Cov Tibneeg Uas Tshuav Nyob Hauv Lub Tebchaws

1 No yog cov tibneeg uas (יחוח)Yahweh tseg cia tshuav nyob xwv thiaj tau sim txhua tus Ixayees uas tsis tau tau paub ua rog hauv Khana‑as.

2 (יחוח)Yahweh ua li no tsuas yog xav qhia kev ua rog rau cov Ixayees txhua tiam uas tsis tau tau paub ua rog dua.

3 Yog tshuav cov Filixatees tsib tug vaj ntxwv, thiab cov Khana‑as huvsi thiab cov Xaidoos thiab cov Hivais uas nyob saum lub roob Lenpanoos txij ntua lub roob Npa‑as Hawmoos mus txog txojkev uas mus rau hauv lub moos Hamas.

4 Cov tibneeg no tshuav nyob los sim cov Ixayees xwv thiaj paub tias cov Ixayees yuav mloog (יחוח)Yahweh tej lus cob qhia uas (יחוח)Yahweh twb kom Mauxes hais rau lawv tej poj koob yawm txwv los tsis mloog.

5 Yog li no cov Ixayees thiaj nyob txuam rau hauv cov Khana‑as, cov Hithais, cov Amaulais, cov Pelixais, cov Hivais thiab cov Yenpus.

6 Lawv mus yuav cov tibneeg ntawd tej ntxhais ua pojniam thiab muab lawv tej ntxhais qua rau cov tibneeg ntawd tej tub, thiab ua koom tu lawv tej dab.

Auni‑ees

7 Cov Ixayees ua tej uas ()Yahweh pom tias phem kawg li.  Lawv tsis nco (יחוח)Yahweh uas yog lawv Tus Tswv lawm, lawv mus teev tej dab Npa‑as thiab tej dab Aselas.  

8 Vim li ntawd (יחוח)Yahweh txojkev npau taws thiaj tshwm plaws rau cov Ixayees,

(יחוח)Yahweh thiaj muab lawv tso rau Kusas Lisatha‑is uas yog Alas Nahala‑is tebchaws tus vajntxwv. Cov Ixayees thiaj li zwm rau Kusas Lisatha‑is tau yim xyoo.

 9 Mas thaum cov Ixayees quaj thov (יחוח)Yahweh mas (יחוח)Yahweh thiaj tsa kom muaj ib tug pab cov Ixayees, yog Khalej tus kwv Khenas tus tub Auni‑ees uas pab lawv dim.

10 (יחוח)Yahweh Tus Ntsuj Plig Dawb Huv thiaj los kav nws lub siab thiab nws ua thawj kav cov Ixayees thiab nws tawm mus ua rog.  Mas (יחוח)Yahweh muab Alas Nahala‑is tus vajntxwv Kusas Lisatha‑is rau hauv nws txhais tes, nws thiaj kov yeej Kusas Lisatha‑ is.  

11 Ua li no lub tebchaws thiaj li so tsis ua rog tau plaub caug xyoo.  Mas Khenas tus tub Auni‑ees txawm tuag lawm.

​

Ehuj

12 Cov Ixayees rov ua tej uas (יחוח)Yahweh pom tias phem kawg li, (יחוח)Yahweh thiaj cuab cov Mau‑as tus vajntxwv Eloos zog ntaus cov Ixayees, vim yog lawv twb ua tej uas (יחוח)Yahweh pom tias phem kawg li.

13 Eloos thiaj hu cov Asmoos thiab cov Amalej tuaj ua ke mus ntaus yeej cov Ixayees thiab txeeb tau lub moos toov laj.

14 Cov Ixayees thiaj li zwm rau Mau‑as tus vajntxwv Eloos tau kaum yim xyoo.

15 Thaum cov Ixayees quaj thov (יחוח)Yahweh mas (יחוח)Yahweh kuj tsa muaj ib tug los pab lawv, yog Kelas tus tub Ehuj, yog xeem Npeeyamees, yog ib tug xis sab tes laug.  Cov Ixayees muab se rau nws xa mus rau Mau‑as tus vajntxwv Eloos.

