Sha-ul Ntxeev Dua Siab

(Tubtxib 22:6-16,26 :12-18)

1 Sha-ul ua nyaum heev hais tias yuav tua (יהושע)Yahshua cov thwjtim, nws thiaj mus cuag tus tuam pov thawj hlob 2 thov ntawv tso cai mus rau tej tsev sablaj hauv lub nroog Damaxakas, es yog ntsib leejtwg taug (יהושע)Yahshua Txojkev tsis hais pojniam los yog txivneej, mas yuav ntes khi coj los rau hauv Yeluxalees.

 3 Thaum Sha-ul tabtom taug kev mus yuav luag txog lub nroog Damaxakas, tamsim ntawd txawm muaj ib tug duab ci nplas saum ntuj tuaj vij nkaus nws.

4 Nws thiaj ntog vau hlo rau hauv pem teb thiab hnov ib lub suab hais tias, Sha-ul, Sha-ul es, ua cas koj tsim txom kuv? 

5 Sha-ul thiaj hais tias, Yawg Hlob, koj yog leejtwg? (יהושע)Yahshua teb tias, kuv yog (יהושע)Yahshua tus uas koj tsim txom ntag.

6 Ces Sha-ul ntshai heev, nws ib ce tshee nyho thiab hais tias, Yawg Hlob, koj xav kom kuv ua abtsi os? (יהושע)Yahshua hais rau nws tias, cia li sawv tsees nkag mus rau hauv lub nroog, yuav muaj tibneeg qhia rau koj paub tias koj yuav tsum ua abtsi. 7 Cov uas nrog nws taug kev mus kuj nres yoob tag. Lawv hnov lub suab tiamsis tsis pom leejtwg.

8 Sha-ul sawv hauv pem teb los, thaum nws qheb qhov muag cas nws tsis pom kev. Lawv thiaj tuav nws tes coj mus rau hauv lub nroog Damaxakas.

9 Nws qhov muag dig tau peb hnub, thiab nws tsis noj tsis haus abtsi li. 10 Hauv lub nroog Damaxakas muaj ib tug thwjtim npe hu ua Ananias. Abba  (יחוח)Yahweh ua yog toog hais rau nws tias, Ananias es. Nws teb tias, Abba (יחוח)Yahweh, kuv nyob ntawm no.

11 Abba (יחוח)Yahweh hais rau nws tias, cia li sawv tsees mus kom txog txojkev uas hu ua Kev Ncaj, thiab mus nrhiav Sha-ul uas yog tibneeg Thaxas hauv Yahdah lub tsev, rau qhov Sha-ul  tabtom thov Abba(יחוח)Yahweh

12 thiab nws ua yog toog pom ib tug yawg npe hu ua Ananias tuaj muab tes npuab rau saum nws kom nws thiaj rov pom kev.

13 Tiamsis Ananias teb tias, kuv tau hnov ntau leej hais txog tus yawg ntawd tias, nws twb ua phem heev npaum li cas rau koj cov tibneeg dawb huv uas nyob hauv lub nroog Yeluxalees lawm. 14 Thiab nws tau ntawv tso cai ntawm cov pov thawj hlob kom tuaj ntes txhua tus uas tuav koj lub npe thov.

15 Tiamsis Abba (יחוח)Yahweh hais rau nws tias, cia li mus, rau qhov nws yog kuv tej cuab yeej uas kuv xaiv cia lawm. Nws yuav coj kuv lub npe mus hais rau lwm haiv neeg thiab tej vajntxwv thiab cov Ixayees. 16 Kuv yuav qhia rau nws paub tias nws yuav raug kev tsim txom npaum li cas vim yog saib rau kuv lub npe. 17 Ces Ananias txawm mus thiab nkag mus rau hauv lub tsev ntawd. Nws tsa tes npuab saum Sha-ul thiab hais tias, kwv Sha-ul es, Abba (יחוח)Yahweh txib kuv tuaj, yog (יהושע)Yahshua uas tshwm rau koj pom thaum koj taug kev tuaj, kom koj thiaj rov pom kev thiab muaj Tus Ntsuj Plig Dawbhuv puv npo.

18 Tamsim ntawd muaj ib yam zoo li daim nplai poob ntawm nws lub qhov muag los nws thiaj rov pom kev, nws thiaj sawv tsees ua kevcai raus dej, 19 thiab noj mov thiab rov muaj zog tuaj.

​

Sha-ul Qhia Txoj Hmoo Zoo Hauv Damaxakas

Sha-ul nrog cov thwjtim hauv lub nroog Damaxakas nyob ntau hnub.

20 Thiab tamsim ntawd nws tshaj tawm txog (יהושע)Yahshua rau hauv tej tsev sablaj hais tias, (יהושע)Yahshua yog Abba (יחוח)Yahweh leej Tub.

21 Sawvdaws uas tau hnov nws hais kuj phimhwj sib tham hais tias, tus no yog tus uas ua phem kawg rau cov uas tuav lub npe no thov hauv Yeluxalees los tsis yog? Qhov uas nws tuaj no twb yog nws tuaj ntes cov ntawd khi coj mus rau cov pov thawj hlob ntag los tsis yog? 

