Xa Sha-ul Thiab Barnabas Mus Qhia

13

1 Pawg ntseeg hauv Athi‑aus muaj xibhwb cev Abba (יחוח)Yahweh lus thiab xibhwb qhia, yog Barnabas thiab Xime‑oos uas hu ua Nikaw thiab Lukias uas yog tibneeg Khulenes, thiab Mana‑ees uas nrog Helauj uas yog Tus Tswv xeev nyob loj hlob ua ke thiab (Sha-uj) . 2 Thaum lawv tabtom pe hawm Abba (יחוח)Yahweh thiab yoo mov, Tus Ntsuj Plig Dawbhuv hais tias, cia li muab Barnabas thiab Sha-ul cais los ua tej haujlwm uas kuv hu kom nkawv ua.

3 Thaum yoo mov thiab thov Abba (יחוח)Yahweh tag lawm, lawv txawm tsa tes npuab saum Barnabas thiab Sha-ul thiab xa nkawv mus.

​

Barnabas Thiab Sha-ul Qhia Hauv Cyprus

 4 Tus Ntsuj Plig Dawbhuv txib nkawv mus, nkawv thiaj mus rau lub moos Xelukias thiab caij nkoj qhov ntawd mus rau lub koog povtxwv Cyprus.

5 Thaum mus txog lub moos Xalamis, nkawv txawm qhia Abba (יחוח)Yahweh txojlus rau hauv cov Yahdaim tej tsev sablaj. Yahchanan kuj nyob rawv pab nkawv thiab. 6 Thaum lawv mus thoob plaws lub koog povtxwv lawm, kuj los txog lub moos Pafaus mas ntsib ib tug yawg Yahdaim uas ua khawv koob yees siv thiab yog ib tug cuav xibhwb cev lus, npe hu ua Npalayexus. 7 Nws nrog Xawkias Paulaus uas ua tus thawj kav Cyprus nyob. Tus thawj ntawd yog ib tug txawj ntse, nws txawm hu Barnabas thiab Sha-ul los cuag nws yuav mloog Abba (יחוח)Yahweh txojlus.  8 Elimas uas ua khawv koob yees siv (nws lub npe lub ntsiab yeej yog li ntawd) nws tawm tsam nkawv. Nws yooj xeeb ua kom tus thawj uas kav tebchaws ntawd txhob ntseeg. 9 Tiamsis Sha-ul muaj Tus Ntsuj Plig Dawb huv puv npo txawm saib ntsoov Elimas,

10 thiab hais tias, koj yog Ntxwg Nyoog tus tub, koj muaj kev dag ntxias thiab kev phem puv nkaus, koj ua tshawj chim rau txhua txojkev ncaj ncees.

Koj yuav tsis tseg qhov uas muab Abba (יחוח)Yahweh txojkev ncaj ua kom nkhaus lov?

11 Saib mas, nimno Abba (יחוח)Yahweh txhais tes yuav rau txim rau koj, koj yuav dig muag tsis pom lub hnub mus ib ntus. Tamsim ntawd txawm muaj ib yam zoo li huab los ua rau Elimas qhov muag tsaus ntais tsis pom kev lawm, nws thiaj xuas dub nrhiav tibneeg tuav nws tes mus. 12 Thaum tus thawj kav tebchaws pom tej xwm txheej uas tshwm los ntawd nws kuj ntseeg, rau qhov nws phimhwj rau tej lus uas qhia txog Abba (יחוח)Yahweh.

​

 Sha-ul Mus Txog Athi‑aus Hauv Lub Xeev Pixidias

 13 Sha-ul thiab cov uas nrog nws ua ke txawm caij nkoj ntawm lub moos Pafaus mus txog lub moos Pawkas hauv lub xeev Pafilias. Yahchanan txawm ncaim lawv rov mus rau Yeluxalees lawm. 14 Lawv txawm taug kev ntawm lub moos Pawkas mus txog lub moos Athi‑aus hauv lub xeev Pixidias. Mas hnub Sabbath lawv mus zaum rau hauv lub tsev sablaj. 15 Thaum nyeem Abba (יחוח)Yahweh txoj kevcai thiab tej lus uas cov xibhwb cev lus sau cia tag lawm, cov thawj saib xyuas lub tsev sablaj txawm tso tibneeg mus hais rau Sha-ul lawv tias, cov kwvtij, yog nej muaj lus txhawb siab rau cov tibneeg no kuj hais tau.

16 Sha-ul txawm sawv tsees tsa tes hais tias, nej haiv neeg Ixayees thiab nej cov uas paub ntshai Abba (יחוח)Yahweh, cia li mloog nawj.

