ROMANS 5

Tus Uas Abba (יחוח)Yahweh Suav Tias Ncaj Ncees

1 Yog li ntawd, twb yog vim peb raug suav tias ncaj ncees vim yog qhov uas ntseeg, peb thiaj nrog Abba (יחוח)Yahweh sib haum xeeb vim muaj peb tus Cawmseej (יהושע)Yahshua Messiah lawm. 2 Ntawm (יהושע)Yahshua Messiah, peb thiaj nkag los rau hauv txojkev hlub uas peb los nyob no, thiab peb khav txog qhov uas peb muaj vam tias yuav muaj feem tau Abba (יחוח)Yahweh lub hwjchim ci ntsa iab. 3 Tsis tag li ntawd xwb, peb kuj khav txog qhov uas peb raug txom nyem vim peb paub tias kev txom nyem ua kom muaj siab ntev thev taus, 4 thiab qhov uas muaj siab ntev thev taus, yog muab peb sim ua tau zoo siv lawm, thiab qhov uas raug muab sim ntawd, ua kom muaj siab vam 5 thiab yuav tsis plam txojkev vam ntawd, vim Abba (יחוח)Yahweh siv Tus Ntsuj Plig Dawbhuv uas nws twb pub rau peb lawm, hliv Abba (יחוח)Yahweh txojkev hlub rau hauv peb lub siab. 6 Thaum peb tseem qaug zog, Messiah tuag this cov tibneeg phem raws li lub sijhawm uas teem tseg lawm. 7 Qhov tseeb tsis tshua muaj leejtwg tuag this tus tibneeg ncaj ncees, tiamsis tej zaum yuav muaj ib tug yeem tuag this tus tibneeg zoo.

 8 Tiamsis Abba (יחוח)Yahweh ua nws txojkev hlub tshwm rau peb, yog qhov uas thaum peb tseem ua tibneeg muaj txim, Messiah tuag this peb.

9 Yog li ntawd, vim (יהושע)Yahshua Messiah cov ntshav ua rau peb raug suav tias ncaj ncees lawm, mas loj dua li ntawd, peb yeej yuav dim hauv Abba (יחוח)Yahweh txojkev npau taws vim muaj (יהושע)Yahshua Messiah. 10 Rau qhov thaum peb tseem ua yeeb ncuab rau Abba (יחוח)Yahweh, nws tus Tub txojkev tuag ua rau peb twb tau rov los nrog Abba (יחוח)Yahweh sib raug zoo. Loj dua li ntawd, thaum peb nrog nws sib raug zoo lawm, qhov uas nws tus Tub ciaj sia nyob yuav cawm peb dim.

11 Tsis yog li ntawd xwb, peb yuav khav rau hauv Abba ((יחוח)Yahweh vim yog muaj peb tus Cawmseej (יהושע)Yahshua Messiah ua tus uas ua rau peb rov tau nrog Abba (יחוח)Yahweh sib raug zoo.

​

Adas Thiab Messiah

12 Yog li no, lub txim tshwm los rau hauv lub ntiajteb yog tim tib leeg, thiab txojkev tuag tshwm los yog tim lub txim ntawd, thiab txojkev tuag kis mus rau ib tsoom tibneeg txhua tus, vim yog tibneeg txhua tus ua txhaum muaj txim.

13 Qhov tseeb lub txim muaj nyob rau hauv lub ntiajteb no ua ntej uas tsis tau muab txoj kevcai rau Mauxes, tiamsis qhov twg tsis muaj txoj kevcai kuj tsis suav tias muaj txim. 14 Tiamsis txojkev tuag yeej kav kiag txij thaum Adas los txog Mauxes. Txawm yog cov uas tsis tau ua txhaum ib yam li Adas los txojkev tuag kuj kav rawv. Adas ua qauv txog tus uas yuav tom qab los.

15 Tiamsis yam uas Abba ((יחוח)Yahweh pub dawb dawb tsis thooj li qhov uas ua txhaum ntawd. Yog tibneeg coob coob tuag vim qhov uas ib tug ua txhaum, heev dua li ntawd Abba (יחוח)Yahweh txojkev hlub thiab yam uas Abba (יחוח)Yahweh pub dawb dawb ntawm ib tug los, uas yog los ntawm (יהושע)Yahshua Messiah, kuj muaj nplua mias rau tibneeg coob coob. 16 Yam uas Abba -(יחוח)Yahweh pub dawb ntawd, tsis thooj li tej kev txhaum uas ib tug ua ntawd, vim tias kev txiav txim rau tib zaug txhaum ntawd, coj kev rau txim los, tiamsis yam uas pub dawb tom qab uas ua txhaum ntau zaus, coj txojkev ncaj ncees los.

17 Yog qhov uas ib tug ua txhaum, ua rau txojkev tuag kav kiag ntawm tus ntawd los, heev dua li ntawd cov uas tau txais txojkev hlub nplua mias thiab txojkev ncaj ncees uas Abba (יחוח)Yahweh pub dawb, yuav tau txojsia ntawm ib tug uas yog (יהושע)Yahshua Messiah thiab yuav kav mus li. 18 Qhov uas ib tsoom tibneeg raug txim vim qhov uas ib tug ua txhaum xwb, mas qhov uas ib tug ua ncaj ncees, yuav coj txojkev ncaj ncees uas pub txojsia los rau txhua tus ib yam nkaus. 19 Qhov uas ib tug tsis mloog lus, kuj ua rau ib tsoom tibneeg txhaum li cas, mas qhov uas ib tug mloog lus, kuj ua rau ib tsoom neegt ncaj ncees tau ib yam nkaus. 20 Txoj kevcai tshwm los ua rau kev txhaum tsav ntxiv zuj zus tuaj. Qhovtwg muaj kev txhaum tsav ntxiv zuj zus, Abba (יחוח)Yahweh txojkev hlub, kuj muaj nplua mias tsav ntxiv rau qhov ntawd.

21 Mas kev txhaum kav ua kom muaj kev tuag li cas, Abba (יחוח)Yahweh txojkev hlub, thiaj kav ua kom tau txojsia ib txhis ntawm txojkev ncaj ncees hauv (יהושע)Yahshua Messiah uas yog peb tus Cawmseej ib yam li ntawd.

​