TUB TXIB TES HAUJLWM 7

Xatefanaus Tej Lus

1 Tus tuam pov thawj hlob txawm nug tias, zaj no muaj tseeb lov? 2 Xatefanaus hais tias, nej cov kwvtij thiab cov uas ua hlob, cia li mloog kuv hais. Abba (יחוח)Yahweh uas muaj hwjchim ci ntsa iab tshwm rau peb yawg koob Abraham rau thaum nws tseem nyob hauv Mexauphautamias tebchaws ua ntej uas nws tsis tau mus nyob rau lub moos Halas 3 mas hais rau nws tias, koj cia li tawm hauv koj lub tebchaws thiab tawm hauv koj cov kwvtij mus rau lub tebchaws uas kuv yuav qhia rau koj. (Chivkeeb 12:1)

4 Abraham thiaj tawm hauv cov Kheedias tebchaws mus nyob rau hauv lub moos Halas. Thaum nws txiv tuag lawd, Abba (יחוח)Yahweh thiaj kom nws tawm qhov ntawd los nyob rau hauv lub tebchaws uas nej nyob txog niaj hnub nimno.

5 Tiamsis Abba  (יחוח)Yahweh tsis pub nws muaj qub txeeg qub teg rau hauv lub teb-chaws, tsis pub nws muaj ib daim av dav li xib taws. Thiab thaum nws tsis tau muaj menyuam, Abba (יחוח)Yahweh cog lus tseg tias, yuav pub lub tebchaws ua nws teej nws tug thiab ua nws caj ces tug.

(Chivkeeb 15:13-14)

 6 Abba (יחוח)Yahweh hais rau nws tias, koj caj ces yuav mus tsuam chaws nyob rau hauv lwm tebchaws thiab cov tibneeg hauv lub tebchaws ntawd, yuav muab lawv quab yuam ua qhev thiab tsim txom lawv ntev mus txog li plaub puas xyoo. 7 Tiamsis kuv yuav rau txim rau lub tebchaws uas quab yuam lawv ua qhev ntawd. Thiab Abba (יחוח)Yahweh hais tias, dhau ntawd, lawv yuav tawm los thiab ua koom tu kuv ntawm lub chaw no.

8 Abba (יחוח)Yahweh thiaj muab kevcai txiav rau nws ua lo lus cog tseg. Vim li no, Abraham thiaj yug tau Isaac thiab muab nws ua kevcai txiav rau hnub uas yim. Isaac yug tau Yaaqob, thiab Yaaqob yug tau kaum ob tug tub uas yog peb cov yawg koob.

9 Cov yawg koob ntawd, khib Yahseph thiaj muab nws muag mus rau Iziv tebchaws. Tiamsis Abba (יחוח)Yahweh nrog nraim Yahseph, 10 thiab cawm nws dim hauv txhua yam kev txom nyem, thiab pub nws muaj tswvyim, thiab ntxim Iziv tus vajntxwv Falaus lub siab. Falaus thiaj tsa Yahseph ua tus kav Iziv tebchaws thiab txhua yam hauv vajntxwv lub tsev. (Chivkeeb 41:40-41)

(Chivkeeb 41:56-57)

 11 Ces txawm muaj kev tshaib plab thoob plaws Iziv tebchaws thiab Khana‑as tebchaws mas raug kev txom nyem heev, peb cov yawg koob thiaj nrhiav tsis tau mov noj.  12 Thaum Yaaqob hnov tias hauv Iziv tebchaws muaj mov noj, nws thiaj txib peb cov yawg koob mus zaum ib. 13 Thaum mus zaum ob Yahseph thiaj qhia nws rau cov kwvtij paub, thiab Falaus kuj paub txog Yahseph tsev neeg.

14 Yahseph thiaj hu nws txiv Yaaqob thiab cov kwvtij huvsi xya caum tsib leeg los.

15 Yaaqob thiaj mus rau Iziv tebchaws mas nws thiab peb cov yawg koob tuag tag rau qhov ntawd. 16 Thiab coj mus rau lub moos Sekhees muab faus rau hauv lub qhov ntxa uas Abraham muab nyiaj yuav ntawm Hamaus cov tub uas nyob hauv Sekhees. 17 Tiamsis thaum ze lub sijhawm uas Abba (יחוח)Yahweh cog lus rau Abraham, haiv neeg Ixayees huaj vam coob heev rau hauv Iziv tebchaws 18 mus txog ntua thaum ib tug vajntxwv uas tsis paub Yahseph sawv los kav Iziv tebchaws. 19 Tus vajntxwv ntawd thiaj ua phem rau peb haiv neeg thiab tsim txom peb tej poj koob yawm txwv, yuam lawv muab lawv tej menyuam mos tso pov tseg kom tuag.

