Sha-ul Caij Nkoj Mus Rau Lub Nroog  Romans

1 Thaum txiav txim siab tias peb yuav nce nkoj mus rau Ithalis tebchaws, lawv txawm muab Sha-ul thiab lwm tus uas raug txim cob rau tus thawj rog uas kav ib puas leej hauv Xixas pab tub rog npe hu ua Yulias. 2 Peb thiaj nce lub nkoj uas los ntawm lub moos Alamithiyus tabtom yuav tawm mus rau tej moos hauv lub xeev Asia ntawm ntug hiavtxwv. Peb txawm tawm mus mas Alithakhas uas yog tibneeg Makhedaunias tuaj hauv lub moos Thessalonians tuaj nrog peb ua ke mus thiab. 3 Hnub tom qab peb los nres ntawm lub nroog Xaidoos. Yulias hlub Sha-ul thiaj kheev Sha-ul mus xyuas nws cov kwvluag xwv lawv thiaj tu tau nws.

4 Thaum peb caij nkoj tawm qhov ntawd mus, peb txawm lug lub koog povtxwv Cyprus sab uas nraim cua mus vim cua ntsawj tom hauv ntej tuaj. 5 Thaum peb hla hiavtxwv uas nyob ntawm lub xeev Khilikias thiab lub xeev Pafilias, peb txawm tuaj txog lub moos Milas uas nyob hauv lub xeev Likias. 6 Hauv lub moos ntaw, tus thawj uas kav ib puas leej nrhiav tau ib lub nkoj txwg uas tuaj lub nroog Alexadias tuaj tabtom yuav mus rau Ithalis tebchaws, nws txawm kom peb nce lub nkoj ntawd. 7 Peb caij lub nkoj ntawd mus qeeb qeeb ntau hnub mas ceeblaj mus txog lub moos Khanidas kawg. Thaum tsav nkoj kwm cua tsis taus lawm, peb txawm lug lub koog povtxwv Khetes sab uas nraim cua mus ntawm ceg kaum uas hu ua Xamaunes.

8 Ceeblaj tsav nkoj mus npuas lub koog povtxwv, peb mus txog ib qho chaw uas hu ua Chaw Nres Nkoj Zoo Nkauj, uas nyob ze lub moos Asia. 9 Vim yog nkim sijhawm ntau thiab tsis tso siab caij nkoj vim twb dhau lub sijhawm ua kevcai yoo mov lawm, Sha-ul txawm ntuas lawv, 10 thiab hais tias, kwvtij sawvdaws, kuv pom tias qhov uas caij nkoj zaum no yuav raug xwm txheej phem thiab yuav muaj kev puas xwm, tsis yog tej nra thiab lub nkoj xwb, peb txojsia los yuav puas thiab. 11 Tiamsis tus thawj rog uas kav ib puas leej ntseeg tus thawj uas tsav nkoj thiab Tus Tswv nkoj heev dua li ntseeg Sha-ul tej lus.

12 Vim lub tshav nres nkoj ntawd tsis zoo nres rau lub caij ntuj no, cov tibneeg feem coob txiav txim siab tias yuav tsav nkoj tawm qhov ntawd mus thiab vam hais tia, yuav mus kom txog lub moos Finis uas yog lub chaw nres nkoj hauv lub koog povtxwv Khetes uas tig rau qaum teb hnub poob thiab tig rau sab qab teb hnub poob, mas yuav nyob qhov ntawd kom dhau lub caij ntuj no.

​

Cua Daj Cua Dub Hauv Hiavtxwv

 13 Thaum cua maj mam ntsawj sab nram tuaj, lawv kuj xav tias yuav mus tau raws li lawv txiav txim siab ntawd, lawv txawm rho tog hlau nres nkoj los thiab tsav nkoj mus raws ntug koog povtxwv Khetes. 14 Tiamsis mus tsis ntev txawm muaj cua daj cua dub uas hu tias cua qaum teb sab hnub tuaj, tuaj ntsawj saum nruab nqhuab tuaj raug peb. 15 Thaum lub nkoj raug cua nplawm thiab tig lub nkoj mus tiv cua tsis taus lawm, peb txawm muab lub nkoj tig mus raws cua.

16 Thaum mus rau ntawm lub koog povtxwv me me hu ua Khaudas sab nraim cua, peb txawm ceeblaj muab lub nkoj me khi tau cia. 17 Thaum muab lub nkoj me nqa los lawm, lawv txawm muab hlua rig zawm lub nkoj loj ceev ceev. Vim lawv ntshai tsam lub nkoj mus nkaug tej xuab zeb ntawm ntug nqhuab Xawthis, lawv thiaj muab daim ntaub txo tso lub nkoj mus li cua ntsawj.

