1 Sha-ul saib ntsoov rau cov thawj uas tuaj sablaj ntawd thiab nws hais rau lawv hais tias, Cov kwvtij, kuv ruaj siab tias kuv xyaum zoo tab meeg Abba (יחוח)Yahweh lub xubntiag txog niaj hnub nimno. 2 Tus tuam pov thawj hlob Ananias txawm hais kom cov tibneeg uas nyob ze ntaus Sha-ul qhov ncauj.

3 Sha-ul thiaj hais rau nws tias, Abba (יחוח)Yahweh yuav ntaus koj, koj yog sab niag phab ntsa uas luam xub zeb sib dawb paug xwb. Koj zaum ntawm lub rooj txiav txim rau kuv raws li kevcai, tiamsis koj ho kom lawv ntaus kuv, tsis raws li kevcai. 4 Cov tibneeg uas sawv ntawd txawm hais tias, koj tseem hais lus saib tsis taus Abba (יחוח)Yahweh tus tuam pov thawj hlob thiab lov? 5 Sha-ul txawm hais tias, cov kwvtij, kuv tsis paub tias nws yog tus tuam pov thawj hlob, rau qhov muaj lus sau cia hais tias, tsis txhob hais lus phem rau tus uas kav koj cov tibneeg. (Khiavdim 22:27)

6 Thaum Sha-ul pom tias lawv cov ib txhia yog tibneeg Xadukais hos ib txhia yog tibneeg Falixais, nws thiaj qw nrov nrov rau hauv lub rooj sablajq tias, cov kwvtij, kuv yog ib tug tibneeg Falixais, yog cov Falixais tus tub. Qhov uas kuv raug txiav txim no, vim yog kuv muaj chaw vam qhov uas ciaj sawv hauv qhov tuag rov los. 7 Thaum nws hais li ntawd cov Falixais thiab cov Xadukais txawm sib cav thiab lub rooj sablaj tawg ua ob pab, 8 vim cov Xadukais i hais tias tsis muaj qhov uas ciaj sawv hauv qhov tuag rov los, thiab tsis muaj tubtxib saum ntuj thiab tsis muaj ntsuj plig. Tiamsis cov Falixais ntseeg tias puav leej muaj.

9 Ces txawm muaj lus sib cav nrov. Cov xibhwb qhia Abba (יחוח)Yahweh kevcai uas yog tibneeg Falixais muaj qee leej sawv tsees cav nrov nrov hais tias, peb tsis pom tias tus no muaj kev txhaum. Yog tias ntsuj plig lossis tubtxib saum ntuj hais rau nws nev, nej yuav hais li cas? 10 Thaum sib cav loj heev lawm, tus thawj rog uas kav ib txhiab leej ntshai tsam Sha-ul yuav raug lawv muab dua ua tej dwb daim, nws txawm hais kom cov tub rog mus txeeb Sha-ul ntawm lawv coj mus rau hauv lub yeej lawm. 11 Hmo tom qab, (יהושע)Yahshua los sawv ntawm Sha-ul ib sab thiab hais rau nws tias, koj cia li ua siab loj, vim koj tau ua timkhawv txog kuv hauv lub nroog Yeluxalees li cas lawm, koj yuav tsum ua timkhawv rau hauv lub nroog Romans ib yam li ntawd thiab.

​

Ntaus Tswvyim Tua Sha-ul

 12 Thaum kaj ntug cov Yahdaim txawm tuaj koom ua ke sablaj. Lawv coglus twv hais tias, lawv yuav tsis noj tsis haus ib yam abtsi mus kom txog thaum lawv tua tau Sha-ul tso. 13 Cov tibneeg uas ntau tswvyim ua phem ntawd muaj txog plaub caug tawm leej. 14 Lawv txawm mus cuag cov pov thawj hlob thiab cov kev txwj laug, thiab hais tias, peb twb coglus lawm hais tias peb yuav tsis noj tsis haus ib yam abtsi mus kom txog thaum uas peb tua tau Sha-ul tso. 15 Yog li ntawd, nej thiab cov thawj hauv lub rooj sablaj hais mus rau tus thawj rog uas kav ib txhiab leej, kom coj Sha-ul tuaj cuag nej. Nej ua txuj hais tias, nej yuav taug Sha-ul zaj kom paub tseeb dua thawj zaug. Ces thaum ntawd peb npaj kom txhij, peb mus tos kev muab nws tua ua ntej uas nws tsis tau tuaj txog.

