Kepha Thiab Khaunelias

1 Muaj ib tug yawg npe hu ua Khaunelias nyob hauv lub moos Xixaleyah, nws yog ib tug thawj rog uas  kav ib puas leej nyob hauv pab tub rog uas hu ua Ithalis Pab. 2 Nws thiab nws tsev neeg coj Abba (יחוח)Yahweh kevcai nruj thiab paub ntshai Abba (יחוח)Yahweh, nws pub rau tej tibneeg txom nyem ntau heev, thiab thov Abba (יחוח)Yahweh tsis tu ncua li.

3 Thaum kwvlam hnub qaij peb teev, tus thawj rog ntawd ua yog toog pom ib tug tubtxib saum ntuj los hais rau nws tias, Khaunelias es. 4 Nws saib dheev tus tubtxib saum ntuj ntawd, thiab ntshai heev thiab hais tias, Yawg hlob, no yog abtsi? Tus tubtxib saum ntuj hais rau nws tias, koj tej lus thov thiab tej uas koj muab pub rau luag, twb nce mus txog Abba (יחוח)Yahweh ua lub chaw uas Abba (יחוח)Yahweh nco txog koj lawm. 5 Nimno koj cia li txib tibneeg mus rau lub moos Yaupas thiab coj Simon uas hu ua Kepha tuaj. 6 Nws nyob hauv Simon, tus Kws uas luam tawv tsiaj lub tsev uas nyob ntawm ntug hiavtxwv. 7 Thaum tus tubtxib saum ntuj uas hais rau nws mus lawm, Khaunelias txawm hu ob tug tub qhe thiab ib tug tub rog uas hwm Abba (יחוח)Yahweh nruj hauv cov uas tu nws los. 8 Thaum nws qhia txhua yam rau lawv mloog lawm, nws txib lawv mus rau lub moos Yaupas. 9 Hnub tom qab thaum peb tug no taug kev mus yuav txog lub moos Yaupas mas kwvlam tav su Kepha txawm nce mus thov Abba (יחוח)Yahweh saum txheej tsev las tshav. 10 Nws txawm tshaib plab xav noj mov. Thaum lawv tseem ua su nws txawm ua yog toog 11 pom rooj ntug qheb thiab pom ib yam zoo li ib daim ntaub dav dav khi plaub lub kaum tso nqes los rau hauv lub ntiajteb. 12 Hauv daim ntaub ntawd muaj txhua yam tsiaj plaub txhais tes taw, thiab tsiaj nkag hauv av thiab nas noog saum nruab ntug.

13 Txawm muaj ib lub suab hais tuaj rau nws hais tias, Kepha, cia li sawv tsees muab tua noj. 14 Kepha hais tias, tsis tau, Yawg hlob. Yam uas qias thiab tsis dawb huv kuv tsis txeev noj kiag li. 15 Lub suab rov hais zaum ob rau nws tias, yam uas Abba (יחוח)Yahweh muab ntxuav lawm, koj tsis txhob hais tias qias.

16 Muaj li ntawd txog peb zaug ces daim ntaub txawm raug muab nqa mus rau saum ntuj tamsid lawm. 17 Thaum Kepha tseem xav txog zaj yog toog ntawd tias lub ntsiab yog abtsi, ces tamsim ntawd cov tibneeg uas Khaunelias txib tuaj txawm tuaj nug nrhiav tau Simon lub tsev. Lawv tuaj txog sawv sab nraum rooj vag, 18 thiab hu nug tias tus Simon uas hu ua Kepha puas nyob ntawm no.

19 Thaum Kepha tseem tabtom xav txog zaj yog toog ntawd, Tus Ntsuj Plig txawm hais rau nws tias, saib maj, muaj peb tug yawg tuaj nrhiav koj. 20 Cia li sawv tsees nqes mus rau sab hauv qab thiab nrog lawv mus tsis txhob ua xyem xyav, vim yog kuv txib lawv tuaj.

21 Kepha thiaj nqes mus ntsib lawv thiab hais tias, kuv yog tus uas nej tuaj nrhiav ntag. Nej tuaj nrhiav kuv yog muaj abtsi? 22 Lawv hais tias, Khaunelias yog ib tug thawj rog kav ib puas leej thiab yog ib tug ncaj ncees paub ntshai Abba (יחוח)Yahweh, thiab yog ib tug muaj koob meej hauv ib tsoom Yahdaim huvsi. Muaj ib tug tubtxib saum ntuj uas dawb huv kom Khaunelias hu koj mus rau hauv nws lub tsev es yuav mloog koj tej lus qhia.

23 Kepha thiaj hu lawv los so rau hauv tsev. Hnub tom qab nws sawv kev nrog lawv mus, thiab cov kwvtij qee leej hauv lub moos Yaupas kuj nrog nws mus thiab. 24 Dhau dua ib hnub tom qab lawv li mus txog lub moos Xixalias. Khaunelias tabtom tos ntsoov lawv thiab hu nws tej kwvtij, kwvluag tuaj txoos ua ke. 25 Thaum Kepha tuaj txog, Khaunelias tuaj tos nws thiab pe khwb ti nkaus ntawm nws kotaw. 26 Kepha ntsiab nkaus Khaunelias tsa sawv, thiab hais tias, cia li sawv, kuv yog tibneeg ib yam koj thiab xwb. 27 Thaum tabtom hais lus Kepha nkag mus hauv tsev mas pom tibneeg nyob ua ke coob coob, 28 ces nws txawm hais rau lawv tias, nej yeej paub tias qhov uas ib tug Yahdaim mus tsham thiab koom nrog lwm haiv neeg ua ke yog yam uas txhaum kevcai heev. Tiamsis Abba (יחוח)Yahweh qhia tshwm rau kuv tias yuav tsis txhob hais tias ib tug twg qias lossis tsis dawb huv. 29 Vim li no, thaum nej hu kuv tuaj, kuv thiaj li tuaj tsis khuam cheem abtsi. Kuv thov nug nej tias nej hu kuv tuaj yog muaj abtsi?