22 Tiamsis Sha-ul muaj zog zuj zus tuaj thiab ua rau cov Yahdaim uas nyob hauv Damaxakas tsis pom qab xav rau qhov nws qhia rau sawvdaws paub tseeb tias (יהושע)Yahshua yog tus Messiah.

23 Dhau ntawd ntau hnub cov Yahdaim txawm ntaus tswvyim yuav tua Sha-ul, 24 tiamsis lawv lub tswvyim twb nrov mus txog Sha-ul lawm. Lawv zov ntawm rooj loog nruab hnub hmo ntuj yuav tua Sha-ul. 25 Tiamsis cov thwjtim muab Sha-ul nyob rau hauv ib lub tawb loj tso dauv ntawm ntsa loog hmo ntuj mus lawm.

​

Sha-ul Nyob Hauv Yeluxalees

26 Thaum Sha-ul mus txog hauv lub nroog Yeluxalees lawm, nws yooj xeeb yuav koom nrog cov thwjtim ua ke, tiamsis lawv sawv-daws ntshai nws, vim tsis ntseeg tias Sha-ul ua thwjtim lawm.

27 Mas Barnabas coj Sha-ul mus cuag cov tubtxib thiab qhia rau lawv mloog tias Sha-ul pom (יהושע)Yahshua hais rau nws ntawm tog kev li cas thiab nws twb muaj lub siab loj qhia hauv (יהושע)Yahshua lub npe rau hauv lub nroog Damaxakas li cas lawm. 28 Ces Sha-ul thiaj koom tau nrog cov tubtxib mus mus los los hauv lub nroog Yeluxalees. Nws muaj siab loj qhuab qhia hauv (יהושע)Yahshua Messiah lub npe. 29 Thiab nws nrog cov Yahdaim uas hais tau lus Greek xwb sib hais thiab sib cav, mas lawv cov ntawd kuj nrhiav kev muab nws tua. 30 Thaum cov kwvtij paub zaj no, lawv txawm coj nws mus rau lub moos Xixalias thiab xa nws mus rau lub moos Thaxas. 31 Cov pawg ntseeg thoob plaws Yahdah, Kalilais thiab Xamalis thiaj nyob kaj siab lug thiab loj hlob. Txhua tus ua lub neej paub ntshai Abba (יחוח)Yahweh thiab tau kev txhawb siab ntawm Tus Ntsuj Plig Dawbhuv, cov pawg ntseeg thiaj huaj vam coob tuaj.

​

Kepha Kho Aine‑as Mob Zoo

 32 Thaum Kepha mus mus los los rau txhua qhov, nws mus txog Abba (יחוח)Yahweh cov tibneeg dawb huv uas nyob hauv lub moos Lidas. 33 Nws ntsib ib tug yawg npe hu ua Aine‑as qhov ntawd, tus yawg ntawd, nws tuag cev pw saum txaj tau yim lub xyoo lawm.

34 Kepha hais rau nws tias, Aine‑as, (יהושע)Yahshua Messiah kho koj zoo. Cia li sawv tsees khaws koj lub chaw pw. Tamsim ntawd nws txawm sawv tsees.

35 Thaum cov tibneeg uas nyob hauv lub moos Lidas thiab ntawm lub tiaj Saloos pom nws zoo, lawv kuj tig los ntseeg Abba (יחוח)Yahweh.

​

Kepha Tsa Daukhas Ciaj Rov Los

36 Hauv lub moos Yaupas muaj ib tug poj-niam uas yog thwjtim hu ua Thanpithas uas lus Greek hu ua Daukhas. Tus pojniam no pheej ua zoo rau luag thiab pab cov txom nyem ntau heev. 37 Lub sijhawm ntawd tus pojniam ntawd txawm mob thiab tuag lawm. Thaum lawv muab nws lub cev ntxuav, lawv muab nws tso rau ib chav tsev txheej sab saud.

38 Lub moos Lidas nyob ze lub moos Yaupas. Thaum cov thwjtim hnov tias Kepha nyob qhov ntawd, lawv txawm txib nkawv mus thov nws hais tias, thov koj tuaj cuag peb sai sai. 39 Kepha txawm sawv tsees nrog nkawv mus. Thaum Kepha mus txog lawm, lawv coj nws mus rau chav uas nyob txheej sab saud. Cov poj ntsuam sawvdaws kuj sawv ntsug vij Kepha quaj thiab qhia nws saib txhua yam tsoos tsho uas Daukhas ua thaum nws tseem muaj txojsia nyob.

40 Kepha txawm kom lawv sawvdaws tawm mus sab nraud, mas nws txawm txhos caug thov Abba (יחוח)Yahweh thiab tig los hais rau tus tuag tias, Thanpithas, cia li sawv tsees. Ces Thanpithas txawm qheb qhov muag pom Kepha thiab sawv los zaum. 41 Kepha cev tes mus rub nws sawv. Nws hu cov tibneeg dawb huv thiab cov poj ntsuam rov los thiab muab tus pojniam uas ciaj rov los ntawd cob rau lawv.

42 Tej xwm txheej ntawd nrov ncha thoob plaws lub moos Yaupas, thiab muaj tibneeg coob coob los ntseeg Abba (יחוח)Yahweh.

43 Kepha nyob hauv lub moos Yaupas ntau hnub, nws so hauv Simon uas yog tus Kws luam tawv lub tsev.

​