16 Tiamsis Sha-ul tus muam tus tub twb paub txog qhov uas lawv yuav tos kev tua nws lawm. Nws thiaj nkag mus rau hauv cov tub rog lub yeej thiab qhia rau Sha-ul paub. 17 Sha-ul thiaj hu tus thawj uas kav ib puas leej los thiab hais rau nws hais tias, thov coj tus hluas no mus rau tus thawj uas kav ib txhiab leej, vim nws muaj lus yuav qhia rau tus thawj paub. 18 Tus thawj uas kav ib puas leej txawm coj nws mus cuag tus thawj uas kav ib txhiab leej thiab hais tias, Tus Sha-ul uas raug kaw hu kuv thiab thov kuv coj tus hluas no tuaj cuag koj vim nws muaj lus uas yuav qhia rau koj paub. 19 Tus thawj uas kav ib txhiab leej thiaj tuav tus hluas ntawd tes coj mus rau ib qho mas nug nws twjywm tias, koj muaj abtsi yuav hais rau kuv? 20 Tus hluas hais tias, cov Yahdaim hais sib tham tias tagkis yuav thov koj coj Sha-ul mus rau hauv lawv lub rooj sablaj, ua txuj yuav nug nws zaj kom paub tseeb dua qub. 21 Tiamsis thov tsis txhob mloog lawv hais, rau qhov lawv twb muaj txog li plaub caug tawv leej zov kev tos tua Sha-ul thiab twv cog lus hais tias, yuav tsis noj tsis haus mus kom txog thaum tua tau Sha-ul tso no. Tamsim no lawv npaj txhij lawm tos koj tso ncauj xwb. 22 Tus thawj uas kav ib txhiab txawm tso tus hluas ntawd mus thiab nkaw lus rau nws tias, tsis txhob qhia rau leejtwg paub tias koj tuaj qhia zaj no rau kuv li nawb.

​

Xa Sha-ul Mus Cuag Felis

 23 Tus thawj rog uas kav ib txhiab leej txawm hu ob tug thawj uas kav ib puas leej los thiab hais tias, Hmo no thaum cuaj teev cia li npaj ob puas leej tub rog thiab xya caum leej tub rog caij nees thiab ob puas leej tub rog tuav hmuv yuav mus rau lub moos Xixalias.

24 Thiab npaj nees rau Sha-ul caij xa nws mus tso siab plhuav kom txog Tus Tswv xeev Felis. 25 Tus thawj rog uas kav ib txhiab leej sau tsab ntawv li no mus, 26 Khaunti-aus Lixias hais rau Tus Tswv xeev Felis uas saib hlob, nyob zoo. 27 Cov Yahdaim ntes tus no cia twb yuav muab nws tua, tiamsis kuv coj tub rog mus cawm tau nws vim kuv paub tias nws yog tibneeg Romans. 28 Kuv xav paub qhov tseeb uas cov Yahdaim nkaug nws, kuv thiaj coj nws mus rau hauv lawv cov thawj lub rooj sablaj. 29 Kuv pom tias qhov uas nws raug nkaug, vim yog tej teeb meem ntsig txog cov Yahdaim tej kevcai, tsis muaj ib qho txhaum uas txaus nws tuag lossis muab kaw. 30 Thaum kuv hnov tias cov tibneeg Yahdaim tuav tswvyim yuav tos kev muab nws tua povtseg, kuv thiaj xa nws tuaj cuag koj tamsid. Kuv hais rau cov tibneeg uas nkaug nws hais tias, kom lawv mam tuaj nkaug nws rau ntawm koj. 31 Yog li no cov tub rog thiaj li coj Sha-ul mus hmo ntuj rau lub moos Athipatis raws li uas hais. 32 Hnub tom qab lawv cia cov tub rog caij nees xa Sha-ul mus mas cov tub rog mus kotaw rov los rau hauv lub yeej. 33 Thaum cov tub rog caij nees mus txog lub moos Xixalias lawm, lawv txawm cev tsab ntawv rau Tus Tswv xeev thiab muab Sha-ul cob rau nws.

34 Thaum Tus Tswv xeev nyeem tsab ntawv lawm nws txawm nug tias Sha-ul tuaj lub xeev twg tuaj. Thaum nws paub tias Sha-ul tuaj lub xeev Khilikias tuaj, 35 nws txawm hais tias, cia kom cov tibneeg uas nkaug koj tuaj txog tso, kuv mam li hais koj rooj plaub. Nws txawm hais kom lawv saib Sha-ul zoo zoo rau hauv lub tsev Plitholias.

​