30 Khaunelias hais tias, tau plaub hnub los lawm, kuv tabtom thov Abba (יחוח)Yahweh hauv kuv tsev kwvlam lub sijhawm no yog hnub qaij peb teev, txawm muaj ib tug yawg sawv ntawm kuv xubntiag hnav tsoos tsho ci nplas.

31 Tus ntawd hais tias, Khaunelias, Abba (יחוח)Yahweh twb hnov koj tej lus thov thiab nco txog tej uas koj pub rau cov txom nyem lawm. 32 Vim li no, cia li txib tibneeg mus rau lub moos Yaupas hu Simon uas hu ua Kepha tuaj. Nws nyob hauv tus Simon Kws luam tawv lub tsev ntawm ntug hiavtxwv.

33 Kuv thiaj txib tibneeg mus hu koj tamsid, mas qhov uas koj tuaj kuj zoo lawm. Lub sijhawm no peb sawvdaws nyob txhij zog tab meeg Abba (יחוח)Yahweh, tos mloog txhua yam uas Abba (יחוח)Yahweh kom koj qhia.

​

Kepha Qhuab Qhia Hauv Khaunelias Tsev

 34 Kepha txawm qheb ncauj hais tias, kuv pom tseeb lawm tias, Abba (יחוח)Yahweh tsis saib leejtwg ntsej muag.

5 Thiab hauv txhua haiv neeg tus uas paub ntshai Abba (יחוח)Yahweh thiab xyaum ncaj ncees kuj yog haum Abba (יחוח)Yahweh lub siab. 36 Nej yeej paub txog tej lus uas Abba  (יחוח)Yahweh muab cob rau cov Ixayees, yog qhov uas nws qhia txoj hmoo zoo uas hais txog nyob siab tus yees hauv (יהושע)Yahshua Messiah uas yog sawvdaws Vajntxwv.

37 Nej yeej paub tej xwm txheej uas tshwm thoob plaws lub xeev Yahdah yog pib hauv lub xeev Kalilais tom qab tus Yahchanan uas coj ua kevcai raus dej tshaj tawm ntawd, 38 yog qhov uas hais tias, Abba (יחוח)Yahweh muab Tus Ntsuj Plig Dawbhuv thiab muab lub hwjchim hliv rau hauv (יהושע)Yahshua uas yog tibneeg Naxales li cas, thiab qhov uas hais tias (יהושע)Yahshua mus mus los los ua tej haujlwm zoo thiab kho txhua tus uas raug dab tsim txom li cas, vim yog Abba (יחוח)Yahweh nrog nraim (יהושע)Yahshua.

39 Peb ua timkhawv txog tej haujlwm huvsi uas nws ua rau hauv lub xeev Yahdah thiab hauv lub nroog Yeluxalees. Lawv muab nws dai rau saum tus ntoo tua pov tseg 40 mas hnub peb, Abba  (יחוח)Yahweh tsa nws ciaj sawv rov los thiab pub nws tshwm rau peb pom. 41 Tsis yog tshwm rau tej tibneeg sawvdaws tiamsis tshwm rau peb pom xwb, yog cov tim-khawv uas Abba (יחוח)Yahweh xaiv cia lawd. Tom qab uas nws ciaj sawv hauv qhov tuag rov los, peb kuj nrog nws noj haus ua ke.

42 Nws hais kom peb tshaj tawm thiab ua timkhawv rau sawvdaws tias, Abba (יחוח)Yahweh twb tsa (יהושע)Yahshua ua tus uas txiav txim rau cov tibneeg ciaj thiab cov tibneeg tuag. 43 Cov xibhwb cev Abba -(יחוח)Yahweh lus sawvdaws kuj ua timkhawv txog (יהושע)Yahshua tias, txhua tus uas ntseeg nws tau txais kev zam txim hauv (יהושע)Yahshua lub npe.

​

Lwm Haiv neeg Tau Txais Tus Ntsuj Plig

 44 Thaum Kepha tseem tabtom hais tej lus ntawd, Tus Ntsuj Plig Dawbhuv txawm los rau saum txhua tus uas hnov tej lus ntawd.

45 Cov uas twb ua kevcai txiav thiab ntseeg uas nrog Kepha tuaj kuj phimhwj heev vim tias Abba (יחוח)Yahweh hliv Tus Ntsuj Plig Dawbhuv rau lwm haiv neeg thiab, 46 rau qhov lawv hnov cov tibneeg ntawd hais lwm yam lus thiab qhuas ntxhias Abba (יחוח)Yahweh. Kepha txawm hais tias, 47 Leejtwg yuav txwv tau cov tibneeg no uas tau txais Tus Ntsuj Plig Dawbhuv ib yam li peb, tsis pub lawv ua kevcai raus dej? 48 Kepha thiaj hais kom muab lawv ua kevcai raus dej hauv (יהושע)Yahshua Messiah lub npe. Lawv thov kom Kepha nrog lawv nyob ob peb hnub.