nws tsis yog lwm haiv neeg tus Abba (יחוח)Yahweh thiab lov? Nws yeej yog lwm haiv neeg tus Abba (יחוח)Yahweh thiab, 30 rau qhov Abba

(יחוח)Yahweh yog tib tug Abba Yah-weh thiab nws suav tias tus uas ua kevcai txiav thiab tus uas tsis tau ua puavleej ncaj ncees ib yam nkaus vim qhov uas ntseeg.

31 Yog li ntawd peb muab txojkev ntseeg no rhuav txoj kevcai lov? Tsis tau li. Peb yeej tuav rawv txoj kevcai.

​