Sablaj Hauv Yeluxalees

1 Muaj qee leej tuaj hauv lub xeev Yahdah tuaj qhuab qhia cov kwvtij hais tias, yog tsis ua kevcai txiav raws li Mauxes Kevcai, nej yuav tsis dim. 2 Thaum Sha-ul thiab Barnabas nkawv nrog lawv cov ntawd sib cav heev lawd, cov ntseeg txawm tsa Sha-ul thiab Barnabas thiab lwm tus kom mus sablaj rau cov tubtxib thiab cov saib xyuas cov ntseeg hauv lub nroog Yeluxalees txog zaj uas sib cav ntawd. 3 Pawg ntseeg thiaj xa lawv mus. Thaum lawv taug kev hla hauv lub xeev Finikias thiab lub xeev Xamalis mus, lawv qhia txog qhov uas lwm haiv neeg ntxeev dua siab tshiab mas ua rau cov kwvtij sawvdaws zoo siab heev li.

4 Thaum tuaj txog Yeluxalees, pawg ntseeg thiab cov tubtxib thiab cov saib xyuas cov ntseeg kuj tos txais lawv, mas lawv qhia txhua yam uas Abba (יחוח)Yahweh siv lawv ua rau cov ntawd mloog. 5 Tiamsis cov Falixais uas ntseeg qee leej sawv tsees hais tias, yuav tsum muab lawv ua kevcai txiav, thiab nkaw lus kom lawv coj raws li Mauxes txoj kevcai. 6 Cov tubtxib thiab cov uas saib xyuas pawg ntseeg thiaj sau zog ua ke sablaj txog zaj no.

7 Thaum sib cav ntev lawm, Kepha txawm sawv tsees hais tias, cov kwvtij, nej yeej paub tias thaum chiv thawj Abba (יחוח)Yahweh xaiv kuv hauv nej los ua tus uas tshaj txoj hmoo zoo rau lwm haiv neeg hnov thiab ntseeg. 8 Abba (יחוח)Yahweh, tus uas paub tibneeg lub siab, twb qhwv lawv thiab pub Tus Ntsuj Plig Dawbhuv rau lawv ib yam li uas pub rau peb. 9 Nws tsis cais peb thiab lawv, thiab vim lawv ntseeg nws, ntxuav lawv lub siab kom dawb huv. 10 Yog li ntawd nimno ua cas nej tseem sim Abba (יחוח)Yahweh es muab tus quab tso rau saum cov thwjtim caj qwb yog yam uas peb tej poj koob yawm txwv thiab peb ris tsis taus lawm? 

11 Tiamsis peb ntseeg hais tias, peb yuav dim vim muaj (יהושע)Yahshua Messiah txojkev hlub, mas lawv yuav dim ib yam li ntawd thiab. 12 Ces coj pejxeem sawvdaws nyob twjywm thiab mloog Barnabas thiab Sha-ul qhia txog tej txujci tseem ceeb thiab txujci phimhwj uas Abba  (יחוח)Yahweh siv nkawv ua rau hauv nruab nrab lwm haiv neeg.

13 Thaum nkawv hais tag lawd, Yaaqob thiaj los hais tias, cov kwvtij, cia li mloog kuv hais.

14 Cov xibhwb cev Abba (יחוח)Yahweh lus twb qhia puag thaum chiv keeb los lawm hais tias, Abba (יחוח)Yahweh yuav los saib lwm haiv neeg li cas, thiab yuav xaiv ib co tawm hauv cov tibneeg ntawd los nyob rau ntawm nws lub npe. 15 Tej lus uas cov xibhwb cev Abba (יחוח)Yahweh lus tau hais tseg no, kuj haum sawvdaws, raws li uas sau cia hais tias, 16 tom qab ntawd kuv yuav rov los tsim Daviv lub tsev uas pob tag dua tshiab. Kuv yuav kho tej uas pob tag thiab tsa dua tshiab, 17 kom ib tsoom tibneeg thiab lwm haiv neeg sawvdaws uas hu raws li kuv lub npe thiaj los nrhiav Abba (יחוח)Yahweh . Abba (יחוח)Yahweh hais li no ntag. (Amosyah 9:11-12)

18 Nws twb qhia kom paub thaum ub los lawm.

19 Vim li no raws li kuv pom zoo mas peb tsis txhob ua ceeblaj rau lwm haiv neeg uas tig los cuag Abba (יחוח)Yahweh, 20 tiamsis cia peb sau ntawv mus hais kom lawv tseg tsis txhob noj yam uas qias tsis huv uas muab xyeem rau dab mlom, tsis txhob ua nkauj ua nraug, tsis txhob noj tej tsiaj uas zawm caj dab tuag thiab tsis txhob noj ntshav.

21 Rau qhov txij thaum ub los txhua lub moos yeej muaj tibneeg tshaj tawm txog Mauxes thiab muab nws tej lus nyeem rau txhua hnub Sabbath hauv tej tsev sablaj.

