Kide‑oos

1 Cov Ixayees ua tej uas (יחוח)Yahweh pom tias phem, mas (יחוח)Yahweh muab lawv cob rau hauv cov Midees txhais tes tau xya xyoo.

2 Cov Midees txhais tes tsuj yuam cov Ixayees.  Vim tim cov Midees mas cov Ixayees thiaj npaj chaw nraim cev rau pem tej roob thiab hauv tej qhov tsua thiab tej chaw uas ruaj khov.

3 Cov Ixayees cog qoob thaum twg mas cov Midees thiab cov Amalej thiab cov tibneeg uas nyob sab hnub tuaj txawm tuaj ua rog rau lawv,

4 thiab tuaj tsuam chaw nyob rau hauv lub tebchaws thiab muab lawv tej qoob loo ua puam tsuaj tag thoob plaws mus txog lub moos Kaxas tsis tseg ib yam abtsi cia tau noj li, tsis hais yaj, nyuj, nees luav huvsi.

5 Luag coj kiag tsiaj txhu thiab lub tsev ntaub tuaj coob yam nkaus li tej pab kooj txig.  Tibneeg thiab tej ntxhuav kuj coob suav tsis txheeb. Thaum luag tuaj luag ua rau lub tebchaws piam tag.

6 Cov Ixayees thiaj poob qis kawg li vim yog tim cov Midees. Cov Ixayees thiaj quaj thov (יחוח)Yahweh pab.

7 Thaum cov Ixayees quaj thov (יחוח)Yahweh vim yog tim cov Midees,

8 (יחוח)Yahweh kuj txib ib tug xibhwb cev (יחוח)Yahweh lus tuaj rau hauv cov Ixayees. Tus ntawd hais rau lawv tias, (יחוח)Yahweh uas yog cov Ixayees Tus Tswv hais li no tias, kuv coj nej tawm hauv Iziv tebchaws los thiab coj nej tawm hauv txojkev ua qhev los.

9 Kuv cawm nej dim hauv cov Iziv txhais tes thiab dim hauv txhua tus uas tsim txom nej txhais tes thiab ntiab lawv khiav ntawm nej hauv ntej mus thiab muab lawv lub tebchaws rau nej.

10 Thiab kuv twb hais rau nej tias, kuv yog (יחוח)Yahweh yog nej Tus Tswv, nej tsis txhob pe hawm cov Amaulais tej dab hauv lub tebchaws uas nej mus nyob ntawd. Tiamsis nej tsis quav ntsej kuv tej lus.

11 (יחוח)Yahweh tus tubtxib saum ntuj tuaj zaum hauv Yahas tus qab ntoo qheb ntawm Aufas, Yahas yog Anpiyexaws cum. Yahas tus tub Kide‑oos tab tom ntaus mog hauv lub qhov tsuam kua txiv hmab kom cov Midees thiaj tsis pom.

12 (יחוח)Yahweh tus tubtxib saum ntuj los tshwm rau Kide‑oos thiab hais rau nws tias, koj yog tus uas siab loj siab tuab, (יחוח)Yahweh nrog nraim koj.

13 Kide‑oos txawm hais rau nws tias, yawg hlob, thov nug koj, yog ()Yahweh nrog nraim peb lawm ua cas tej xwm txheej no tseem tshwm los raug peb thiab?

(יחוח)Yahweh tej txujci tseem ceeb uas peb tej poj koob yawm txwv tau piav rau peb mloog dua twg lawm? Lawv piav hais tias (יחוח)Yahweh coj peb tawm hauv Iziv tebchaws los los tsis yog? Tiamsis nimno (יחוח)Yahweh tso peb tseg lawm thiab muab peb cob rau hauv cov Midees txhais tes.  

14 (יחוח)Yahweh tig los hais rau nws tias, cia li siv koj lub zog loj no mus cawm cov Ixayees dim hauv cov Midees txhais tes. Yeej yog kuv txib koj mus.

