Tuag Tawm Kev Txhaum Txim Ciaj Sia Hauv (יהושע)Yahshua Messiah

1 Yog li ntawd, peb yuav hais li cas? Peb yuav ua txojkev txhaum ntxiv mus kom Abba (יחוח)Yahweh txojkev hlub thiaj tsav zuj zus tuaj lov?  2 Tsis yog li ntawd. Peb uas twb tuag ntawm kev txhaum lawm tseem yuav muaj sia rau hauv kev txhaum tau li cas? 3 Nej tsis paub tias, peb txhua tus uas ua kevcai raus dej rau hauv (יהושע)Yahshua Messiah, kuj ua kevcai raus dej rau hauv (יהושע)Yahshua Messiah txojkev tuag lov?

4 Peb raug muab faus nrog (יהושע)Yahshua Messiah ua ke ntawm qhov uas ua kevcai raus dej rau hauv txojkev tuag ntawd, mas ib yam li Abba siv nws lub hwjchim ci ntsa iab tsa tus Messiah sawv hauv qhov tuag rov los, peb thiaj tau ua lub neej raws li txojsia tshiab ib yam nkaus.

5 Yog peb nrog (יהושע)Yahshua Messiah koom txojkev tuag li hais no, peb yeej yuav nrog nws koom qhov uas sawv hauv qhov tuag rov los. 6 Peb paub tias, peb tus qub twb raug muab teem nrog (יהושע)Yahshua Messiah rau saum tus ntoo ntsia tes, xwv peb lub cev qub uas muaj txim ntawd, thiaj raug muab ua puam tsuaj tag, mas peb yuav tsis ua lub txim qhev dua li lawm, 7 rau qhov tus uas tuag lawd, kuj dim lub txim lawm. 8 Yog peb twb nrog Messiah tuag lawm, peb ntseeg tias, peb yuav muaj txojsia nrog nws nyob thiab.

9 Peb yeej paub tias Messiah raug muab tsa ciaj sawv hauv qhov tuag rov los, thiab nws yuav tsis tuag dua li lawm. Txojkev tuag tsis muaj hwjchim kav nws lawm. 10 Qhov uas nws tuag ntawd, nws tuag ntawm lub txim tib zaug xwb ces txaus lawm, tiamsis qhov uas nws muaj txojsia nyob, nws nyob rau Abba (יחוח)Yahweh.

11 Ib yam nkaus, nej cia li suav tias nej tuag ntawm lub txim thiab muaj txojsia hauv (יהושע)Yahshua Messiah nyob rau Abba (יחוח)Yahweh. 12 Vim li no, tsis txhob kheev lub txim kav nej lub cev uas txawj tuag kom nej ua raws li tej kev phem uas nej lub cev nqaij ntshaw. 13 Tsis txhob muab nej lub cev ib qho ua cuab yeej pub rau lub txim siv ua phem, tiamsis nej yuav tsum muab nej tus kheej uas zoo li cov tibneeg uas raug tsa sawv hauv qhov tuag rov los ntawd, pub rau Abba (יחוח)Yahweh siv, thiab muab nej lub cev txhua yam ua tej cuab yeej uas siv ua haujlwm ncaj ncees pub rau Abba (יחוח)Yahweh.

14 Lub txim yuav tsis tswjhwm nej ntxiv mus lawm, rau qhov nej tsis nyob hauv txoj qab kevcai lawm, tiamsis nyob hauv txoj qab kev hlub lawm.

​

Txojkev Ncaj Ncees qhev

15 Yog li ntawd, peb yuav ua li cas? Peb yuav ua txhaum vim peb tsis nyob hauv txoj qab kevcai, tiamsis nyob hauv txoj qab kev hlub lov? Tsis tau li. 16 Nej tsis paub lov? Yog nej yeem ua leejtwg tus qhev thiab mloog nws lus, nej kuj yog tus uas nej mloog lus ntawd tus qhev, yog ua lub txim qhev uas coj mus txog kev tuag, lossis ua qhov uas mloog lus qhev, uas coj mus txog txojkev ncaj ncees.

17 Tiamsis ua Abba (יחוח)Yahweh tsaug, vim nej txeev ua lub txim qhev, tiamsis nimno nej muaj lub siab mloog tej lus qhuab qhia uas muab cob rau nej lawm.

18 Nej twb dim lub txim lawm, thiab nej tau ua txojkev ncaj ncees qhev. 19 Kuv hais raws li tibneeg ib txwm hais, vim nej lub cev nqaij tseem tsis muaj zog. Nej muab nej lub cev txhua yam, ua kev phem kev qias qhev, thiab ua tej kev txhaum uas nej ua tag ua thiab qhev li cas, nimno nej cia li muab nej lub cev txhua yam, ua txojkev ncaj ncees qhev ib yam li ntawd, kom thiaj raug muab cais kom dawb huv. 20 Thaum nej tseem ua lub txim qhev, txojkev ncaj ncees tsis kav nej.

21 Thaum ntawd, nej tau nuj nqes abtsi ntawm tej uas nimno ua rau nej txaj muag? Tej uas nej ua ntawd, thaum kawg yog txojkev tuag xwb. 22 Tiamsis nimno nej twb dim qhov uas ua lub txim qhev thiab tig los ua Abba (יחוח)Yahweh qhev lawm, mas nuj nqes uas nej tau yog qhov uas muab nej cais ua dawb huv thiab thaum kawg yog txojsia ib txhis tsis kawg.

23 Rau qhov lub txim li nqe yog txojkev tuag, tiamsis yam uas Abba (יחוח)Yahweh pub dawb yog txojsia ib txhis tsis kawg hauv (יהושע)Yahshua Messiah uas yog peb tus Cawmseej.

​