17 Haiv neeg Ixayees Tus Tswv uas yog Abba (יחוח)Yahweh, xaiv peb tej poj koob yawm txwv cia, thiab pub lawv huaj vam coob rau thaum lawv ua qhua nyob hauv Iziv tebchaws, thiab tsa kiag nws txhais npab coj lawv tawm hauv lub tebchaws ntawd. 18 Nws saib xyuas lawv hauv tebchaws moj sab qhua kwvlam plaub caug xyoo. 19 Thaum nws muab xya haiv neeg hauv Khana‑as tebchaws ua puam tsuaj tag lawm, nws kuj muab lawv lub tebchaws ntawd pub ua qub txeeg qub teg rau peb tej poj koob yawm txwv. 20 Dhau ntawd, nws tsa cov thawjtswj kav cov Ixayees kwvlam plaub puas tsib caug xyoo, mus txog rau thaum Xamuyees uas yog xibhwb cev Abba (יחוח)Yahweh lus.

21 Thaum ntawd lawv xav tau ib tug vaj-ntxwv, Abba (יחוח)Yahweh thiaj li pub Khij tus tub Sha-ul uas yog xeem Npeeyamees ua vajntxwv kav lawv tau plaub caug xyoo.

22 Thaum muab Sha-ul tshem lawm, Abba (יחוח)Yahweh tsa Daviv ua vajntxwv kav lawv thiab ua timkhawv hais txog Daviv tias, kuv tau nrhiav Yisais tus tub Daviv, uas haum kuv siab. Nws yuav ua txhua yam raws li kuv lub siab xav.

23 Abba (יחוח)Yahweh tsa ib tug Cawmseej hauv tus Daviv no caj ces los rau cov Ixayees, yog (יהושע)Yahshua, raws li Abba (יחוח)Yahweh cog lus tseg lawd.

24 Ua ntej (יהושע)Yahshua los, Yahchanan twb tshaj tawm txog qhov uas ua kevcai raus dej uas qhia hais tias ntxeev dua siab tshiab rau ib tsoom Ixayees sawvdaws lawm.

25 Thiab thaum Yahchanan ua haujlwm yuav tiav, nws hais tias, nej xav tias kuv yog leej-twg? Kuv tsis yog tus ntawd. Tiamsis muaj ib tug yuav ua kuv qab los, kuv twb tsis tsim nyog daws txoj hlua khau ntawm nws kotaw.

26 Cov kwvtij, nej cov uas yog Abraham caj ces thiab nej cov uas paub ntshai Abba (יחוח)Yahweh, txoj hmoo zoo hais txog kev cawm dim twb xa tuaj rau nej lawm. 27 Vim cov tib-neeg uas nyob hauv lub nroog Yeluxalees thiab lawv cov thawj, tsis paub txog hais tias (יהושע)Yahshua yog tus Cawmseej thiab lawv tsis nkag siab txog cov xibhwb cev lus, tej lus uas txhua hnub Sabbath lawv nyeem, lawv thiaj teem txim rau (יהושע)Yahshua kom tiav raws li tej lus ntawd.

28 Txawm yog tsis pom muaj kev txhaum txaus tuag los lawv kuj thov kom Philaj muab nws tua pov tseg.

29 Thaum lawv ua txhua yam tiav raws li sau txog nws lawm, lawv txawm muab nws lub cev tuag txo saum ntoo los thiab muab nws tso rau hauv lub qhov ntxa.

30 Tiamsis Abba (יחוח)Yahweh tsa nws ciaj sawv hauv qhov tuag rov qab los.

31 Ncua sij-hawm ntau hnub (יהושע)Yahshua los tshwm rau cov tibneeg uas nrog nws tuaj hauv lub xeev Kalilais tuaj rau hauv Yeluxalees pom, mas nimno cov tibneeg ntawd ua timkhawv txog nws rau ib tsoom tibneeg. 32 Peb zoo siab coj txoj hmoo zoo no tuaj qhia rau nej tias, tej lus uas cog tseg rau peb tej poj koob yawm txwv ntawd, 33 Abba (יחוח)Yahweh twb ua tiav li ntawd rau peb cov uas yog lawv cov tub ki, yog qhov uas nws tsa (יהושע)Yahshua ciaj sawv rov los. Kuj yog raws li tej lus sau cia rau hauv Ntawv Nkauj zaj ob hais tias, koj yog kuv tus tub, hnub no kuv yug tau koj lawm.