18 Hnub tom qab lawv pib thau tej nra uas lawv thauj pov tseg vim peb raug cua daj cua dub heev. 19 Hnub uas peb, lawv txawm xuas tes thau tej twj cuab yeej uas siv hauv lub nkoj pov tseg. 20 Thaum tsis pom lub hnub lossis tej hnub qub ntau hnub lawm, thiab tseem raug cua daj cua dub heev, peb tsis muaj chaw vam tias peb yuav dim lawm. 21 Lawv tsis tau noj mov ntev los lawm Sha-ul txawm los sawv hauv lawv nruab nrab hais tias, Cov kwvtij es, tsim nyog nej mloog kuv hais es tsis txhob tawm hauv lub koog povtxwv Khetes ces nej twb tsis raug puas xwm thiab qhov txhia chaw piam tag. 22 Nimno kuv thov kom nej ua lub siab loj rau qhov nej yuav tsis muaj ib tug piam txojsia li tsuas yog lub nkoj piam xwb. 23 Rau qhov nag hmo Abba (יחוח)Yahweh uas xaiv kuv thiab kuv ua koom tu, nws ib tug tubtxib saum ntuj los sawv ze ntawm kuv 24 thiab hais tias, Sha-ul es, tsis txhob ntshai. Koj yuav tsum sawv ntawm Xixas xubntiag thiab Abba (יחוח)Yahweh saib rau koj thiaj pub kom txhua tus uas nrog koj nyob ua ke hauv nkoj dim txojsia. 25 Vim li no kwvtij es, nej cia li zoo siab rau qhov kuv tso siab rau Abba (יחוח)Yahweh tias yuav muaj xwm txheej raws li uas nws hais rau kuv lawm. 26 Tiamsis peb lub nkoj yuav tsum mus nkaug rau ib lub koog povtxwv. 27 Txog hmo kaum plaub uas peb tabtom ntab saum nplaim dej hiavtxwv Arias, kwvlam ib tag hmo, cov tub nkoj xav hais tias twb los ze nruab nqhuab lawm.

28 Lawv txawm ntsuas saib mas dej tob li nees nkaum daj, dhau mentsis lawm rov qab ntsuas dua mas tob kaum tsib daj. 29 Lawv ntshai tsam yuav txam raug pob zeb tim ntug, lawv txawm tso plaub tog hlau nres nkoj tom tw thiab thov kom kaj ntug tuaj. 30 Thaum cov tub nkoj tabtom nrhiav kev yuav khiav kom dim ntawm lub nkoj, thiab muab lub nkoj me tso dauv rau hauv hiavtxwv, ua txuj yuav tso tog hlau nres nkoj tom taubhau, 31 Sha-ul txawm hais rau tus thawj rog uas kav ib puas leej thiab cov tub rog hais tias, Yog cov tibneeg no tsis nyob hauv lub nkoj lawm, nej yuav tsis dim li. 32 Cov tub rog thiaj txiav cov hlua uas khi lub nkoj me tso lub nkoj me ntab mus lawm. 33 Thaum yuav kaj ntug Sha-ul cheem kom sawvdaws noj mov thiab hais tias, hnub no tau kaum plaub hnub lawm, uas nej pheej tos rawv yoo mov tsis tau noj ib yam abtsi li. 3 Vim li no kuv thov kom nej noj mov kom thiaj muaj txojsia nyob tau, rau qhov nej cov ib txog plaubhau los yeej yuav tsis ploj li.

35 Thaum hais li ntawd lawm, nws txawm muab ncuav los ua Abba (יחוח)Yahweh tsaug tab meeg lawv sawvdaws, thiab muab ntais noj. 36 Txhua tus lub siab thiaj loj tuaj thiab lawv kuj noj mov thiab. 37(Peb cov uas nyob hauv lub nkoj huvsi muaj ob puas xya caum rau leej. ) 38 Thaum lawv noj txaus lawm, lawv txawm muab tej mog pov rau hauv dej hiavtxwv ua rau lub nkoj thiaj li sib tuaj.

​

Lub Nkoj Tawg Tag

 39 Thaum kaj ntug lawm, lawv kuj tsis paub tias ntug nqhuab ntawd yog lub tebchaws twg, tiamsis lawv pom ib ceg hiavtxwv uas muaj xuab zeb, ces txawm sib tham tias, yog ua tau ces cia lub nkoj mus nkaug cov xuab zeb ntawd.

40 Lawv txawm txiav tej hlua ntawm tej tog hlau nres nkoj tso tseg rau hauv hiavtxwv, thiab daws tej hlua uas khi tej duav nkoj thiab tsa daim ntaub tom hauv nkoj kom raug cua mas lawv txawm ncaj nraim mus rau tim ntug.

41 Thaum los txog ib qhov uas dej hiav-txwv ntiav zog, lub nkoj txawm los nkaug rau hauv cov xuab zeb rhais ruaj ruaj li, yav tw nkoj thiaj raug tej nthwv dej uas ntas muab nplawm tawg tag. 42 Cov tub rog xav tua cov tibneeg raug txim ntshai tsam lawv ua luam dej khiav dim lawm. 43 Tiamsis tus thawj uas kav ib puas leej xav cawm Sha-ul nws thiaj txwv tsis kheev lawv ua raws li lawv xav ntawd. Nws hais rau cov uas txawj ua luam dej kom dhia rau hauv dej mus rau tim ntug ua ntej, 44 thiab kom cov uas tseem tshuav, tuav tej daim txiag thiab tej yam uas ntais ntawm lub nkoj los luam mus. Yog li no mas txhua tus puavleej dim mus txog tim ntug.

​