Tsa Xya Leej Tuav Laujlwm

1 Lub sijhawm ntawd thaum cov thwjtim huaj   vam coob zuj zus tuaj, cov Yah-daim uas hais tau lus Greek xwb yws cov Yahdaim uas yog tibneeg Hebrew rau qhov cov poj ntsuam Greek raug muab tshwj tseg tsis tau txais tej zaub mov uas lawv niaj hnub faib.

2 Kaum ob tug tubtxib thiaj hu cov thwjtim sawvdaws los thiab hais tias, Tsis tsim nyog peb yuav tso Abba (יחוח)Yahweh txojlus tseg mus tu kev noj kev haus. 3 Vim li no, cov kwvtij, nej cia li xaiv xya leej hauv nej cov uas muaj koob meej zoo thiab muaj Tus Ntsuj Plig puv npo thiab muaj tswvyim, mas peb yuav tsa lawv ua tes haujlwm no. 4 Peb cov yuav rau siab ntso thov Abba  (יחוח)Yahweh thiab faib Abba  (יחוח)Yahweh txojlus.

5 Lawv sawvdaws pom zoo li uas hais ntawd, mas lawv xaiv Xatefanaus uas muaj kev ntseeg thiab muaj Tus Ntsuj Plig Dawbhuv puv npo, thiab Philip thiab Plaukhaulas thiab Nikhanaus thiab Thimoos thiab Pamenas thiab Nikhaulaus uas yog tibneeg Athi‑aus uas coj Yahdaim kevcai. 6 Lawv coj cov tibneeg no los sawv rau ntawm cov tubtxib xubntiag mas cov tubtxib thov Abba (יחוח)Yahweh pab lawv thiab muab tes npuab saum lawv. 7 Abba (יחוח)Yahweh txojlus nrov nto moo lug. Cov uas los ua thwjtim kuj tsav ntxiv coob zuj zus tuaj rau hauv Yeluxalees, thiab muaj cov pov thawj ntau leej los ntseeg thiab mloog lus.

 

Xatefanaus Raug Ntes

 8 Xatefanaus uas muaj txojkev hlub thiab hwjchim puv npo ua tej txujci tseem ceeb thiab txujci phimhwj hauv nruab nrab cov tib-neeg. 9 Muaj qee leej uas tuaj ntawm lub tsev sablaj uas hu tias cov tibneeg ywj pheej lub tsev sablaj thiab cov uas tuaj hauv lub moos Khulenes thiab lub nroog Alexadias tuaj thiab cov uas nyob hauv lub xeev Khilikias thiab lub xeev Asia, lawv cov ntawd txawm tuaj nrog Xatefanaus sib cav. 10 Tiamsis lawv tsis muaj peevxwm cav tau nws lub tswvyim thiab tej lus uas Tus Ntsuj Plig kom nws hais.

11 Lawv txawm ua twjywm mus tshum kom tibneeg hais tias, peb hnov tus no hais lus tuam mom Mauxes thiab Abba (יחוח)Yahweh

12 Lawv tshum cov tibneeg thiab cov kev txwj laug thiab cov xibhwb qhia Abba (יחוח)Yahweh kevcai kom ntxhov. Ces lawv txawm tuaj ntes Xatefanaus coj mus rau cov thawj lub rooj sablaj,13 mas kom cuav timkhawv tuaj tom hais tias, tus yawg no hais lus tawm tsam lub chaw dawb huv no thiab Abba (יחוח)Yahweh txoj kevcai tsis tu li, 14 rau qhov peb hnov nws hais tias tus (יהושע)Yahshua no uas yog tibneeg Naxales yuav rhuav tshem lub chaw no thiab yuav hloov tej kevcai uas Mauxes muab cob rau peb lawd. 15 Txhua tus uas nyob hauv cov thawj lub rooj sablaj ntawd saib ntsoov rau Xatefanaus pom tias nws lub ntsej muag zoo yam li ib tug tubtxib saum ntuj.

​