34 Qhov uas Abba (יחוח)Yahweh tsa nws ciaj hauv qhov tuag rov los tsis kheev nws lwj mus. Abba (יחוח)Yahweh kuj hais li no tias, kuv yuav pub tej lus cog tseg dawb huv ruaj khov uas kuv cog rau Daviv lawd rau nej. 35 Vim li ntawd Abba (יחוח)Yahweh kuj hais hauv lwm qhov tias, koj yuav tsis kheev koj tus uas Dawb huv lwj kiag li. 36 Tiamsis thaum Daviv ua nws tes haujlwm tiav raws li Abba (יחוח)Yahweh lub siab nyiam thiab tag nws thib lawm, nws kuj tuag mus lawm thiab muab nws faus nrog nws tej poj koob yawm txwv thiab nws lub cev kuj lwj lawm. 37 Tiamsis tus uas Abba (יחוח)Yahweh tsa ciaj sawv rov los tsis lwj kiag li.  38 Vim li no, kwvtij es, cia li nkag siab tias vim muaj tus no thiaj muaj qhov uas tshaj tawm kev zam txim rau nej. 39 Thiab vim muaj tus no txhua tus uas ntseeg thiaj dim txhua yam uas Mauxes txoj kevcai cawm tsis tau. 40 Vim li no, nej yuav tsum ceev faj tib zoo xwv tej lus uas cov xibhwb cev lus hais ntawd thiaj tsis raug nej. 41 Nej cov uas thuam luag cia li tsa muag saib thiab phimhwj thiab puam tsuaj, rau qhov lub sijhawm uas nej nyob, kuv tabtom yuav ua yam uas yog muaj tibneeg hais rau nej ua ntej lawm los nej tsis ntseeg.

42 Thaum Sha-ul thiab Barnabas tawm mus, cov tibneeg ntawd kuj thov kom nkawv rov hais tej lus ntawd rau lawv mloog rau hnub Sabbath tom ntej.

43 Thaum lawv sablaj tag lawm, cov Yahdaim thiab cov uas los coj Yahdaim kevcai nruj ntau leej txawm raws Sha-ul thiab Barnabas nkawv qab mus. Nkawv thiaj hais rau lawv thiab txhawb lawv lub siab kom nyob rau hauv Abba (יחוח)Yahweh txojkev hlub mus li. 44 Thaum rov txog hnub Sabbath, yuav luag tag cov tibneeg hauv lub moos tuaj txoos ua ke mloog Abba (יחוח)Yahweh txojlus. 45 Thaum cov Yahdaim pom tias muaj tibneeg coob heev tuaj mloog Abba (יחוח)Yahweh txojlus. Lawv txawm khib heev, thiab tawm tsam tej lus uas Sha-ul hais, thiab hais lus saib tsis taus nws. 46 Sha-ul thiab Barnabas nkawv ua siab tawv qhawv thiab hais tias, yuav tsum qhia Abba (יחוח)Yahweh txojlus rau nej ua ntej. Tiamsis pom tias nej tsis lees yuav thiab nej txiav txim rau nej tus kheej tias, nej tsis tsim nyog tau txojsia ib txhis tsis kawg, vim li no peb yuav tig mus qhia rau lwm haiv neeg. 47 Rau qhov Abba (יחוח)Yahweh hais rau peb tias, kuv tsa koj ua qhov kaj ci mus rau lwm haiv neeg kom koj thiaj tau coj txojkev cawm dim mus txog thoob plaws qab ntuj kawg. 48 Thaum lwm haiv neeg hnov tej lus ntawd lawd, lawv kuj zoo siab kawg thiab qhuas Abba (יחוח)Yahweh txojlus. Txhua tus uas twb xaiv cia kom tau txojsia ib txhis tsis kawg kuj los ntseeg. 49 Abba (יחוח)Yahweh txojlus thiaj li nthuav thoob plaws tebchaws ntawd. 50 Tiamsis cov Yahdaim tshum cov pojniam muaj koob meej uas hwm Abba  (יחוח)Yahweh nruj, thiab cov Abba uas ua thawj hauv lub moos ntawd kom tsim txom Sha-ul  thiab Barnabas, thiab ntiab nkawv tawm hauv lawv li kav xyuam mus. 51 Sha-ul thiab Barnabas txawm nchos tej hmoov av uas lo nkawv kotaw tab meeg lawv ces txawm mus rau hauv lub moos Ikhanias lawm. 52 Cov thwjtim zoo siab xyiv fab heev thiab puv npo Tus Ntsuj Plig Dawbhuv.

​