Abraham Ua Yam Ntxwv Cia

1 Yog li ntawd peb yuav hais li cas txog Abraham uas yog peb yawg koob ntawm nqaij tawv? 2 Yog Abraham raug suav tias ncaj ncees vim qhov uas nws xyaum zoo, nws yeej muaj tej uas nws khav tau, tiamsis nws khav tsis tau tab meeg Abba (יחוח)Yahweh.

3 Abba (יחוח)Yahweh phau ntawv hais li cas? Abraham ntseeg Abba (יחוח)Yahweh mas  Abba (יחוח)Yahweh suav tias qhov uas nws ntseeg ntawd yog txojkev ncaj ncees rau Abraham. (Chivkeebj 13:1)

4 Tus tibneeg ua haujlwm mas cov nqe zog uas nws tau tsis suav tias yog tshav ntuj tiamsis suav tias yog nws li nqe zog. 5 Tus uas tsis vam khom nws tes haujlwm, tiamsis ntseeg tus uas pub cov tibneeg phem ua tau ncaj ncees, mas nws txojkev ntseeg ntawd, Abba (יחוח)Yahweh suav tias yog txojkev ncaj ncees.

 6 Ib yam li Daviv tau hais txog tus uas nyob kaj siab lug, yog tus uas Abba (יחוח)Yahweh suav tias yog tus ncaj ncees, tsis yog vim nws xyaum raws li txoj kevcai, hais tias, 7 Cov uas tau txais kev zam txim tau nyob kaj siab lug, yog cov uas nws tej kev txhaum raug muab faus lawm. (Ntawv Nkauj 32:1-2)

8 Tus uas Abba (יחוח)Yahweh tsis suav nws tej kev txhaum, kuj tau nyob kaj siab lug.

9 Txojkev kaj siab no pub rau cov uas ua kevcai txiav xwb lov, lossis pub rau cov tsis ua thiab? Peb hais tias Abba (יחוח)Yahweh suav tias qhov uas nws ntseeg ntawd, yog txojkev ncaj ncees rau Abraham.

10 Abba (יחוח)Yahweh suav li ntawd rau Abraham thaum twg? Suav thaum nws twb ua kevcai txiav lawm los thaum tseem tsis tau ua? Tsis yog thaum nws ua kevcai txiav lawm tiamsis yog thaum nws tseem tsis tau ua.

11 Nws ua kevcai txiav ua lub hom thawj ntaus txwm rau txojkev ncaj ncees uas nws tau ntawm txojkev ntseeg, ua ntej uas nws tsis tau ua kevcai txiav. Yog li ntawd, Abraham thiaj tau ua txhua tus ntseeg uas tsis tau ua kevcai txiav leej txiv, Abba (יחוח)Yahweh thiaj suav tias lawv yog tibneeg ncaj ncees thiab.

12 Nws kuj ua cov uas ua kevcai txiav leej txiv, tsis yog lawv ua kevcai txiav xwb tiamsis lawv ntseeg, taug peb yawg koob Abraham tus neev taw uas nws twb ntseeg thaum nws tsis tau ua kevcai txiav lawm.

​

Ntseeg Thiaj Tau Tej Uas Abba (יחוח)Yahweh Cog Lus

13 Tej lus uas Abba (יחוח)Yahweh cog rau Abraham thiab nws cov tub ki hais tias, lawv yuav tau lub ntiajteb ua lawv qub txeeg qub teg, tej lus ntawd tsis yog tau ntawm txoj kevcai los, tiamsis tau ntawm txojkev ncaj ncees uas yog los ntawm txojkev ntseeg los. 14 Yog cov uas coj raws li txoj kevcai, tau ua cov uas saws qub txeeg qub teg, ces txojkev ntseeg tsis muaj qabhau kiag li, thiab tej lus cog tseg siv tsis tau. 15 Rau qhov txoj kevcai coj txojkev npau taws los, tiamsis qhov twg tsis muaj txoj kevcai, qhov ntawd tsis muaj kev txhaum. 16 Vim li no, tej lus cog tseg ntawd, nyob ntawm txojkev ntseeg, xwv thiaj ua tau raws li Abba (יחוח)Yahweh txojkev hlub, thiab tuav tau tej lus cog tseg ntawd rau Abraham caj ces sawvdaws, tsis yog rau cov uas coj txoj kevcai xwb tiamsis rau cov uas muaj kev ntseeg ib yam li Abraham, uas yog peb txhua tus leej txiv, 17 raws li uas sau cia hais tias, kuv ua rau koj, ua ntau haiv neeg leej txiv. (Chivkeeb 17:5)

Nws yog peb tus yawg koob tab meeg Abba (יחוח)Yahweh uas Abraham ntseeg, yog tus uas pub txojsia rau cov uas tuag thiab hu tej uas tsis tau muaj kom muaj tshwm los. 18 Txawm yog tsis muaj vam lawm los, Abraham tseem ntseeg tias yuav ua tau ntau haiv neeg leej txiv, raws li tej lus uas twb hais rau nws lawm tias, koj caj ces yuav coob li no. (Chivkeeb15:5)

19 Nws tsis qaug zog ntawm txojkev ntseeg rau thaum nws tshuaj saib nws lub cev, mas piv zoo li tuag lawm, vim nws hnub nyoog muaj kwvlam ib puas xyoo lawm, thiab thaum nws xav txog qhov uas Xalas lub plab mooj.

20 Nws ua siab ruaj tsis ua siab ywj fab ywj fwj rau Abba (יחוח)Yahweh tej lus cog tseg, tiamsis nws txojkev ntseeg loj zuj zus tuaj thiab ua rau Abba (יחוח)Yahweh tau koob meej. 21 Nws ntseeg ruaj tias Abba (יחוח)Yahweh muaj pevxwm ua tau yam uas Abba (יחוח)Yahweh cog lus. 22 Vim yog qhov no ntag, Abba (יחוח)Yahweh thiaj suav tias qhov uas Abraham ntseeg, yog txojkev ncaj ncees rau nws. 23 Tej lus uas hais tias, suav tias yog txojkev ncaj ncees rau nws tsis yog sau rau nws ib leeg xwb 24 tiamsis yog sau rau peb thiab. Abba (יחוח)Yahweh kuj yuav suav tias, yog txojkev ncaj ncees rau peb cov uas ntseeg tus uas tsa peb tus Cawmseej (יהושע)Yahshua Messiah ciaj sawv hauv qhov tuag rov los thiab. 25(יהושע)Yahshua Messiah raug muab tua pov tseg, vim peb tej kev txhaum thiab raug tsa ciaj sawv rov los, Abba (יחוח)Yahweh thiaj suav tau tias, peb yog tibneeg ncaj ncees.

​