1 Kuv yog Sha-ul uas yog (יהושע)Yahshua Messiah tus tub qhe, uas raug hu los ua tubtxib, thiab muab cais tsa qhia Abba ((יחוח)Yahweh txoj hmoo zoo, 2 yog txoj hmoo zoo uas, yav thaum ub twb cog lus rau cov xibhwb cev Abba (יחוח)Yahweh lus, sau cia rau hauv Abba (יחוח)Yahweh txojlus uas dawb huv lawm. 3 Txoj hmoo zoo ntawd hais txog Abba (יחוח)Yahweh tus Tub uas sab nqaij tawv yug hauv Daviv caj ces los 4 tiamsis sab ntsuj plig uas dawb huv twb qhia tshwm ntawm Abba (יחוח)Yahweh lub hwjchim hais tias nws yog Abba (יחוח)Yahweh tus Tub, rau qhov nws twb sawv hauv qhov tuag rov los, yog (יהושע)Yahshua Messiah, uas yog peb tus Cawmseej.

5 Vim yog tus (יהושע)Yahshua Messiah no, peb thiaj tau txojkev hlub thiab raug tsa ua tubtxib kom mus coj txhua haiv neeg los ntseeg thiab mloog lus, vim yog saib rau nws lub npe. 6 Nej cov kuj yog cov uas raug hu los ua (יהושע)Yahshua Messiah haiv neeg. 7 Kuv sau rau txhua tus hauv lub nroog Romans uas Abba (יחוח)Yahweh hlub, thiab yog cov uas raug hu los ua Abba (יחוח)Yahweh cov tibneeg dawbhuv. Thov txojkev hlub thiab txojkev siab tus ntawm Abba (יחוח)Yahweh uas yog peb leej Txiv thiab ntawm (יהושע)Yahshua Messiah nrog nraim nej nyob.

Sha-ul Xav Mus Saib Lub Nroog Romans

 8 Ua ntej no, kuv tuav (יהושע)Yahshua Messiah lub npe ua Abba (יחוח)Yahweh tsaug txog nej sawvdaws, vim nej txojkev ntseeg nrov ncha mus thoob ntiajteb.

9 Abba (יחוח)Yahweh uas kuv ua nws tes haujlwm kawg siab kawg ntsws rau qhov uas qhia txoj hmoo zoo hais txog nws tus tub, kuj ua timkhawv rau kuv tias, thaum kuv thov Abba (יחוח)Yahweh kuv nco txog nej tsis tu ncua. 10 Kuv thov hais tias, yog Abba (יחוח)Yahweh pom zoo mas tej zaum thaum kawg no kuv yuav muaj sijhawm tuaj cuag nej.

11 Rau qhov kuv xav xav pom nej, xwv thiaj tau coj tej tshav ntuj sab ntsuj plig tuaj txhawb nej lub zog, 12 thiab peb ob tog, ib leeg yuav txhawb ib leeg lub zog ntawm kuv thiab nej txojkev ntseeg. 13 Cov kwvtij, kuv xav kom nej paub tias kuv twb npaj siab ntau zaus lawm tias kuv yuav tuaj saib nej kom kuv thiaj tau sau tibneeg los ntseeg rau hauv nej ib yam li kuv sau hauv lwm haiv neeg lawm. (Los txog nimno los tseem muaj chaw tab kaum kuv. ) 14 Kuv tshuav cov Greek thiab lwm haiv neeg, thiab cov txawj ntse thiab cov ruam li nuj nqes. 15 Vim li no, kuv thiaj kub siab lug xav qhia txoj hmoo zoo rau nej cov uas nyob hauv lub nroog Romans thiab. 16 Kuv tsis txaj muag rau txoj hmoo zoo, vim txoj hmoo zoo ntawd, yog Abba (יחוח)Yahweh lub hwjchim uas cawm tau txhua tus uas ntseeg kom dim, xub cawm cov Yahdaim li cawm cov Greek.

