Tej Ntu Uas Cov Ixayees Mus

1 No yog tej ntu kev uas cov Ixayees mus thaum lawv tawm hauv Iziv tebchaws mus ua tej pab tej pawg li uas Mauxes thiab Aloos coj lawv. 

2 Mauxes tau sau txhua lub chaw uas lawv tawm mus ua ib ntus ib ntus raws li (יחוח)Yahweh hais kom mus. No yog tej ntu kev thiab tej chaw uas lawv tawm mus.  3 Lawv sawv kev tawm hauv lub moos Lamexes mus yog lub ib hlis, hnub xiab kaum tsib, yog hnub uas lawv ua kevcai Hla Dhau tag hnub tom qab, mas cov Ixayees tawm mus ua siab loj siab tuab tab meeg cov Iziv sawvdaws.

4 Lub sijhawm ntawd cov Iziv tab tom pam tuag faus lawv txhua tus tub hlob uas (יחוח)Yahweh muab tua hauv lawv nruab nrab. (יחוח)Yahweh kuj rau txim rau lawv tej dab.

5 Yog li no cov Ixayees thiaj sawv kev tawm hauv Lamexes mus tsuam chaw nyob rau ntawm Xukhaus. 

6 Lawv sawv kev tawm ntawm Xukhaus mus tsuam chaw nyob rau ntawm Etham uas nyob ntawm ntug tebchaws moj sab qhua.

7 Lawv sawv kev tawm ntawm Etham tig rov qab mus rau Pihahilaus uas nyob Npa‑as Xefoos sab hnub tuaj thiab mus tsuam chaw nyob ze ntawm Midoos. 

8 Lawv sawv kev tawm ntawm Pihahilaus hla hauv nruab nrab hiavtxwv mus txog tebchaws moj sab qhua. Lawv mus hauv tebchaws moj sab qhua Etham tau peb hnub mas mus tsuam chaw nyob rau ntawm Malas. 

9 Lawv sawv kev tawm ntawm Malas mus txog Elees. Ntawm Elees muaj kaum ob lub qhov dej txhawv thiab xya caum tsob toov laj mas lawv tsuam chaw nyob rau ntawd.