15 Kide‑oos txawm hais tias, yawg hlob, kuv yuav cawm tau cov Ixayees dim li cas? Sim saib kuv cum yog cum uas qis tshaj hauv xeem Manaxes thiab kuv tsev neeg kuv yog tus uas me tshaj.

16 (יחוח)Yahweh hais rau nws tias, kuv yeej yuav nrog nraim koj mas koj yuav ntaus yeej kiag cov Midees yam nkaus li ntaus ib tug xwb.

17 Kide‑oos hais rau (יחוח)Yahweh tias, yog nimno koj txaus siab rau kuv, thov koj ua ib yam txujci tshwm qhia kuv paub tias tus uas nrog kuv hais lus no yog koj ntag.

18 Thov koj tsis txhob tawm ntawm no mus, tos txog thaum kuv rov tuaj cuag koj thiab coj tej uas muab xyeem tuaj tso rau ntawm koj xub ntiag. Mas nws hais tias, kuv yuav tos txog thaum koj rov tuaj.

19 Kide‑oos txawm nkag rau hauv tsev, npaj ib tug menyuam tshis thiab ib efas hmoov mog ua ncuav tsis xyaw keeb. Nws muab cov nqaij tso rau hauv lub choo thiab muab cov kua nqaij tso rau hauv lub lauj kaub coj tuaj xyeem rau nws hauv tsob qab ntoo qheb.

20 (יחוח)Yahweh tus tubtxib saum ntuj hais rau Kide‑oos tias, cia li muab cov nqaij thiab cov ncuav tsis xyaw keeb tso rau saum lub pob zeb no thiab hliv cov kua nqaij ywg rau saud.  Kide‑oos kuj ua raws li ntawd.

21 Ces (יחוח)Yahweh tus tubtxib txawm muab tus hau pas nrig hauv nws txhais tes cev mus twb rau cov nqaij thiab cov ncuav tsis xyaw keeb. Ces hluavtaws txawm cig plaws ntawm lub pob zeb kub tej nqaij thiab tej ncuav tsis xyaw keeb tag huvsi. Ces (יחוח)Yahweh tus tubtxib txawm ploj ntais ntawm nws qhov muag mus lawm.

22 Kide‑oos thiaj paub tias yog (יחוח)Yahweh tus tubtxib saum ntuj tiag tiag li thiab Kide‑oos hais tias, Au (יחוח)Yahweh uas muaj hwjchim loj kawg nkaus, nimno kuv tau pom koj tus tubtxib saum ntuj tim ntsej tim muag lawm, yuav ua li cas lauj? 23 Tiamsis (יחוח)Yahweh hais rau Kide‑oos tias, koj tsuas muaj uas nyob kaj siab lug xwb.  Koj tsis txhob ntshai, koj yuav tsis tuag.

24 Ces Kide‑oos txawm ua ib lub thaj rau (יחוח)Yahweh rau qhov ntawd thiab hu lub thaj ntawd tias (יחוח)Yahweh yog txojkev kaj siab lug.  Niaj hnub nimno lub thaj ntawd tseem nyob ntawm Aufas uas yog Anpiye-xaws cum tej moos.  

25 Mas hmo ntawd (יחוח)Yahweh hais rau Kide‑oos tias, cia li muab koj txiv tus txiv nyuj uas ob, hnub nyoog muaj xya xyoo los, es mus rhuav koj txiv lub thaj teev dab Npa‑as pov tseg thiab ntov tus ncej dab Aselas uas nyob ntawm lub thaj ib sab pov tseg.

26 Thiab ua ib lub thaj xyeem rau (יחוח)Yahweh uas yog koj Tus Tswv rau saum lub chaw ruaj khov no, siv tej pob zeb los tib raws li kevcai, mas muab tus txiv nyuj uas ob ntawd tua ua kevcai hlawv xyeem, thiab muab tus ncej dab Aselas uas koj ntov ntawd ua taws rauv hlawv ntag.