17 Vim tias hauv txoj hmoo zoo ntawd, txojkev ncaj ncees uas Abba (יחוח)Yahweh pub thiaj li tshwm tuaj, yog txojkev ncaj ncees uas tau los ntawm txojkev ntseeg xwb xwb li, raws li twb sau cia hais tias, tus uas ncaj ncees yuav muaj txojsia nyob vim yog qhov uas ntseeg. (Habakkuk 2:4)

​

Ib Tsoom Tibneeg Puavleej Txhaum

18 Abba (יחוח)Yahweh ua nws txojkev npau taws tshwm saum ntuj los tawm tsam txhua yam uas tibneeg ua phem thiab tsis hwm Abba (יחוח)Yahweh, yog cov uas pheej muab txojkev phem yuam txojkev tseeb. 19 Qhov uas paub txog Abba (יחוח)Yahweh, yeej paub meej lawm, vim tias Abba (יחוח)Yahweh twb qhia tshwm tag rau lawv lawm. 20 Txij thaum chiv keeb los, txawm yog tibneeg tsis pom Abba (יחוח)Yahweh zoo li cas, los Abba (יחוח)Yahweh lub hwjchim uas nyob mus ib txhis thiab qhov uas nws yog Abba (יחוח)Yahweh, kuj tshwm meej rau hauv txhua yam uas tsim los lawd. Yog li ntawd tibneeg tsis muaj lus cav li. 21 Txawm yog lawv paub Abba (יחוח)Yahweh los lawv tsis hwm Abba (יחוח)Yahweh raws li tsim nyog hwm lossis ua nws tsaug. Tiamsis lawv tsuas xav txog tej uas tsis muaj qabhau thiab lawv lub siab ruam tsaus ntuj nti lawm.

22 Lawv khav tias lawv muaj tswvyim, los lawv yeej ruam lawm.

23 Lawv muab Abba (יחוח)Yahweh uas tsis txawj tuag lub hwjchim ci tsa iab los pauv tej dab mlom zoo li tibneeg uas txawj tuag thiab zoo li nas noog, zoo li tej tsiaj txhu thiab zoo li tej tsiaj uas nkag hauv av. 24 Vim li no, Abba (יחוח)Yahweh thiaj tso lawv mus ua phem ua qias raws li lawv lub siab ntshaw. Lawv ib leeg ua txaj muag rau ib leeg lub cev, 25 rau qhov lawv muab txojkev tseeb uas hais txog Abba (יחוח)Yahweh los pauv txojkev dag, thiab pe hawm tej uas Abba (יחוח)Yahweh tsim, tsis pe hawm tus uas tsim, yog tus uas tsim nyog qhuas mus ib txhis. Amees!

26 Vim li no Abba (יחוח)Yahweh thiaj tso lawv ua phem ua qias tsis paub txaj muag. Tej pojniam kuj hloov mus deev pojniam tsis ua raws li uas ib txwm, 

27 tej txivneej los kuj ua ib yam li ntawd. Lawv kuj tseg qhov uas nrog pojniam pw raws li uas ib txwm, thiab lawv huas qas ntshis ib leeg ua dev ua npua rau ib leeg, txivneej nrog txivneej, ua tej uas txaj muag kawg li, lawv thiaj tau saws raws li lawv tej kev txhaum. 28 Vim lawv pom tias qhov uas paub Abba (יחוח)Yahweh tsis tseem ceeb, Abba (יחוח)Yahweh thiaj tso lawv muaj lub siab qias thiab xyaum ua tej uas tsis tsim nyog ua. 29 Lawv muaj txhua yam kev phem, kev limhiam, kev ntshaw, thiab kev xav ua phem puv nkaus. Lawv sib khib, sib tua, sib cav, sib ceg, dag ntxias, xav phem, lis xaiv, 30 xyav luag moo, ntxub Abba (יחוח)Yahweh, siab hlob, tsab ua loj, khav theeb, ntaus tswvyim ua phem, tsis mloog niam txiv lus, 31 tsis muaj tswvyim, tsis ua raws li tej lus uas twb cog tseg lawd, tsis sib hlub thiab tsis muaj lub siab khuvleej.

32 Txawm yog lawv paub Abba (יחוח)Yahweh txoj kevcai uas hais tias, txhua tus uas ua li ntawd, tsim nyog raug txim tuag, los lawv tsis yog ua tej ntawd xwb, lawv tseem pom zoo rau lwm tus ua thiab.

​