(יחוח)Yahweh Hu Xamuyees

1 Elis qhia tus metub Xamuyees ua koom tu (יחוח)Yahweh.  Ncua sijhawm ntawd (יחוח)Yahweh tsis hais lus tuaj ntau pes tsawg, thiab tsis muaj yog toog ntau.  

2 Thaum ntawd Elis pw hauv nws lub txaj, nws lub qhov muag tsis tshua pom kev lawm.

3 (יחוח)Yahweh lub teeb tseem ci, thiab Xamuyees tseem pw hauv (יחוח)Yahweh lub tsev ntaub uas muaj (יחוח)Yahweh lub phij xab.

4 (יחוח)Yahweh hu tias, Xamuyees, Xamuyees. Mas Xamuyees teb tias, kuv nyob ntawm no os.

5 Nws txawm khiav mus hais rau Elis tias, kuv nyob no os, koj hu kuv lov. Tiamsis Elis hais tias, kuv tsis tau hu koj. Cia li rov qab mus pw.  Xamuyees txawm rov mus pw.

6 (יחוח)Yahweh rov hu dua tias, Xamuyees. Mas Xamuyees sawv tsees mus rau ntawm Elis thiab hais tias, kuv nyob no os, koj hu kuv lov.  Tiamsis Elis hais tias, me tub, kuv tsis tau hu koj. Cia li rov qab mus pw.  

7 Xamuyees tsis tau paub dua (יחוח)Yahweh thiab (יחוח)Yahweh tsis tau hais lus tuaj rau nws dua li.

8 Mas (יחוח)Yahweh hu Xamuyees zaum peb. Nws sawv tsees mus rau ntawm Elis thiab hais tias, kuv nyob no os, koj twb hu kuv kawg sav. Ces Elis thiaj paub tias yog (יחוח)Yahweh hu tus me tub ntawd.

9 Yog li ntawd Elis thiaj hais rau Xamuyees tias, cia li rov qab mus pw.  Yog nws rov hu koj, koj cia li teb tias, (יחוח)Yahweh, thov koj cia li hais, kuv uas yog koj tus ub qhe yuav tig ntsej mloog. Xamuyees txawm rov mus pw hauv nws lub chaw.  

10 (יחוח)Yahweh los sawv ntsug hu ib yam li uas dhau los hais tias, Xamuyees, Xamuyees.  Mas Xamuyees hais tias, thov koj cia li hais, kuv uas yog koj tus tub qhe yuav tig ntsej mloog.

11 Mas (יחוח)Yahweh hais rau Xamu-yees tias, saib maj, kuv yuav ua ib yam tshwm rau hauv cov Ixayees, txhua tus uas tau hnov yuav rhiab ob sab pob ntseg huvsi.

12 Hnub ntawd kuv yuav ua tej uas kuv hais txog Elis caj ces tiav rau Elis, txij thaum pib mus txog thaum kawg.

13 Kuv twb hais rau nws tias kuv yuav txiav txim rau nws caj ces mus ib txhis, rau qhov nws twb paub lawm tias, nws ob tug tub ua tej kev txhaum txim uas hais lus tuam mom (יחוח)Yahweh, los nws kuj tsis txwv.

14 Vim li no, kuv thiaj cog lus tawv rau Elis caj ces tias, Elis caj ces lub txim ntawd txawm yog tua tsiaj xyeem thiab muab qhov txhia chaw xyeem los ntxuav tsis tau mus ib txhis li.

15 Xamuyees pw mus txog kaj ntug, nws mam qhib (יחוח)Yahweh lub tsev ntaub tej qhov rooj.  Xamuyees ntshai tsis kav hais tej yog toog ntawd rau Elis.

16 Tiamsis Elis hu Xamuyees los thiab hais tias, kuv tus tub Xamuyees es. Xamuyees teb tias, kuv nyob no os.

17 Elis nug tias, tej uas (יחוח)Yahweh hais rau koj yog abtsi? Cia li hais rau kuv tsis txhob zais kiag li.  Yog koj zais tej uas (יחוח)Yahweh qhia koj ntawd, ib yam abtsi tsis kam qhia kuv, thov (יחוח)Yahweh rau txim rau koj thiab rau nyhav dua.

18 Yog li ntawd Xamuyees thiaj qhia txhua yam rau Elis tsis zais ib yam abtsi li. Mas Elis hais tias, nws yog (יחוח)Yahweh, cia nws ua raws li nws pom zoo.

19 Xamuyees kuj loj hlob thiab (יחוח)Yahweh nrog nraim nws thiab tsis pub Xamuyees tej lus poob ib los kiag li.  

20 Cov Ixayees tag nrho txij ntua lub moos Daj mus txog lub moos Npesinpas puav leej paub tias Xamuyees raug muab tsa ua xibhwb cev (יחוח)Yahweh lus lawm.

21 Thiab (יחוח)Yahweh tseem los tshwm rau ntawm Silaus, rau qhov (יחוח)Yahweh hais lus tuaj rau Xamuyees qhia nws paub txog (יחוח)Yahweh ntawm lub moos Silaus.