27 Kide‑oos txawm coj nws cov tub qhe kaum leej nrog nws mus ua raws li (יחוח)Yahweh hais rau nws, tiamsis vim Kide‑oos ntshai nws tsev neeg thiab ntshai cov tibneeg hauv lub moos ntawd, nws thiaj tsis kav ua nruab hnub nws thiaj ua hmo ntuj.  

28 Hnub tom qab thaum cov tibneeg hauv lub moos sawv ntxov mas pom lub thaj teev dab Npa‑as pob tag thiab pom tias tus ncej dab Aselas uas nyob ib sab raug muab ntov lawm thiab pom tias muab tus txiv nyuj uas ob, xyeem rau saum lub thaj uas ua tshiab ntawd.   

29 Lawv txawm sib tham hais tias, leejtwg ua li no ne? Thaum lawv tshuaj tau lawd, lawv txawm hais tias, yog Yahas tus tub Kide‑oos ua tej no.

30 Ces cov tibneeg hauv lub moos txawm hais rau Yahas tias, cia li muab koj tus tub tuaj rau peb tua pov tseg, rau qhov nws rhuav lub thaj teev tus dab Npa‑as thiab ntov tus ncej dab Aselas uas nyob ntawm ib sab lawm.

31 Tiamsis Yahas hais rau txhua tus uas tuaj tawm tsam nws hais tias, nej yuav nyob dab Npa‑as chaw tuaj tawm tsam lov? Nej yuav pab dab Npa‑as hais plaub lov? Leejtwg ua txiv lus pab dab Npa‑as hais, tus ntawd yuav raug muab tua thaum tsis tau kaj ntug. Yog dab Npa‑as yog ib tug (יחוח)Yahweh tiag, kuj cia nws hais nws tshaj plaub, vim yog nws lub thaj raug luag rhuav pov tseg lawm.  

32 Vim li no hnub ntawd lawv thiaj tis npe rau Kide‑oos hais tias, Yelunpa‑as, lub ntsiab hais tias, cia Npa‑as nws hais nws li plaub, vim yog Kide‑oos rhuav nws lub thaj.

33 Mas cov Midees sawvdaws thiab cov Amalej sawv daws thiab cov uas nyob sab hnub tuaj sau zog ua ke hla tus dej Yaladees tuaj tsuam chaw nyob ntawm lub hav Yile‑ees.

3 4Tiamsis (יחוח)Yahweh Tus Ntsuj Plig Dawb Huv los kav kiag Kide‑oos, nws txawm tshuab raj kub yaj hu Anpiyexaws cum nrog nws mus.

35 Nws tso tibneeg mus hu thoob plaws Manaxes tebchaws kom tuaj nrog nws mus. Thiab nws tso tibneeg mus hu xeem Asaws, xeem Xenpuloos thiab xeem Nathalis, mas cov tibneeg no kuj tuaj nrog nws mus ua rog.

36 Kide‑oos hais rau (יחוח)Yahweh tias, yog koj yuav siv kuv txhais tes cawm cov Ixayees raws li koj hais ntawd,

37 kuv muab cov plaub yaj tso rau ntawm tshav ntaus mog, mas yog lwg ntub cov plaub yaj xwb es cov av thoob plaws qhuav qhawv, mas kuv thiaj paub tias koj yuav siv kuv txhais tes cawm cov Ixayees raws li koj tau hais.  

38 Kuj muaj li ntawd.  Hnub tom qab thaum Kide‑oos sawv ntxov tsees thiab nws muab cov plaub yaj tso tau ib phaj dej lwg puv nkaus.

39 Mas Kide‑oos hais rau (יחוח)Yahweh tias, thov koj tsis txhob chim rau kuv, thov kuv hais dua ib zaug xwb. Thov cia kuv sim cov plaub yaj no dua ib zaug.  Thov cia cov plaub yaj qhuav qhawv xwb, cia cov av ntub lwg thoob plaws.  

40 Hmo ntawd (יחוח)Yahweh kuj ua raws li ntawd. Cov plaub yaj mas qhuav qhawv, hos tej av mas lwg ntub thoob plaws.