20 Lub sijhawm ntawd kuj yug Mauxes, mas nws zoo nraug heev, thiab tu nws tau peb lub hlis rau hauv nws txiv lub tsev. 21 Thaum Mauxes raug muab tso tseg rau sab nraud, Falaus tus ntxhais coj los tu ua nws tus tub.

22 Mauxes thiaj tau kawm cov Iziv txhua yam kev txawj ntse, nws thiaj muaj zoo ncauj zoo lus thiab txawj ua haujlwm. 23 Thaum nws hnub nyoog plaub caug xyoo, nws xav mus tsham nws cov kwvtij uas yog Ixayees caj es.

24 Thaum nws pom ib tug raug tsim txom nws thiaj mus pab tus uas raug tsim txom thiab muab tus Iziv ntawd tua pauj.

25 Nws xav tias nws cov kwvtij nkag siab tias Abba (יחוח)Yahweh siv nws txhais tes tso lawv dim, tiamsis lawv tsis nkag siab li ntawd.

26 Hnub tom qab nws tuaj ntsib nkawv tabtom sib cav thiab nws xav kom nkawv rov zoo, nws txawm cheem tias, ‘Ob tug es, neb yog kwvtij, ua cas ib leeg yuav ua phem rau ib leeg? 27 Tus uas ua phem rau nws tus kwvtij txawm thawb Mauxes khiav mus thiab hais tias, leejtwg tsa koj ua tus uas kav peb thiab ua tus uas txiav txim rau peb? 28 Koj npaj siab yuav tua kuv ib yam li nag koj tua tus Iziv thiab lov? 29 Thaum Mauxes hnov lo lus ntawd nws txawm khiav mus tsuam chaw nyob hauv Midees tebchaws thiab muaj ob tug tub qhov ntawd.

30 Thaum nyob tau plaub caug xyoo muaj ib tug tubtxib saum ntuj ua nplaim taws tshwm los rau Mauxes pom ntawm tsob ntoo hauv tebchaws moj sab qhua ntawm lub roob Xinais. 31 Thaum Mauxes pom, nws xav tsis thoob rau tej uas nws pom ntawd. Thaum nws mus saib ze ze, nws hnov Abba (יחוח)Yahweh lub suab hais tias, 32 kuv yog koj cov yawg koob Tus Tswv, yog Abraham, Isaac thiab Yaaqob Tus Tswv. Mauxes thiaj ntshai tshee hnyo tsis kav saib. 33 Abba (יחוח)Yahweh hais rau Mauxes tias, cia li hle koj nkawm khau tseg vim tias qhov chaw uas koj sawv no yog lub chaw dawb huv.

(Khiavdim 3:5-10)

34 Kuv twb pom kuv haiv neeg uas nyob hauv Iziv tebchaws txojkev txom nyem lawm thiab twb hnov lawv lub suab quaj lawm, thiab kuv nqes los yuav cawm lawv dim. Cia li los, kuv yuav txib koj mus rau hauv Iziv tebchaws. 35 Cov tibneeg Iziv twb tsis lees yuav Mauxes thiab lawv twb hais rau nws hais tias, leejtwg tsa koj ua tus kav peb thiab ua tus txiav txim rau peb?

Tiamsis Abba (יחוח)Yahweh siv tus tubtxib saum ntuj txhais tes uas tshwm rau Mauxes pom hauv tsob ntoo ntawd txib Mauxes mus ua tus thawj kav thiab tus uas cawm lawv dim.

36 Nws yog tus coj lawv tawm los, thiab ua txujci tseem ceeb thiab tej kev phimhwj hauv Iziv tebchaws thiab hauv dej Hiavtxwv Liab thiab hauv tebchaws moj sab qhua plaub caug xyoo. 37 Tus no yog tus Mauxes uas hais rau cov Ixayees tias, Abba  (יחוח)Yahweh yuav tsa ib tug xibhwb cev lus tshwm los hauv nej cov kwvtij ib yam li kuv. (Kevcai 18:15)

38 Tus no yog tus uas nrog ib tsoom tibneeg nyob hauv tebchaws moj sab qhua thiab nrog tus tubtxib saum ntuj uas hais lus rau nws nyob ntawm roob Xinais thiab nrog peb tej poj koob yawm txwv nyob. Nws txais tej lus uas pub txojsia coj los rau peb. 39 Peb tej poj koob yawm txwv tsis mloog Mauxes hais. Lawv muab nws thawb khiav mus thiab lawv lub siab fav kiag rov mus rau Iziv tebchaws.

40 Lawv hais rau Aaron tias, cia li ua tej dab mlom rau peb uas yuav coj peb kev mus. Tus Mauxes uas coj peb tawm hauv Iziv tebchaws los peb tsis paub xyov nws ua li cas lawm. (Khiavdim 32:1)

41 Lawv thiaj ua ib tug dab mlom thav nyuj thiab coj qhov txhia chaw tuaj xyeem rau tus dab mlom ntawd thiab zoo siab xyiv fab rau tej uas lawv txhais tes ua.