16 Ehuj ntaus ib rab ntaj ob sab ntse, ntev ib tshim coj nrog cev muab ntxig raws sab ncej puab xis rau hauv lub ris.

17 Nws txawm coj se mus cev rau Mau‑as tus vajntxwv Eloos. Eloos yog ib tug rog heev.

18 Thaum Ehuj muab cov se cob tag lawm ces nws txawm kom cov uas kwv cov se ntawd rov qab.   

19 Mas nws tig rov qab ntawm cov dab mlom pob zeb uas lawv txaug uas nyob ze Kilakas rov los hais tias, Au vajntxwv, kuv muaj ib lo lus uas kuv yuav hais rau koj tib leeg paub xwb. Vajntxwv thiaj hais kom nyob twjywm. Ces vajntxwv cov tub teg tub taws thiaj tawm mus lawm.

20 Mas Ehuj nkag mus cuag vajntxwv rau thaum uas vajntxwv tib leeg zaum txheej saud hauv nws chav uas laj ntxiag.  Mas Ehuj hais tias, kuv muaj (יחוח)Yahweh tej lus uas kuv yuav hais rau koj. Ces vajntxwv txawm sawv tsees.

21 Ehuj thiaj xuas txhais tes laug rho kiag ntaj hauv sab ceg xis nkaug kiag Eloos plab.   

22 Rab ntaj ploj ntais tag nrho tus ko, tej pav ywj foob nkaus rab ntaj. Nws kuj tsis rho rab ntaj hauv Eloos lub plab los, tej quav, tej zis tawm los xwb.

23 Ces Ehuj txawm tawm rau nraum qab khav, nws muab chav tsev txheej saud qhov rooj kaw thiab muab nruas phoo xauv cia.

24 Thaum Ehuj mus lawd, vajntxwv cov tub teg tub taws los saib mas pom tias

chav tsev txheej saum lub qhov rooj muab nruas phoo xauv lawm, lawv kuj xav tias nyaj vajntxwv mus plob sab hauv lub tsev dej hauv chav laj ntxiag lawm.

25 Lawv tos ntev ua rau lawv txaj muag rau cov pejxeem tag li. Los nws tseem tsis tau qhib qhov rooj txheej saud li thiab, lawv thiaj muab yuam sij los qhib, ua ciav lawv tus vajntxwv twb tuag xyab luas saum lawj lawm.

26 Thaum uas lawv tseem tos ntawd ces Ehuj twb khiav dhau ntawm cov dab mlom pob zeb, twb mus txog Xe‑ilas lawm.

27 Thaum nws los txog nws thiaj tshuab raj kub yaj hauv tebchaws toj siab Efa‑is, mas cov Ixayees kuj nrog nws nqis pem toj siab mus, nws coj lawv kev.

28 Nws hais rau lawv tias, cia li raws kuv qab rau qhov (יחוח)Yahweh twb muab nej cov yeeb ncuab uas yog cov Mau‑as rau hauv nej txhais tes lawm. Lawv thiaj nrog nws nqis mus txeeb tau tej chaw uas hla tau dej Yaladees, thaiv cov Mau‑as kev tsis pub ib tug hla tau li.

29 Zaum ntawd lawv tua cov Mau‑as tuag kwvlam kaum txhiab leej, yog cov uas khov kho thiab muaj zog huvsi, tsis muaj ib tug khiav dim li.  

30 Cov Mau‑as thiaj swb thiab zwm rau cov Ixayees hnub ntawd.  Mas lub tebchaws thiaj so tsis ua rog tau yim caum xyoo.

​

Sakas

31 Dhau Ehuj lawm mas muaj Anav tus tub Sakas.  Nws xuas tus hmuv raws nyuj tua cov Filixatees tuag rau pua leej.  Nws kuj pab cov Ixayees dim thiab.