Tsab Ntawv Uas Xa Mus Rau Lwm  Haiv neeg

 22 Thaum ntawd cov tubtxib thiab cov uas saib xyuas pawg ntseeg thiab pawg ntseeg sawvdaws pom zoo yuav xaiv qee leej hauv lawv nrog Barnabas thiab Sha-ul mus rau lub moos Athi‑aus. Lawv xaiv Yahdah uas muaj dua ib lub npe hu ua Npaxanpas thiab Xilas, nkawv yog ob tug uas ua thawj hauv cov kwvtij.

23 Lawv sau tsab ntawv rau nkawv xa mus hais tias, peb cov kwvtij, uas yog cov tubtxib, coj kev txwj laug, thiab cov uas saib xyuas pawg ntseeg, muaj lus zoo siab yuav hais tuaj rau cov kwvtij uas yog lwm haiv neeg hauv lub moos Athi‑aus thiab hauv lub xeev Syria thiab lub xeev Khilikias. 24 Vim yog peb hnov tias, peb cov kwvtij, muaj qee leej uas tsis yog peb txib tuaj, los kuj tau tuaj hais ua rau nej ntxhov siab thiab tsis txhawj.

25 Peb thiaj pom zoo hais tias, cia peb koom ib lub siab thiab xaiv qee leej thiab txib nrog Barnabas thiab Sha-ul uas peb hlub tuaj cuag nej. 26 Nkawv yog ob tug uas tsis khuvxim nkawv txojsia vim yog saib rau peb tus Cawmseej, (יהושע)Yahshua Messiah lub npe. 27 Vim li no peb thiaj xa Yahdah thiab Xilas tuaj, mas thaum nkauv tuaj txog, nkawv yuav qhia tej no rau nej mloog tim ntsej tim muag. 28 Rau qhov Tus Ntsuj Plig Dawbhuv thiab peb sawvdaws, pom zoo hais tias, tsis txhob muab lub nra uas hnyav rau nej ris, tsuas yog tej yam uas cheem tsum xwb, 29 yog tseg tsis txhob noj tej uas xyeem rau dab mlom, tsis txhob noj ntshav, tsis txhob noj tej tsiaj uas zawm caj dab tuag thiab tsis txhob ua nkauj ua nraug. Yog nej tseg tau tej no kuj yog nej ua tau zoo lawm. Thov kom nej sawvdaws ntsib kev noj qab nyob zoo. 30 Thaum sib fim ncaim tag lawm, lawv txawm mus rau lub moos Athi‑aus. Thaum hu sawvdaws tuaj txoos ua ke, ces txawm muab tsab ntawv cob rau lawv. 31 Thaum lawv nyeem tag lawm, lawv kuj zoo siab xyiv fab rau tej lus txhawb siab ntawd. 32 Yahdah thiab Xilas uas yog xibhwb cev Abba (יחוח)Yahweh lus, kuj hais tau cov lus uas txhawb cov kwvtij sawvdaws lub siab ntau yam thiab pab lawv rov muaj zog tuaj. 33 Thaum nkawv nrog lawv nyob ib ntus lawm, cov kwvtij txawm xa nkawv kom mus zoo, rov los rau hauv pawg ntseeg uas xa nkawv tuaj.

 

[ 34 Tiamsis Xilas hais tias nws yuav nrog lawv nyob ntawd. ]  

 

35 Sha-ul thiab Barnabas tseem nyob hauv lub moos Athi‑aus nrog lwm tus qhuab qhia thiab qhia Abba (יחוח)Yahweh txoj hmoo zoo.

​

Sha-ul Thiab Barnabas Sib Ncaim

 36 Ob peb hnub tom qab Sha-ul txawm hais rau Barnabas tias, cia wb ob leeg rov mus saib cov kwvtij hauv txhua lub moos uas wb tau qhia Abba (יחוח)Yahweh txoj hmoo zoo rau lawv lawm, saib lawv nyob zoo li cas lawm.

37 Barnabas xav coj Yahchanan uas yog xeem Mark mus thiab. 38 Tiamsis Sha-ul hais tias, tsis tsim nyog coj nws nrog nkawv mus, rau qhov nws twb tso nkawv tseg ntawm Pafilias tsis nrog nkawv ua ke mus ua hauj-lwm. 39 Ces nkawv txawm sib ceg txog qhov no, thiaj sib ncaim nyias mus nyias lawm. Ces Barnabas txawm coj Yahchanan Mark nrog nws nce nkoj mus rau Cyprus, 40 hos Sha-ul ho xaiv Xilas nrog nws ua khub mus, mas thaum cov kwvtij muab nkawv cob rau Abba (יחוח)Yahweh txojkev hlub lawm, ces nkawv txawm mus. 41 Nws mus thoob plaws lub xeev Syria thiab lub xeev Khilikias thiab txhawb cov pawg ntseeg lub zog, lawv thiaj rov muaj zog tuaj.