42 Mas Abba (יחוח)Yahweh fee plhu tso lawv mus pe lub hnub lub hli thiab tej hnub qub saum nruab ntug huvsi, raws li muaj lus sau cia rau hauv cov xibhwb cev lus phau ntawv hais tias, Ixayees caj ces es, nej tau tua tsiaj xyeem thiab muab qhov txhia chaw xyeem rau kuv hauv tebchaws moj sab qhua tau plaub caug xyoo lov? (Amosyah 5:25-27)

43 Nej kwv dab Maulej lub tsev ntaub thiab nej tus dab Lefas lub hnub qub, yog ob tug dab mlom uas nej txua rau nej pe. Thiab kuv yuav kuav nej mus dhau plaws lub nroog Npanpiloos. 44 Thaum peb tej poj koob yawm txwv nyob hauv tebchaws moj sab qhua, lawv muaj lub tsev ntaub uas ua timkhawv, raws li Abba (יחוח)Yahweh kom Mauxes ua, yog ua raws tus qauv uas Mauxes tau pom.

45 Thaum peb tej poj koob yawm txwv tau lub tsev ntaub ntawd lawm, lawv kuj kwv nrog Yahshua uas yog Noos tus tub, los rau thaum lawv txeeb tau lub tebchaws ntawm tej haiv neeg uas Abba  (יחוח)Yahweh ntiab khiav ntawm peb tej poj koob yawm txwv xubntiag lawm. Lub tsev ntaub ntawd kuj nyob los txog thaum Daviv sim neej.

46 Abba (יחוח)Yahweh hlub Daviv heev, Daviv thiaj thov Abba (יחוח)Yahweh kom cia nws npajib lub chaw rau Yaaqob Tus Tswv nyob. (Isayah 66:1-2)

47 Tiamsis Solomon yog tus uas ua lub tuam tsev rau Abba  (יחוח)Yahweh.

48 Txawm yog li ntawd los Abba (יחוח)Yahweh uas loj dua ntais tsis nyob hauv lub tuam tsev uas tibneeg txhais tes ua, raws li tus xibhwb cev lus hais tias,

49 Lub ntuj yog kuv lub zwm txwv, lub ntiajteb yog kuv lub rooj tiag taw.

Abba (יחוח)Yahweh hais tias, nej yuav ua lub tsev zoo li cas rau kuv, thiab kuv lub chaw so yuav nyob qhovtwg? 50 Tej no yog kuv txhais tes ua huvsi los tsis yog? (Isayah 66:1-2)

51 Nej cov niag tibneeg tawv ncauj, siab tawv thiab lag ntseg, nej pheej tav Tus Ntsuj Plig Dawbhuv tsis tu ncua. Nej tej poj koob yawm txwv ua li cas lawm, nej kuj ua ib yam li ntawd. 52 Puas muaj ib tug xibhwb cev lus uas nej tej poj koob yawm txwv tsis tau muab tsim txom? Lawv tua cov uas tshaj tawm txog tom hauv ntej tias tus ncaj ncees yuav los, yog tus uas nimno nej twb fav xeeb rau thiab muab tua lawm. 53 Nej twb tau txais txoj kevcai uas cov tubtxib saum ntuj hais rau nej los nej tsis tuav rawv txoj kevcai ntawd.

​

Xatefanaus Raug Xuas Pob Zeb Ntaus

 54 Thaum lawv hnov tej lus ntawd mas lawv npau taws heev thiab zim hniav qas zog rau Xatefanaus. 55 Tiamsis Xatefanaus puv npo Tus Ntsuj Plig Dawb huv, nws tsa muag saib saum ntuj pom Abba  (יחוח)Yahweh lub hwjchim ci ntsa iab thiab pom (יהושע) Yahshua sawv ntawm Abba (יחוח)Yahweh sab tes xis. 56 Nws hais tias, saib maj, kuv pom rooj ntug qheb thiab Neeg Leej Tub sawv ntawm Abba  (יחוח)Yahweh sab tes xis. 57 Ces lawv txawm qw nrov thiab ntsaws qhov ntsej khiav ib tsaug los rau ntawm Xatefanaus. 58 Lawv muab nws thawb tawm hauv lub nroog thiab xuas pob zeb ntaus. Cov uas ua timkhawv nkaug Xatefanaus kuj hle tej tsho cia rau ntawm ib tug hluas uas hu ua Sha-ul kotaw.

59 Thaum lawv tabtom xuas pob zeb ntaus Xatefanaus, nws thov hais tias, Cawmseej (יחוח)Yahweh, thov txais kuv tus ntsuj plig.

60 Ces Xatefanaus txawm txhos caug ntua qw nrov nrov hais tias, Abba (יחוח)Yahweh, thov tsis txhob muab lub txim uas lawv ua no rau lawv ris. Thaum hais li no lawm nws txawm tu siav lawm.

​