Kepha Qhia Nws Tes Haujlwm Rau Cov Ntseeg Hauv Yeluxalees

1 Cov tubtxib thiab cov kwvtij uas nyob hauv Yahdah hnov xov tias lwm haiv neeg twb txais yuav Abba (יחוח)Yahweh txojlus thiab. 2 Thaum Kepha mus txog hauv lub nroog Yeluxalees cov ntseeg uas ua kevcai txiav txawm yws nws tias, 

3 Ua cas koj mus rau hauv cov tibneeg uas tsis tau ua kevcai txiav thiab nrog lawv noj mov ua ke? 

4 Kepha thiaj pib qhia ua ib qeb zuj zus rau lawv mloog tias, 5 thaum kuv nyob hauv lub moos Yaupas thiab tabtom thov Abba (יחוח)Yahweh, kuv ua yog toog pom ib yam zoo li ib daim ntaub dav dav khi plaub lub kaum tso nqes saum ntuj los ze ntawm kuv. 6 Kuv saib mas pom muaj tej tsiaj nruab nqhuab plaub txhais tes taw, tsiaj qus, tsiaj nkag thiab tej noog saum nruab ntug. 7 Thiab kuv hnov ib lub suab hais rau kuv tias, Kepha, cia li sawv tsees muab tua noj. 8 Kuv hais tias, tsis tau, Yawg hlob, vim tias yam uas qias lossis tsis dawb huv tsis txeev nkag rau hauv kuv lub qhov ncauj kiag li.

9 Tiamsis lub suab rov hais saum ntuj tuaj zaum ob hais tias, yam uas Abba (יחוח)Yahweh muab ntxuav lawm koj tsis txhob hais tias qias. 10 Tej ntawd los tshwm peb zaug ces txhua yam ntawd txawm raug muab nqa rov mus saum ntuj lawm.

11 Mas tamsim ntawd txawm muaj peb tus yawg tuaj sawv ntawm lub tsev uas peb nyob, lawv raug txib hauv lub moos Xixalias tuaj cuag kuv. 12 Tus Ntsuj Plig txawm hais kom kuv nrog lawv mus tsis txhob ua xyem xyav. Thiab rau tus kwvtij no kuj nrog kuv mus, mas peb nkag mus rau hauv tus yawg ntawd lub tsev. 13 Nws thiaj piav rau peb mloog tias nws tau pom ib tug tubtxib saum ntuj tshwm los rau hauv nws tsev li cas thiab hais rau nws tias, cia li txib tibneeg mus rau lub moos Yaupas thiab coj Simon uas hu tias Kepha tuaj, 14 mas nws yuav qhia txoj hmoo zoo uas yuav cawm koj thiab koj tsev neeg dim.

15 Thaum kuv pib qhia, Tus Ntsuj Plig Dawb huv txawm nqes los rau saum lawv ib yam li thaum chiv thawj los rau saum peb.

16 Mas kuv thiaj nco txog (יהושע)Yahshua tej lus uas nws hais tias, Yahchanan coj tib-neeg ua kevcai raus hauv dej tiamsis nej yuav ua kevcai raus hauv Tus Ntsuj Plig Dawb huv.

7 Yog Abba (יחוח)Yahweh twb pub rau lawv cov ib yam li thaum peb ntseeg tus Vaj-ntxwv (יהושע)Yahshua Messiah es pub rau peb, kuv yog leejtwg es kuv yuav tav Abba (יחוח)Yahweh? 

18 Thaum lawv hnov tej lus ntawd lawd, lawv txawm tsis muaj lus hais. Lawv qhuas Abba (יחוח)Yahweh hais tias, Abba (יחוח)Yahweh twb pub lwm haiv neeg ntxeev dua siab tshiab thiaj tau txojsia thiab.

​

Pawg Ntseeg Hauv Lub Moos Athi‑aus

19 Thaum Xatefanaus raug muab tua thiab cov ntseeg raug kev tsim txom, ces txawm khiav ua sab ua sua mus, ib txhia mus txog lub xeev Finikias thiab Cyprus thiab lub moos Athi‑aus. Lawv tsuas yog qhia txoj hmoo zoo rau cov Yahdaim mloog xwb. 20 Lawv cov ntawd muaj qee leej uas yog tibneeg Cyprus thiab tibneeg Khulene mus txog hauv lub moos Athi‑aus kuj qhia txoj hmoo zoo hais txog (יהושע)Yahshua uas yog Messiah rau cov tibneeg Greek mloog.

21 Thiab Abba (יחוח)Yahweh txhais tes nrog nraim lawv, thiaj muaj tibneeg coob coob ntseeg thiab tig los cuag Abba (יחוח)Yahweh.

22 Tej xov no nrov los txog pawg ntseeg hauv Yeluxalees, lawv thiaj txib Barnabas mus rau lub moos Athi‑aus. 23 Thaum Barnabas mus txog thiab pom qhov uas Abba (יחוח)Yahweh hlub lawv, nws zoo siab xyiv fab kawg.

Nws txhawb lawv lub zog kom lawv sawvdaws muab lub siab xib hlo rau Abba

(יחוח)Yahweh. 24 Barnabas yog ib tug tibneeg zoo thiab muaj Tus Ntsuj Plig Dawbhuv thiab kev ntseeg puv npo. Muaj tibneeg coob los ntseeg Abba (יחוח)Yahweh tsav ntxiv.

25 Barnabas thiaj mus nrhiav Sha-ul ntawm lub moos Thaxas. 26 Thaum nrhiav tau lawd, nws thiaj coj Sha-ul los rau hauv lub moos Athi‑aus. Nkawv koom ua ke rau hauv pawg ntseeg tau ib xyoos thiab qhuab qhia cov ntseeg coob heev. Hauv lub moos Athi‑aus no yog thawj zaug uas cov ntseeg raug hu ua Christian. 27 Lub sijhawm ntawd muaj cov xibhwb cev Abba (יחוח)Yahweh lus tuaj hauv Yeluxalees tuaj rau hauv lub moos Athi‑aus.

28 Lawv cov muaj ib tug hu ua Akanpas sawv tsees los hais pom tom hauv ntej raws li Tus Ntsuj Plig kom nws hais, hais tias yuav muaj kev tshaib plab loj heev thoob plaws lub ntiajteb. Tej xwm txheej no muaj tshwm los rau ntu uas huabtais Khaunti-aus kav. 29 Cov thwjtim txhua tus hais haum tias, yuav pub nyiaj raws li txhua tus muab tau xa mus pab cov kwvtij uas txom nyem hauv lub xeev Yahdah. 30 Lawv kuj ua li ntawd mas muab rau Barnabas thiab Sha-ul xa mus rau cov uas saib xyuas cov ntseeg.

​