Suav Cov Ixayees Hauv Mau‑as

1 Thaum dhau tej xwm Txheej kev ploj tuag ntawd lawd, (יחוח)Yahweh hais rau Mauxes thiab Ele‑axas uas yog pov thawj Aloos tus tub tias,

2 cia li muab cov Ixayees sawvdaws nce npe raws li lawv tsev neeg, cov uas hnub nyoog muaj nees nkaum xyoo rov saud, txhua tus hauv cov Ixayees uas ua tau tub rog.

3 Mauxes thiab pov thawj Ele‑axas thiaj hais rau lawv hauv lub tiaj Mau‑as ntawm ntug dej Yaladees uas ncaj lub moos Yelikhaus hais tias,

4 cia li muab cov tibneeg nce npe, cov uas hnub nyoog nees nkaum xyoo rov saud, raws li (יחוח)Yahweh hais rau Mauxes. Cov Ixayees uas tawm hauv Iziv tebchaws los yog li no,

5 Lunpees yog Ixayees tus tub hlob.  Lunpees cov tub yog Hanaus thiab Hanaus cum, Palus thiab Palus cum,

6 Hexaloos thiab Hexaloos cum, Khamis thiab Khamis cum. 

7 Cov no yog tej cum hauv xeem Lunpees, huvsi muaj 43,730 leej. 

8 Palus tus tub yog Elias,

9 Elias cov tub yog Nemu‑ees, Dathas thiab Anpilas. Dathas thiab Anpilas no yog ob tug uas cov pejxeem xaiv los es nrog Khaulas pab sawv tiv Mauxes thiab Aloos rau thaum uas lawv sawv tiv (יחוח)Yahweh,

10 mas av thiaj li rua ncauj nqos nkawv thiab Khaulas ua ke rau thaum uas pab ntawd tuag thiab thaum hluavtaws hlawv ob puas tsib caug leej tuag tag.  Qhov uas lawv raug tua tuag ntawd yog qhuab ntuas sawvdaws. 

11 Tiamsis Khaulas cov tub tuag tsis tag.

12 Xime‑oos cov tub thiab lawv tej cum yog Nemu‑ees thiab Nemu‑ees cum, Yamis thiab Yamis cum, Yakhis thiab Yakhis cum,

13 Xelag thiab Xelag cum, Sha-ul thiab Sha-ul cum. 

14 Cov no yog tej cum hauv xeem Xime‑oos, huvsi muaj 22,000 leej. 

15 Kas cov tub thiab lawv tej cum yog Xefoos thiab Xefoos cum, Hakiv thiab Hakiv cum, Sunis thiab Sunis cum,

16 Auxanis thiab Auxanis cum, Elis thiab Elis cum,

17 Alaus thiab Alaus cum, Alelis thiab Alelis cum. 

18 Cov no yog Nkas cov tub tej cum, huvsi muaj 40,500 leej.

19 Yahdah cov tub yog Ws thiab Aunas.  Ws thiab Aunas nkawv tuag hauv Khana‑as tebchaws lawm. 

20 Yahdah cov tub thiab lawv tej cum yog Selas thiab Selas cum, Peles thiab Peles cum, Xelag thiab Xelag cum. 

21 Peles cov tub yog Hexaloos thiab Hexaloos cum, Hamus thiab Hamus cum.

22 Cov no yog tej cum hauv xeem Yahdah, huvsi muaj 76,500 leej. 

23 Ixakhas cov tub thiab lawv tej cum yog Thaulas thiab Thaulas cum, Puvas thiab Puvas cum,

24 Yasus thiab Yasus cum, thiab Siloos thiab Siloos cum.

25 Cov no yog tej cum hauv xeem Ixakhas, huvsi muaj 64,300 leej.   

26 Xenpuloos cov tub thiab lawv tej cum yog Xeles thiab Xeles cum, Eloos thiab Eloos cum thiab Yale‑ees thiab Yale‑ees cum. 

27 Cov no yog tej cum hauv xeem Xenpuloos, huvsi muaj 60,500 leej. 

28 Yahxej cov tub thiab lawv tej cum yog Manaxes thiab Efas‑is. 

29 Manaxes cov tub yog Makhis thiab Makhis cum (Makhis yog Kile‑as txiv), thiab Kile‑as thiab Kile‑as cum. 

30 Kile‑as cov tub yog Iyexaws thiab Iyexaws cum, Heleb thiab Heleb cum,

31 Ali‑ees thiab Ali‑ees cum, Sekhees thiab Sekhees cum,

32 Semidas thiab Semidas cum thiab Hefaws thiab Hefaws cum. 

33 Hefaws tus tub Xelaufehas tsis muaj tub, muaj ntxhais xwb. Xelaufehas cov ntxhais yog Malas, Nau‑as, Haulas, Meekhas thiab Thilaxas.