10 Lawv sawv kev tawm ntawm Elees mus tsuam chaw nyob rau ntawm Hiavtxwv Liab. 

11 Lawv sawv kev tawm ntawm Hiavtxwv Liab mus tsuam chaw nyob rau hauv tebchaws moj sab qhua Xis. 

12 Lawv sawv kev tawm ntawm tebchaws moj sab qhua Xis mus tsuam chaw nyob rau ntawm Daukhas.

13 Lawv sawv kev tawm ntawm Daukhas mus tsuam chaw nyob rau ntawm Aluj.

14 Lawv sawv kev tawm ntawm Aluj mus tsuam chaw nyob rau ntawm Lefidees, qhov ntawd tsis muaj dej rau cov pejxeem haus. 

15 Lawv sawv kev tawm ntawm Lefidees mus tsuam chaw nyob rau ntawm tebchaws moj sab qhua Xinais.

16 Lawv sawv kev tawm ntawm tebchaws moj sab qhua Xinais mus tsuam chaw nyob rau ntawm Khilaus Hata‑avas.

17 Lawv sawv kev tawm ntawm Khilaus Hata‑avas mus tsuam chaw nyob rau ntawm Haxelaus.

18 Lawv sawv kev tawm ntawm Haxelaus mus tsuam chaw nyob rau ntawm Limas.

19 Lawv sawv kev tawm ntawm Limas mus tsuam chaw nyob rau ntawm Limoopeles.

20 Lawv sawv kev tawm ntawm Limoopeles mus tsuam chaw nyob rau ntawm Linas.

21 Lawv sawv kev tawm ntawm Linas mus tsuam chaw nyob rau ntawm Lixas. 

22 Lawv sawv kev tawm ntawm Lixas mus tsuam chaw nyob rau ntawm Kehelathas. 

23 Lawv sawv kev tawm ntawm Kehelathas mus tsuam chaw nyob rau ntawm lub roob Sefaws. 

24 Lawv sawv kev tawm ntawm lub roob Sefaws mus tsuam chaw nyob rau ntawm Haladas.

25 Lawv sawv kev tawm ntawm Haladas mus tsuam chaw nyob rau ntawm Mahelaus.

26 Lawv sawv kev tawm ntawm Mahelaus mus tsuam chaw nyob rau ntawm Thahas.

27 Lawv sawv kev tawm ntawm Thahas mus tsuam chaw nyob rau ntawm Thelas. 

28 Lawv sawv kev tawm ntawm Thelas mus tsuam chaw nyob rau ntawm Mibkhas. 

29 Lawv sawv kev tawm ntawm Mibkhas mus tsuam chaw nyob rau ntawm Hamaunas.

30 Lawv sawv kev tawm ntawm Hamaunas mus tsuam chaw nyob rau ntawm Mauxelaus.

31 Lawv sawv kev tawm ntawm Mauxelaus mus tsuam chaw nyob rau ntawm Npenes Ya‑akhas. 

32 Lawv sawv kev tawm ntawm Npenes Ya‑akhas mus tsuam chaw nyob rau ntawm Hauhakikas.

33 Lawv sawv kev tawm ntawm Hauhakikas mus tsuam chaw nyob rau ntawm Yaunpathas. 

34 Lawv sawv kev tawm ntawm Yaunpathas mus tsuam chaw nyob rau ntawm Aplaunas. 

35 Lawv sawv kev tawm ntawm Aplaunas mus tsuam chaw nyob rau ntawm Exi‑oos Kenpaws.

36 Lawv sawv kev tawm ntawm Exi‑oos Kenpaws mus tsuam chaw nyob rau ntawm tebchaws moj sab qhua Xees (uas yog Khades).

37 Lawv sawv kev tawm ntawm Khades mus tsuam chaw nyob rau ntawm lub roob Haus uas nyob tebchaws Edoos ciam teb. 

38 Mas pov thawj Aloos nce saum lub roob Haus raws li (יחוח)Yahweh hais rau nws mas nws tuag rau ntawd lawm, yog lub tsib hlis, hnub xiab ib, xyoo plaub caug, suav txij li hnub uas cov Ixayees tawm hauv Iziv tebchaws los. 

39 Thaum Aloos tuag rau saum lub roob Haus ntawd nws hnub nyoog muaj ib puas nees nkaum peb xyoos. 

40 Tus vajntxwv uas yog tibneeg Khana‑as uas kav lub moos Alaj uas nyob ntawm Nekes hauv Khana‑as tebchaws hnov xov tias cov Ixayees taug kev tuaj.  41 Lawv sawv kev tawm ntawm lub roob Haus mus tsuam chaw nyob rau ntawm Xamaunas.

42 Lawv sawv kev tawm ntawm Xamaunas mus tsuam chaw nyob rau ntawm Punoos.

43 Lawv sawv kev tawm ntawm Punoos mus tsuam chaw nyob rau ntawm Aunpaus.

44 Lawv sawv kev tawm ntawm Aunpaus mus tsuam chaw nyob rau ntawm Iye‑anpalishauv tebchaws Mau‑as.

45 Lawv sawv kev tawm ntawm Iye‑anpalishauv mus tsuam chaw nyob rau ntawm Dinpoos Nkas. 

46 Lawv sawv kev tawm ntawm Dinpoos Nkas mus tsuam chaw nyob rau ntawm Asmoos Dilatha‑is.

47 Lawv sawv kev tawm ntawm Asmoos Dilatha‑is mus tsuam chaw nyob rau hauv tej roob Anpalis ze ntawm Nenpaus. 

48 Lawv sawv kev tawm ntawm tej roob Anpalis mus tsuam chaw nyob rau hauv lub tiaj Mau‑as ntawm ntug dej Yaladees uas ncaj lub moos Yelikhaus.

49 Lawv tsuam chaw nyob ntawm ntug dej Yaladees txij ntua lub moos Npe Yesimaus mus txog ntua Anpees Sithis hauv lub tiaj Mau‑as. 

Faib Khana‑as Tebchaws

50 (יחוח)Yahweh hais rau Mauxes hauv lub tiaj Mau‑as ntawm ntug dej Yaladees uas ncaj lub moos Yelikhaus tias,

51 cia li hais rau cov Ixayees tias, thaum nej hla tus dej Yaladees mus rau hauv Khana‑as tebchaws,

52 nej yuav muab cov tibneeg hauv lub tebchaws ntawd txhua tus ntiab ntawm nej xubntiag mus, thiab muab lawv tej dab mlom uas txaug pob zeb ua thiab tej dab mlom uas lawv nchuav rhuav tshem kom puam tsuaj huvsi, thiab muab tej chaw siab teev dab tsoo kom puam tsuaj tag huvsi.

53 Thiab nej yuav txeeb kav kiag lub tebchaws ntawd thiab mus nyob rau hauv, rau qhov kuv twb muab lub tebchaws ntawd pub rau nej ua nej tug.

54 Nej yuav muab lub tebchaws rho ntawv faib ua qub txeeg qub teg rau nej raws li nej tej xeem. Xeem twg coob kuj muab thaj uas dav rau xeem ntawd, xeem twg tsawg kuj muab thaj uas nqaim rau xeem ntawd. Leejtwg rho tau thaj teb twg, kuj cia nws yuav thaj teb ntawd. Nej yuav tau qub txeeg qub teg hauv nej tej poj koob yawm txwv lub xeem.

55 Tiamsis yog nej tsis muab cov tibneeg uas nyob hauv lub tebchaws ntawd ntiab khiav ntawm nej xubntiag mus mas cov uas nej tso tseg cia nyob ntawd yuav zoo yam nkaus li tus pos uas chob nej lub ntsiab muag lawm, thiab zoo li tej pos kaus ntsaj uas chob nej sab tav, thiab lawv yuav ua kev ceeblaj rau nej rau hauv lub tebchaws uas nej nyob ntawd. 

56 Mas kuv yuav ua rau nej ib yam nkaus li uas kuv twb xav hais tias kuv yuav ua rau lawv cov ntawd.