34 Cov no yog tej cum hauv xeem Manaxes, huvsi muaj 52,700 leej. 

35 No yog Efas‑is cov tub thiab lawv tej cum.  Suthelas thiab Suthelas cum, Npekhaws thiab Npekhaws cum, thiab Thahas thiab Thahas cum.

36 No yog Suthelas cov tub, Elaj thiab Elaj cum.

37 Cov no yog Efas‑is cov tub tej cum, huvsi muaj 32,500 leej. No yog Yahxej cov tub thiab lawv tej cum.

38 Npeeyamees cov tub thiab lawv tej cum yog Npelas thiab Npelas cum, Asanpees thiab Asanpees cum, Ahilas thiab Ahilas cum,

39 Sefufas thiab Sefufas cum, thiab Hufas thiab Hufas cum. 

40 Npelas cov tub yog As thiab Na‑amas, yog As thiab As cum, thiab Na‑amas thiab Na‑amas cum. 

41 Cov no yog Npeeyamees cov tub thiab lawv tej cum, muaj 45,600 leej. 

42 No yog Daj thiab Daj tus tub cum, yog Suhas thiab Suhas cum.  Cov no yog xeem Daj thiab Daj tus tub cum, 43mas Suhas cum huvsi muaj 64,400 leej. 

44 Asaws cov tub thiab lawv tej cum yog Inas thiab Inas cum, Isavis thiab Isavis cum, thiab Npeliyah thiab Npeliyah cum.

45 Npeliyah cov tub yog Henpaws thiab Henpaws cum, thiab Makhi‑ ees thiab Makhi‑ees cum. 

46 Asaws tus ntxhais hu ua Xelag. 

47 Cov no yog Asaws cov tub tej cum, huvsi muaj 53,400 leej. 

48 Nathalis cov tub thiab lawv tej cum yog Yaxe‑ees thiab Yaxe‑ees cum, Kunis thiab Kunis cum,

49 Yexaws thiab Yexaws cum, thiab Silees thiab Silees cum. 

50 Cov no yog xeem Asaws thiab lawv tej cum, huvsi muaj 45,400 leej.

51 Cov Ixayees uas suav cia no huvsi muaj 601,730 leej.

52 (יחוח)Yahweh hais rau Mauxes tias,

53 muab lub tebchaws faib ua qub txeeg qub teg rau cov Ixayees raws li tej npe uas suav cia.

54 Xeem uas coob mas muab thaj uas dav ua lawv qub txeeg qub teg, xeem uas tsawg muab thaj uas nqaim ua lawv qub txeeg qub teg.  Txhua xeem yuav tau qub txeeg qub teg npaum li lawv cov tibneeg.

55 Muab lub tebchaws ua ntawv rho faib, mas raws li txhua xeem tej npe xeem lawv yuav tau qub txeeg qub teg.

56 Rho ntawv faib tebchaws ua qub txeeg qub teg rau lawv raws li xeem coob xeem tsawg. 

57 No yog cov Levis uas suav raws li lawv tej cum, Nkawsoos thiab Nkawsoos cum, Khauhas thiab Khauhas cum, thiab Melalis thiab Melalis cum.

58 No kuj yog tej cum hauv xeem Levis, Linis cum, Henploos cum, Malis cum, Musis cum, thiab Khaulas cum.  Khauhas yog Alav txiv.

59 Alav tus pojniam yog Yaukhenpes, yog Levis tus ntxhais uas yug hauv Iziv tebchaws. Yaukhenpes thiab Alav cov menyuam yog Aloos thiab Mauxes thiab nkawv tus muam hlob Mili‑as. 

60 Aloos cov tub yog Nadas, Anpihus, Ele‑axas thiab Ithamas.

61 Tiamsis Nadas thiab Anpihus tuag rau thaum nkawv ua hluavtaws uas tsis dawb huv xyeem ntawm (יחוח)Yahweh xubntiag.   

62 Cov uas suav ntawd mas huvsi muaj 23,000 leej, yog txhua tus txivneej uas hnub nyoog muaj ib hlis rov saud, mas tsis muab lawv suav nrog cov Ixayees ua ke, rau qhov tsis muab qub txeeg qub teg hauv Ixayees rau lawv.

63 Cov tibneeg no yog cov uas Mauxes thiab pov thawj Ele‑axas tau suav cia hauv lub tiaj Mau‑as ntawm ntug dej Yaladees ncaj lub

moos Yelikhaus. 

64 Cov Ixayees uas Mauxes thiab pov thawj Aloos tau suav hauv tebchaws moj sab qhua Xinais, mas tsis tshuav ib tug nyob hauv cov no li lawm.

65 Vim (יחוח)Yahweh twb hais txog lawv tias lawv yuav tuag tag rau hauv tebchaws moj sab qhua. Tsis muaj ib tug tshuav nyob li, tsuas yog tshuav Yefunes tus tub Khalej thiab Noos tus tub Yahshua xwb.